ಮೋದಿ ಇಸ್ರೇಲ್‌ಗೆ ಹೋಗಿದ್ದು ಏಕೆ ಎಂದು ಕೇಳುತ್ತಿರುವವರಿಗೆ ಇಲ್ಲಿದೆ ಉತ್ತರ !!

ಹೌದು, ಎಲ್ಲವೂ ನಿರೀಕ್ಷೆಯಂತೆ ನೆಡೆದರೆ ಭಾರತವು ಇಸ್ರೇಲ್‌ನೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕುವ ಸಾಧ್ಯತೆ ಇದೆ, ಈ ಸಹಿಯಿಂದಾಗಿ ಭಾರತವು ಹೆರಾನ್-ಟಿಪಿ ಸಶಸ್ತ್ರ ಹೊಂದಿರುವ ಡ್ರೋನ್‌ಗಳನ್ನು ಪಡೆದುಕೊಳ್ಳಲಿದೆ.

ಈ ಡ್ರೋನ್‌ಗಳ ಸಹಾಯದಿಂದಾಗಿ ಟ್ರ್ಯಾಕ್ ಮಾಡುವುದು, ಪತ್ತೆಹಚ್ಚುವುದು ಮತ್ತು ಗಾಳಿಯಲ್ಲಿ ತೂರಿಬರುವ ಕ್ಷಿಪಣಿಗಳ ಗುರಿ ತಪ್ಪಿಸಬಹುದಾದ ಸಾಮರ್ಥ್ಯವನ್ನು ಹೊಂದಿದೆ.

ವರದಿಯ ಪ್ರಕಾರ, 2015ರಲ್ಲಿ ರಕ್ಷಣಾ ಇಲಾಖೆಯಿಂದ ರಹಸ್ಯವಾಗಿ ಅನುಮೋದಿಸಲ್ಪಟ್ಟ $400 ಮಿಲಿಯನ್ ಒಪ್ಪಂದದ ಭಾಗವಾಗಿರುವ 10 ಹೆರಾನ್-ಟಿಪಿ ಸಶಸ್ತ್ರ ಡ್ರೋನ್‌ಗಳನ್ನು ಹೊಂದಲಿದೆ.

ಕಳೆದ ಫೆಬ್ರವರಿಯಲ್ಲಿ ನೆಡೆದ ಬೆಂಗಳೂರು ಎರೊ ಇಂಡಿಯಾ ಪ್ರದರ್ಶನದಲ್ಲಿ ಈ ಡ್ರೋನ್ ಪ್ರದರ್ಶನ ಮಾಡಲಾಗಿದ್ದು, ಇಸ್ರೇಲ್ ಏರೊ ಸ್ಪೇಸ್ ಇಂಡಸ್ಟ್ರೀಸ್‌ನಿಂದ ಈ ಶಕ್ತಿಶಾಲಿ ಡ್ರೋನ್‌ಗಳನ್ನು ತಯಾರಿಸಲಾಗುತ್ತದೆ.

ಈ ಡ್ರೋನ್ 45 ಸಾವಿರ ಅಡಿ ಎತ್ತರದಲ್ಲಿ ನಿರಂತರವಾಗಿ 30 ಗಂಟೆಗಳ ಕಾಲ ಹಾರಾಟ ಸಾಮರ್ಥ್ಯ, 1 ಸಾವಿರ ಕೆಜಿ ಶಸ್ತ್ರಾಸ್ತ್ರಗಳನ್ನು ಹೊತ್ತೊಯ್ಯುತ್ತದೆ ಮತ್ತು ಹೆರನ್-ಟಿಪಿ ಡ್ರೋನ್ ಆಟೋಮ್ಯಾಟಿಕ್ ಆಯ್ಕೆ ಹೊಂದಿದ್ದು, ಮೇಲ್ವಿಚಾರಣೆಗಾಗಿ ಬಾಹ್ಯ ಪೈಲಟ್ ಅಗತ್ಯವಿಲ್ಲ ಎನ್ನಬಹುದು.

ಹೆರಾನ್-ಟಿಪಿ ಡ್ರೋನ್ ಭಾರತೀಯ ಮಿಲಿಟರಿಗೆ ಒಂದು ದೊಡ್ಡ ಉತ್ತೇಜನ ನೀಡಲಿದೆ ಮತ್ತು ಭಾರತವು ಮಿಲಿಟರಿ ಡ್ರೋನ್ ಹೊಂದಿಲ್ಲವೆಂದು ಪರಿಗಣಿಸಿ ಗುರಿಯಾಗಿಸುವ ಕಾಲ ಮುಗಿಯಲಿದೆ.

ಭಾರತ ಮತ್ತು ತನ್ನ ನೆರೆಯ ರಾಷ್ಟ್ರಗಳ ನಡುವಿನ ಉದ್ವಿಗ್ನ ಪರಿಸ್ಥಿತಿ ಹೆಚ್ಚಿಗೆಯಾಗುತ್ತಿರುವ ಸಂದರ್ಭದಲ್ಲಿ ಈ ಡ್ರೋನ್‌ಗಳು ಭಾರತದ ಗುಪ್ತಚರ ಇಲಾಖೆಯನ್ನು ಮತ್ತಷ್ಟು ಬಲಿಷ್ಠಗೊಳಿಸಲಿವೆ.