Just In
- 2 min ago Google Maps: ಇವಿ ಮಾಲೀಕರೇ ಆತಂಕ ಬಿಡಿ... ಗೂಗಲ್ ಮ್ಯಾಪ್ಸ್ ಭರ್ಜರಿ ಅಪ್ಡೇಟ್!
- 27 min ago ಫ್ಯಾಮಿಲಿ ಕಾರಾಗಿ ಜನರ ಮನಗೆದ್ದ ಹ್ಯುಂಡೈ ಅಲ್ಕಾಜರ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
- 1 hr ago Elevate: ಶ್ರೀಸಾಮಾನ್ಯನ ಬಿಎಂಡಬ್ಲ್ಯೂ.. ಹೋಂಡಾ ಎಲಿವೇಟ್ ಖರೀದಿಸಬೇಕೇ? ಆನ್-ರೋಡ್ ಬೆಲೆ ಎಷ್ಟು, EMI ಏನು?
- 2 hrs ago ಜಾವಾ ಮೋಟಾರ್ಸೈಕಲ್ ಮಾಲೀಕರಿಗೆ ಸಿಹಿಸುದ್ದಿ: ಈ ಅವಕಾಶ ಕಳೆದುಕೊಳ್ಳಬೇಡಿ!
Don't Miss!
- Finance ಇಳಿಕೆ ಕಂಡ ನೆಸ್ಲೆ ಇಂಡಿಯಾ ಷೇರು: ಸೆರೆಲಾಕ್ನಲ್ಲಿ ಸಕ್ಕರೆ ಬಗ್ಗೆ ಸಂಸ್ಥೆಯ ಸ್ಪಷ್ಟನೆ ಏನು?
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- News Bengaluru Suburban Rail Project: ಹಳ್ಳ ಹಿಡಿದ ₹15,767 ಕೋಟಿ ವೆಚ್ಚದ ಕಾಮಗಾರಿ, ಜನಸಾಮಾನ್ಯರು ಹೇಳೋದೇನು ಗೊತ್ತಾ?
- Movies ನಟಿ ಪ್ರೀತಿ ಜಿಂಟಾ ಮದುವೆ ಮುನ್ನವೇ 34 ಮಕ್ಕಳಿಗೆ ತಾಯಿ ಪ್ರೀತಿ ನೀಡಿದ ವಿಷಯ ನಿಮಗೆ ಗೊತ್ತೇ?
- Lifestyle ಸ್ವತಂತ್ರ ಭಾರತದ ಮೊದಲ ಮತದಾರನಿಲ್ಲದ ಮೊದಲ ಚುನಾವಣೆ ಇದು..! ಯಾರು ಈ ಮತದಾರ ಗೊತ್ತಾ?
- Sports IPL 2024: ಪಂಜಾಬ್ ಕಿಂಗ್ಸ್ ವಿರುದ್ಧ ಗೆದ್ದರೂ ಹಾರ್ದಿಕ್ ಪಾಂಡ್ಯಗೆ ಭಾರೀ ಮೊತ್ತದ ದಂಡ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಐಷಾರಾಮಿ ದೋಣಿ ಅಭಿವೃದ್ಧಿಪಡಿಸಿದ ಖ್ಯಾತ ಕಾರು ತಯಾರಕ ಕಂಪನಿ
ಇಟಲಿ ಮೂಲದ ಐಷಾರಾಮಿ ಕಾರು ತಯಾರಕ ಕಂಪನಿಯಾದ ಲ್ಯಾಂಬೊರ್ಗಿನಿ ಐಷಾರಾಮಿ ವಿಹಾರ ನೌಕೆಯನ್ನು ಅಭಿವೃದ್ಧಿಪಡಿಸಿದೆ. ಕಂಪನಿಯು ದೋಣಿ ತಯಾರಿಕೆಯಲ್ಲಿ ತೊಡಗಿಸಿಕೊಳ್ಳುತ್ತಿರುವುದು ಇದೇ ಮೊದಲ ಬಾರಿಯಲ್ಲ.
ಕಂಪನಿಯು ಕಳೆದ ಕೆಲವು ವರ್ಷಗಳಿಂದ ಹೆಚ್ಚು ಸಾಮರ್ಥ್ಯದ ದೋಣಿಗಳ ಉತ್ಪಾದನೆಯಲ್ಲಿ ತೊಡಗಿಸಿಕೊಂಡಿದೆ. ಲ್ಯಾಂಬೊರ್ಗಿನಿ ಕಂಪನಿಯು ದೋಣಿಗಳ ಉತ್ಪಾದನೆಗೆ ಇಟಲಿ ಸೀ ಗ್ರೂಪ್'ನೊಂದಿಗೆ ಸಹ ಭಾಗಿತ್ವ ಮಾಡಿ ಕೊಂಡಿದೆ.
ಈ ಎರಡು ಕಂಪನಿಗಳು ಜೊತೆಯಾಗಿ ಲ್ಯಾಂಬೊರ್ಗಿನಿ 63 ಎಂಬ ಹೈಸ್ಪೀಡ್ ಐಷಾರಾಮಿ ದೋಣಿಯನ್ನು ಉತ್ಪಾದಿಸಿವೆ. ಲ್ಯಾಂಬೊರ್ಗಿನಿ ಕಂಪನಿಯು 1963 ರಿಂದ ಐಷಾರಾಮಿ ಕಾರುಗಳ ಉತ್ಪಾದನೆಯಲ್ಲಿ ತೊಡಗಿದೆ.
ಈ ಕಾರಣಕ್ಕೆ ಐಷಾರಾಮಿ ದೋಣಿಗೆ ಲ್ಯಾಂಬೊರ್ಗಿನಿ 63 ಎಂಬ ಹೆಸರನ್ನಿಡಲಾಗಿದೆ. ಸುಮಾರು 3.5 ಮಿಲಿಯನ್ ಡಾಲರ್ ವೆಚ್ಚದಲ್ಲಿ ಈ ದೋಣಿಯನ್ನು ನಿರ್ಮಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ. ಈ ದೋಣಿಯು ತೇಲುವ ಅರಮನೆಯಂತೆ ಕಾಣುತ್ತದೆ.
ಈ ಲ್ಯಾಂಬೊರ್ಗಿನಿ ದೋಣಿ ಕಂಪನಿಯ ಐಷಾರಾಮಿ ಕಾರುಗಳಿಗಿಂತ ಯಾವುದರಲ್ಲೂ ಕಡಿಮೆಯಿಲ್ಲ. ಈ ದೋಣಿಯಲ್ಲಿ ಲ್ಯಾಂಬೊರ್ಗಿನಿ ಕಂಪನಿಯ ಕಾರುಗಳಿಗಿಂತ ಹೆಚ್ಚು ಫೀಚರ್'ಗಳನ್ನು ಅಳವಡಿಸಲಾಗಿದೆ ಎಂಬುದು ಗಮನಾರ್ಹ.
ಈ ದೋಣಿಯಲ್ಲಿ ವಿಶಾಲವಾದ ಕ್ಯಾಬಿನ್, ಸೂರ್ಯನ ಬೆಳಕು ಸುಲಭವಾಗಿ ಒಳ ಪ್ರವೇಶಿಸಲು ತೆರೆಯುವಿಕೆ, ಐಷಾರಾಮಿ ಸೀಟುಗಳು, ದೊಡ್ಡ ಟಿವಿ ಸೆಟ್ ಸೇರಿದಂತೆ ವಿವಿಧ ಫೀಚರ್'ಗಳನ್ನು ನೀಡಲಾಗಿದೆ.
ಲ್ಯಾಂಬೊರ್ಗಿನಿ 63 ದೋಣಿಯು ಮಿನಿ ಬಾರ್ ಅನ್ನು ಸಹ ಹೊಂದಿದೆ. ಇದರಿಂದ ಈ ದೋಣಿಯಲ್ಲಿ ಮೋಜು, ಮಸ್ತಿ ಮಾಡಬಹುದು. ಈ ದೋಣಿಯನ್ನು ಶ್ರೀಮಂತರಿಗಾಗಿಯೇ ವಿನ್ಯಾಸಗೊಳಿಸಲಾಗಿದೆ.
ಈ ದೋಣಿಯ ವಿನ್ಯಾಸ ಹಾಗೂ ದೋಣಿಯಲ್ಲಿರುವ ಸೌಕರ್ಯಗಳು ಎದ್ದು ಕಾಣುತ್ತವೆ. ಈ ದೋಣಿಯಲ್ಲಿ ವರ್ಡೆ ಕಿಯಾನ್ ಬಣ್ಣವನ್ನು ಬಳಸಲಾಗಿದೆ. ಲ್ಯಾಂಬೊರ್ಗಿನಿ ಕಂಪನಿಯು ಇದೇ ಬಣ್ಣವನ್ನು ತನ್ನ ಸೀಮಿತ ಆವೃತ್ತಿಯ ಸಿಯಾನ್ ಎಫ್ಕೆಬಿ 37 ಕಾರಿನಲ್ಲೂ ಬಳಸಿದೆ.
ಲ್ಯಾಂಬೊರ್ಗಿನಿ ಕಂಪನಿಯು ಈ ದೋಣಿಯನ್ನು ಸ್ಲಿಮ್ ವಿನ್ಯಾಸದಲ್ಲಿ ತಯಾರಿಸಿದೆ. ಆದರೂ ಈ ದೋಣಿ ಹೆಚ್ಚು ವಿಶಾಲವಾಗಿದೆ. ಈ ದೋಣಿ ಲ್ಯಾಂಬೊರ್ಗಿನಿಯ ಅವೆಂಟಡಾರ್ ಕಾರಿನಲ್ಲಿರುವ ಕೆಲವು ಫೀಚರ್'ಗಳನ್ನು ಹೊಂದಿದೆ.
ಈ ದೋಣಿಯಲ್ಲಿ ಅವೆಂಟಡಾರ್ ಕಾರಿನಲ್ಲಿರುವಂತಹ ಸ್ಟೀಯರಿಂಗ್ ವ್ಹೀಲ್, ಕ್ಯಾಬಿನ್ ಇಂಟೀರಿಯರ್ ಸ್ಟೈಲ್ ಹಾಗೂ ಸೀಟ್ ಬೆಲ್ಟ್ಗಳನ್ನು ನೀಡಲಾಗಿದೆ. ಈ ದೋಣಿಯ ಬಾಡಿ ಕಾರ್ಬನ್ ಫೈಬರ್'ನಿಂದ ಮಾಡಲ್ಪಟ್ಟಿದೆ.
ಈ ಬಾಡಿ ಹಗುರವಾಗಿದ್ದು, ಹೆಚ್ಚು ಗಟ್ಟಿಮುಟ್ಟಾಗಿದೆ. ಈ ದೋಣಿಯಲ್ಲಿ ಮ್ಯಾನ್ ವಿ 12 ಡೀಸೆಲ್ ಮೋಟರ್ ಅಳವಡಿಸಲಾಗಿದೆ. ಈ ಮೋಟರ್ ಗರಿಷ್ಠ 2,000 ಬಿಹೆಚ್ಪಿ ಪವರ್ ಉತ್ಪಾದಿಸುತ್ತದೆ. ಈ ದೋಣಿಯ ಟಾಪ್ ಸ್ಪೀಡ್ 60 ಕ್ನಾಟ್'ಗಳಾಗಿದೆ.