Just In
- 6 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 6 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 8 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 8 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Movies Shobha Shetty ; ನಿಶ್ಚಿತಾರ್ಥದ ಬಗ್ಗೆ ಮಾಹಿತಿ ನೀಡಿದ ನಟಿ ಶೋಭಾ ಶೆಟ್ಟಿ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಾಚಿಕೆಯಿಲ್ಲದೇ ಮೇಡ್ ಇನ್ ಇಂಡಿಯಾ ಬೈಕ್ ಅನ್ನು ನಕಲು ಮಾಡಿದ ಚೀನಾ
ಚೀನಾದ ಮಾರುಕಟ್ಟೆಯು ಪಾಶ್ಚಾತ್ಯ ದೇಶಗಳ ವಸ್ತುಗಳ ನಕಲು ಮಾಲುಗಳನ್ನು ತಯಾರಿಸಲು ಹೆಸರುವಾಸಿಯಾಗಿದೆ. ಮೊಬೈಲ್ ಆಗಲಿ ಅಥವಾ ಯಾವುದೇ ಎಲೆಕ್ಟ್ರಾನಿಕ್ ಬಿಡಿಭಾಗಗಳೇ ಆಗಲಿ ಅವುಗಳ ನಕಲುಗಳನ್ನು ತಯಾರಿಸುವುದರಲ್ಲಿ ಚೀನಾ ದೇಶದ್ದು ಎತ್ತಿದ ಕೈ. ಈಗ ಬೈಕುಗಳ ನಕಲುಗಳನ್ನೇ ತಯಾರಿಸಲು ಶುರು ಮಾಡಿದೆ.
ಭಾರತದಲ್ಲಿ ತಯಾರಾದ ಬಿಎಂಡಬ್ಲ್ಯು ಜಿ 310 ಜಿಎಸ್ ಬೈಕಿನ ನಕಲನ್ನೇ ಚೀನಾ ತಯಾರಿಸಿದ್ದು, ಆ ಬೈಕಿಗೆ ಎವರೆಸ್ಟ್ ಕೈಯು 400 ಎಕ್ಸ್ ಎಂಬ ಹೆಸರನ್ನಿಟ್ಟಿದೆ. ಈ ಅಡ್ವೆಂಚರ್ ಟೂರರ್ ಬೈಕ್ ಅನ್ನು ಇತ್ತೀಚಿಗೆ ತಯಾರಿಸಲಾಗಿದ್ದು, ಚೀನಾದಲ್ಲಿ ಸಿಎನ್ವೈ 29,800ಗಳಿಗೆ, ಭಾರತೀಯ ರೂಪಾಯಿ ಮೌಲ್ಯದಲ್ಲಿ ರೂ. 2.98 ಲಕ್ಷ, ಬಿಡುಗಡೆ ಮಾಡಲಾಗಿದೆ.
ಒರಿಜಿನಲ್ ಬಿಎಂಡಬ್ಲ್ಯು ಜಿ 310 ಜಿಎಸ್ ಬೈಕಿನ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.3.49 ಲಕ್ಷಗಳಾಗಿದೆ. ಎವರೆಸ್ಟ್ ಕೈಯು 400 ಎಕ್ಸ್ ಬೈಕಿನಲ್ಲಿ 378 ಸಿಸಿಯ ಟ್ವಿನ್ ಸಿಲಿಂಡರ್, 8 ವಾಲ್ವ್, ಲಿಕ್ವಿಡ್ ಕೂಲ್ಡ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ ಅನ್ನು ಇನ್ನೊಂದು ಚೀನಾದ ಬೈಕ್ ತಯಾರಕ ಕಂಪನಿಯಾದ ಜಾಂಗ್ಶೆನ್ನಿಂದ ಪಡೆಯಲಾಗಿದೆ.
ಈ ಎಂಜಿನ್ನಲ್ಲಿ 6 ಸ್ಪೀಡ್ನ ಗೇರ್ಬಾಕ್ಸ್ ಅಳವಡಿಸಲಾಗಿದೆ. ಈ ಎಂಜಿನ್ 35.49 ಬಿಹೆಚ್ಪಿ ಹಾಗೂ 35 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಅಂಕಿಅಂಶಗಳು ಸುಮಾರು 400 ಸಿಸಿ ಟ್ವಿನ್ ಸಿಲಿಂಡರ್ ಎಂಜಿನ್ ಹೊಂದಿರುವ ಬೈಕುಗಳಿಗೆ ಹತ್ತಿರವಾಗಿವೆ.
ಮೇಡ್ ಇನ್ ಇಂಡಿಯಾ ಬಿಎಂಡಬ್ಲ್ಯು ಜಿ 310 ಜಿಎಸ್ ಬೈಕ್, 313 ಸಿಸಿಯ ಸಿಂಗಲ್ ಸಿಲಿಂಡರ್ ಹೊಂದಿದ್ದು, 33.52 ಬಿಹೆಚ್ಪಿ ಹಾಗೂ 28 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಎವರೆಸ್ಟ್ ಕೈಯು 400 ಎಕ್ಸ್ ಬೈಕ್, ಮುಂಭಾಗದಲ್ಲಿ 41 ಎಂಎಂನ ತಲೆಕೆಳಗಾದ ಟೆಲಿಸ್ಕೋಪಿಕ್ ಫೋರ್ಕ್ ಹಾಗೂ ಹಿಂಭಾಗದಲ್ಲಿ ಮೊನೊಶಾಕ್ಗಳನ್ನು ಹೊಂದಿದೆ.
ಎರಡೂ ಕ್ರಮವಾಗಿ 165 ಎಂಎಂ ಹಾಗೂ 160 ಎಂಎಂ ಸ್ಟ್ರೋಕ್ ಹೊಂದಿವೆ. ಬ್ರೇಕಿಂಗ್ ನಿಯಂತ್ರಣಕ್ಕಾಗಿ ಬೈಕಿನ ಮುಂಭಾಗದಲ್ಲಿ ಎರಡು 296 ಎಂಎಂ ಡಿಸ್ಕ್ ಗಳಿದ್ದು ಡ್ಯುಯಲ್ ಪಿಸ್ಟನ್ ಕ್ಯಾಲಿಪರ್ಗಳೊಂದಿಗೆ ಕಾರ್ಯ ನಿರ್ವಹಿಸುತ್ತವೆ. ಹಿಂಭಾಗದಲ್ಲಿ ಸಿಂಗಲ್ ಪಿಸ್ಟನ್ ಕ್ಯಾಲಿಪರ್ ಹೊಂದಿರುವ 240 ಎಂಎಂ ಡಿಸ್ಕ್ ಗಳಿವೆ.
ಡ್ಯುಯಲ್ ಚಾನೆಲ್ ಎಬಿಎಸ್ ಅನ್ನು ಸ್ಟಾಂಡರ್ಡ್ ಫಿಟ್ಮೆಂಟ್ ಆಗಿ ನೀಡಲಾಗುತ್ತದೆ. ಚೀನಿಯರು ಇದನ್ನು ಸೂಪರ್ ಅಡ್ವೆಂಚರ್ ಬೈಕ್ ಎಂದು ಕರೆಯುತ್ತಾರೆ. ಎವರೆಸ್ಟ್ ಕೈಯು 400 ಎಕ್ಸ್ ಬೈಕ್ ಮುಂಭಾಗದಲ್ಲಿ ವಿಸ್ತೃತವಾದ ಬೀಕ್ ಹಾಗೂ ಎತ್ತರದ ವಿಂಡ್ಸ್ಕ್ರೀನ್ ಹೊಂದಿದೆ.
ಫ್ಯೂಯಲ್ ಟ್ಯಾಂಕ್ ಬಿಎಂಡಬ್ಲ್ಯು ಜಿ 310 ಜಿಎಸ್ ಬೈಕಿನಲ್ಲಿರುವಂತಹ ಟ್ಯಾಂಕಿನ ಶೇಪ್ ಅನ್ನು ಹೊಂದಿದೆ. ಟ್ಯಾಂಕ್ ಎಕ್ಸ್ ಟೆಂಷನ್ ಕಂ ರೇಡಿಯೇಟರ್ ಮುಚ್ಚಿಹೋಗಿದೆ. ಈ ಬೈಕ್ ಎತ್ತರವಾಗಿರುವ 200 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಹಾಗೂ 790 ಎಂಎಂನಷ್ಟು ಎತ್ತರವಾದ ಸೀಟ್ ಹೊಂದಿದೆ.
ಬಣ್ಣಗಳನ್ನು ಸಹ ಬಿಎಂಡಬ್ಲ್ಯು ಜಿ 310 ಜಿಎಸ್ ನಿಂದ ನಕಲು ಮಾಡಲಾಗಿದೆ. ಬಿಎಂಡಬ್ಲ್ಯು ಜಿ 310 ಜಿಎಸ್ ಬೈಕಿನ ನಕಲು ಪ್ರತಿಯಾದ ಎವರೆಸ್ಟ್ ಕೈಯು 400 ಬೈಕ್ ಎಲ್ಇಡಿ ಹೆಡ್ಲ್ಯಾಂಪ್, ನಕ್ಕಲ್ ಗಾರ್ಡ್ ಹಾಗೂ ಡಿಜಿಟಲ್ ಇನ್ಸ್ ಟ್ರೂಮೆಂಟೇಶನ್ಗಳನ್ನು ಹೊಂದಿದೆ.
ಇದರ ಜೊತೆಗೆ ಯುಎಸ್ಬಿ ಪೋರ್ಟ್, 12 ವೋಲ್ಟ್ ಪೋರ್ಟ್ನ ಆಲ್ ಟೆರೈನ್ ಟಯರ್ಗಳು, ಹಿಂಭಾಗದಲ್ಲಿ 150 ಸೆಕ್ಷನ್ನ ಟಯರ್ಗಳಿವೆ. ಬೈಕ್ 20 ಲೀಟರ್ನ ದೊಡ್ಡ ಗಾತ್ರದ ಫ್ಯೂಯಲ್ ಟ್ಯಾಂಕ್ ಹೊಂದಿದೆ. ಟಾಪ್ ಮಾದರಿಯ ಬೈಕಿನಲ್ಲಿ ಎರಡೂ ಬದಿಯಲ್ಲಿ ಲಗೇಜ್ ಪ್ಯಾನಿಯರ್ಗಳನ್ನು ಪಡೆಯಬಹುದು.
Source: Newmotor