Just In
- 3 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 6 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 6 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 8 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- News ಲೋಕಸಭಾ ಚುನಾವಣೆ 2ನೇ ಹಂತದ ಬಹಿರಂಗ ಪ್ರಚಾರಕ್ಕೆ ನಾಳೆ ತೆರೆ; ಮನೆ ಮನೆ ಪ್ರಚಾರಕ್ಕೆ ಅವಕಾಶ
- Movies Bhagyalakshmi: ಕೆಲಸ ಹುಡುಕುವುದೇ ಭಾಗ್ಯಾಗೆ ಸವಾಲು; ಶ್ರೇಷ್ಠಾಳಿಂದ ತಾಂಡವ್ಗಿಲ್ಲ ಉಳಿಗಾಲ
- Lifestyle ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- Sports CSK vs LSG IPL 2024: ರುತುರಾಜ್ ಭರ್ಜರಿ ಶತಕ, ದುಬೆ ಸ್ಫೋಟಕ ಬ್ಯಾಟಿಂಗ್; ಲಕ್ನೋಗೆ ಬೃಹತ್ ಗುರಿ ನೀಡಿದ ಚೆನ್ನೈ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಣ್ಮರೆಯಾಗಿದ್ದ ಮಲೇಶಿಯಾ ವಿಮಾನ ದುರಂತ ಪ್ರಕರಣಕ್ಕೆ ಹೊಸ ತಿರುವು
ಅಪಘಾತಗಳು ರಸ್ತೆಯಲ್ಲಿ ಮಾತ್ರವಲ್ಲದೇ, ನೀರಿನಲ್ಲಿ ಹಾಗೂ ಆಕಾಶದಲ್ಲಿಯೂ ಸಹ ಸಂಭವಿಸುತ್ತವೆ. ಆಗಾಗ ವಿಮಾನಗಳು ಅಪಘಾತಕ್ಕೆ ಈಡಾಗುತ್ತವೆ. ಕೆಲವು ವಿಮಾನಗಳ ಅಪಘಾತಗಳು ಜನರನ್ನು ಆಘಾತಕ್ಕೆ ದೂಡುತ್ತವೆ.
ಮಲೇಶಿಯಾಗೆ ಸೇರಿದ ಎಂಹೆಚ್ 370 ವಿಮಾನವು ಆರು ವರ್ಷಗಳ ಹಿಂದೆ ಕಣ್ಮರೆಯಾಗಿತ್ತು. ಆ ವಿಮಾನಕ್ಕೆ ಏನಾಯಿತು ಎಂದು ಇದುವರೆಗೂ ಯಾರಿಗೂ ತಿಳಿದಿಲ್ಲ. ಈ ವಿಮಾನವು ಮಲೇಶಿಯಾದ ರಾಜಧಾನಿಯಿಂದ ಹೊರಟಿತ್ತು.
2014ರ ಮಾರ್ಚ್ 8ರಂದು ಈ ವಿಮಾನವು ಏಕಾಏಕಿಯಾಗಿ ಕಣ್ಮರೆಯಾಯಿತು. ಈ ವಿಮಾನದಲ್ಲಿ 239 ಜನ ಪ್ರಯಾಣಿಕರಿದ್ದರು. ಇದರಲ್ಲಿ ಬಹುತೇಕ ಪ್ರಯಾಣಿಕರು ಚೀನಾ ದೇಶಕ್ಕೆ ಸೇರಿದವರಾಗಿದ್ದರು. ವಿಮಾನದ ಜೊತೆಗೆ ಈ ಪ್ರಯಾಣಿಕರಿಗೆ ಏನಾಯಿತೆಂಬುದು ಸಹ ತಿಳಿದು ಬರಲಿಲ್ಲ.
ನಾಪತ್ತೆಯಾಗಿದ್ದ ಎಂಹೆಚ್ 370 ವಿಮಾನವನ್ನು ಹುಡುಕಾಡಲು ಮಲೇಶಿಯಾ ದೇಶವು ಹಲವು ದೇಶಗಳ ನೆರವನ್ನು ಪಡೆಯಿತು. ಆದರೆ ಯಾವುದೇ ಸುಳಿವು ದೊರೆಯಲಿಲ್ಲ. ಹಿಂದೂ ಮಹಾಸಾಗರದ 1,20,000 ಚ.ಕಿ.ಮೀ ವಿಸ್ತೀರ್ಣದಲ್ಲಿ ಶೋಧವನ್ನು ಕೈಗೊಳ್ಳಲಾಯಿತಾದರೂ ಯಾವುದೇ ಪ್ರಯೋಜನವಾಗಲಿಲ್ಲ.
ಮೂರು ವರ್ಷಗಳ ಶೋಧ ಕಾರ್ಯದ ನಂತರ ಈ ಕಾರ್ಯಾಚರಣೆಯನ್ನು 2017ರ ಜನವರಿಯಲ್ಲಿ ಸ್ಥಗಿತಗೊಳಿಸಲಾಯಿತು. ಆಸ್ಟ್ರೇಲಿಯಾ ದೇಶವೂ ಸಹ ಈ ಶೋಧ ಕಾರ್ಯದಲ್ಲಿ ಪಾಲ್ಗೊಂಡಿತ್ತು. 2018ರಲ್ಲಿ ಅಮೇರಿಕಾ ಮೂಲದ ಕಂಪನಿಯೊಂದು ಶೋಧವನ್ನು ಕಾರ್ಯವನ್ನು ಒಂಟಿಯಾಗಿ ಆರಂಭಿಸಿತು.
ಈ ಶೋಧ ಕಾರ್ಯವೂ ಸಹ ಹಲವು ತಿಂಗಳುಗಳವರೆಗೆ ಮುಂದುವರೆಯಿತು. ಆದರೆ ಯಾವುದೇ ಯಶಸ್ಸನ್ನು ಕಾಣಲಿಲ್ಲ. ಇದರ ನಡುವೆ ಈ ವಿಮಾನದ ಕಣ್ಮರೆಯ ಬಗ್ಗೆ ಆಸ್ಟ್ರೇಲಿಯಾದ ಮಾಜಿ ಪ್ರಧಾನಿ ಟೋನಿ ಅಬಾಟ್ರವರು ನೀಡಿರುವ ಹೇಳಿಕೆ ವಿಶ್ವವನ್ನು ಬೆಚ್ಚಿ ಬೀಳಿಸಿದೆ.
ಎಂಹೆಚ್ 370 ವಿಮಾನದ ಪೈಲಟ್ ಈ ವಿಮಾನವನ್ನು ನಾಪತ್ತೆ ಮಾಡಲು ಮೊದಲೇ ಯೋಜನೆ ರೂಪಿಸಿದ್ದ ಎಂದು ಹೇಳಿದ್ದಾರೆ. ಮಲೇಶಿಯಾದ ಹಿರಿಯ ಅಧಿಕಾರಿಗಳು ಈ ವಿಮಾನದ ಪೈಲಟ್ ಉದ್ದೇಶಪೂರ್ವಕವಾಗಿ ವಿಮಾನವನ್ನು ಡಿಕ್ಕಿ ಹೊಡೆಸಿರುವುದಾಗಿ ತಿಳಿಸಿದ್ದಾರೆ ಎಂದು ಟೋನಿ ಅಬಾಟ್ರವರು ಹೇಳಿದ್ದಾರೆ.
ಟೋನಿ ಅಬಾಟ್ರವರು ಈ ವಿಮಾನವು ಕಣ್ಮರೆಯಾದ ಒಂದು ವಾರದಲ್ಲಿಯೇ ಈ ವಿಮಾನವು ಅಪಘಾತಕ್ಕೆ ಒಳಗಾಗಿರುವುದು ತಿಳಿದು ಬಂತು ಎಂದು ಹೇಳಿದ್ದಾರೆ. ವಿಮಾನದ ಪೈಲಟ್ ಉದ್ದೇಶ ಪೂರ್ವಕವಾಗಿ ಈ ಅಪಘಾತವನ್ನು ಎಸಗಿರುವುದಾಗಿ ಟೋನಿ ಅಬಾಟ್ರವರು ನೀಡಿರುವ ಈ ಹೇಳಿಕೆಯು ವಿಶ್ವವನ್ನು ಬೆಚ್ಚಿಬೀಳಿಸಿದೆ.
ಅಂದ ಹಾಗೆ ಈ ವಿಮಾನವು ಅಪಘಾತವಾದ ವೇಳೆಯಲ್ಲಿ ಹಿರಿಯ ಪೈಲಟ್ ಜಕಾರಿ ಅಹಮದ್ ಶಾರವರು ಪೈಲಟ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಅವರ ವಿರುದ್ಧ ಈ ಆರೋಪ ಹೊರಿಸಲಾಗಿದೆ. ಪೈಲಟ್ ಜಕಾರಿ ಅಹಮದ್ ಶಾರವರ ಕುಟುಂಬಸ್ಥರು ಹಾಗೂ ಸ್ನೇಹಿತರು ಈ ಆರೋಪವನ್ನು ತಳ್ಳಿಹಾಕಿದ್ದಾರೆ.
ಈ ಆರೋಪಗಳು ನಿರಾಧಾರವಾಗಿವೆ ಎಂದು ಅವರು ಹೇಳಿದ್ದಾರೆ. ಮಲೇಶಿಯಾದ ವಿಮಾನಯಾನ ಸಂಸ್ಥೆಯ ಮಾಜಿ ಮುಖ್ಯಸ್ಥರಾದ ಅಜರುದ್ದೀನ್ ಅಬ್ದುಲ್ ರಹಮಾನ್ರವರು ಸಹ ಟೋನಿ ಅಬಾಟ್ರವರ ಹೇಳಿಕೆಯನ್ನು ಖಂಡಿಸಿದ್ದಾರೆ.
ಯಾವುದೇ ಪುರಾವೆಗಳಿಲ್ಲದೇ ಈ ರೀತಿಯ ಆರೋಪಗಳನ್ನು ಹೊರಿಸುವುದರಿಂದ ಪೈಲಟ್ನ ಕುಟುಂಬದ ಮೇಲೆ ಪರಿಣಾಮ ಉಂಟಾಗಲಿದೆ ಎಂದು ಅವರು ಹೇಳಿದ್ದಾರೆ. ಟೋನಿ ಅಬಾಟ್ರವರು ನೀಡಿರುವ ಈ ಹೇಳಿಕೆಯು ಖಚಿತವಾಗಿಲ್ಲ. ಆದರೆ ಇಡೀ ವಿಶ್ವವನ್ನೇ ತಲ್ಲಣಗೊಳಿಸಿರುವುದು ನಿಜ.