Just In
- 3 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 4 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 6 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 7 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೆಕೆಂಡ್ ಹ್ಯಾಂಡ್ ಕಾರು ಖರೀದಿಸಿದ ನಂತರ ಈ ವಿಚಾರಗಳನ್ನು ತಪ್ಪದೇ ಪಾಲಿಸಿ!
ಕಾರು ಖರೀದಿಸಲು ನಿರ್ಧರಿಸಿದಾಗ ಎರಡು ಮಾರ್ಗಗಳ ಮೂಲಕ ಕಾರು ಖರೀದಿಸಬಹುದು. ಅವುಗಳಲ್ಲಿ ಹೊಸ ಕಾರು ಖರೀದಿಸುವುದು ಮೊದಲ ಮಾರ್ಗವಾದರೆ ಬಳಸಿದ ಕಾರನ್ನು ಖರೀದಿಸುವುದು ಎರಡನೆಯ ಮಾರ್ಗ.
ಯಾವ ಮಾರ್ಗದಲ್ಲಿ ಕಾರು ಖರೀದಿಸಿದರೆ ಒಳ್ಳೆಯದು ಎಂಬುದು ಖರೀದಿಸುವವರ ಬಜೆಟ್ ಹಾಗೂ ಅವಶ್ಯಕತೆಯನ್ನು ಅವಲಂಬಿಸಿರುತ್ತದೆ. ಬಳಸಿದ ಕಾರನ್ನು ಖರೀದಿಸುವುದು ಸೂಕ್ತವೆಂದು ಬಯಸುವವರು, ಸೆಕೆಂಡ್ ಹ್ಯಾಂಡ್ ಕಾರು ಖರೀದಿಸಿದ ನಂತರ ಪಾಲಿಸಬೇಕಾದ ಸಂಗತಿಗಳೇನು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
1. ಸರ್ವಿಸ್ ಮಾಡಿಸಿ
ಸಾಮಾನ್ಯವಾಗಿ ಜನರು ಬಳಸಿದ ಕಾರುಗಳನ್ನು ತರಾತುರಿಯಲ್ಲಿ ಖರೀದಿಸುತ್ತಾರೆ. ಕಾರು ಖರೀದಿಸಿದ ನಂತರ ಆ ಕಾರನ್ನು ವಿಶ್ವಾಸಾರ್ಹ ಮೆಕ್ಯಾನಿಕ್ ಬಳಿ ಕೊಂಡೊಯ್ದು ಅದರ ಎಂಜಿನ್ ಆಯಿಲ್ ಹಾಗೂ ಫಿಲ್ಟರ್ ಬದಲಿಸುವುದು ಒಳ್ಳೆಯದು.
2. ಸ್ವಚ್ಛಗೊಳಿಸಿ
ಬಳಸಿದ ಕಾರಿನ ಮೇಲ್ಮೈ ಎಷ್ಟು ಚೆನ್ನಾಗಿ ಕಾಣಿಸಿದರೂ, ಅದನ್ನು ಒಳಗಿನಿಂದ ಸ್ವಚ್ಛಗೊಳಿಸುವುದು ಬಹಳ ಮುಖ್ಯ. ಕಾರಿನ ಇಂಟಿರಿಯರ್ ಸ್ವಚ್ಛಗೊಳಿಸಲು ಮಾರುಕಟ್ಟೆಯಲ್ಲಿ ಹಲವಾರು ಸಾಧನಗಳು ದೊರೆಯುತ್ತವೆ.
ಅವುಗಳು ಈ ಕೆಲಸಗಳನ್ನು ಸುಲಭಗೊಳಿಸುತ್ತವೆ. ಆದರೆ ಕಾರು ಖರೀದಿ ನಂತರ ಮೊದಲ ಬಾರಿಗೆ ವೃತ್ತಿಪರರಿಂದ ಸ್ವಚ್ಛಗೊಳಿಸುವುದು ಒಳ್ಳೆಯದು. ಕಾರು ಸ್ವಚ್ಛಗೊಳಿಸಲೆಂದೇ ಹಲವಾರು ಕಂಪನಿಗಳಿವೆ.
3 ಎಂ, ಆಟೋ ಐ ಕೇರ್, ಪಿಟ್ಸ್ಟಾಪ್ ಹಾಗೂ ಗೋ ಮೆಕ್ಯಾನಿಕ್ನಂತಹ ಹಲವು ಕಂಪನಿಗಳು ಕಾರನ್ನು ಸ್ವಚ್ಛಗೊಳಿಸುವ ಹಾಗೂ ಸ್ಯಾನಿಟೈಜ್ ಮಾಡುವ ಪ್ಯಾಕೇಜ್ಗಳನ್ನು ನೀಡುತ್ತವೆ.
ನಿಮಗೆ ಸರಿ ಎನಿಸುವಂತಹ ಪ್ಯಾಕೇಜ್ ಆಯ್ಕೆ ಮಾಡಿಕೊಂಡು ಕಾರನ್ನು ಸ್ವಚ್ಛಗೊಳಿಸಿ. ಕೋವಿಡ್ 19 ಸಾಂಕ್ರಾಮಿಕದ ಈ ಅವಧಿಯಲ್ಲಿ ಸಂಪೂರ್ಣವಾಗಿ ಸ್ವಚ್ಛವಾದ ಕಾರನ್ನು ಹೊಂದಿರುವುದು ಅತ್ಯಗತ್ಯ.
3. ಮಾಲೀಕತ್ವ ವರ್ಗಾವಣೆ
ಮಹೀಂದ್ರಾ ಫಸ್ಟ್ ಚಾಯ್ಸ್ ಅಥವಾ ಮಾರುತಿ ಸುಜುಕಿ ಟ್ರೂ-ವ್ಯಾಲ್ಯೂನಂತಹ ಕಂಪನಿಗಳ ಮೂಲಕ ಬಳಸಿದ ಕಾರನ್ನು ಖರೀದಿಸಿದರೆ, ಆ ಕಂಪನಿಗಳೇ ಕಾರುಗಳಮಾಲೀಕತ್ವ ವರ್ಗಾವಣೆಯನ್ನು ನೋಡಿಕೊಳ್ಳುತ್ತವೆ.
ಆದರೆ ಖಾಸಗಿ ಡೀಲರ್'ಗಳ ಮೂಲಕ ಅಥವಾ ಸ್ನೇಹಿತರಿಂದ ಅಥವಾ ಪರಿಚಯಸ್ಥರಿಂದ ಬಳಸಿದ ಕಾರುಗಳನ್ನು ಖರೀದಿಸಿದಾಗ ಮಾಲೀಕತ್ವದ ವರ್ಗಾವಣೆಯನ್ನು ನಿರ್ಲಕ್ಷಿಸಲಾಗುತ್ತದೆ.
ಇದರಿಂದ ಭವಿಷ್ಯದಲ್ಲಿ ಇನ್ಶ್ಯೂರೆನ್ಸ್ ಕ್ಲೈಮ್ ಮಾಡುವಾಗ ಅಥವಾ ಕಾರನ್ನು ಮಾರಾಟ ಮಾಡಲು ಮುಂದಾದಾಗ ಕಾರಿನ ಮಾಲೀಕತ್ವವು ಹಲವಾರು ಸಮಸ್ಯೆಗಳನ್ನು ಉಂಟುಮಾಡಬಹುದು.
ಬಳಸಿದ ಕಾರನ್ನು ಖರೀದಿಸಿದ ತಕ್ಷಣವೇ ಕಾರು ಮಾರಾಟ ಮಾಡುತ್ತಿರುವವರಿಂದ ಆರ್ಸಿ ಬುಕ್ ಸೇರಿದಂತೆ ಇನ್ನಿತರ ದಾಖಲೆಗಳನ್ನು ಪಡೆದು ಸಂಬಂಧ ಪಟ್ಟ ಆರ್ಟಿಓದಲ್ಲಿ ಅರ್ಜಿ ಸಲ್ಲಿಸಿ ಕಾರಿನ ಮಾಲೀಕತ್ವವನ್ನು ನಿಮ್ಮ ಹೆಸರಿಗೆ ವರ್ಗಾಯಿಸಿಕೊಳ್ಳಿ.
ಜೊತೆಗೆ ಪ್ರಮಾಣೀಕೃತ ಸೆಕೆಂಡ್ ಹ್ಯಾಂಡ್ ವಾಹನಗಳ ಮಾರಾಟ ಮಳಿಗೆಗಳಲ್ಲಿ ಖರೀದಿಸುವ ವಾಹನಗಳಿಗೆ ಹೆಚ್ಚುವರಿಯಾಗಿ ವಾರಂಟಿ ಸಹ ದೊರೆಯಲಿದ್ದು, ಮೋಸ ವ್ಯವಹಾರಗಳಿಗೆ ಇಲ್ಲಿ ಅವಕಾಶವಿರುವುದಿಲ್ಲ.
4. ಕಾರು ವಿಮೆ ಪಡೆಯಿರಿ
ಆರ್ಸಿ ಬುಕ್'ನಂತೆಯೇ ವಿಮಾ ವರ್ಗಾವಣೆಯನ್ನು ಸಹ ಪಡೆಯಬಹುದು. ಹಿಂದಿನ ಮಾಲೀಕರು ವಾಹನ ವಿಮೆಯನ್ನು ನವೀಕರಿಸದಿದ್ದರೆ ಹಾಗೂ ಹೆಚ್ಚುವರಿ ಸಂಕಷ್ಟಗಳನ್ನು ತಪ್ಪಿಸಲು ಬಯಸಿದರೆ ಹೊಸ ಸೆಕೆಂಡ್ ಹ್ಯಾಂಡ್ ಕಾರು ವಿಮೆಯನ್ನು ಪಡೆಯಬಹುದು.
5. ನಿಯಮಿತವಾಗಿ ಸರ್ವೀಸ್ ಮಾಡಿಸಿ
ಹೊಸ ಕಾರು ಆಗಲಿ ಅಥವಾ ಬಳಸಿದ ಕಾರು ಆಗಲಿ, ಕಾರನ್ನು ಉತ್ತಮ ಸ್ಥಿತಿಯಲ್ಲಿಡುವುದು ಮುಖ್ಯ. ಈ ಕಾರಣಕ್ಕೆ ಕಾರುಗಳನ್ನು ಕಾಲ ಕಾಲಕ್ಕೆ ಸರ್ವೀಸ್ ಮಾಡಿಸಿ.
ಬಿಡಿಭಾಗಗಳಲ್ಲಿ ಯಾವುದೇ ಸಮಸ್ಯೆಗಳು ಕಂಡು ಬಂದರೆ ತಕ್ಷಣ ಅವುಗಳನ್ನು ಸರಿಪಡಿಸಿ ಅಥವಾ ಬದಲಾಯಿಸುವುದನ್ನು ಮರೆಯಬೇಡಿ.
ಹಳೆಯ ಕಾರುಗಳ ಬೆಲೆ ಹೊಸ ಕಾರುಗಳಂತೆ ಬಹು ಬೇಗ ಕಡಿಮೆಯಾಗುವುದಿಲ್ಲ. ಬಳಸಿದ ಕಾರುಗಳನ್ನು ಉತ್ತಮ ಸ್ಥಿತಿಯಲ್ಲಿ ಇಟ್ಟುಕೊಂಡು ಮಾರಾಟ ಮಾಡಿದರೆ ಉತ್ತಮ ಬೆಲೆ ಪಡೆಯಬಹುದು.