Just In
- 41 min ago Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
- 2 hrs ago ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- 3 hrs ago ಭರ್ಜರಿ ಸಿಹಿಸುದ್ದಿ: ಸ್ಕೋಡಾ ಕೊಡಿಯಾಕ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
- 3 hrs ago Maruti: ಜಪಾನ್ನಲ್ಲಿ ಗರಿಷ್ಟ ಗುಣಮಟ್ಟದ ಸ್ವಿಫ್ಟ್ ಕಾರು! ಭಾರತಕ್ಕೆ ಮಾತ್ರ ಕಳಪೆ ಗುಣಮಟ್ಟ ಏಕೆ?
Don't Miss!
- News ಹಾಸನದಲ್ಲಿ ಬಿಜೆಪಿಯ ಸಹಕಾರವಿಲ್ಲ, ಮಂಡ್ಯದಲ್ಲಿ ಸುಮಲತಾ ಸಹಾಯ ಮಾಡಿಲ್ಲ: ಮತ್ತೆ ಸಂಕಷ್ಟದಲ್ಲಿ ದಳಪತಿ
- Lifestyle ಮಳೆ ನಿರೀಕ್ಷೆಯಲ್ಲಿದ್ದವರಿಗೆ ಶಾಕ್ ಕೊಟ್ಟ ಹವಾಮಾನ ಇಲಾಖೆ..!
- Movies Lok Sabha Election 2024: ಕನ್ನಡ ತಾರೆಯರು ನಾಳೆಏಪ್ರಿಲ್ 26 ಎಲ್ಲೆಲ್ಲಿ ತಮ್ಮ ಹಕ್ಕು ಚಲಾಯಿಸುತ್ತಾರೆ?
- Technology ಮೇ 1 ರಂದು ವಿವೋ T3x 5G ಮೊಬೈಲ್ ಮತ್ತೆ ಖರೀದಿಗೆ ಲಭ್ಯ!..ಅಗ್ಗದ ಬೆಲೆ ಇದೆ!
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇದು ಪ್ರಪಂಚದ ಭಯಾನಕ ಹೆದ್ದಾರಿ..!
ಪ್ರಪಂಚದಲ್ಲಿರುವ ರಸ್ತೆಗಳಲ್ಲಿ ಅಮಾನುಷ ಶಕ್ತಿಗಳಿರುತ್ತವೆ ಎಂಬುದು ಜನರ ನಂಬಿಕೆ/ಮೂಢ ನಂಬಿಕೆ. ಈ ಕಾರಣಕ್ಕಾಗಿ ಕೆಲವು ರಸ್ತೆಗಳಲ್ಲಿ ಓಡಾಡಲು ಜನರು ಭಯ ಪಡುವುದರ ಜೊತೆಗೆ ಆ ರಸ್ತೆಗಳತ್ತ ತಲೆ ಹಾಕುವುದಿಲ್ಲ.
ಆ ರಸ್ತೆಗಳಲ್ಲಿ ಸಂಚರಿಸಿದರೆ ಅಮಾನುಷ ಶಕ್ತಿಗಳು ತಮ್ಮನ್ನು ಕೊಲ್ಲಬಹುದು ಎಂಬ ಭಯ ಇದಕ್ಕೆ ಮುಖ್ಯ ಕಾರಣ. ಕಾಕತಾಳೀಯವೆಂಬಂತೆ ಕೆಲವು ರಸ್ತೆಗಳಲ್ಲಿ ಬೇರೆ ರಸ್ತೆಗಳಿಗೆ ಹೋಲಿಸಿದರೆ ಹೆಚ್ಚಿನ ಪ್ರಮಾಣದ ಅಪಘಾತಗಳಾಗಿ ಜನ ಸ್ಥಳದಲ್ಲೇ ಸಾವನ್ನಪ್ಪುತ್ತಿದ್ದಾರೆ. ಇದು ಜನರ ಭಯವನ್ನು ಮತ್ತಷ್ಟು ಹೆಚ್ಚಿಸುತ್ತದೆ.
ಜನ ಈ ರೀತಿ ಭಯ ಪಡಲು ಆ ರಸ್ತೆಗಳ ಬಳಿ ನೆಲೆಸಿರುವ ಸ್ಥಳೀಯರೂ ಕಾರಣ. ಹೆಚ್ಚು ಅಪಘಾತವಾಗುವ ರಸ್ತೆಗಳ ಭೌಗೋಳಿಕ ಹಿನ್ನೆಲೆಯು ಸಹ ಹೆಚ್ಚಿನ ಪ್ರಮಾಣದ ಅಪಘಾತಗಳಾಗಲು ಕಾರಣವಾಗುತ್ತವೆ.
ಟೆಕ್ನಾಲಜಿ ಇಷ್ಟೆಲ್ಲಾ ಅಭಿವೃದ್ಧಿ ಹೊಂದಿದ್ದರೂ ಕೆಲ ರಸ್ತೆಗಳಲ್ಲಿ ಮಾತ್ರವೇ ಹೆಚ್ಚು ಅಪಘಾತಗಳಾಗಲು ಕಾರಣವೇನು ಎಂಬುದಕ್ಕೆ ಯಾರಲ್ಲೂ ಉತ್ತರವಿಲ್ಲ. ಈ ಕಾರಣಕ್ಕಾಗಿ ಅಮಾನುಷ ಶಕ್ತಿಗಳಿಂದಾಗಿಯೇ ಹೆಚ್ಚು ಅಪಘಾತಗಳಾಗುತ್ತಿವೆ ಎಂದು ಜನರು ನಂಬುವಂತಾಗಿದೆ.
ಹೈವೇ 666ನಲ್ಲಿ ಜನರು ಸಂಚರಿಸಲು ಭಯ ಪಡುತ್ತಾರೆ. ಈ ಹೈವೇಯನ್ನು ಜನರು ಡೆವಿಲ್ ಹೈವೇ ಅಥವಾ ನರಕಕ್ಕೆ ಹೋಗುವ ಹೈವೇ ಎಂದೇ ಕರೆಯುತ್ತಾರೆ. ಹೈವೇ 666ನಲ್ಲಿ ಸಂಚರಿಸಲು ಸಾಧ್ಯವೇ ಇಲ್ಲ ಎಂಬುದು ಜನರ ಅಭಿಪ್ರಾಯವಾಗಿದೆ.
ಅದಕ್ಕಾಗಿ ಯಾವುದೇ ಸಂದರ್ಭದಲ್ಲೂ ಜನರು ಈ ರಸ್ತೆಯಲ್ಲಿ ಒಬ್ಬರೇ ಓಡಾಡುವುದಿಲ್ಲ. ಅಂದಹಾಗೆ ಈ ರೀತಿಯಾಗಿ ಕುಖ್ಯಾತಿಯನ್ನು ಪಡೆದಿರುವ ಹೈವೇ 666 ಇರುವುದು ಅಮೇರಿಕಾದಲ್ಲಿ. ಹೈವೇ 666 ಆರಂಭವಾಗುವುದು ಉತಾ ರಾಜ್ಯದಲ್ಲಿರುವ ಮಾಂಟಿಸೆಲ್ಲೊ ನಗರದಿಂದ.
ಹೈವೇ 666 ಮಾಂಟಿಸೆಲ್ಲೊದಿಂದ ನ್ಯೂ ಮೆಕ್ಸಿಕೊದಲ್ಲಿರುವ ಗಾಲಪ್ ನಗರದವರೆಗೂ ವಿಸ್ತರಿಸಿದೆ. ಸುಮಾರು 200 ಮೈಲುಗಳವರೆಗೆ ಹರಡಿಕೊಂಡಿರುವ ಹೈವೇ 666ನ ಮೇಲೆ ಹಲವು ಭಯಾನಕ ಕಥೆಗಳಿವೆ. ಹೈವೇ 666ನಲ್ಲಿ ಮುಂದೆ ಸಾಗಿದಂತೆ ದೊಡ್ಡ ಗಾತ್ರದ ಬಂಡೆಗಳು ಎದುರಾಗುತ್ತವೆ.
ಇದರ ಜೊತೆಗೆ ದೊಡ್ಡ ಗಾತ್ರದ ಕ್ಯಾಕ್ಟಸ್ ಗಿಡಗಳೂ ಕಂಡು ಬಂದು ಇದು ರಸ್ತೆಯೋ ಅಥವಾ ಮರುಭೂಮಿಯೋ ಎಂಬ ಅನುಮಾನ ಮೂಡುವಂತೆ ಮಾಡುತ್ತವೆ. ಈ ಹೈವೇನಲ್ಲಿ ಪ್ರಯಾಣಿಸುವುದು ಹೊಸ ಅನುಭವವನ್ನು ನೀಡಿದರೂ ಸಹ ಜನ ಈ ರಸ್ತೆಯಲ್ಲಿ ಓಡಾಡಲು ಭಯಪಡುತ್ತಾರೆ.
ಸ್ಥಳೀಯರ ಪ್ರಕಾರ ಈ ರಸ್ತೆಯಲ್ಲಿ ಸಂಚರಿಸುವವರು ವಾಪಸ್ ಬಂದರೆ ಅದೊಂದು ದೊಡ್ಡ ಪವಾಡ. ವಾಸ್ತವವಾಗಿ ಹೈವೇ 666 ಹೆಚ್ಚು ಜನಪ್ರಿಯ ಹೆದ್ದಾರಿಯಾದರೂ, ಅಮಾನುಷ ಶಕ್ತಿಗಳಿವೆ ಎಂಬ ಮೂಢನಂಬಿಕೆಯಿಂದಾಗಿ ಹೆಚ್ಚಿನ ಜನರು ಈ ಹೆದ್ದಾರಿಯಲ್ಲಿ ಓಡಾಡುವುದೇ ಇಲ್ಲ.
ಈ ಹೆದ್ದಾರಿಯಲ್ಲಿ ಹೆಚ್ಚು ಅಪಘಾತಗಳು ಏಕೆ ಆಗುತ್ತಿವೆ ಎಂಬುದಕ್ಕೆ ಯಾರ ಬಳಿಯೂ ಉತ್ತರವಿಲ್ಲ. ಈ ಹೆದ್ದಾರಿಯಲ್ಲಿ ಹೆಚ್ಚು ಅಪಘಾತವಾಗುವುದರ ಜೊತೆಗೆ ಅತಿ ಹೆಚ್ಚಿನ ಸಂಖ್ಯೆಯ ಜನರು ಸ್ಥಳದಲ್ಲಿಯೇ ಸಾವನ್ನಪ್ಪುತ್ತಿದ್ದಾರೆ.
ಇದರಿಂದಾಗಿ ಇದು ಅಮಾನುಷ ಶಕ್ತಿಗಳ ಕಾಟ ಎಂಬ ನಂಬಿಕೆ ಹೆಚ್ಚುವಂತೆ ಮಾಡಿದೆ. 2003ರಲ್ಲಿ ಅಮೇರಿಕಾ ಸರ್ಕಾರವು ಈ ಹೆದ್ದಾರಿಯ ಹೆಸರನ್ನು ಹೈವೇ 666ನಿಂದ ಯುಎಸ್ ರೂಟ್ 491 ಎಂದು ಬದಲಿಸಿತು. ಈ ಹೆದ್ದಾರಿಯಲ್ಲಿ ನಡೆದಿವೆ ಎಂದು ಹೇಳಲಾದ ಘಟನೆಗಳನ್ನು ಈ ಲೇಖನದಲ್ಲಿ ನೋಡೋಣ.
1. ಯಮ ಸ್ವರೂಪಿ ಟ್ರಕ್
ಈ ರಸ್ತೆಯಲ್ಲಿ ಸಂಚರಿಸಿ ಬದುಕುಳಿದ ಕೆಲವರ ಪ್ರಕಾರ ಈ ಹೆದ್ದಾರಿಯಲ್ಲಿ ಚಾಲಕನಿಲ್ಲದ ಟ್ರಕ್ವೊಂದು ಬಂದು ಈ ಹೆದ್ದಾರಿಯಲ್ಲಿ ಓಡಾಡುವವರಿಗೆ ಗುದ್ದಿ ಅವರ ಪ್ರಾಣ ತೆಗೆಯುತ್ತಿದೆ. ಇನ್ನೂ ಕೆಲವರ ಪ್ರಕಾರ ಚಾಲಕನಿಲ್ಲದ ಟ್ರಕ್ ಅತಿ ವೇಗದಲ್ಲಿ ಚಲಿಸಿ ಜನರ ಪ್ರಾಣ ತೆಗೆಯುತ್ತಿದೆ.
ನಾವು ಈ ರಸ್ತೆಯಲ್ಲಿ ಸಂಚರಿಸುವಾಗ ಟ್ರಕ್ ನಮ್ಮ ವಾಹನಕ್ಕೆ ಬಂದು ಗುದಿಯುತ್ತದೆ. ಅಥವಾ ನಮ್ಮ ವಾಹನದ ಪಕ್ಕದಲ್ಲಿ ಅತಿ ವೇಗವಾಗಿ ಬಂದು ನಮ್ಮನ್ನು ಭಯಪಡಿಸುತ್ತದೆ. ಅದರಲ್ಲಿ ಚಾಲಕನಿರುವುದಿಲ್ಲ ಎಂದು ಈ ಹೆದ್ದಾರಿಯಲ್ಲಿ ಸಂಚರಿಸಿ ಬದುಕಿ ಬಂದ ಕೆಲವರು ಹೇಳಿದ್ದಾರೆ.
ಈ ಟ್ರಕ್ ಅನ್ನು ಅಮಾನುಷ ಶಕ್ತಿಗಳು ನಿಯಂತ್ರಿಸುತ್ತಿದ್ದು, ಈ ಹೆದ್ದಾರಿಯಲ್ಲಿ ಓಡಾಡುವ ಜನರ ಪ್ರಾಣವನ್ನು ತೆಗೆಯುವುದು ಅವುಗಳ ಗುರಿಯಾಗಿದೆ ಎಂದು ಇಲ್ಲಿನ ಜನ ಅಭಿಪ್ರಾಯ ಪಡುತ್ತಾರೆ. ಇದರಿಂದ ಈ ಹೆದ್ದಾರಿಯಲ್ಲಿ ಸಂಚರಿಸಲು ಜನರು ಭಯಪಡುವಂತಾಗಿದೆ.
2. ನಾಯಿಗಳ ಕಾಟ
ಈ ಹೆದ್ದಾರಿಯಲ್ಲಿ ಓಡಾಡಿದವರ ಅನುಭವದ ಪ್ರಕಾರ ಈ ಹೆದ್ದಾರಿಯಲ್ಲಿ ಹಲವು ಬೀದಿ ನಾಯಿಗಳಿವೆ. ನೀವು ಎಷ್ಟೇ ವೇಗವಾಗಿ ಚಲಿಸಿದರೂ ಅಷ್ಟೇ ವೇಗವಾಗಿ ನಿಮ್ಮ ವಾಹನದ ಜೊತೆಗೆ ಓಡಿ ಬರುತ್ತವೆ. ಇದರಿಂದಾಗಿ ಅಪಘಾತಗಳಾಗುತ್ತಿವೆ.
ಇವು ದೆವ್ವದ ನಾಯಿಗಳು ಎಂಬುದು ಅವರ ಅಭಿಪ್ರಾಯ. ಈ ರೀತಿ ಎದುರಾಗುವ ನಾಯಿಗಳು ಚೂಪಾದ ಹಲ್ಲುಗಳನ್ನು ಹೊಂದಿದ್ದು, ವಾಹನಗಳ ವಿಂಡೊಗಳ ಮೇಲೆಯೇ ಎರಗುತ್ತವೆ. ಇವುಗಳು ಜನರ ಮೂಢನಂಬಿಕೆಯೋ ಅಥವಾ ಕಟ್ಟು ಕಥೆಯೋ ಎಂಬುದು ಸರಿಯಾದ ತನಿಖೆಯಿಂದಷ್ಟೇ ತಿಳಿದು ಬರಬೇಕಿದೆ.