ತೆರಿಗೆ ವಂಚನೆ; ಮಹೇಂದ್ರ ಸಿಂಗ್ ಧೋನಿಗೆ ಕಂಟಕ?

ಏನಿದು ಘಟನೆ?

ಮಹೇಂದ್ರ ಸಿಂಗ್ ಧೋನಿ ಅವರು ವಿದೇಶದಿಂದ ಆಮದು ಮಾಡಿರುವ ಮಾಡಿರುವ ಕೋಟಿ ಬೆಲೆ ಬಾಳುವ ಹಮ್ಮರ್ ಕಾರನ್ನು ರಾಂಚಿ ಜಿಲ್ಲಾ ಸಾರಿಗೆ ಇಲಾಖೆಯು 2009ನೇ ಇಸವಿಯಲ್ಲಿ ದಾಖಲಾತಿ ಮಾಡಿಕೊಂಡಿತ್ತು.

ಬಳಿಕ 2012ನೇ ಸಾಲಿನಲ್ಲಿ ತೆರಿಗೆ ನವೀಕರಿಸುವಾಗ ಅಲ್ಲಿನ ಉದ್ಯೋಗಿಗಳ ಕಣ್ತಪ್ಪಿನಿಂದಾಗಿ ಹಮ್ಮರ್ ಎಂಬುದರ ಬದಲಾಗಿ ಸ್ಕಾರ್ಪಿಯೊ ಹೆಸರಿನಲ್ಲಿ ದಾಖಲಾತಿ ನಡೆದಿತ್ತು.

ವಿಶ್ವದ ಅತಿ ದುಬಾರಿ ಕ್ರೀಡಾಪಟುಗಳಲ್ಲಿ ಓರ್ವರಾಗಿರುವ ಮಹೇಂದ್ರ ಸಿಂಗ್ ಧೋನಿ ಅವರು ಅಮೆರಿಕದಿಂದ ಆಮದು ಮಾಡಲಾಗಿರುವ ಹಮ್ಮರ್ ಎಚ್2 75 ಲಕ್ಷ ರು.ಗಳಿಂದ ಒಂದು ಕೋಟಿ ರುಪಾಯಿಗಳ ವರೆಗೆ ಬೆಲೆ ಬಾಳುತ್ತಿದೆ.

2011ರ ಮೋಟಾರು ವಾಹನ ಕಾಯ್ದೆಯಲ್ಲಿ ತೆರಿಗೆ ಪಾವತಿಯನ್ನು ಏಕಕಾಲಿಕವಾಗಿ ಜಾರಿಗೆ ತರಲಾಯಿತು. ಇದರಂತೆ ಧೋನಿ ಈಗ ಹೆಚ್ಚುವರಿ ದಂಡ ಹೊರತಾಗಿ ಗಾಡಿಯ ಒಟ್ಟು ಮೊತ್ತದ ಶೇಕಡಾ 4ರಷ್ಟು ಅಂದರೆ ಸರಿ ಸುಮಾರು 4 ಲಕ್ಷ ರುಪಾಯಿಗಳನ್ನು ಪಾವತಿಸಬೇಕಾಗಿದೆ.

ಸಾರಿಗೆ ಇಲಾಖೆಯ ಪ್ರಕಾರ 2010ರ ವರೆಗೆ ಧೋನಿ ತೆರಿಗೆ ಪಾವತಿ ಮಾಡಿದ್ದಾರೆ. ಈಗ ಏಕಕಾಲಿಕ ತೆರಿಗೆ ಮತ್ತು ಹೆಚ್ಚುವರಿ ದಂಡವನ್ನು ಪಾವತಿಸಬೇಕಾಗಿದೆ ಎಂದಿದೆ.

ಆನ್ ಲೈನ್ ನಲ್ಲಿ ಧೋನಿ ಹಮ್ಮರ್ ಕಾರಿನ ವಿವರಗಳನ್ನು ದಾಖಲಿಸುವ ವೇಳೆ ಎಡವಟ್ಟು ಸಂಭವಿಸಿದೆ. ವಿದೇಶದಿಂದ ಆಮದು ಮಾಡಲಾದ ಹಮ್ಮರ್ ದೇಶೀಯ ವಾಹನಗಳ ಪಟ್ಟಿಯಲ್ಲಿರಲಿಲ್ಲ. ಇದರಿಂದಾಗಿ ತಪ್ಪು ಸಂಭವಿಸಿದ್ದು, ಹಮ್ಮರ್ ಕಾರನ್ನು ಸ್ಕಾರ್ಪಿಯೊ ವಿಭಾಗದಲ್ಲಿ ಸೇರಿಸಲಾಗಿತ್ತು.

ಕೂಲ್ ಕಪ್ತಾನ ಧೋನಿಯ ಪವರ್ ಫುಲ್ ಕಾರು ಕಲೆಕ್ಷನ್