Just In
- 9 min ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 1 hr ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 1 hr ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 1 hr ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- Movies 14 ವರ್ಷಗಳ ವನವಾಸ ಮುಗಿಸಿ, ರಾಜಕೀಯಕ್ಕೆ ಮರಳಿದ ಬಾಲಿವುಡ್ ನ ಹೀರೋ ನಂ 1
- News ಮಂಡ್ಯದ ‘ಹಲವು ಸುಮಲತಾ’ ತಂತ್ರ ಬೆಂಗಳೂರು ಗ್ರಾಮಾಂತದಲ್ಲೂ ಬಂತಾ? ಮತ್ತೊಬ್ಬ ಡಾ ಸಿಎನ್ ಮಂಜುನಾಥ್ ಕಣಕ್ಕೆ!
- Sports IPL 2024: ರಾಜಸ್ಥಾನ್ ರಾಯಲ್ಸ್ vs ಡೆಲ್ಲಿ ಕ್ಯಾಪಿಟಲ್ಸ್ ರೋಚಕ ಪಂದ್ಯದ ಟಾಸ್ ವರದಿ, ಆಡುವ 11ರ ಬಳಗ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಧುನಿಕ ಕಾರುಗಳು ರೇರ್ ವಿಂಡ್ಶೀಲ್ಡ್ ಮಿರರ್ ಹೊಂದದೆ ಇರಲು ಕಾರಣಗಳಿವು
ಕಾರುಗಳಲ್ಲಿ ಸುರಕ್ಷತೆಯ ಕಾರಣಕ್ಕೆ ವಿವಿಧ ಬಗೆಯ ಮಿರರ್ಗಳನ್ನು ನೀಡಲಾಗುತ್ತದೆ. ಕಾರಿನ ಒಳಭಾಗದಲ್ಲಿ ರೇರ್ ವೀವ್ ಮಿರರ್ ಹಾಗೂ ಎರಡೂ ಬದಿಯಲ್ಲಿ ಸೈಡ್ ವೀವ್ ಮಿರರ್ಗಳನ್ನು ನೀಡಲಾಗುತ್ತದೆ. ಸೈಡ್ ವೀವ್ ಮಿರರ್ಗಳ ಒಳಗೆ ಮತ್ತೊಂದು ಸಣ್ಣ ಮಿರರ್ ನೀಡಲಾಗಿರುತ್ತದೆ.
ಸೈಡ್ ವೀವ್ ಮಿರರ್ಗಳ ಒಳಗೆ ನೀಡಲಾಗುವ ಮಿರರ್ಗಳಿಗೆ ಬ್ಲೈಂಡ್ಸ್ಪಾಟ್ ಮಿರರ್ಗಳೆಂದು ಕರೆಯಲಾಗುತ್ತದೆ. ಕಾರಿನ ಬ್ಲೈಂಡ್ ಸ್ಪಾಟ್ ಪ್ರದೇಶದಲ್ಲಿ ಬರುವ ವಾಹನಗಳನ್ನು ಚಾಲಕನಿಗೆ ರೇರ್ ವೀವ್ ಮಿರರ್ ಹಾಗೂ ಸೈಡ್ ವೀವ್ ಮಿರರ್ಗಳ ಮೂಲಕ ನೋಡಲು ಸಾಧ್ಯವಿಲ್ಲ. ಇದರಿಂದ ರಸ್ತೆ ಅಪಘಾತಗಳಾಗುವ ಸಾಧ್ಯತೆಗಳು ಹೆಚ್ಚಾಗಿರುತ್ತವೆ. ಬ್ಲೈಂಡ್ ಸ್ಪಾಟ್ ಮಿರರ್ಗಳು ಈ ಸಮಸ್ಯೆಯನ್ನು ಸರಿಪಡಿಸಲು ನೆರವಾಗುತ್ತವೆ.
ಕಾರುಗಳ ಬ್ಲೈಂಡ್ ಸ್ಪಾಟ್ ಪ್ರದೇಶಗಳಲ್ಲಿ ಬರುವ ವಾಹನಗಳನ್ನು ಈ ಮಿರರ್ಗಳ ಮೂಲಕ ನೋಡಬಹುದು. ಕೆಲವು ಹಳೆಯ ಕಾರುಗಳಲ್ಲಿ ರೇರ್ ವಿಂಡ್ಶೀಲ್ಡ್ನಲ್ಲಿಮಿರರ್ಗಳನ್ನು ನೀಡಲಾಗುತ್ತಿತ್ತು. ಆದರೆ ಈ ಮಿರರ್ಗಳನ್ನು ಹೊಸ ಕಾರುಗಳಲ್ಲಿ ನೀಡಲಾಗುವುದಿಲ್ಲ.
ಈ ಮಿರರ್ಗಳನ್ನು ಹಳೆಯ ಕಾರುಗಳಲ್ಲಿ ಮಾತ್ರ ಏಕೆ ನೀಡಲಾಗುತ್ತಿತ್ತು. ಈಗ ಮಾರಾಟವಾಗುತ್ತಿರುವ ಕಾರುಗಳಲ್ಲಿ ಏಕೆ ನೀಡುತ್ತಿಲ್ಲ ಎಂಬ ವಿವರಗಳನ್ನು ಈ ಲೇಖನದಲ್ಲಿ ನೋಡೋಣ. ಈ ಎಲ್ಲಾ ವಿವರಗಳು ನಿಮಗೆ ಉಪಯುಕ್ತವಾಗುತ್ತವೆ ಎಂಬುದು ನಮ್ಮ ಅಭಿಪ್ರಾಯ.
ಹಿಂದೆ ಬಿಡುಗಡೆಯಾಗುತ್ತಿದ್ದ ಬೃಹದಾಕಾರದ ಎಸ್ಯುವಿಗಳ ರೇರ್ ವಿಂಡ್ ಶೀಲ್ಡ್ ಮೇಲೆ ಮಿರರ್ಗಳನ್ನು ನೀಡಲಾಗುತ್ತಿತ್ತು. ಸಾಮಾನ್ಯವಾಗಿ ಎಸ್ಯುವಿಗಳು ಹೆಚ್ಚು ಉದ್ದವಾಗಿರುತ್ತವೆ ಎಂಬುದು ಎಲ್ಲರಿಗೂ ತಿಳಿದಿರುವ ಸಂಗತಿ.
ಕಾರಿನ ಒಳಭಾಗದಲ್ಲಿರುವ ರೇರ್ ವೀವ್ ಮಿರರ್'ಗಳಿಂದ ಕಾರುಗಳ ಹಿಂಭಾಗವನ್ನು ಅಷ್ಟು ಸ್ಪಷ್ಟವಾಗಿ ನೋಡಲಾಗುವುದಿಲ್ಲ. ಕಾರುಗಳ ಹಿಂಭಾಗದ ಕೆಳಗೆ ಯಾವುದೇ ವಸ್ತುಗಳು ಇದ್ದರೆ ಅವುಗಳನ್ನು ರೇರ್ ವೀವ್ ಮಿರರ್ಗಳ ಮೂಲಕ ನೋಡಲು ಸಾಧ್ಯವಿಲ್ಲ.
ಇದರಿಂದ ಕಾರನ್ನು ರಿವರ್ಸ್ ತೆಗೆಯುವಾಗ ಹಾಗೂ ಪಾರ್ಕಿಂಗ್ ಮಾಡುವಾಗ ಸಮಸ್ಯೆಗಳು ಉಂಟಾಗಬಹುದು. ಕಾರುಗಳ ಹಿಂಭಾಗದಲ್ಲಿ ಏನಿದೆ ಎಂದು ಕಾಣದ ಕಾರಣ ಅಲ್ಲಿರುವ ವಸ್ತುಗಳಿಗೆ ಕಾರು ಡಿಕ್ಕಿ ಹೊಡೆಯುವ ಸಾಧ್ಯತೆಗಳಿರುತ್ತವೆ.
ಈ ವೇಳೆ ಮಕ್ಕಳು ಕಾರಿನ ಹಿಂಬದಿಯಲ್ಲಿ ಆಟವಾಡುತ್ತಿದ್ದರೆ ಪರಿಸ್ಥಿತಿ ಹೆಚ್ಚು ಗಂಭೀರವಾಗುತ್ತದೆ. ಇಂತಹ ಸಮಸ್ಯೆಗಳನ್ನು ತಪ್ಪಿಸಲು ಕಾರುಗಳ ರೇರ್ ವಿಂಡ್ ಶೀಲ್ಡ್ ಮೇಲೆ ರೇರ್ ಮಿರರ್ಗಳನ್ನು ನೀಡಲಾಗುತ್ತಿತ್ತು. ಈ ಮಿರರ್ಗಳು ಕಾರುಗಳ ಟೇಲ್ ಗೇಟ್ ಕೆಳಗೆ ಇರುವ ಸಂಪೂರ್ಣ ಪ್ರದೇಶವನ್ನು ಕಾಣುವಂತೆ ಮಾಡುತ್ತವೆ.
ಇದರಿಂದ ಕಾರು ಚಾಲಕ ಕಾರಿನ ಹಿಂದೆ ಏನಿದೆ ಎಂಬುದನ್ನು ಸ್ಪಷ್ಟವಾಗಿ ನೋಡಬಹುದು. ಜೊತೆಗೆ ಕಾರನ್ನು ರಿವರ್ಸ್ ತೆಗೆಯುವಾಗ ಹಾಗೂ ಪಾರ್ಕಿಂಗ್ ಮಾಡುವಾಗ ಸುರಕ್ಷಿತವಾಗಿ ಕಾರ್ಯ ನಿರ್ವಹಿಸಬಹುದು. ಈ ಕಾರಣಕ್ಕೆ ಹಳೆಯ ಎಸ್ಯುವಿಗಳಲ್ಲಿ ಈ ಮಿರರ್ಗಳನ್ನು ನೀಡಲಾಗುತ್ತಿತ್ತು.
ಈ ಮಿರರ್ಗಳನ್ನು ಈಗ ಮಾರಾಟವಾಗುತ್ತಿರುವ ಎಸ್ಯುವಿಗಳಲ್ಲಿ ಏಕೆ ನೀಡುತ್ತಿಲ್ಲ ಎಂಬ ಪ್ರಶ್ನೆ ಮೂಢ ಬಹುದು. ಈಗ ಮಾರಾಟವಾಗುತ್ತಿರುವ ಕಾರುಗಳು ಅತ್ಯಾಧುನಿಕವಾಗಿವೆ. ಈ ಕಾರುಗಳಲ್ಲಿ ಪ್ರಯಾಣಿಸುವವರ ಸುರಕ್ಷತೆಗಾಗಿ ಹಲವಾರು ಫೀಚರ್'ಗಳನ್ನು ನೀಡಲಾಗುತ್ತದೆ.
ಈಗ ಮಾರಾಟವಾಗುತ್ತಿರುವ ಬಹುತೇಕ ಎಸ್ಯುವಿಗಳಲ್ಲಿ ರೇರ್ ವೀವ್ ಕ್ಯಾಮೆರಾಗಳನ್ನು ನೀಡಲಾಗುತ್ತದೆ. ಈ ರೇರ್ ವೀವ್ ಕ್ಯಾಮೆರಾಗಳು, ರೇರ್ ವಿಂಡ್ ಶೀಲ್ಡ್ ಮೇಲಿರುವ ಮಿರರ್ಗಳನ್ನು ಬಳಕೆಯಲ್ಲಿಲ್ಲದಂತೆ ಮಾಡಿವೆ.
ಈಗ ಮಾರಾಟವಾಗುವ ಕಾರುಗಳ ಹಿಂಭಾಗದಲ್ಲಿ ಕ್ಯಾಮೆರಾ ನೀಡಲಾಗುತ್ತದೆ. ಇದರಿಂದ ಕಾರಿನ ಹಿಂಭಾಗದಲ್ಲಿ ಏನು ನಡೆಯುತ್ತಿದೆ, ಯಾವ ವಸ್ತುಗಳಿವೆ ಎಂಬುದು ಈ ಕ್ಯಾಮೆರಾಗಳಿಂದ ಸ್ಪಷ್ಟವಾಗಿ ಕಾಣುತ್ತದೆ. ಕಾರ್ ಕ್ಯಾಬಿನ್ನಲ್ಲಿರುವ ಸ್ಕ್ರೀನ್ ಮೇಲೆ ಈ ಎಲ್ಲಾ ದೃಶ್ಯಗಳನ್ನು ನೋಡ ಬಹುದು.
ಈ ಕ್ಯಾಮೆರಾಗಳ ಸಹಾಯದಿಂದ ರಿವರ್ಸ್ ಹಾಕುವುದು ಹಾಗೂ ಪಾರ್ಕಿಂಗ್ ಮಾಡುವುದು ಸುಲಭವಾಗುತ್ತದೆ. ರೇರ್ ವೀವ್ ಕ್ಯಾಮೆರಾಗಳನ್ನು ಒದಗಿಸುವುದರಿಂದ ಹೊಸ ಎಸ್ಯುವಿಗಳ ರೇರ್ ವಿಂಡ್ ಶೀಲ್ಡ್ ಮೇಲೆ ಮಿರರ್ಗಳನ್ನು ಅಳವಡಿಸುವ ಅಗತ್ಯವಿಲ್ಲದಂತಾಗಿದೆ. ಹಳೆಯ ಎಸ್ಯುವಿಗಳಿಗೆ ಈ ಮಿರರ್ಗಳು ಆಕರ್ಷಕ ಲುಕ್ ನೀಡುತ್ತಿದ್ದವು.
ಗಮನಿಸಿ: ಈ ಲೇಖನದಲ್ಲಿ ಕೆಲವು ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.