ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಯ್ತು ಬಸ್ ಅಡಿಯಲ್ಲಿ ಕುಳಿತು ಪ್ರಯಾಣ ಮಾಡಿದ ಬಾಲಕರ ವಿಡಿಯೋ

ಅವರಿನ್ನು ಆಡಿ ನಲಿಯಬೇಕಾದ ಮಕ್ಕಳು. ಆದ್ರೆ ಅವರಿಗೆ ಆ ಭಾಗ್ಯವಿಲ್ಲ. ಯಾಕಂದ್ರೆ ಹೊಟ್ಟೆ ಪಾಡಿಗಾಗಿ ದುಡಿಯಲು ಹೋದ ಅವರ ತಂದೆ ತಾಯಿಗಳು ಅವರ ಮುಖ ನೋಡುವುದೇ ಅಪರೂಪ. ಹೀಗಾದಾಗ ಬೆಳೆಯುವ ಮಕ್ಕಳು ಯಾರನ್ನು ಅನುಸರಿಸಬೇಕು ಎಂಬ ಗೊಂದಲ ಸಹಜವಾಗಿ ಮೂಡದೇ ಇರದು.

ಹೀಗಿದ್ದಾಗ ಮಕ್ಕಳು ಅಡ್ಡದಾರಿ ತುಳಿಯುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಇದು ಅತಿಯಾದ ಜನಸಂಖ್ಯೆಯಿಂದ ಬಳಲುತ್ತಿರುವ ಎಲ್ಲ ದೇಶಗಳ ಸಾಮಾನ್ಯ ಸಮಸ್ಯೆಯಾದ್ರು ಚೀನಾದಲ್ಲಿ ಅತಿಯಾಗುತ್ತಿದೆ ಎನ್ನುವುದಕ್ಕೆ ಮೊನ್ನೆ ನಡೆದ ಘಟನೆಯೊಂದು ವಿಶ್ವಮಟ್ಟದಲ್ಲಿ ಚರ್ಚೆಗೆ ಕಾರಣವಾಗಿದೆ.

ಇದಕ್ಕೆ ಕಾರಣ ದಕ್ಷಿಣ ಚೀನಾದ ಗುಯಿಗಾಂಗ್ ಪ್ರಾಂತ್ಯದಲ್ಲಿನ ಜನ ಕೆಲಸ ಅರಸಿ ಪೂರ್ವ ಪ್ರಾಂತ್ಯಗಳತ್ತ ವಲಸೆ ಬರುತ್ತಿರುವುದು ಹೊಸ ಸಮಸ್ಯೆಗಳಿಗೆ ಕಾರಣವಾಗಿದೆ. ಇದರಿಂದ ತಂದೆ ತಾಯಿಗಳ ಪೋಷಣೆಯಿಂದ ವಂಚಿತರಾರುತ್ತಿರುವ ಮಕ್ಕಳು ಕಾನೂನು ಬಾಹಿರ ಚಟುವಟಿಕೆಗಳಲ್ಲಿ ಭಾಗಿಯಾಗುತ್ತಿರುವ ಆಘಾತಕಾರಿ ಅಂಶಗಳು ಪತ್ತೆಯಾಗುತ್ತಿವೆ.

Recommended Video

Honda CB1000R Unveiled At EICMA 2017 - DriveSpark

ಹೀಗಿರುವಾಗಲೇ ಗುಯಿಗಾಂಗ್ ಪ್ರಾಂತ್ಯದಲ್ಲಿ 8 ಮತ್ತು 9 ವರ್ಷದ ಬಾಲಕರಿಬ್ಬರು ವಲಸೆ ಹೋದ ತಮ್ಮ ತಂದೆ-ತಾಯಿಗಳನ್ನು ನೋಡ ಹೋಗಲು ಯತ್ನಿಸಿದ್ದಾರೆ. ಆದ್ರೆ ಹಣ ಇಲ್ಲದ ಕಾರಣ ಸರ್ಕಾರಿ ಬಸ್ ಒಂದರ ಎಂಜಿನ್ ವಿಭಾಗದಲ್ಲಿ ಅಡುಗಿ ಕುಳಿತು ಸುಮಾರು 80 ಕಿಮಿ ಪ್ರಯಾಣ ಮಾಡಿದ್ದಾರೆ.

ಈ ವೇಳೆ ಬಸ್ ಡಿಪೋ ಒಂದರಲ್ಲಿ ಎಂಜಿನ್ ಭಾಗಗವನ್ನು ಪರೀಕ್ಷೆ ಮಾಡುವ ವೇಳೆ ಬಾಲಕರಿಬ್ಬರು ಅಡುಗಿ ಕುಳಿತಿರುವುದು ಪತ್ತೆಯಾಗಿದೆ. ವಿಷಯ ತಿಳಿದ ಕೂಡಲೇ ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡಿರುವ ಡಿಪೊ ಸಿಬ್ಬಂದಿಯು, ಬಿಸಿಯಾದ ಎಂಜಿನ್ ಮಧ್ಯೆ ಕುಳಿತು ಸುಮಾರು 80ಕಿಮಿ ಪ್ರಯಾಣಿಸಿರುವ ಮಕ್ಕಳ ಸಾಹಸಕ್ಕೆ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ಆದ್ರೆ ವಾಸ್ತವಾಂಶ ನೋಡುವುದಾದ್ರೆ ಚೀನಾದಲ್ಲಿ ಶೇ.70 ರಷ್ಟು ಮಕ್ಕಳು ತಂದೆ-ತಾಯಿಗಳ ಪೋಷಣೆಯಿಂದ ವಂಚಿತರಾಗುತ್ತಿದ್ದು, ಹೊಟ್ಟೆ ಪಾಡಿಗಾಗಿ ವಲಸೆ ಹೋಗುತ್ತಿರುವುದು ಇಂತಹ ಸಾಮಾಜಿಕ ಸಮಸ್ಯೆಗಳ ಹೆಚ್ಚಳ ಕಾರಣವಾಗಿದೆ ಅಂತಾ ಅಲ್ಲಿನ ಮಾಧ್ಯಮಗಳು ಸರ್ಕಾರದ ವಿರುದ್ಧ ಧ್ವನಿ ಎತ್ತಿವೆ.

ಬಾಲಕರು ಬಸ್ ಎಂಜಿನ್ ವಿಭಾಗದಲ್ಲಿ ಕುಳಿತು ಪ್ರಯಾಣಿಸುತ್ತಿರುವ ವಿಡಿಯೋ ಇಲ್ಲಿದೆ ನೋಡಿ...