ಮಿಲಾನ್ ಆಟೋ ಶೋದಲ್ಲಿ ಪ್ರದರ್ಶನಕ್ಕೆ ಕವಾಸಕಿ 650 ಸನ್ನದ್ಧ

ಜಾಗತಿಕ ಮಾರುಕಟ್ಟೆಯಲ್ಲಿ ತನ್ನದೇ ಆದ ಸ್ಥಾನಮಾನ ಕಾಪಾಡಿಕೊಂಡಿರುವ ಕವಾಸಕಿ ಸೂಪರ್ ಬೈಕ್ ಮಗದೊಮ್ಮೆ ವಾಹನ ಪ್ರೇಮಿಗಳ ಮನಗೆಲ್ಲಲು ಸಜ್ಜಾಗುತ್ತಿದೆ. ಪ್ರಸಕ್ತ ಸಾಲಿನಲ್ಲೇ ಮಿಲನ್‌ನಲ್ಲಿ ನಡೆಯಲಿರುವ ಇಸಿಐಎಂಎ ಮೋಟಾರು ಶೋದಲ್ಲಿ ಹೊಸತಾದ ನಿಂಜಾ 650 ಪ್ರದರ್ಶನಗೊಳಿಸಲಿದೆ.

ಮಿಲಾನ್ ಮೋಟಾರು ಶೋ ಎಂದೇ ಪ್ರಖ್ಯಾತಿ ಪಡೆದಿರುವ ಇಸಿಐಎಂಎ ಆಟೋ ಶೋ ನವೆಂಬರ್ ತಿಂಗಳಲ್ಲಿ ನಡೆಯಲಿದೆ. ವರದಿಗಳ ಪ್ರಕಾರ ಈ ಜಪಾನ್ ಮೂಲದ ವಾಹನ ತಯಾರಕ ಸಂಸ್ಥೆಯು ಈಗಿನ ತಲೆಮಾರಿಗಿಂತಲೂ ಹಗುರ ಭಾರದಲ್ಲಿ ನಿರ್ಮಿಸಲಿದೆ.

ಹಾಗಿದ್ದರೂ ಹೊಸ ನಿಂಜಾ 650 ಈಗಿನ ಮಾದರಿಗಿಂತಲೂ ಸ್ವಲ್ಪ ದುಬಾರಿಯೆನಿಸಲಿದೆ. ಭಾರತದಲ್ಲಿ ಬಜಾಜ್ ಜೊತೆ ಪಾಲುದಾರಿಕೆ ಇರುವುದರಿಂದ ಬೇಗನೇ ಗ್ರಾಹಕರ ಬಳಿ ತಲುಪಲು ಕವಾಸಕಿಗೆ ಸಹಕಾರಿಯಾಗಲಿದೆ.