532.93 ಕಿ.ಮೀ ವೇಗದಲ್ಲಿ ಸಾಗುವ ಪ್ರಪಂಚದ ಅತಿ ವೇಗದ ಕಾರಿದು...

ಈ ಮೂಲಕ ಗಂಟೆಗೆ 447.19 ಕಿ.ಮೀ ವೇಗದಲ್ಲಿ ಸಾಗಿದ್ದ ಕೊಯಿನಿಗ್‌ಸೆಗ್ ಅಗೆರಾ ಆರ್‌ಎಸ್ ಕಾರನ್ನು ಹಿಂದಿಕ್ಕಿದೆ. ಎಸ್‌ಎಸ್‌ಸಿ ಟುವಟಾರಾ ಅತಿ ಹೆಚ್ಚಿನ ವೇಗವನ್ನು ಹೊಂದಿದೆ. ಈ ಮೂಲಕ ಇದುವರೆಗಿನ ಎಲ್ಲಾ ದಾಖಲೆಗಳನ್ನು ಅಳಿಸಿ ಹಾಕಿದೆ. ಈ ತಿಂಗಳ 10ರಂದು, ಲಾಸ್ ವೇಗಾಸ್ ನಗರದ ಹೊರವಲಯದಲ್ಲಿರುವ ಖಾಲಿಯಾದ ಹಾಗೂ ನೇರವಾದ ರಸ್ತೆಗಳಲ್ಲಿ, ರಸ್ತೆ ಟಯರ್ ಹಾಗೂ ರೇಸ್ ರಹಿತ ಇಂಧನದೊಂದಿಗೆ ಎಸ್‌ಎಸ್‌ಸಿ ಟುವಟಾರಾವನ್ನು ಪರೀಕ್ಷಿಸಲಾಯಿತು.

ಈ ಪರೀಕ್ಷೆಯಲ್ಲಿಯೇ ಹಳೆಯ ದಾಖಲೆಯನ್ನು ಮುರಿಯಲಾಗಿದೆ. ಈ ಕಾರನ್ನು ವೃತ್ತಿಪರ ರೇಸರ್ ಆಲಿವರ್ ವೆಬ್ ರವರು ಎರಡು ಬಾರಿ ಚಾಲನೆ ಮಾಡಿದರು. ಒಂದು ಬಾರಿಯ ಚಾಲನೆಯಲ್ಲಿ 484.53 ಕಿ.ಮೀ ವೇಗದಲ್ಲಿ ಚಲಿಸಿದರೆ, ಮತ್ತೊಂದು ಬಾರಿ ಗಂಟೆಗೆ 532.93 ಕಿ.ಮೀ ವೇಗದಲ್ಲಿ ಚಲಿಸಿದ್ದಾರೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಅಂದರೆ ಸರಾಸರಿ 508 ಕಿ.ಮೀ ವೇಗದಲ್ಲಿ ಸಾಗಿದ್ದಾರೆ. ಈ ಮೂಲಕ ಸಾರ್ವಜನಿಕ ರಸ್ತೆಯಲ್ಲಿ ಗಂಟೆಗೆ 532.93 ಕಿ.ಮೀ ವೇಗದಲ್ಲಿ ಸಾಗಿ ಹೊಸ ದಾಖಲೆ ನಿರ್ಮಿಸಿದ್ದಾರೆ. ಈ ಪರೀಕ್ಷೆಯನ್ನು ಮೇಲ್ವಿಚಾರಣೆ ಮಾಡಲು ಹಾಗೂ ವೇಗವನ್ನು ದಾಖಲಿಸಲು ವಿಶೇಷ ಜಿಪಿಎಸ್ ಅಳತೆ ಸಾಧನಗಳನ್ನು ಬಳಸಲಾಗಿತ್ತು.

ಜೊತೆಗೆ ಇಡೀ ಪರೀಕ್ಷೆಯನ್ನು ಮೇಲ್ವಿಚಾರಣೆ ಮಾಡಲು 15 ಉಪಗ್ರಹ ಹಾಗೂ 2 ಪ್ರಮಾಣೀಕೃತ ಸಾಕ್ಷಿಗಳನ್ನು ಸಹ ಕರೆಸಲಾಗಿತ್ತು. ಎಸ್‌ಎಸ್‌ಸಿ ಟುವಟಾರಾ ಇನ್ನೂ ವೇಗವಾಗಿ ಚಲಿಸಬಹುದಿತ್ತು. ಆದರೆ ಕ್ರಾಸ್‌ವಿಂಡ್‌ನಿಂದ ಅಡ್ಡಿಯಾಯಿತು ಎಂದು ಆಲಿವರ್ ವೆಬ್ ಹೇಳಿದ್ದಾರೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಪ್ರಪಂಚದ ಅತಿ ವೇಗದ ಕಾರ್ ಆದ ಎಸ್‌ಎಸ್‌ಸಿ ಟುವಟಾರಾದಲ್ಲಿ ಟ್ವಿನ್-ಟರ್ಬೊ 5.9 ಲೀಟರಿನ ವಿ 8 ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 1726 ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತದೆ.

ಈ ಕಾರು 1,247 ಕೆ.ಜಿ ತೂಕವನ್ನು ಹೊಂದಿದೆ. ವಿಶ್ವಾದ್ಯಂತ ಈ ಕಾರಿನ 100 ಯುನಿಟ್ ಗಳನ್ನು ಮಾತ್ರ ಉತ್ಪಾದಿಸಲಾಗುವುದು. ಈ ಕಾರಿನ ಬೆಲೆ ಸುಮಾರು ರೂ.11.73 ಲಕ್ಷಗಳಾಗಿದೆ. ಎಸ್‌ಎಸ್‌ಸಿ ಟುವಟಾರಾ ಕಾರನ್ನು ಹಲವು ದಾಖಲೆಗಳನ್ನು ನಿರ್ಮಿಸುವ ಸಲುವಾಗಿ ಉತ್ಪಾದಿಸಲಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಕಂಪನಿಯು ಮುಂಬರುವ ದಿನಗಳಲ್ಲಿ ಈ ಕಾರನ್ನು ವೇಗವಾಗಿ ಚಾಲನೆ ಮಾಡಲು ಪ್ರಯತ್ನಿಸುತ್ತಿದೆ. ಸದ್ಯಕ್ಕೆ ಈ ಕಾರಿನ ಕುರಿತು ಡಾಕ್ಯುಮೆಂಟ್ ತಯಾರಿಸಲಾಗುತ್ತಿದೆ. ಈ ಡಾಕ್ಯುಮೆಂಟ್ ಅನ್ನು ಸದ್ಯದಲ್ಲೇ ವೀಕ್ಷಿಸಬಹುದು.

ಶೆಲ್ಬಿ ಸೂಪರ್‌ಕಾರ್ಸ್ ಎಂಬ ಕಂಪನಿಯು ಎಸ್‌ಎಸ್‌ಸಿ ಟುವಟಾರಾ ಹೈಪರ್ ಕಾರ್ ಅನ್ನು ಉತ್ಪಾದಿಸಿದೆ. ಕೇವಲ 24 ಜನ ಸಿಬ್ಬಂದಿಯೊಂದಿಗೆ ಈ ಕಂಪನಿಯನ್ನು 1998ರಲ್ಲಿ ಆರಂಭಿಸಲಾಯಿತು.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈಗ ಈ ಕಂಪನಿಯು ವಿಶ್ವದ ಅತಿ ವೇಗದ ಕಾರನ್ನು ಉತ್ಪಾದಿಸಿದೆ. ಕಂಪನಿಯು ಉತ್ಪಾದಿಸಿರುವ ಈ ಕಾರು ಹಿಂದಿನ ದಾಖಲೆಗಳನ್ನು ಅಳಿಸಿ ಹಾಕಿದೆ. ಈಗಾಗಲೇ ಈ ಕಾರಿನ 12 ಯುನಿಟ್ ಗಳನ್ನು ಮಾರಾಟ ಮಾಡಲಾಗಿದೆ.

ನ್ಯೂಜಿಲೆಂಡ್‌ನಲ್ಲಿ ಕಂಡುಬರುವ ಲಿಜರ್ಡ್ ರೇಸ್ ಹೆಸರನ್ನು ಎಸ್‌ಎಸ್‌ಸಿ ಟುವಟಾರಾ ಕಾರಿಗೆ ಇಡಲಾಗಿದೆ. ಈ ಕಾರನ್ನು ಜೇಸನ್ ಕ್ಯಾಸ್ಟ್ರಿಯೋಟಾ ಎಂಬುವವರು ವಿನ್ಯಾಸಗೊಳಿಸಿದ್ದು, ಅದರಲ್ಲಿರುವ ಕಾರ್ವಿ ವಿನ್ಯಾಸದಿಂದಾಗಿ ಕಾರಿಗೆ ಈ ಹೆಸರನ್ನು ಇಡಲಾಗಿದೆ ಎಂದು ಹೇಳಿದರು.