Just In
- 7 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 8 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 10 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 10 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನ್ಯಾಷನಲ್ ರೇಸಿಂಗ್ ಚಾಂಪಿಯನ್ಶಿಪ್ನಲ್ಲಿ ಮಿಂಚಿದ ಬೆಂಗಳೂರು ಬಾಲಕನ ರಿಯಲ್ ಸ್ಟೋರಿ ಇದು...
ಮೋಟಾರ್ ಸ್ಪೋರ್ಟ್ ಕುರಿತಾಗಿ ಪ್ರತಿಯೊಬ್ಬರಿಗೂ ಕ್ರೇಜ್ ಇದ್ದೆ ಇರುತ್ತೆ. ಆದ್ರೆ ಟ್ರ್ಯಾಕ್ಗೆ ಬಂದಾಗ ಬಹುತೇಕರಿಗೆ ಅದು ಅಸಾಧ್ಯವಾಗದ ಮಾತು. ಇದೇ ಕಾರಣಕ್ಕೆ ಅದೆಷ್ಟೋ ಮೋಟಾರ್ ಸ್ಪೋರ್ಟ್ ಉತ್ಸಾಹಿಗಳು ಈ ಕ್ಷೇತ್ರದಲ್ಲಿ ಯಶಸ್ಸು ಸಾಧಿಸಲು ಸಾಧ್ಯವಾಗುವುದೇ ಇಲ್ಲ. ಇಂತಹ ಕಠಿಣ ಕ್ಷೇತ್ರದಲ್ಲೂ ಇದೀಗ ಬೆಂಗಳೂರಿನ 15 ವರ್ಷದ ಬಾಲಕನೊಬ್ಬ ಅದ್ಭುತ ಪ್ರದರ್ಶನ ತೊರುತ್ತಿದ್ದಾನೆ.
ಹೌದು, ಬೆಂಗಳೂರು ಮೂಲದ ಟಿಜಿಲ್ ರಾವ್ ಸದ್ಯ 2018ರ ನ್ಯಾಷನಲ್ ರೇಸಿಂಗ್ ಚಾಂಪಿಯನ್ಶಿಪ್ನಲ್ಲಿ ಅದ್ಬುತ ಪ್ರದರ್ಶನ ತೋರುತ್ತಿದ್ದು, ಚೆನ್ನೈ ಮೂಲದ ಮೊಮೆಂಟಮ್ ಮೋಟಾರ್ಸ್ಪೋರ್ಟ್ಸ್ ತಂಡವನ್ನ ಪ್ರತಿನಿಧಿಸತ್ತಿದ್ದಾರೆ. ಈ ತಂಡದಲ್ಲಿ ಅತಿ ಕಿರಿಯ ವಯಸ್ಸಿನ ಸ್ಪರ್ಧಿಯಾಗಿರುವ ಟಿಜಿಲ್ ರಾವ್ ಅವರು ನಾಲ್ಕು ಬಾರಿ ನ್ಯಾಷನಲ್ ರೇಸಿಂಗ್ ಚಾಂಪಿಯನ್ ಆಗಿರುವ ದೀಪಕ್ ಪೌಲ್ ಚಿನ್ನಪ್ಪ ಅವರ ಮಾರ್ಗದರ್ಶನದಲ್ಲಿ ತರಬೇತಿ ಪಡೆಯುತ್ತಿದ್ದಾರೆ. ಗುರುವಿಗೆ ತಕ್ಕ ಶಿಷ್ಯನಾಗಿರುವ ಟಿಜಿಲ್ ಸದ್ಯ ನ್ಯಾಷನಲ್ ರೇಸಿಂಗ್ ಚಾಂಪಿಯನ್ಶಿಷನ್ ಉದಯೊನ್ಮುಖ ಪ್ರತಿಭೆ ಎಂದ್ರೆ ತಪ್ಪಾಗುವುದಿಲ್ಲ.
2018ರ ನ್ಯಾಷನಲ್ ರೇಸಿಂಗ್ ಚಾಂಪಿಯನ್ಶಿಪ್ ಈಗಾಗಲೇ ಚಾಲನೆ ಪಡೆದುಕೊಂಡಿದ್ದು, ಕಳೆದ ಜೂನ್ 22ರಿಂದ 24ರ ತನಕ ನಡೆದ ಮೊದಲ ಹಂತದ ಸ್ಪರ್ಧೆಗಳಲ್ಲಿ ಬೆಂಗಳೂರಿನ ಟಿಜಿಲ್ ರಾವ್ ಟ್ರ್ಯಾಕ್ ಪ್ರದರ್ಶನವು ಪ್ರತಿಯೊಬ್ಬರನ್ನು ನಿಬ್ಬೆರಗಾಗುವಂತೆ ಮಾಡಿದ್ದು ಮಾತ್ರ ಸುಳ್ಳಲ್ಲ.
ನ್ಯಾಷನಲ್ ರೇಸಿಂಗ್ ಚಾಂಪಿಯನ್ಶಿಪ್ನ ಮೊದಲ ಮತ್ತು ಮೂರನೇ ಸುತ್ತಿನ ಟ್ರ್ಯಾಕ್ ಪ್ರದರ್ಶನದಲ್ಲಿ ಅನುಕ್ರಮವಾಗಿ10ನೇ ಮತ್ತು 11 ನೇ ಸ್ಥಾನ ಗಳಿಸುವಲ್ಲಿ ಯಶಸ್ವಿಯಾದ ಟಿಜಿಲ್ ರಾವ್, 2ನೇ ಸುತ್ತಿನಲ್ಲಿ ಪ್ರದರ್ಶನ ತೊರುವಾಗ 5ನೇ ಸ್ಥಾನಕ್ಕೆ ಗುರಿತಲುವ ಹಂತದಲ್ಲೇ ತಾಂತ್ರಿಕ ತೊಂದರೆಯಿಂದಾಗಿ ತುಸು ಹಿನ್ನಡೆಯಾಗಿದ್ದನ್ನ ಬಿಟ್ಟರೇ ಉಳಿದೆರಡು ಸುತ್ತಿನಲ್ಲಿ ಘಾಟಾನುಘಟಿ ಪ್ರತಿಸ್ಪರ್ಧಿಗಳಿಗೆ ಭಾರೀ ಪೈಪೋಟಿ ನೀಡಿದರು.
ಇಂಡಿಯನ್ ಮೋಟಾರ್ ಸ್ಪೋರ್ಟ್ಸ್ನಲ್ಲಿ ಆರಂಭಿಕ ರೇಸ್ ಚಾಂಪಿಯನ್ ಆವೃತ್ತಿಯಾಗಿರುವ ಫಾರ್ಮುಲಾ ಎಲ್ಜಿಬಿ 1300 ಕೆಟಗೆರಿಯಲ್ಲಿ ಸಿಂಗಲ್ ಸೀಟರ್ ಓಪನ್ ವೀಲ್ಹ್ ರೇಸ್ ಇದಾಗಿದ್ದು, 1.3-ಲೀಟರ್ ಎಂಜಿನ್ ಪ್ರೇರಿತ ಮಾರುತಿ ಸ್ವಿಫ್ಟ್ ರೇಸ್ ಕಾರನ್ನ ಚಾಲನೆ ಮಾಡಿದ ಟಿಜಿಲ್ ರಾವ್ ಅವರು 1 ನಿಮಿಷ 09 ಸೇಕೆಂಡ್ಗಳಲ್ಲಿ ತಮ್ಮ ಮೊದಲ ಗುರಿಸಾಧನೆ ಮಾಡಿದರು.
ಗಂಟೆಗೆ ಬರೋಬ್ಬರಿ 175 ಕಿ.ಮೀ ವೇಗ ಸಾಧಿಸುವಷ್ಟು ವೇಗ ಪಡೆದುಕೊಂಡಿದ್ದ ಮಾರುತಿ ಸ್ವಿಫ್ಟ್ ರೇಸ್ ಎಡಿಷನ್ ಮೂಲಕ ಆಕರ್ಷಕ ಪ್ರದರ್ಶನ ನೀಡಿದ ಟಿಜಿಲ್ ರಾವ್, ರೇಸ್ನಲ್ಲಿದ್ದ ಬಹುತೇಕ 20 ವರ್ಷಕ್ಕಿಂತಲೂ ಹೆಚ್ಚಿನ ಪ್ರತಿಸ್ಪರ್ಧಿಗಳಿಂತ ತಾನೆೇನು ಕಡಿಮೆ ಇಲ್ಲ ಎಂಬುವುದನ್ನ ಸಾಬೀತುಪಡಿಸಿದ್ದಾನೆ.
'ಅಂಗವೈಕಲ್ಯಕ್ಕೆ ಸೆಡ್ಡುಹೊಡೆದ ಟಿಜಿಲ್'
ನೀವು ನಂಬುತ್ತಿರೋ ಇಲ್ಲವೋ ಗೊತ್ತಿಲ್ಲ. ನ್ಯಾಷನಲ್ ರೇಸ್ ಚಾಂಪಿಯನ್ಶಿಪ್ ಮಿಂಚುತ್ತಿರುವ ಟಿಜಿಲ್ ರಾವ್, ಹುಟ್ಟಿನಿಂದಲೇ 'ಕಬ್ಲ್ಫುಟ್'(Clubfoot)ಎನ್ನುವ ಅಂಗವೈಕಲ್ಯಕ್ಕೆ ತುತ್ತಾಗಿದ್ದು, ಇದ್ಯಾವುದಕ್ಕೂ ಲೆಕ್ಕಿಸದ ಈ ಬಾಲಕ ಮಾತ್ರ ಪಠ್ಯೇತರ ಚಟುವಟಿಕೆಗಳಲ್ಲಿ ಹೊಸ ಭರವಸೆಯೊಂದಿಗೆ ಮುನ್ನುಗ್ಗುತ್ತಿದ್ದಾನೆ.
ಬೆಂಗಳೂರಿನ ಪ್ರತಿಷ್ಠಿತ ಮಿರಾಂಬಿಕಾ ಸ್ಕೂಲ್ ಫಾರ್ ನ್ಯೂ ಏಜ್ ಶಿಕ್ಷಣ ಸಂಸ್ಥೆಯಲ್ಲಿ 10ನೇ ತರಗತಿ ಓದುತ್ತಿರುವ ಟಿಜಿಲ್ ರಾವ್, ಮೋಟಾರ್ ರೇಸಿಂಗ್ ಹೊರತುಪಡಿಸಿ ಸ್ಕೇಟಿಂಗ್ ವಿಭಾಗದಲ್ಲೂ ರಾಜ್ಯ ಮಟ್ಟದಲ್ಲೂ ಪ್ರತಿನಿಧಿಸಿದ್ದಾನೆ.
ಇದರ ಜೊತೆ ಈಜು, ಬಾಸ್ಕೇಟ್ ಬಾಲ್ನಲ್ಲೂ ಉತ್ತಮ ಪ್ರದರ್ಶನ ತೊರುವ ಟಿಜಿಲ್, ಬಾಲ್ಯದ ದಿನಗಳಲ್ಲಿ ಸರಿಯಾಗಿ ನಿಲ್ಲಲೂ ಸಾಧ್ಯವಾಗದ ಪರಿಸ್ಥಿತಿಯಲ್ಲೂ ಅವನು ಬೆಳೆದುಬಂದ ಹಾದಿ ಅಷ್ಟು ಸುಲಭವಾಗಿರಲ್ಲ. ಹೀಗೆ ಕಷ್ಟದ ಸಂದರ್ಭದಲ್ಲೂ ಯಾವುದಕ್ಕೂ ಎದೆಗೂಂದದೇ ಯಶಸ್ಸಿನತ್ತ ಪ್ರಯಣಿಸುತ್ತಿದ್ದು, 11ನೇ ವರ್ಷದವನಿದ್ದಾಗಲೇ ಆಟೋ ಎಕ್ಸ್ಪೋ ಒಂದಕ್ಕೆ ಭೇಟಿ ನೀಡಿ ಮೋಟಾರ್ಸ್ಪೋರ್ಟ್ ಕ್ಷೇತ್ರದಲ್ಲಿ ಹೊಸ ಸಾಧನೆಯ ಕನಸು ಕಂಡಿದ್ದನಂತೆ.
ಅದರಂತೆಯೇ ಫಾರ್ಮುಲಾ ಜಿಪಿ2 ಡ್ರೈವರ್ ಅರ್ಜುನ್ ಮೈನಿ ಬಳಿ ತರಬೇತಿ ಪಡೆದುಕೊಂಡ ಟಿಜಿಲ್ ರಾವ್, ಟ್ರ್ಯಾಕ್ ಕೌಶಲ್ಯ ತರಬೇತಿಯೊಂದಿಗೆ ನ್ಯಾಷನಲ್ 2 ಸ್ಟೋಕ್ ಗೋ ಕಾರ್ಟ್ ರೇಸಿಂಗ್ ವಿಭಾಗದಲ್ಲಿ ಸ್ಥಾನ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾದ. ತದನಂತರ 14ನೇ ವಯಸ್ಸಿಗೆ ಮೋಟಾರ್ಸ್ಪೋರ್ಟ್ ವಿಭಾಗದಲ್ಲೂ ಸ್ಥಾನ ಗಿಟ್ಟಿಸಿಕೊಂಡಲ್ಲದೇ, 15ನೇ ವಯಸ್ಸಿನ ಬಾಲಕನೊಬ್ಬ ಇಂಡಿಯನ್ ಮೋಟಾರ್ ಸ್ಪೋರ್ಟ್ಸ್ನ ಆರಂಭಿಕ ರೇಸ್ ಚಾಂಪಿಯನ್ ಆವೃತ್ತಿಯಾಗಿರುವ ಫಾರ್ಮುಲಾ ಎಲ್ಜಿಬಿ 1300 ಕೆಟಗೆರಿಯಲ್ಲಿ ಅದ್ಬುತ ಟ್ರ್ಯಾಕ್ ಕೌಶಲ್ಯ ಪ್ರದರ್ಶನ ಮಾಡಿ ಇಡೀ ದೇಶವೇ ತನ್ನತ್ತ ತಿರುಗಿ ನೋಡುವಂತೆ ಮಾಡಿದ್ದಾನೆ.
ಬಾಲ್ಯದಲ್ಲಿ ತಮ್ಮ ಮಗ ಸರಿಯಾಗಿ ನಡೆದಾಡಲು ಬಂದರೇ ಸಾಕು ಎಂದು ದೇವರು ಪ್ರಾರ್ಥಿಸುತ್ತಿದ್ದ ಟಿಜಿಲ್ ರಾವ್ ತಂದೆ-ತಾಯಿಗಳು ಇಂದು ಮಗನ ಯಶಸ್ಸು ಕಂಡು ಹೆಮ್ಮೆಪಡುವಂತಾಗಿದ್ದು, ಟಿಜಿಲ್ ಕನಸಿಗೆ ಸ್ಪೂರ್ತಿಯಾಗಿರುವ ಅರ್ಜುನ್ ಮೈನಿ ಮತ್ತು ದೀಪಕ್ ಚಿನ್ನಪ್ಪ ಅವರ ತರಬೇತಿಯಿಂದಾಗಿ ಈ ಬಾಲಕ ಸಾಧನೆಯ ಹಿಂದೆ ಬಹುದೊಡ್ಡ ಪಾತ್ರ ವಹಿಸುತ್ತಿದ್ದಾರೆ.
'ಪ್ರತಿಭೆಗೆ ಆರ್ಥಿಕ ಹೊರೆ'
ಮೋಟಾರ್ ಸ್ಪೋರ್ಟ್ ಕ್ಷೇತ್ರದಲ್ಲಿ ಸಾಧನೆ ಮಾಡುವುದು ಅಷ್ಟು ಸುಲಭವಲ್ಲ ಎಂಬುವುದು ಬಹುತೇಕರಿಗೆ ಗೊತ್ತಿರುವ ವಿಚಾರ. ಪ್ರತಿ ಹಂತದಲ್ಲೂ ಲಕ್ಷಾಂತರ ರೂಪಾಯಿ ಖರ್ಚು ಮಾಡಲೇಬೇಕಾದ ಅನಿವಾರ್ಯತೆಗಳಿದ್ದು, ಮಧ್ಯಮ ವರ್ಗದ ಸುಮಖ್ ರಾವ್ ಮತ್ತು ಸಪ್ನಾ ರಾವ್ ಅವರು ತಮ್ಮ ಮಗ ಟಿಜಿಲ್ ಸಾಧನೆಯ ಹಾದಿಯನ್ನು ಸುಗಮಗೊಳಿಸಲು ಸಾಕಷ್ಟು ಕಷ್ಟಪಡುತ್ತಿದ್ದಾರೆ.
ಈಗಾಗಲೇ ವಿವಿಧ ಮಾದರಿಯ ತರಬೇತಿ ಹಾಗೂ ಟ್ರ್ಯಾಕ್ ಶುಲ್ಕಕ್ಕಾಗಿಯೇ ಬರೋಬ್ಬರಿ 20 ಲಕ್ಷ ಖರ್ಚು ಮಾಡಲಾಗಿದ್ದು, ಮುಂದಿನ ಹಾದಿಯನ್ನ ಸುಗಮಗೊಳಿಸುವ ಉದ್ದೇಶದಿಂದ ಪ್ರಾಯೋಜಕತ್ವದ ಹುಡುಕಾಟದಲ್ಲಿದ್ದಾರೆ. ಇದರಿಂದ ರೇಸಿಂಗ್ ಸಲಕರಣೆಗಳು ಮತ್ತು ಕೌಲಶ್ಯ ತರಬೇತಿಗಳಿಗೆ ಪ್ರಾಯೋಜಕತ್ವದ ಅವಶ್ಯಕತೆಯಿದ್ದು, ಟಿಜಿಲ್ ರಾವ್ ಸಾಧನೆ ಗುರುತಿಸಿ ಅವರಿಗೆ ಪ್ರೋತ್ಸಾಹಿಸುವ ಅಗತ್ಯವಿದೆ.
ಮೊಮೆಂಟಮ್ ಮೋಟಾರ್ ಸ್ಪೋರ್ಟ್ ಕುರಿತು ಒಂದಿಷ್ಟು...
ಚೆನ್ನೈನಲ್ಲಿ ಸ್ಥಾಪಿತವಾಗಿರುವ ಮೊಮೆಂಟಮ್ ಮೋಟಾರ್ ಸ್ಪೋರ್ಟ್ ತಂಡವು ವೃತ್ತಿಪರ ರೇಸಿಂಗ್ ತಂಡವಾಗಿದೆ. ರಷೀದ್ ಖಾನ್ ಅವರಿಂದ ಸಂಸ್ಥಾಪಿಸಿರುವ ಈ ತಂಡವು 2016ರಲ್ಲಿ ನಡೆದಿದ್ದ ಎಂಆರ್ಎಫ್ ಎಂಎಂಎಸ್ಸಿ ಎಫ್ಎಂಎಸ್ಐ ರಾಷ್ಟ್ರೀಯ ರೇಸಿಂಗ್ ಚಾಂಪಿಯನ್ಶಿಪ್ನಲ್ಲಿ ತಮ್ಮ ಚೊಚ್ಚಲ ಪ್ರವೇಶ ಮಾಡಿತ್ತು. ತದನಂತರ 2017ರಲ್ಲಿ ಫಾರ್ಮುಲಾ ಎಲ್ಜಿಬಿ 1300 ರೂಕೀ ಕ್ಲಾಸ್ನಲ್ಲಿ ಗೆದ್ದ ಈ ತಂಡವು ನ್ಯಾಷನಲ್ ಓಪನ್, ನ್ಯಾಷನಲ್ ರೂಕೀ ಮತ್ತು ವಿದ್ಯಾರ್ಥಿ ಓಪನ್ ವಿಭಾಗದಲ್ಲೂ ಅತ್ಯುತ್ತಮ ಸಾಧನೆ ಮಾಡಿತ್ತು.
ಇದೀಗ ಇದೇ ತಂಡದಲ್ಲಿರುವ ವಿದ್ಯಾರ್ಥಿ ಟಿಜಿಲ್ ರಾವ್ ಸಹ ಭರವಸೆಯ ಸ್ಪರ್ಧಿಯಾಗಿ ಪ್ರದರ್ಶನ ತೊರುತ್ತಿದ್ದು, ಮುಂಬರುವ ದಿನಗಳಲ್ಲಿ ಮತ್ತಷ್ಟು ಹೊಸ ದಾಖಲೆಗಳನ್ನ ಸೃಷ್ಠಿಸಲಿರುವ ಟಿಜಿಲ್ ಎಂಬ ಅದ್ಬುತ ಪ್ರತಿಭೆಗೆ ನಮ್ಮೆಲ್ಲರ ಹಾರೈಕೆ ಇದ್ದೆ ಇರುತ್ತೆ. ಆಲ್ ದಿ ಬೆಸ್ಟ್ ಟಿಜಿಲ್ ರಾವ್...