Just In
- 23 min ago ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- 1 hr ago ಭಾರತದ ರಸ್ತೆಯಲ್ಲಿ ಘರ್ಜಿಸುತ್ತಿರುವ ಪವರ್ಫುಲ್ ಎಪ್ರಿಲಿಯಾ ಬೈಕ್ಗಾಗಿ ಅಕ್ಸೆಸರೀಸ್ ಬಿಡುಗಡೆ
- 1 hr ago Mahindra Thar: ಸುಲಭವಾಗಿ ಆಫ್ರೋಡ್ ಕಿಂಗ್ ಖರೀದಿಸಬೇಕೆ?: ಆನ್ರೊಡ್ ಬೆಲೆ, EMI ಸಂಪೂರ್ಣ ಮಾಹಿತಿ!
- 1 hr ago Mahindra: ಫ್ಯಾಮಿಲಿ ಕಾರು ಮಹೀಂದ್ರಾ ಎಕ್ಸ್ಯುವಿ700 ಖರೀದಿಸುವವರಿಗೆ ಸಿಹಿಸುದ್ದಿ.. ಇನ್ನೂ ತಿಂಗಳೇ ಸಾಕು!
Don't Miss!
- News Kalaburagi Rain: ಸೂರ್ಯನಗರಿ ಕಲಬುರಗಿಯಲ್ಲಿ ಭಾರೀ ಗಾಳಿ, ಆಲಿಕಲ್ಲು ಸಮೇತ ದಾರಾಕಾರ ಮಳೆ
- Movies ನಿತೇಶ್ ತಿವಾರಿ 'ರಾಮಾಯಣ' ಚಿತ್ರದಲ್ಲಿ ರಣ್ಬೀರ್ ಅಲ್ಲ, ಯಶ್ ಹೀರೋ? ಏನಿದು ಟ್ವಿಸ್ಟ್!
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Technology ಒಪ್ಪೋ ಸಂಸ್ಥೆಯ ಈ ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ; ಆಫರ್ಗೆ ಗ್ರಾಹಕರು ಫಿದಾ!
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪೆಟ್ರೋಲ್ ಬೇಡಾ ಗುರು.. ವೋಡ್ಕಾ ಇದ್ರೆ ಸಾಕು ಈ ಬೈಕಿಗೆ..!
ದೇಶದಲ್ಲಿ ಹೆಚ್ಚುತ್ತಿರುವ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳಿಂದಾಗಿ ವಾಹನ ಸವಾರರು ಕಂಗಾಲಾಗಿ ಹೋಗಿದ್ದಾರೆ. ಹೀಗಿರುವಾಗ ಪರ್ಯಾಯ ಇಂಧನ ಬಳಕೆ ಬಗೆಗೆ ಹತ್ತಾರು ಅಧ್ಯಯನ ನಡೆಯುತ್ತಿದ್ದು, ಇಲ್ಲೊಬ್ಬ ಅಸಾಮಿ ತನ್ನ ಬೈಕಿಗೆ ಪೆಟ್ರೋಲ್ಗೆ ಬದಲಾಗಿ ವೋಡ್ಕಾ ಹಾಕಿ ಓಡಿಸುತ್ತಿದ್ದಾನೆ.
ಈ ಸುದ್ದಿ ಕೇಳಲು ಸ್ವಲ್ಪ ವಿಚಿತ್ರ ಅನ್ನಿಸಿದರೂ ಎಲ್ಲರೂ ನಂಬಲೇಬೇಕಾದ ವಿಚಾರ. ಪೆಟ್ರೋಲ್ ಬೆಲೆಗಳು ಗಗನಮುಖಿಯಾಗುತ್ತಿರುವಾಗ ವೋಡ್ಕಾ ಮೂಲಕ ಬೈಕ್ ಓಡಿಸುತ್ತಿರುವ ವಿಚಾರ ಇದೀಗ ಜಗತ್ತಿನಾದ್ಯಂತ ಸಂಚಲನ ಸೃಷ್ಠಿಸಿದೆ. ಹಾಗಾದ್ರೆ ಬೈಕ್ ಎಂಜಿನ್ ಚಾಲನೆಗೆ ಪೂರಕವಾದ ಯಾವ ಅಂಶ ವೋಡ್ಕಾದಲ್ಲಿ ಇದೆ ಎನ್ನುವುದೇ ಎಲ್ಲರ ಮನಸ್ಸಿನಲ್ಲೂ ಮೂಡಬಹುದಾದ ಪ್ರಶ್ನೆ.
ಪೆಟ್ರೋಲ್ಗಿಂತಾ ವೋಡ್ಕಾ ದುಬಾರಿ..!
ಹೌದು ಅಲ್ವಾ, ವೋಡ್ಕಾದ ಮುಂದೆ ಪೆಟ್ರೋಲ್ ಬೆಲೆಯೇ ಎಷ್ಟೋ ವಾಸಿ ಅಂದ್ರೆ ತಪ್ಪಾಗುದಿಲ್ಲ. ಆದ್ರೆ ನಾವೆಲ್ಲರೂ ಗಮನಿಸಬೇಕಾದ ಪ್ರಮುಖ ವಿಚಾರ ಅಂದ್ರೆ ಪೆಟ್ರೋಲ್ಗಿಂತಲೂ ಹೆಚ್ಚಿನ ಮೈಲೇಜ್ ಹೊಂದಿರುವ ವೋಡ್ಕಾ ಇದೀಗ ಪರ್ಯಾಯ ಇಂಧನವಾಗುವ ಲಕ್ಷಣಗಳು ಗೋಚರವಾಗುತ್ತಿದೆ.
ವೋಡ್ಕಾ ತ್ಯಾಜ್ಯದಿಂದ ಇಂಧನ ಸಿದ್ದ.!
ಮೇಲೆ ಹೇಳಿದ ಹಾಗೆ ಪೆಟ್ರೋಲ್ಗಿಂತಲೂ ದುಬಾರಿ ಎನ್ನಿಸಲಿರುವ ವೋಡ್ಕಾ ಉತ್ಪನ್ನವು ಬೈಕ್ ಎಂಜಿನ್ಗೆ ಪೂರಕವಾಗಿ ಕಾರ್ಯನಿರ್ವಹಣಾ ಶಕ್ತಿ ಹೊಂದಿವೆ ಎನ್ನುವ ಅಂಶಗಳು ಬೆಳಕಿಗೆ ಬಂದಿದ್ದು, ಅಮೆರಿಕಾದ ಮೊಂಟಾನಾ ನಿವಾಸಿಯಾಗಿರುವ ರಯಾನ್ ಮಾಂಟ್ಗೋಮೆರಿ ಎಂಬುವವರು ವೋಡ್ಕಾ ತಯಾರಿಕೆಗೆ ಬಳಸಲಾದ ತ್ಯಾಜ್ಯದಿಂದ ಈ ಇಂಧನವನ್ನು ಸಿದ್ದಪಡಿಸಿ ಯಶಸ್ವಿಯಾಗಿದ್ದಾರೆ.
ವೃತ್ತಿಯಲ್ಲಿ ಬೈಕ್ ರೇಸರ್ ಆಗಿರುವ 41 ವರ್ಷದ ರಯಾನ್ ಮಾಂಟ್ಗೋಮೆರಿ ಅವರ ಬಳಿ 1980ರ ಯಮಹಾ ಎಕ್ಸ್ಎಸ್850 ರೇಸ್ ಬೈಕ್ ಆವೃತ್ತಿ ಇದ್ದು, ಇದನ್ನು ಮಾಡಿಫೈ ಮಾಡುವ ಮೂಲಕ ವೋಡ್ಕಾ ತ್ಯಾಜ್ಯದಿಂದ ತೆಗೆಯಲಾದ ಇಂಧನವನ್ನು ಇದರಲ್ಲಿ ಪ್ರಯೋಗಿಸಿ ಯಶಸ್ವಿ ಕಂಡುಕೊಂಡಿದ್ದಾರೆ.
ಪತ್ನಿ ಮಾಡಿದ ಐಡಿಯಾ.!
ಮೊದಮೊದಲು ಪೆಟ್ರೋಲ್ ಮೂಲಕವೇ ಯಮಹಾ ಎಕ್ಸ್ಎಸ್850 ಬೈಕ್ ಚಾಲನೆ ಮಾಡುತ್ತಿದ್ದ ರಯಾನ್ ಮಾಂಟ್ಗೋಮೆರಿ ಅವರಿಗೆ ಅವರ ಪತ್ನಿ ಮತ್ತು ಗೆಳೆಯರು ವೋಡ್ಕಾ ತ್ಯಾಜ್ಯದಿಂದ ಬೈಕ್ ರನ್ ಮಾಡಬಹುದಾದ ವಿಧಾನ ಬಗ್ಗೆ ಹೇಳಿಕೊಂಡಿದ್ದರಂತೆ.
ಮೊದಮೊದಲು ಈ ಬಗ್ಗೆ ಆಸಕ್ತಿ ಇಲ್ಲವಾದರೂ ತದನಂತರ ಈ ಹೊಸ ಪ್ರಯೋಗವನ್ನು ಮಾಡಲೇಬೇಕೆಂಬ ಹಠದೊಂದಿಗೆ ಈ ಯೋಜನೆಯಲ್ಲಿ ಯಶಸ್ವಿಯಾಗಿದ್ದಾರೆ. ಇದಕ್ಕಾಗಿ ಬೈಕ್ ಎಂಜಿನ್ ಮಾರ್ಪಾಡು ಸೇರಿದಂತೆ ಹಲವು ಬದಲಾವಣೆ ತರುವ ಮೂಲಕ ವೋಡ್ಕಾ ಪ್ರೇರಿತ ಬೈಕ್ ಸಿದ್ದಗೊಳಿಸಿದ್ದಾರೆ.
MOST READ: ಜಾಗ್ವಾರ್ ಕಾರು ಖರೀದಿಸಿದ ರೈತನ ಅಸಲಿ ಕಥೆ ಏನು.?
ಬೈಕಿಗೊಂದು ಅಂದದ ಹೆಸರು.!
ರಯಾನ್ ಮಾಂಟ್ಗೋಮೆರಿ ಅವರು ಸಿದ್ದಗೊಳಿಸಿದ ಬೈಕಿಗೆ 'ಸಡನ್ ವಿಜ್ಡಮ್' ಎಂದು ನಾಮಕರಣ ಮಾಡಲಾಗಿದ್ದು, ಪೆಟ್ರೋಲ್ಗೆ ಬದಲಾಗಿ ವೋಡ್ಕಾ ತ್ಯಾಜ್ಯದಿಂದ ಉತ್ಪತ್ತಿ ಮಾಡಲಾದ ಇಂಧನದಿಂದ ಬೈಕ್ ಚಲಿಸುವಂತೆ ಮಾಡಲು ಸಾಕಷ್ಟು ಶ್ರಮವಹಿಸಿದ್ದಾರೆ.
ಸ್ಪೀಡ್ನಲ್ಲೂ ಎತ್ತಿದ ಕೈ.!
ವೋಡ್ಕಾ ತ್ಯಾಜ್ಯ ಪ್ರೇರಿತ ಸಡನ್ ವಿಜ್ಡಮ್ ಬೈಕ್ ಸದ್ಯ ಪ್ರತಿ ಗಂಟೆಗೆ 114 ಕಿ.ಮಿ ಟಾಪ್ ಸ್ಪೀಡ್ನೊಂದಿಗೆ ಚಲಿಸಬಲ್ಲ ಸಾಮರ್ಥ್ಯ ಹೊಂದಿದ್ದು, ಇದೇ ಬೈಕ್ ಕಳೆದ ವರ್ಷ ಪ್ರತಿ ಗಂಟೆಗೆ ಕೇವಲ 97 ಕಿ.ಮಿ ಟಾಪ್ ಸ್ಪೀಡ್ ಪಡೆದುಕೊಂಡಿತ್ತು.
ವೋಡ್ಕಾ ತ್ಯಾಜ್ಯದಿಂದ ಸಂಗ್ರಹಿಸಲಾಗುವ ಇಂಧನದಲ್ಲಿ ಸುಧಾರಣೆ ತಂದ ಪರಿಣಾಮ ಕಳೆದ ವರ್ಷಕ್ಕಿಂತ ಈ ವರ್ಷ ಬೈಕ್ ಪರ್ಫಾಮೆನ್ಸ್ನಲ್ಲಿ ಮಹತ್ವದ ಬದಲಾವಣೆಯಾಗಿದ್ದು, ಇದು ಮುಂಬರುವ ದಿನಗಳಲ್ಲಿ ಮತ್ತಷ್ಟು ಸುಧಾರಣೆಯಾಗಲಿದೆ ಎಂದು ರಯಾನ್ ಮಾಂಟ್ಗೋಮೆರಿ ಅಭಿಪ್ರಾಯ.
ಎಂಜಿನ್ ಅಭಿವೃದ್ದಿಗೆ 3 ಲಕ್ಷ ಖರ್ಚು.!
ಪೆಟ್ರೋಲ್ ಎಂಜಿನ್ ಅನ್ನು ವೋಡ್ಕಾ ಎಂಜಿನ್ ಆಗಿ ಪರಿವರ್ತನೆ ಮಾಡಲು ವರ್ಷಾನುಗಟ್ಟಲೇ ಶ್ರಮ ವಹಿಸಿರುವ ರಯಾನ್ ಮಾಂಟ್ಗೋಮೆರಿ ಅವರು, ವೋಡ್ಕಾ ಎಂಜಿನ್ಗೆ ಜೀವ ತುಂಬಲು ಬರೋಬ್ಬರಿ 3 ಲಕ್ಷ ಖರ್ಚು ಮಾಡಿದ್ದಲ್ಲೇ ಕೊನೆಗೂ ತಮ್ಮ ಕನಸಿನ ಯೋಜನೆಯನ್ನು ಕಾರ್ಯರೂಪಕ್ಕೆ ತಂದಿದ್ದಾರೆ. ಇದೀಗ ವೋಡ್ಕಾ ಪ್ರೇರಿತ ಬೈಕ್ ವಿಶ್ವಾದ್ಯಂತ ಸುದ್ದಿಯಾಗುವ ಮೂಲಕ ವಾಹನ ಉತ್ಪಾದನಾ ಸಂಸ್ಥೆಗಳಿಗೆಯೇ ಅಚ್ಚರಿ ಉಂಟು ಮಾಡಿದೆ.
ಇದಷ್ಟೇ ಅಲ್ಲದೇ ಬ್ರೆಜಿಲ್ ದೇಶದ ಪ್ರಜೆ ರಿಕಾರ್ಡೊ ಅಜೆವೆಡೊ ಎಂಬಾತ ಕೂಡಾ 1993ರ ಹೋಂಡಾ ಏನ್ಎಕ್ಸ್ 200 ಬೈಕಿನಲ್ಲಿ ಪೆಟ್ರೋಲ್ ಗೆ ಪರ್ಯಾಯವಾಗಿ ನೀರನ್ನು ಬಳಸಿ ಓಡಿಸುವ ಹೊಸ ತಂತ್ರಜ್ಞಾನವನ್ನು ಕಂಡುಹಿಡಿದಿರುವುದು ಸಹ ಈ ಹಿಂದೆ ಸಾಕಷ್ಟು ಸುದ್ದಿಯಾಗಿತ್ತು.
ಈ ಬೈಕಿನ ವಿಶೇಷತೆ ಏನು ಗೊತ್ತೆ?
ಕೇವಲ ಒಂದೇ ಒಂದು ಲೀಟರ್ ನೀರಿಗೆ ಹೆಚ್ಚು ಕಡಿಮೆ 300 ಮೈಲಿಗಳಷ್ಟು ದೂರ ಕ್ರಮಿಸುವಷ್ಟು ಕ್ಷಮತೆ ಹೊಂದಿದೆಯೆಂತೆ. ಈ ಬಗ್ಗೆ ವರದಿ ಮಾಡಿರುವ ಯುರೋ ನ್ಯೂಸ್, ಅದ್ಭುತ ಸಾಧನೆಯನ್ನು ಹಾಡಿಹೊಗಿದೆ.
MOST READ: ಮದುವೆ ಮನೆಯಲ್ಲಿ ಗೆಳೆಯರ ಸ್ಪೆಷಲ್ ಗಿಫ್ಟ್ ನೋಡಿ ನವದಂಪತಿ ಫುಲ್ ಶಾಕ್.!?
ಪೆಟ್ರೋಲಿನಿಂದ ಹೊರ ಬರುವ ಹೊಗೆ ಈ ಬೈಕಿನಿಂದ ಆಗದು, ಇದೇ ಕಾರಣಕ್ಕೆ ಈ ಮೋಟಾರ್ ಸೈಕಲ್ ವಾಯುಮಾಲಿನ್ಯ ತಡೆಗಟ್ಟುವುದರಲ್ಲಿ ಕೂಡ ಮುಖ್ಯ ಪಾತ್ರ ವಹಿಸುತ್ತದೆ.
ಅಜೆವೆಡೊ ತಾವು ಆವಿಷ್ಕಾರ ಮಾಡಿರುವ ಅತ್ಯದ್ಭುತ ಬೈಕಿನ ವಿಶೇಷತೆಗಳ ಬಗ್ಗೆ ಹೆಮ್ಮೆಯಿಂದ ಹೇಳಿಕೊಳ್ಳುವುದಲ್ಲದೇ ಇದರಿಂದ ದುಡ್ಡು ಮಾಡುವ ಬದಲು ಹೆಚ್ಚುತ್ತಿರುವ ಮಾಲಿನ್ಯ ತಡೆ ಬಗ್ಗೆ ಅವರಿಗೆ ಹೆಚ್ಚಿನ ಆಸಕ್ತಿಯಿದೆ.
ಬೈಕ್ ಹೇಗೆ ತನ್ನ ಕಾರ್ಯ ನಿರ್ವಹಿಸುತ್ತದೆ ಎಂಬುದನ್ನು ಪ್ರಾತ್ಯಕ್ಷಿತೆ ಮಾಡಿ ತೋರಿಸಿದ ಅಜೆವೆಡೊ ಬೈಕಿನ ಬಗ್ಗೆ ಸವಿವರಣೆ ನೀಡಿದ್ದಾರೆ. ಈ ಬೈಕಿನ ಮತ್ತೊಂದು ವಿಶೇಷತೆ ಎಂದರೆ ಈ ಬೈಕ್ ಕುಡಿಯುವ ನೀರಿನಲ್ಲಿ ಮಾತ್ರವಲ್ಲದೆ ಕೊಳೆಯುಕ್ತ ನೀರಿನಲ್ಲಿಯೂ ಕೂಡ ಯಾವುದೇ ತೊಂದರೆ ಇಲ್ಲದೆ ಕ್ರಮಿಸಬಲ್ಲದಂತೆ.
ಈ ಬಗ್ಗೆ ತಮ್ಮ ಅನುಭವ ಹೇಳಿಕೊಂಡಿರುವ ಅವೆಜೊಡೊ, " ಹತ್ತಿರದಲ್ಲೇ ಇದ್ದ ನದಿಯಿಂದ ಕಲುಷಿತ ನೀರು ಸಂಗ್ರಹಿಸಿ ಈ ಬೈಕ್ ಇಂಧನವಾಗಿ ಬಳಸಿದೆ, ಜೊತೆಗೆ ಕುಡಿಯುವ ನೀರಿನ ಬದಲು ಕಲುಷಿತ ನೀರನ್ನು ಇಂಧನವಾಗಿ ಬಳಸಿದಾಗ ಕೂಡ ಕುಡಿಯುವ ನೀರಿನಷ್ಟೇ ಕಾರ್ಯಕ್ಷಮತೆ ನೀಡಿದಾದ ನನಗೆ ತುಂಬಾ ಆಶ್ಚರ್ಯವಾಯ್ತು" ಎಂದಿದ್ದಾರೆ.
ಈ ಬೈಕಿನಲ್ಲಿ ಕಾರಿನ ಬ್ಯಾಟರಿ ಹೊಂದಿದ್ದು, ಬ್ಯಾಟರಿಯ ಎಲೆಕ್ಟ್ರೋಲಿಸಿಸ್ ಸಹಾಯದಿಂದ ನೀರಿನಲ್ಲಿರುವ ಹೈಡ್ರೋಜನ್ ವಿಭಾಗಿಸುವ ಪ್ರಕ್ರಿಯೆಯ ಮೂಲಕ ಬೈಕ್ ಚಾಲನೆ ಮಾಡುವ ಬಗ್ಗೆ ಅವೆಜೊಡೊ ಹೇಳಿಕೊಂಡಿದ್ದಾರೆ.
"ಬೈಕಿನಲ್ಲಿರುವ ಸಾಧನವೊಂದು ನೀರಿನಲ್ಲಿರುವ ಗಾಳಿಯನ್ನು ಮತ್ತು ಜಲ ಜನಕವನ್ನು(ಹೈಡ್ರೋಜನ್) ಬೇರ್ಪಡಿಸುವ ಒಂದು ತಂತ್ರದ ಮೂಲಕ ನಮಗೆ ಬೇಕಾಗಿರುವ ಜಲಜನಕವನ್ನು ನಾನು ಬೈಕಿನ ಮೋಟಾರ್ ಎಂಜಿನ್ ಕಾರ್ಯನಿರ್ವಹಿಸಲು ಪರಿವರ್ತಿಸಿಕೊಂಡೆ" ಎಂಬುವುದು ಅಜೆವೆಡೊ ಅನುಭವದ ಮಾತು.
ಮುಖ್ಯವಾಗಿ ಗ್ಯಾಸೊಲಿನಿಗೂ ಇದಕ್ಕೂ ಸಂಬಂಧವಿಲ್ಲ ಎನ್ನುವ ಅಜೆವೆಡೊ, ಮುಂದೊಂದು ದಿನ ಪ್ರಪಂಚದಲ್ಲಿಯೇ ಪರ್ಯಾಯ ಇಂಧನವನ್ನಾಗಿ ಈ ನೀರು ಬಳಕೆಯಾಗುವುದರಲ್ಲಿ ಯಾವುದೇ ಸಂಶಯವಿಲ್ಲ ಎಂಬ ದೃಢ ವಿಶ್ವಾಸ ಹೊಂದಿದ್ದಾರೆ.
ಅದೇನೇ ಇರಲಿ ಪೆಟ್ರೋಲ್, ಡೀಸೆಲ್ ಇಂಧನದಿಂದಾಗುತ್ತಿರುವ ವಾಯುಮಾಲಿನ್ಯ ತಡೆಗಟ್ಟುವ ದೃಷ್ಟಿಯಿಂದಾದರೂ ಈ ರೀತಿಯ ಪರ್ಯಾಯ ಇಂಧನ ಕಂಡುಹಿಡಿಯುವ ಅಗತ್ಯವಿದೆ. ಹೀಗಾಗಿ ಅವೆಜೆಡೊ ಸಾಧನೆ ಖಂಡಿತವಾಗಿಯೂ ವಿಶ್ವಮಟ್ಟದಲ್ಲಿ ಹೊಸ ಹೊಸ ಸಂಶೋಧನೆಗಳಿಗೆ ಕಾರಣವಾಗಲಿದೆ.
ಹೆಚ್ಚುತ್ತಿರುವ ಮಾಲಿನ್ಯ ತಡೆಯಲು ಎಲೆಕ್ಟ್ರಿಕ್ ಎಂಜಿನ್ ಪ್ರೇರಿತ ವಾಹನಗಳಿಗೆ ಭಾರೀ ಬೇಡಿಕೆ ಸೃಷ್ಠಿಯಾಗುತ್ತಿದ್ದು, ಬೆಂಗಳೂರು ಮೂಲದ ಏಥರ್ ಎನರ್ಜಿ ಸಂಸ್ಥೆಯು ಪರಿಚಯಿಸಿರುವ ಎಲೆಕ್ಟ್ರಿಕ್ ಸ್ಕೂಟರ್ ಇಲ್ಲಿವೆ ನೋಡಿ.