Just In
- 8 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 11 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 11 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 12 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದೇಶದಲ್ಲಿಯೇ ಮೊದಲ ಬಾರಿಗೆ ಇವಿ ಸ್ಕೂಟರ್ ಮೂಲಕ ಕೆ2ಕೆ ರೈಡ್ ಸಾಧಿಸಿದ ಮಂಗಳೂರಿನ ಬೈಕ್ ರೈಡರ್
ಎಲೆಕ್ಟ್ರಿಕ್ ವಾಹನಗಳ ಮೂಲಕ ನಗರಪ್ರದೇಶಗಳಲ್ಲಿಯೇ ಸುತ್ತಲು ಹಲವಾರು ವಾಹನ ಮಾಲೀಕರು ಇಂದಿಗೂ ಹಿಂದೇಟು ಹಾಕುವ ಪರಿಸ್ಥಿತಿಯಿರುವಾಗ ಎಲೆಕ್ಟ್ರಿಕ್ ವಾಹನದ ಮೂಲಕ ದೇಶದ ಒಂದು ತುದಿಯಿಂದ ಮತ್ತೊಂದು ತುದಿಗೆ ತಲುಪುದೆಂದರೆ ಸಾಮಾನ್ಯದ ಮಾತಲ್ಲ. ಆದರೆ ಮನಸ್ಸು ಮಾಡಿದರೆ ಯಾವುದು ಕೂಡಾ ಅಸಾಧ್ಯವಿಲ್ಲ ಎನ್ನುವುದನ್ನು ಸಾಬೀತುಪಡಿಸಿರುವ ಮಂಗಳೂರಿನ ಬೈಕ್ ರೈಡರ್ ಗಿರೀಶ್ ಸೇಠ ಹೊಸ ದಾಖಲೆಗೆ ಕಾರಣರಾಗಿದ್ದಾರೆ.
ಪ್ರತಿಯೊಬ್ಬ ಬೈಕ್ ರೈಡರ್ಗಳಿಗೂ ಜೀವನದಲ್ಲಿ ಒಮ್ಮೆಯಾದರೂ ದೇಶದ ತುತ್ತತುದಿಗಳಾದ ಕನ್ಯಾಕುಮಾರಿಯಿಂದ ಕಾಶ್ಮೀರದ ತನಕ ಪ್ರವಾಸ ಮಾಡುವ ಮಹಾದಾಸೆ ಇದ್ದೆಇರುತ್ತದೆ. ಆದರೆ ಹಲವರಿಗೆ ಇದು ಕಷ್ಟಸಾಧ್ಯ ಎಂದರೆ ತಪ್ಪಾಗುವುದಿಲ್ಲ. ಹಲವಾರು ಸವಾಲುಗಳನ್ನು ಹೊಂದಿರುವ ಈ ಪ್ರಯಾಣದಲ್ಲಿ ವೃತ್ತಿಪರ ಬೈಕ್ ರೈಡರ್ ಆಗಿರುವ ಗಿರೀಶ್ ಸೇಠ ಎಲ್ಲಾ ಸವಾಲುಗಳನ್ನು ಮೆಟ್ಟಿನಿಂತು ಇ ಸ್ಕೂಟರ್ ಮೂಲಕ ಹೊಸ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ.
ಬೌನ್ಸ್ ನಿರ್ಮಾಣದ ಇನ್ಫಿನಿಟಿ ಇ1 ಎಲೆಕ್ಟ್ರಿಕ್ ಸ್ಕೂಟರ್ ಮೂಲಕ ಕನ್ಯಾಕುಮಾರಿ ಟು ಕಾಶ್ಮೀರ ಪ್ರಯಾಣವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ್ದು, ಒಟ್ಟು 4,340 ಕಿ.ಮೀ ಪ್ರಯಾಣಿಸುವ ಮೂಲಕ ಜಗತ್ತಿನ ಅತ್ಯಂತ ಎತ್ತರದ ಮೋಟಾರ್ ಸಂಚಾರಿ ಪ್ರದೇಶವಾಗಿರುವ ಲಡಾಕ್ನ ಖರ್ದುಂಗ್ ಲಾ ಪಾಸ್ (Khardung La pass) ತಲುಪಿದ್ದಾರೆ.
ತಮಿಳುನಾಡಿನ ಕನ್ಯಾಕುಮಾರಿಯಿಂದ ಆರಂಭವಾಗಿದ್ದ ಇವಿ ಸ್ಕೂಟರ್ ಸವಾರಿಯು 19 ದಿನಗಳಲ್ಲಿ ಲಡಾಕ್ನ ಖರ್ದುಂಗ್ ಲಾ ಪಾಸ್ ತಲುಪಿದ್ದು, ಇವಿ ಸ್ಕೂಟರ್ ಸವಾರಿಗಾಗಿ ಬೈಕರ್ ಗಿರೀಶ್ ಅವರು ಒಟ್ಟು ಆರು ಬ್ಯಾಟರಿ ಪ್ಯಾಕ್ ಮೂಲಕ ಗುರಿ ತಲುಪಿದ್ದಾರೆ.
ಇವಿ ಸ್ಕೂಟರ್ನಲ್ಲಿರುವ ಸ್ಟ್ಯಾಂಡರ್ಡ್ ಬ್ಯಾಟರಿ ಜೊತೆಗೆ ಐದು ಹೆಚ್ಚುವರಿ ಬ್ಯಾಟರಿ ಪ್ಯಾಕ್ ಮೂಲಕ ಪ್ರಯಾಣ ಆರಂಭಿದ್ದ ಬೈಕರ್ ಗಿರೀಶ್ ಅವರು ಒಟ್ಟಾರೆ ಪ್ರಯಾಣದಲ್ಲಿ 83 ಬಾರಿ ಬ್ಯಾಟರಿ ರೀಚಾರ್ಜ್ ಮಾಡಿದ್ದಾರೆ.
ಪ್ರಯಾಣದ ಸಂದರ್ಭದಲ್ಲಿ ಒಟ್ಟು 11 ರಾಜ್ಯಗಳನ್ನು ಹಾಯ್ದು ಹೋಗುವ ಮೂಲಕ ದಿನಂಪ್ರತಿ ಸರಾಸರಿ 250 ಕಿ.ಮೀ ಪ್ರಯಾಣಿಸಿದ್ದಾರೆ. ಪ್ರತಿ ಬ್ಯಾಟರಿಯು ಪ್ರತಿ ಚಾರ್ಜ್ಗೆ ಗರಿಷ್ಠ 70 ಕಿ.ಮೀ(ಪವರ್ ಮೋಡ್) ಮೈಲೇಜ್ ಹಿಂದಿರುಗಿಸಿದ್ದು, ಒಟ್ಟು ಆರು ಬ್ಯಾಟರಿ ಪ್ಯಾಕ್ ಸಹಾಯದಿಂದ ನಿಗದಿತ ದೂರವನ್ನು ಅತಿ ಕಡಿಮೆ ಅವಧಿಯಲ್ಲಿ ತಲುಪಲಾಗಿದೆ.
ದಿನದ ಸವಾರಿ ಗುರಿ ತಲುಪಿದ ನಂತರ ಬ್ಯಾಟರಿ ರೀಚಾರ್ಜ್ ಮಾಡುತ್ತಿದ್ದ ಗಿರೀಶ್ ಅವರು ಮತ್ತೆ ತಮ್ಮ ಪ್ರಯಾಣವನ್ನು ಮುಂದುವರಿಸುತ್ತಿದ್ದರು. ಹೀಗೆ 19 ದಿನಗಳ ಕಾಲ ಹಲವಾರು ಸವಾಲುಗಳೊಂದಿಗೆ ಖರ್ದುಂಗ್ ಲಾ ಪಾಸ್ ತಲುಪಿದ್ದು, ಹವಾಮಾನ ವೈಪರೀತ್ಯವನ್ನು ಎದುರಿಸಿ ಗುರಿತಲುಪಿರುವುದು ಸಾಮಾನ್ಯವಾದ ಸಾಧನೆಯಲ್ಲ.
ರೂಬಿ ಹೆಸರಿನೊಂದಿಗೆ ಸಾರಥಿಯಾಗಿದ್ದ ಬೌನ್ಸ್ ಇನ್ಫಿನಿಟಿ ಇ1 ಎಲೆಕ್ಟ್ರಿಕ್ ಸ್ಕೂಟರ್ ಮಾದರಿಯು ಹವಾಮಾನ ವೈಪರೀತ್ಯದ ನಡುವೆಯೂ ಉತ್ತಮ ಕಾರ್ಯಕ್ಷಮತೆ ಪ್ರದರ್ಶಿಸಿದ್ದು, ಕಾರ್ಗಿಲ್ನಿಂದ ಲೇಹ್ ಮಾರ್ಗದಲ್ಲಿನ ಪ್ರಯಾಣವನ್ನು ಯಾವುದೇ ತೊಂದರೆಯಿಲ್ಲದೆ ತುಲುಪಿಸಿದ್ದರೆ ಬಗ್ಗೆ ಬೈಕರ್ ಗಿರೀಶ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ವಿಕೇಂಡ್ ಆನ್ ವ್ಹೀಲ್ಸ್ ಯುಟ್ಯೂಬ್ ಚಾನೆಲ್ ಮೂಲಕ 'ನೆವರ್ ಔಟ್ ಆಫ್ ಫ್ಯಾಶನ್' ಸರಣಿಯ ಅಡಿಯಲ್ಲಿ ಗಿರೀಶ್ ಅವರು ಈಗಾಗಲೇ ಹಲವಾರು ಕ್ಲಾಸಿಕ್ ವಾಹನಗಳ ಬಗ್ಗೆ ಸಕ್ರಿಯವಾಗಿ ವ್ಲಾಗ್ ಮಾಡಿದ್ದಾರೆ. ಅದೃಷ್ಟವಶಾತ್ ಇತ್ತೀಚಿಗೆ ಸಂಭವಿಸಿದ ಹೃದಯಾಘಾತದಿಂದ ಬಳಲಿದ ಗಿರೀಶ್ ಅವರು ಕೆಲವು ತಿಂಗಳು ಕಾಲ ವಿಶ್ರಾಂತಿ ತೆಗೆದುಕೊಂಡು ಕೆ2ಕೆ ರೈಡಿಗೆ ನಿರ್ಧರಿಸಿದ್ದರು.
ಡಿಸೆಂಬರ್ 2021ರಲ್ಲಿ ನಡೆದಿದ್ದ IBW (ಇಂಡಿಯಾ ಬೈಕ್ ವೀಕ್) ನಲ್ಲಿ ಹಾಜರಾಗಲು ಬೈಕ್ ವ್ಲಾಗ್ ಸರಣಿಯನ್ನು ಪುನಾರಂಭಿಸಿ ರಿಕ್ಲೈಮಿಂಗ್ ಮೈಸೆಲ್ಫ್ ರೈಡ್ ಕೈಗೊಂಡಿದ್ದರು. ಈ ವೇಳೆ ವೃತ್ತಿ ಜೀವನದಲ್ಲಿ ಸವಾಲಿನ ಕೆಲಸ ಮಾಡಬೇಕೆಂಬ ಹಂಬಲದೊಂದಿಗೆ ಕನ್ಯಾಕುಮಾರಿಯಿಂದ ಕಾಶ್ಮೀರದವರೆಗೆ ಇವಿ ಸ್ಕೂಟರ್ ಮೂಲಕ ಸವಾರಿ ಮಾಡುವ ಪ್ರತಿಜ್ಞೆ ಮಾಡಿದ್ದರು.
ಗುರಿಸಾಧನೆಗಾಗಿ ಎಲ್ಲಾ ರೀತಿಯ ತಯಾರಿ ನಡೆಸಿ ಕೆಲವು ದಿನಗಳ ಹಿಂದೆ ಕನ್ಯಾಕುಮಾರಿಯಿಂದ ರೈಡ್ ಆರಂಭಿಸಿ ಖರ್ದುಂಗ್ ಲಾ ಪಾಸ್ ತಲುಪಿದ್ದು, ಕೆ2ಕೆ ಗುರಿಸಾಧನೆಯ ಬಗ್ಗೆ ಗಿರೀಶ್ ಅವರು 'ಮನಸ್ಸು ಮಾಡಿ ದೇಹಕ್ಕೆ ತರಬೇತಿ ನೀಡಿದರೆ ಏನನ್ನು ಬೇಕಾದರೂ ಸಾಧಿಸಬಹುದು' ಎನ್ನುವ ಸಂದೇಶ ನೀಡಿದ್ದಾರೆ.
ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಸಾಧ್ಯತೆ
ಬೈಕರ್ ಗಿರೀಶ್ ಅವರ ಇವಿ ಸ್ಕೂಟರ್ ಮೂಲಕ ಜಗತ್ತಿನ ಅತ್ಯಂತ ಎತ್ತರದ ಮೋಟಾರ್ ಸಂಚಾರಿ ಪ್ರದೇಶವಾದ ಖರ್ದುಂಗ್ ಲಾ ಪಾಸ್ ತುಲುಪಿದ ಮೊದಲ ರೈಡರ್ ಎನ್ನುವ ಪ್ರಶಂಸೆಗೆ ಪಾತ್ರವಾಗಿದ್ದು, ಇವರ ಸಾಧನೆಗೆ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಮಾನ್ಯತೆ ದೊರೆಯುವುದು ಬಹುತೇಕ ಖಚಿತವಾಗಿದೆ. ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಪ್ರಶಸ್ತಿಗಾಗಿ ಈಗಾಗಲೇ ಅಗತ್ಯ ದಾಖಲೆಗಳನ್ನು ಸಲ್ಲಿಸಲಾಗಿದ್ದು, ಶೀಘ್ರದಲ್ಲಿ ಪ್ರಶಸ್ತಿ ಪ್ರಕಟವಾಗುವ ನೀರಿಕ್ಷೆಯಿದೆ.
ಇನ್ನು ಬೌನ್ಸ್ ಕಂಪನಿಯು ಹೊಸ ಇವಿ ಸ್ಕೂಟರ್ ಮಾದರಿಯಲ್ಲಿ 2kWh ಲೀಥಿಯಂ ಅಯಾನ್ ಬ್ಯಾಟರಿ ಅಳಡಿಸಿದ್ದು, ಅತ್ಯುತ್ತಮ ರೈಡಿಂಗ್ ಸೌಲಭ್ಯದೊಂದಿಗೆ ಪ್ರತಿ ಚಾರ್ಜ್ಗೆ ಗರಿಷ್ಠ 85 ಕಿ.ಮೀ(ಇಕೋ ಮೋಡ್) ಮೈಲೇಜ್ ಪಡೆದುಕೊಳ್ಳಬಹುದಾಗಿದೆ.
ಹೊಸ ಇವಿ ಸ್ಕೂಟರ್ನಲ್ಲಿ ಬಿಎಲ್ಡಿಸಿ ಎಲೆಕ್ಟ್ರಿಕ್ ಮೋಟಾರ್ ಮೂಲಕ ಕೇವಲ 8 ಸೆಕೆಂಡುಗಳಲ್ಲಿ ಪ್ರತಿ ಗಂಟೆಗೆ ಸೊನ್ನೆಯಿಂದ 40 ಕಿ.ಮೀ ವೇಗ ಪಡೆದುಕೊಳ್ಳಬಹುದಾಗಿದ್ದು, ಹೊಸ ಸ್ಕೂಟರ್ನಲ್ಲಿ ಪ್ರತಿ ಗಂಟೆಗೆ ಗರಿಷ್ಠ 65 ಕಿ.ಮೀ ಟಾಪ್ ಸ್ಪೀಡ್ನೊಂದಿಗೆ ಡ್ರ್ಯಾಗ್ ಮತ್ತು ರಿವರ್ಸ್ ರೈಡ್ ಮೋಡ್ ನೀಡಲಾಗಿದೆ.