Just In
- 13 min ago ಪೆಟ್ರೋಲ್ಗೆ ಹೆಚ್ಚು ಹಣ ಖರ್ಚು ಮಾಡುತ್ತಿದ್ದೀರಾ?.. ಇಲ್ಲಿವೆ ಉತ್ತಮ ಎಲೆಕ್ಟ್ರಿಕ್ ಸ್ಕೂಟರ್ಗಳು, ಜಾಸ್ತಿ ಓಡುತ್ತವೆ!
- 2 hrs ago Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- 14 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 15 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
Don't Miss!
- News ಮಳೆ.. ಮಳೆ.. ಗುಡುಗು ಸಹಿತ ಭರ್ಜರಿ ಮಳೆಗೆ ತತ್ತರಿಸಿದ ಕರ್ನಾಟಕ!
- Finance Bengaluru Traffic Police: ಬೆಂಗಳೂರಿನ ಈ ರಸ್ತೆ ಸಂಚಾರ ಮಾರ್ಗ ಬದಲಾವಣೆ, ವಿವರ
- Technology Samsung: ಭಾರತದಲ್ಲಿ ಹೊಸ ವೇರಿಯಂಟ್ನಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G! ಬೆಲೆ ಎಷ್ಟು?
- Sports RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ
- Movies Amruthadhaare ; ಪಾರ್ಥ ಮತ್ತು ಅಪೇಕ್ಷಾ ಪ್ರೀತಿ, ಕೆಂಡಾಮಂಡಲಗೊಂಡ ಶಕುಂತಲಾ..!
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
8 ಜನರ ಜೀವ ಕಾಪಾಡಿದ ಟೆಸ್ಲಾ ಕಾರು..!
ಎಲೆಕ್ಟ್ರಿಕ್ ಕಾರುಗಳು ಪ್ರಪಂಚದಾದ್ಯಂತ ಹೆಚ್ಚು ಜನಪ್ರಿಯತೆಯನ್ನು ಪಡೆಯುತ್ತಿವೆ. ಜನಪ್ರಿಯತೆಯ ಜೊತೆಗೆ ಟೀಕೆಗೂ ಒಳಗಾಗುತ್ತಿವೆ. ಈ ಎಲೆಕ್ಟ್ರಿಕ್ ಕಾರುಗಳು ದೂರ ಪ್ರಯಾಣಕ್ಕೆ ತಕ್ಕದಾದವುಗಳಲ್ಲ ಎಂಬುದು ಎಲೆಕ್ಟ್ರಿಕ್ ಕಾರುಗಳ ಮೇಲಿರುವ ಪ್ರಮುಖ ಟೀಕೆ.
ಎಲೆಕ್ಟ್ರಿಕ್ ಕಾರುಗಳು ಹೆಚ್ಚು ದೂರ ಚಲಿಸುವುದಿಲ್ಲ ಎಂಬುದು ಇದಕ್ಕೆ ಮುಖ್ಯ ಕಾರಣ. ಆದರೆ ಟೆಸ್ಲಾ ಕಂಪನಿಯ ಎಲೆಕ್ಟ್ರಿಕ್ ಕಾರುಗಳು ಈ ಆರೋಪಕ್ಕೆ ಅಪವಾದವಾಗಿವೆ. ಟೆಸ್ಲಾ ಕಂಪನಿಯು ಎಲೆಕ್ಟ್ರಿಕ್ ಕಾರುಗಳ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿದೆ.
ಟೆಸ್ಲಾ ಕಂಪನಿಯು ಉತ್ಪಾದಿಸುವ ಅತ್ಯಾಧುನಿಕ ಎಲೆಕ್ಟ್ರಿಕ್ ಕಾರುಗಳು ಹೆಚ್ಚು ದೂರವನ್ನು ಕ್ರಮಿಸುವುದು ಮಾತ್ರವಲ್ಲದೇ, ಅತ್ಯುತ್ತಮವಾದ ಪರ್ಫಾಮೆನ್ಸ್ ನೀಡುತ್ತವೆ. ಜೊತೆಗೆ ಈ ಕಾರುಗಳು ಹೆಚ್ಚಿನ ಸುರಕ್ಷತೆಯನ್ನು ಸಹ ಒದಗಿಸುತ್ತವೆ.
ಟೆಸ್ಲಾ ಕಾರುಗಳಲ್ಲಿರುವ ಟೆಕ್ನಾಲಜಿಯು ಪ್ರಯಾಣಿಕರ ಜೀವಕ್ಕೆ ಭದ್ರತೆಯನ್ನು ಒದಗಿಸುತ್ತದೆ. ಇತ್ತೀಚಿಗೆ ನಡೆದ ಘಟನೆಯು ಇದಕ್ಕೆ ಪೂರಕವಾಗಿದೆ. ಈ ಘಟನೆ ನಡೆದಿರುವುದು ಇಂಗ್ಲೆಂಡ್ನ ದಕ್ಷಿಣ ಭಾಗದಲ್ಲಿ.
ಅಲ್ಲಿ ನಡೆದ ಘಟನೆಯಲ್ಲಿ ಟೆಸ್ಲಾ ಕಂಪನಿಯ ಎರಡು ಕಾರುಗಳು 8 ಜನರ ಪ್ರಾಣವನ್ನು ಉಳಿಸಿವೆ. ಈ ಕಾರುಗಳಲ್ಲಿರುವ ಹೈ ಟೆಕ್ ಟೆಕ್ನಾಲಜಿಯಿಂದ ಇದು ಸಾಧ್ಯವಾಗಿದೆ. ಇಂಗ್ಲೆಂಡ್ನಲ್ಲಿ ಉಂಟಾಗಿರುವ ಬಿರುಗಾಳಿಯು ಅಲ್ಲಿನ ಜನಜೀವನವನ್ನು ಅಸ್ತವ್ಯಸ್ತಗೊಳಿಸಿದೆ.
ಈ ಬಿರುಗಾಳಿಯಿರುವ ವೇಳೆಯಲ್ಲಿ ಎರಡು ಕುಟುಂಬಗಳ ಸದಸ್ಯರು 2 ಟೆಸ್ಲಾ ಕಾರುಗಳಲ್ಲಿ ಎ 31 ಹೈವೇನಲ್ಲಿ ಪ್ರಯಾಣಿಸುತ್ತಿದ್ದರು. ಈ ಕಾರುಗಳು ಟೆಸ್ಲಾದ ಮಾಡೆಲ್ ಎಕ್ಸ್ ಕಾರುಗಳಾಗಿವೆ. ಒಂದು ಕಾರಿನಲ್ಲಿ 5 ಜನರಿದ್ದರೆ, ಮತ್ತೊಂದು ಕಾರಿನಲ್ಲಿ 3 ಜನ ಪ್ರಯಾಣಿಕರಿದ್ದರು.
ಈ ಎರಡೂ ಕಾರುಗಳು ಆಟೋ ಪೈಲಟ್ ಮೋಡ್ನಲ್ಲಿದ್ದವು. ಈ ಆಟೋ ಪೈಲಟ್ ಈ ಎರಡು ಕುಟುಂಬಗಳ ಸದಸ್ಯರನ್ನು ಕಾಪಾಡಿದೆ. ಇವರು ಚಲಿಸುತ್ತಿದ್ದ ರಸ್ತೆಯಲ್ಲಿದ್ದ ಸುಮಾರು 400 ವರ್ಷ ಹಳೆಯದಾದ ಓಕ್ ಮರ ಕಾರಿನ ಮೇಲೆ ಬೀಳುವುದರಲ್ಲಿತ್ತು.
ಇದನ್ನು ಗಮನಿಸಿದ ಆಟೋಪೈಲಟ್ ಎಮರ್ಜೆನ್ಸಿ ಬ್ರೇಕ್ ಹಾಕಿ ಕಾರ್ ಅನ್ನು ನಿಲ್ಲಿಸಿದೆ. ಈ ಸೆಕ್ಯೂರಿಟಿ ಫೀಚರ್ನಿಂದ ಪ್ರಾಣ ಉಳಿಸಿಕೊಂಡ ಜನರು ಟೆಸ್ಲಾ ಕಂಪನಿಗೆ ಧನ್ಯವಾದ ಸಲ್ಲಿಸಿದ್ದಾರೆ. ಒಂದು ಕಾರಿನಲ್ಲಿ ಲಾರೆನ್ಸ್ ಸಾಂಡರ್ಸನ್ರವರು ತಮ್ಮ ಪತ್ನಿ ಹಾಗೂ ಮೂವರು ಮಕ್ಕಳ ಜೊತೆಗೆ ಪ್ರಯಾಣಿಸುತ್ತಿದ್ದರು.
ಲಾರೆನ್ಸ್ ರವರು ಈ ಘಟನೆಯನ್ನು ಪವಾಡವೆಂದು ಹೇಳಿದ್ದಾರೆ. ಮತ್ತೊಂದು ಕಾರಿನಲ್ಲಿ ಜೋಸ್ ವಿಟ್ಲಾಕ್ ಎಂಬುವವರು ತಮ್ಮ ಗರ್ಲ್ ಫ್ರೆಂಡ್ ಕ್ಯಾಟ್ ಹಾಗೂ ಆಕೆಯ ತಾಯಿಯೊಂದಿಗೆ ಪ್ರಯಾಣಿಸುತ್ತಿದ್ದರು. ಈ ಘಟನೆಯ ನಂತರ ಕ್ಯಾಟ್ರವರು ಟ್ವಿಟರ್ ಮೂಲಕ ಟೆಸ್ಲಾ ಕಂಪನಿಯ ಸಿಇಒ ಎಲಾನ್ ಮಸ್ಕ್ ರವರಿಗೆ ಧನ್ಯವಾದ ಸಲ್ಲಿಸಿದ್ದಾರೆ.
ಕ್ಯಾಟ್ರವರು ಟ್ವಿಟರ್ನಲ್ಲಿ ಹಾಯ್ ಎಲಾನ್ ಮಸ್ಕ್ ರವರೇ, ನಿಮ್ಮ ಟೆಸ್ಲಾ ಕಾರು ನಮ್ಮ ಪ್ರಾಣವನ್ನು ಉಳಿಸಿದೆ. ನನ್ನ ಬಾಯ್ಫ್ರೆಂಡ್ ಹಾಗೂ ನನ್ನ ತಾಯಿಯ ಪ್ರಾಣವೂ ಸಹ ಉಳಿದಿದೆ. ಇದರ ಜೊತೆಗೆ ಐದು ಜನರಿದ್ದ ಕುಟುಂಬದ ಸದಸ್ಯರ ಪ್ರಾಣವೂ ಉಳಿದಿದೆ. ಧನ್ಯವಾದಗಳು ಎಂದು ಹೇಳಿದ್ದಾರೆ.
ಗಮನಿಸಬೇಕಾದ ಸಂಗತಿಯೆಂದರೆ ಈ ಟ್ವೀಟ್ಗೆ ಎಲಾನ್ ಮಸ್ಕ್ ರವರೂ ಸಹ ಪ್ರತಿಕ್ರಿಯೆ ನೀಡಿದ್ದಾರೆ. ನೀವೆಲ್ಲರೂ ಸುರಕ್ಷಿತವಾಗಿರುವುದು ಖುಷಿ ತಂದಿದೆ ಎಂದು ಹೇಳಿದ್ದಾರೆ. ಈ ಘಟನೆಯು ವಿಶ್ವವ್ಯಾಪಿ ಪ್ರಶಂಸೆಯನ್ನು ಪಡೆಯುತ್ತಿದೆ. ಈಗಾಗಲೇ ಹಲವಾರು ದೇಶಗಳಲ್ಲಿ ಜನಪ್ರಿಯವಾಗಿರುವ ಟೆಸ್ಲಾ ನಿಧಾನವಾಗಿ ಭಾರತದಲ್ಲಿಯೂ ಜನಪ್ರಿಯವಾಗುತ್ತಿದೆ.