Just In
- 27 min ago ಹೊಸ ಜೀಪ್ ರಾಂಗ್ಲರ್ ಸಂಪೂರ್ಣ ರಿವ್ಯೂ ವಿಡಿಯೋ: ಆಫ್ರೋಡ್ನಲ್ಲಿ ಇದನ್ನು ಮೀರಿಸುವವರಿಲ್ಲ!
- 1 hr ago ವಿಮಾನದಂತಹ ಸೌಲಭ್ಯ ಹೊಂದಿರುವ ವಂದೇ ಭಾರತ್ ಸರಣಿ ರೈಲುಗಳು ಶೀಘ್ರ ಬರಲಿವೆ.. ಆರಾಮದಾಯಕ ಪ್ರಯಾಣ!
- 1 hr ago 'ಬಾಹುಬಲಿ' ಎಸ್ಯುವಿ ಪರಾಕ್ರಮ: ಟೊಯೊಟಾ ಫಾರ್ಚುನರ್ ಲೀಡರ್ ಎಡಿಷನ್ ವಿಶೇಷತೆಗಳೇನು?
- 1 hr ago Honda: ಭಾರತ ನಿರ್ಮಿಸಿದ ಹೋಂಡಾ ಕಾರಿಗೆ ಮುಗಿಬಿದ್ದ ಜಪಾನ್ ಜನ!
Don't Miss!
- Movies ಅಟ್ಟ ಏರಿದ ಸ್ಟಾರ್ಸ್, ದಿಕ್ಕು ತಪ್ಪಿಸುವ ನಿರ್ದೇಶಕರು, ನಿರ್ಮಾಪಕರ ಗೋಳು ಕೇಳೋದ್ಯಾರು?
- Sports IPL 2024: ಸಿಕ್ಸ್ ಹೊಡೆದು ತಪ್ಪಾಯ್ತು ಎಂದಿದ್ದೇಕೆ ರಿಷಬ್ ಪಂತ್ ?
- News Chardham Yatra Guidelines 2024: ಚಾರ್ಧಾಮ್ ಯಾತ್ರೆಗೆ ಹೋಗುವಾಗ ಈ ವಸ್ತುಗಳನ್ನು ಬ್ಯಾಗ್ ಅಲ್ಲಿ ಇಟ್ಟುಕೊಳ್ಳಿ....
- Lifestyle ತಾವರೆಯ ಬೀಜವನ್ನು ಹಾಲಿನ ಜೊತೆ ಸೇವಿಸಿದರೆ ಇಷ್ಟೆಲ್ಲಾ ಪ್ರಯೋಜನಗಳಿವೆ ಗೊತ್ತಾ?
- Technology HMD ಪಲ್ಸ್ ಸರಣಿ ಅಡಿಯಲ್ಲಿ 3 ಹೊಸ ಸ್ಮಾರ್ಟ್ಫೋನ್ ಲಾಂಚ್! ಫೀಚರ್ಸ್ ಏನಿವೆ?
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸುಳ್ಳು ಮಾಹಿತಿಯಿಂದ ಪೆಟ್ರೋಲ್ಗೆ ಲಕ್ಷ ಲಕ್ಷ ಖರ್ಚು- ಡೀಲರ್ಸ್ ವಿರುದ್ಧ ಕೇಸ್ ಜಡಿದ ಜೀಪ್ ಕಂಪಾಸ್ ಮಾಲೀಕ..!
ಹೊಸ ವಾಹನಗಳನ್ನು ಖರೀದಿಸುವಾಗ ಬಹುತೇಕರು ಗ್ರಾಹಕರಿಗೆ ತಾವು ಖರೀದಿ ಮಾಡುವ ವಾಹನದಿಂದ ಗರಿಷ್ಠ ಮಟ್ಟದ ಮೈಲೇಜ್ ನೀರಿಕ್ಷಿಸುವುದು ಕಾಮನ್. ಆದ್ರೆ ಕನಿಷ್ಠ ಮಟ್ಟದ ಮೈಲೇಜ್ ಅನ್ನು ಸಹ ನೀಡದೇ ಇದ್ದರೆ ಹೇಗೆ ಹೇಳಿ? ಇಲ್ಲೂ ಕೂಡಾ ಅಂತದ್ದೇ ಒಂದು ಪ್ರಕರಣದಲ್ಲಿ ಕಂಪಾಸ್ ಎಸ್ಯುವಿ ಮಾಲೀಕನು ಸುಳ್ಳು ಮೈಲೇಜ್ ಮಾಹಿತಿ ನೀಡಿದ ಜೀಪ್ ಡೀಲರ್ಸ್ ವಿರುದ್ಧ ಕೇಸ್ ಜಡಿದಿದ್ದಾರೆ.
ಹೌದು, ಬೆಂಗಳೂರಿನ ಜೆಪಿ ನಗರದ ನಿವಾಸಿವಾದ ಶಶಿಕುಮಾರ್ ಆರ್ ಎನ್ನುವವರು ತಮ್ಮ ಮಗಳಿಗೆ ಗಿಫ್ಟ್ ನೀಡುವುದಕ್ಕಾಗಿ ದುಬಾರಿ ಬೆಲೆಯ ಜೀಪ್ ಕಂಪಾಸ್ ಎಸಯುವಿ ಖರೀದಿ ಮಾಡಿದ್ದರು. ಆದ್ರೆ ಹೊಸ ಕಾರು ಖರೀದಿ ಮಾಡಿದಾಗ ಇದ್ದ ಖುಷಿ ಕೆಲವೇ ದಿನಗಳಲ್ಲಿ ಮಾಯಾವಾಗಿದ್ದಲ್ಲದೇ ಆರ್ಥಿಕ ಸಂಕಷ್ಟಕ್ಕೆ ಸಿಲುಕುವಂತಹ ಪರಿಸ್ಥಿತಿ ಎದುರಾಗಿದೆ. ಕೆಟ್ಟ ಮೈಲೇಜ್ ನಿರ್ವಹಣೆಯಿಂದಾಗಿ ಕಾರಿನ ಇಎಂಐಗಿಂತಲೂ ಪೆಟ್ರೋಲ್ಗಾಗಿಯೇ ಹೆಚ್ಚು ಖರ್ಚು ಮಾಡಲಾಗಿದ್ದು, ಮೈಲೇಜ್ ವಿಚಾರಕ್ಕೆ ಇದೀಗ ಕಾನೂನು ಹೋರಾಟ ನಡೆಸುತ್ತಿದ್ದಾರೆ.
ಕಳೆದ ವರ್ಷ ನವೆಂಬರ್ನಲ್ಲಿಯೇ ಶಶಿಕುಮಾರ್ ಅವರು ಸುಮಾರು ಯಶವಂತಪುರದಲ್ಲಿರುವ ಜೀಪ್ ಡೀಲರ್ಸ್ ಬಳಿ ರೂ.26.32 ಲಕ್ಷ ಪಾವತಿಸಿ ಕಂಪಾಸ್ ಲಿಮಿಟೆಡ್ ಬ್ಲ್ಯಾಕ್ ಎಡಿಷನ್(ಪೆಟ್ರೋಲ್ ಮಾದರಿ) ಖರೀದಿಸಿದ್ದರು.
ಹೊಸ ಕಾರು ಖರೀದಿಯ ವೇಳೆ ಪ್ರತಿ ಲೀಟರ್ ಪೆಟ್ರೋಲ್ಗೆ ಸರಾಸರಿ 16 ಕಿ.ಮಿ ಮೈಲೇಜ್ ಹಿಂದಿರುಗಿಸುವ ಬಗ್ಗೆ ಭರವಸೆ ನೀಡಲಾಗಿತ್ತು. ಈ ವೇಳೆ ಖುಷಿ-ಖುಷಿಯಾಗಿಯೇ ಕಾರು ಖರೀದಿ ಮಾಡಿದ್ದ ಶಶಿಕುಮಾರ್ ಅವರಿಗೆ ಕೆಲವೇ ದಿನಗಳಲ್ಲಿ ಕಾರಿನ ಅಸಲಿ ಬಣ್ಣ ಬಯಲಾಗಿದೆ.
ಮೊದಮೊದಲು ಕಾರಿನ ಮೈಲೇಜ್ ಬಗ್ಗೆ ಅಷ್ಟಾಗಿ ತಲೆಕೆಡಿಸಿಕೊಳ್ಳದಿದ್ದರೂ ಶಶಿಕುಮಾರ್ ಅವರಿಗೆ ತದನಂತರದ ದಿನಳಲ್ಲಿ ಕಾರಿನ ಇಎಂಐಗಿಂತ ಪೆಟ್ರೋಲ್ ಖರ್ಚು ನಿರ್ವಹಣೆ ಮಾಡುವುದೇ ಒಂದು ದೊಡ್ಡ ಸವಾಲಾಗಿ ಪರಿಣಮಿಸಿತು. ಈ ವೇಳೆ ಕಾರಿನ ಮೈಲೇಜ್ ಕುರಿತು ವೈಜ್ಞಾನಿಕವಾಗಿ ಪರೀಕ್ಷಿಸಿದಾಗ ಹೊಸ ಕಾರು ಪ್ರತಿ ಲೀಟರ್ಗೆ 16 ಕಿ.ಮೀ ಮೈಲೇಜ್ ಬದಲಾಗಿ ಕೇವಲ 5 ಕಿ.ಮೀ ಮೈಲೇಜ್ ನೀಡುತ್ತಿರುವ ಕಹಿಸತ್ಯ ಅರಿವಿಗೆ ಬಂದಿದೆ.
ಡೀಲರ್ಸ್ ಹೇಳಿದ ಪ್ರಕಾರ ತಮ್ಮ ಕಾರು ಕನಿಷ್ಠ ಮಟ್ಟದ ಮೈಲೇಜ್ ಅನ್ನು ಸಹ ನೀಡಲು ಸಾಧ್ಯವಿಲ್ಲದಾಗ ಈ ಬಗ್ಗೆ ಡೀಲರ್ಸ್ಗೆ ಮಾಹಿತಿ ನೀಡಿದ್ದ ಶಶಿಕುಮಾರ್ ಅವರು ಮೈಲೇಜ್ ಸಮಸ್ಯೆಯನ್ನು ಬಗೆಹರಿಸುವಂತೆ ಹಲವು ಬಾರಿ ಮನವಿ ಮಾಡಿದ್ದಲ್ಲದೇ ಜೀಪ್ ಸಂಸ್ಥೆಯ ಮುಖ್ಯಸ್ಥರ ಗಮನಕ್ಕೂ ತರಲಾಗಿತ್ತು.
ಶಶಿಕುಮಾರ್ ಅವರ ಇ-ಮೇಲ್ಗಳಿಗೆ ಜೀಪ್ ಕಂಪಾಸ್ ಹಿರಿಯ ಅಧಿಕಾರಿಗಳಿಂದ ಪ್ರತ್ಯುತ್ತರ ಬಂದಿದ್ದರೂ ಡೀಲರ್ಸ್ ಮಟ್ಟದಲ್ಲಿ ಕಂಪಾಸ್ ಕಾರಿನ ಮೈಲೇಜ್ ಸಮಸ್ಯೆಯನ್ನು ಮಾತ್ರ ಇದುವರೆಗೂ ಬಗೆಹರಿಸಿಲ್ಲ. ಇದರಿಂದ ದಿನಂಪ್ರತಿ ರೂ.700ರಿಂದ 1 ಸಾವಿರದ ತನಕ ಪೆಟ್ರೋಲ್ ಖರ್ಚು ಭರಿಸಲಾಗುತ್ತಿದೆ.
MOST READ: ಕೇವಲ 40 ರೂಪಾಯಿ ಆಸೆಗೆ ಬರೋಬ್ಬರಿ 40 ಲಕ್ಷ ಕಳೆದುಕೊಂಡ ಹ್ಯುಂಡೈ ಕಾರು ಚಾಲಕ..!
1 ಸಾವಿರ ರೂಪಾಯಿ ಪೆಟ್ರೋಲ್ನಿಂದ 50-55 ಕಿ.ಮೀ ಸರಾಸರಿ ಮೈಲೇಜ್ ನೀಡುತ್ತಿದ್ದು, ಕಳೆದ ನವೆಂಬರ್ನಿಂದ ಇದುವರೆಗೆ ಕಾರಿಗೆ ಇಂಧನ ತುಂಬಿಸುವುಕ್ಕಾಗಿ ಲಕ್ಷ-ಲಕ್ಷ ಖರ್ಚು ಮಾಡಲಾಗಿದೆ. ಹೀಗಾಗಿ ಡೀಲರ್ಸ್ ವಿರುದ್ಧ ಕ್ರಮಕ್ಕೆ ಮುಂದಾಗಿರುವ ಶಶಿಕುಮಾರ್ ಅವರು ಜೆಪಿ ನಗರ ಠಾಣೆಯಲ್ಲಿ ವಂಚನೆ ಮತ್ತು ನಂಬಿಕೆ ದ್ರೋಹ ಕೇಸ್ ದಾಖಲಿಸಿ ಗ್ರಾಹಕ ನ್ಯಾಯಾಲದ ಮೊರೆ ಹೋಗಿದ್ದಾರೆ.
MOST READ: ಕಾರ್ ರೀಪೆರಿಗೆ 3 ಲಕ್ಷ ಕೇಳಿದ್ದ ಡೀಲರ್ಸ್ ಅಸಲಿಯತ್ತು ಬಯಲಾಗಿದ್ದು ಲೋಕಲ್ ಗ್ಯಾರೇಜ್ನಲ್ಲಿ..!
ದೋಷಪೂರಿತ ಕಾರು ಮಾರಾಟ ಮಾಡಿರುವ ಡೀಲರ್ಸ್ ಜೊತೆಗೆ ಜೀಪ್ ಕಂಪನಿಯ ಹಿರಿಯ ಅಧಿಕಾರಿಗಳ ವಿರುದ್ಧವೂ ವಂಚನೆ ಪ್ರಕರಣ ದಾಖಲಾಗಿದ್ದು, ಈ ಕೂಡಲೇ ಸಮಸ್ಯೆ ಬಗೆಹರಿಸಬೇಕು ಇಲ್ಲವೇ ತಾಂತ್ರಿಕ ದೋಷವಿರುವ ಕಾರು ಬದಲಿಸಿ ಕೊಡಬೇಕೆಂಬ ಬೇಡಿಕೆಯಿಡಲಾಗಿದೆ.
MOST READ: ಹೊಸ ಕಾರು ವಿತರಣೆಯಲ್ಲಿ ವಿಳಂಬ- ಜೀಪ್ ಡೀಲರ್ಸ್ಗೆ ಬಿತ್ತು ರೂ. 50 ಸಾವಿರ ದಂಡ..!
ಹೀಗಾಗಿ ಸದ್ಯ ಈ ಪ್ರಕರಣವು ಗ್ರಾಹಕರ ನ್ಯಾಯಾಲಯದ ಮೆಟ್ಟಲೇರಿದ್ದು, ಗ್ರಾಹಕರಿಗೆ ಸುಳ್ಳ ಮಾಹಿತಿ ನೀಡಿ ಮೋಸದ ವ್ಯಾಪಾರ ಮಾಡಿರುವ ಡೀಲರ್ಸ್ ವಿರುದ್ಧ ಕ್ರಮ ಜರಗಿಸುವ ಸಾಧ್ಯತೆಗಳಿವೆ. ಆದರೆ ಅದೇನೇ ಇರಲಿ ಲಕ್ಷ-ಲಕ್ಷ ಕೊಟ್ಟು ಹೊಸ ವಾಹನ ಖರೀದಿ ಮಾಡುವಾಗ ವಾಹನಕ್ಕೆ ಸಂಬಂಧಿಸಿದ ತಾಂತ್ರಿಕ ಮಾಹಿತಿಗಳನ್ನು ಗೊತ್ತಿದ್ದವರ ಬಳಿ ತಿಳಿದುಕೊಂಡು ಮುಂದುವರಿಯುವುದು ಒಳಿತು. ಇಲ್ಲವಾದ್ರೆ ಡೀಲರ್ಸ್ ಹೇಳುವ ಬಣ್ಣದ ಮಾತುಗಳಿಗೆ ಮರಳಾದ್ರೆ ಮೋಸವಾಗುವುದು ಪಕ್ಕಾ.
ಇನ್ನು ಜೀಪ್ ಕಂಪಾಸ್ ಕಾರು ಬಿಡುಗಡೆಯಾದ ನಂತರ ಇದುವರೆಗೆ ಸುಮಾರು 85 ಸಾವಿರಕ್ಕೂ ಹೆಚ್ಚು ಕಾರುಗಳನ್ನು ಭಾರತದಲ್ಲಿ ಮಾರಾಟವಾಗಿದ್ದು, ಆನ್ರೋಡ್ ಬೆಲೆಗಳಿಗೆ ಅನುಗುಣವಾಗಿ ರೂ. 21.45 ಲಕ್ಷದಿಂದ ಟಾಪ್ ಎಂಡ್ ಮಾದರಿಯು ರೂ. 27.27 ಲಕ್ಷ ಬೆಲೆಯನ್ನು ಹೊಂದಿದೆ.
ಎಸ್ಯುವಿ ಪ್ರಿಯರ ಬೇಡಿಕೆಯೆಂತೆ 2.0-ಲೀಟರ್ ಡೀಸೆಲ್ ಮತ್ತು 1.4-ಲೀಟರ್ ಪೆಟ್ರೋಲ್ ಎಂಜಿನ್ ಆಯ್ಕೆಯನ್ನು ಹೊಂದಿರುವ ಜೀಪ್ ಕಂಪಾಸ್ ಕಾರುಗಳು ಪರ್ಫಾಮೆನ್ಸ್ನಲ್ಲಿ ಐಷಾರಾಮಿ ಕಾರುಗಳನ್ನೇ ಹಿಂದಿಕ್ಕುತ್ತಿದ್ದು, ಮೇಡ್ ಇನ್ ಇಂಡಿಯಾ ನಿರ್ಮಾಣದ ಮೊದಲ ಜೀಪ್ ಕಾರು ಎಂಬ ಹೆಗ್ಗಳಿಕೆಯೊಂದಿಗೆ ಮುಂದಿನ ಕೆಲವೇ ದಿನಗಳಲ್ಲಿ 1 ಲಕ್ಷ ಮಾರಾಟ ಗುರಿಯನ್ನು ತಲುಪುವ ನೀರಿಕ್ಷೆಯಲ್ಲಿದೆ.
ಹೀಗಿರುವಾಗ ಕಂಪಾಸ್ ಕಾರು ಮಾರಾಟದಲ್ಲಿ ಗ್ರಾಹಕರಿಗೆ ಮೋಸವಾಗುತ್ತಿರುವುದು ಜೀಪ್ ಸಂಸ್ಥೆಯ ಮೇಲಿನ ನಂಬಿಕೆಯನ್ನೇ ಪ್ರಶ್ನಿಸುವಂತಹ ಪರಿಸ್ಥಿತಿ ಎದುರಾಗಿದ್ದು, ಗ್ರಾಹಕರು ಕೂಡಾ ಇಂತಹ ಪ್ರಕರಣಗಳ ಬಗ್ಗೆ ಮೌನವಹಿಸದೇ ಸುಳ್ಳು ಮಾಹಿತಿ ನೀಡುವ ಕಾರು ಸಂಸ್ಥೆಗಳ ವಿರುದ್ಧ ಕಾನೂನು ಹೋರಾಟದ ಮೂಲಕ ಕ್ರಮಕೈಗೊಳ್ಳಬೇಕು.