Just In
- 11 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 11 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 13 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 14 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- Finance mukesh ambaniಗೆ 67 ವರ್ಷ, ಅವರು ಹೊಂದಿರುವ ದುಬಾರಿ ವಸ್ತುಗಳು ಏನೇನು ಗೊತ್ತಾ?
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೀಗಿರಲಿವೆ ಎಂಫ್ಲಕ್ಸ್ ಎಲೆಕ್ಟ್ರಿಕ್ ಬೈಕುಗಳು
ಎಂಫ್ಲಕ್ಸ್, ತನ್ನ ಟೂ ಹಾಗೂ ಟೂ ಪ್ಲಸ್ ಎಲೆಕ್ಟ್ರಿಕ್ ಬೈಕುಗಳ ಟೀಸರ್ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಇತ್ತೀಚಿಗೆ ಬಿಡುಗಡೆಗೊಳಿಸಿದೆ. ಭಾರತೀಯ ಮೂಲದ ಎಲೆಕ್ಟ್ರಿಕ್ ವಾಹನಗಳ ಸ್ಟಾರ್ಟ್ ಅಪ್ ಕಂಪನಿಯಾದ ಎಂಫ್ಲಕ್ಸ್, ಕಳೆದ ವರ್ಷ ಟೂ - ಫ್ಯೂಚರ್ ಫೈಟರ್ ಎಂಬ ಟೀಸರ್ ಅನ್ನು ಬಿಡುಗಡೆಗೊಳಿಸಿತ್ತು.
ಈ ಬಾರಿ ಬಿಡುಗಡೆಯಾಗಿರುವ ಟೀಸರ್ ಎರಡು ಹೊಸ ಮಾದರಿಯ ಬೈಕುಗಳ ಪವರ್ ಹಾಗೂ ದೂರದ ಅಂಕಿ ಅಂಶಗಳ ಬಗ್ಗೆ ಮಾಹಿತಿಯನ್ನು ನೀಡುತ್ತದೆ. ಈ ಎರಡೂ ಬೈಕುಗಳ ಪೈಕಿ ಎಂಫ್ಲಕ್ಸ್ ಟೂ ಪ್ಲಸ್ ಹೆಚ್ಚು ಬಲಶಾಲಿಯಾಗಿದೆ. ಟೂ ಪ್ಲಸ್ 0 - 100 ಕಿ.ಮೀ ವೇಗವನ್ನು ಕೇವಲ 3.6 ಸೆಕೆಂಡುಗಳಲ್ಲಿ ಕ್ರಮಿಸಲಿದೆ. ಈ ಬೈಕಿನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 180 ಕಿ.ಮೀ ಆಗಿರಲಿದೆ. ಒಂದು ಬಾರಿಯ ಚಾರ್ಜ್ನಿಂದ ಟೂ ಪ್ಲಸ್ ಬೈಕ್ 200 ಕಿ.ಮೀವರೆಗೂ ಚಲಿಸಲಿದೆ.
ಟೂ ಬೈಕ್ ಎಂಫ್ಲಕ್ಸ್ ಕಂಪನಿಯು ಕೈಗೆಟಕುವ ದರದಲ್ಲಿ ನೀಡುತ್ತಿರುವ ಬೈಕ್ ಆಗಿದೆ. ಟೂ ಬೈಕ್ 0 - 100 ಕಿ.ಮೀ ವೇಗವನ್ನು 4.5 ಸೆಕೆಂಡುಗಳಲ್ಲಿ ಕ್ರಮಿಸಲಿದೆ. ಈ ಬೈಕಿನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 160 ಕಿ.ಮೀ ಆಗಿರಲಿದೆ.
ಟೂ ಬೈಕ್ ಒಂದು ಬಾರಿಯ ಚಾರ್ಜ್ನಿಂದ 160 ಕಿ.ಮೀ ದೂರದವರೆಗೆ ಚಲಿಸಲಿದೆ. ಈ ಎಲೆಕ್ಟ್ರಿಕ್ ಬೈಕ್, ರಸ್ತೆ ಆಧಾರಿತ ಬೈಕ್ ಆಗಿರುವ ಸಾಧ್ಯತೆಗಳಿವೆ. ಟೀಸರ್ನಲ್ಲಿರುವ ಚಿತ್ರಗಳಲ್ಲಿ ಟೂ ಬೈಕ್ ಬಿಳಿ ಬಣ್ಣವನ್ನು ಹೊಂದಿದ್ದರೆ, ಟೂ ಪ್ಲಸ್ ಬೈಕ್ ಗ್ರೇ ಬಣ್ಣವನ್ನು ಹೊಂದಿದೆ. ಆಕರ್ಷಕವಾಗಿರುವ ಎಲ್ಇಡಿ ಹೆಡ್ಲೈಟ್ ಅನ್ನು ಸಹ ಕಾಣಬಹುದು.
ಈ ಬೈಕುಗಳಲ್ಲಿ ಹಿಂಬದಿಯಲ್ಲಿ ಎಲ್ಇಡಿ ಲೈಟ್ ಹಾಗೂ ಟರ್ನ್ ಇಂಡಿಕೇಟರ್ಗಳಿರುವ ಸಾಧ್ಯತೆಗಳಿವೆ. ಟ್ಯಾಂಕಿನ ವಿನ್ಯಾಸವು ಬೈಕುಗಳ ನೇಕೆಡ್ ವಿನ್ಯಾಸಕ್ಕೆ ಹೆಚ್ಚಿನ ಆಕರ್ಷಣೆಯನ್ನು ನೀಡುವ ಮೂಲಕ, ಬೈಕುಗಳು ಮತ್ತಷ್ಟು ಆಕ್ರಮಣಕಾರಿಯಾಗಿ ಕಾಣುವಂತೆ ಮಾಡುತ್ತವೆ.
ಟೂ ಹಾಗೂ ಟೂ ಪ್ಲಸ್ ಬೈಕುಗಳ ಒಟ್ಟಾರೆ ವಿನ್ಯಾಸವು ಎಂಫ್ಲಕ್ಸ್ ಒನ್ ಬೈಕಿನಂತಿರುವ ಸಾಧ್ಯತೆಗಳಿವೆ. ಎಂಫ್ಲಕ್ಸ್ ಹೊಸ ಬೈಕ್ಗಳ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಬಹಿರಂಗಪಡಿಸದಿದ್ದರೂ, ಈ ಬೈಕುಗಳು ಎತ್ತರವಾದ ಹಾಗೂ ಫ್ಲಾಟ್ ಹ್ಯಾಂಡಲ್ಬಾರ್ಗಳನ್ನು ಹೊಂದಿರಲಿವೆ.
ಇದರಿಂದಾಗಿ ಆರಾಮದಾಯಕವಾದ ಹಾಗೂ ನೇರವಾದ ಸವಾರಿಯನ್ನು ಮಾಡಬಹುದಾಗಿದೆ. ಎಂಫ್ಲಕ್ಸ್ ಒನ್ನಲ್ಲಿರುವಂತಹ ಅದೇ ಬಣ್ಣದ ಟಿಎಫ್ಟಿ ಇನ್ಸ್ ಟ್ರೂಮೆಂಟ್ ಕನ್ಸೋಲ್ ಅನ್ನು ಈ ಬೈಕಿನಲ್ಲಿಯೂ ಸಹ ನಿರೀಕ್ಷಿಸಬಹುದು.
MOST READ: ರೋಲ್ಸ್ ರಾಯ್ಸ್ ಕಾರು ಖರೀದಿಗಾಗಿ ಹತ್ತಾರು ಕಠಿಣ ಪರೀಕ್ಷೆಗಳನ್ನು ಎದುರಿಸಿದ್ರು ಎಂಟಿಬಿ..!
ನೇಕೆಡ್ ಸ್ಟ್ರೀಟ್ ಲುಕ್ ಹೊಂದಿರುವ ಹಾಗೂ ಫೇರಿಂಗ್ಗಳನ್ನು ಹೊಂದಿಲ್ಲದೇ ಇರುವ ಈ ಬೈಕ್ 169 ಕೆ.ಜಿ ತೂಕವನ್ನು ಹೊಂದಿರಲಿದ್ದು, ಎಂಫ್ಲಕ್ಸ್ ಒನ್ಗಿಂತ ಕಡಿಮೆ ತೂಕವನ್ನು ಹೊಂದಿರಲಿದೆ. ಈ ಬೈಕುಗಳ ಫ್ರೇಮ್, ಸ್ಟೀಲ್ ಟ್ರೆಲ್ಲಿಸ್ ಆಗಿರಲಿದ್ದು, ರಸ್ತೆ ಸವಾರಿಗಾಗಿ ಎರ್ಗೊನಾಮಿಕ್ಸ್ ಹೊಂದಿರಲಿದೆ.
MOST READ: ಕೇವಲ ಐದು ನಿಮಿಷದಲ್ಲಿ ಚಾರ್ಜ್ ಆಗಲಿದೆ ಈ ಎಲೆಕ್ಟ್ರಿಕ್ ಆಟೋ
ಎಂಫ್ಲಕ್ಸ್ ಟೂ ಹಾಗೂ ಟೂ ಪ್ಲಸ್ ಒಂದೇ ಪ್ಲಾಟ್ಫಾರಂ ಅನ್ನು ಹೊಂದಿರಲಿವೆ. ಟೂ ಪ್ಲಸ್ ಬೈಕಿನ ಮುಂಭಾಗದಲ್ಲಿ ಪೂರ್ಣ ಪ್ರಮಾಣದ ಅಡ್ಜಸ್ಟ್ ಮಾಡಬಹುದಾದ ಓಹ್ಲಿನ್ಸ್ ನ ಯುಎಸ್ಡಿ ಅಪ್ಸೈಡ್ ಡೌನ್ ಫೋರ್ಕ್ ಹಾಗೂ ಹಿಂಭಾಗದಲ್ಲಿ ಮೊನೊ ಶಾಕ್ ಸಸ್ಪೆಂಷನ್ಗಳಿರಲಿವೆ. ಟೂ ಮಾದರಿಯ ಬೈಕಿನಲ್ಲಿ ಮೂಲ ಮಾದರಿಯ ಸಸ್ಪೆಂಷನ್ಗಳಿರುವ ಸಾಧ್ಯತೆಗಳಿವೆ.
MOST READ: ಅನಾವರಣವಾಯ್ತು ವಿಶ್ವದ ಬಲಶಾಲಿ ಎಸ್ಯುವಿ ರೆಜ್ವಾನಿ ಟ್ಯಾಂಕ್
ಎಂಫ್ಲಕ್ಸ್ ಟೂ ಮಾದರಿಯ ಬೈಕಿನ ಬೆಲೆಯು ರೂ.4.5 ಲಕ್ಷ ಹಾಗೂ ಟೂ ಪ್ಲಸ್ ಮಾದರಿಯ ಬೈಕಿನ ಬೆಲೆಯು ರೂ.5 ಲಕ್ಷಗಳಾಗುವ ಸಾಧ್ಯತೆಗಳಿವೆ. ಈ ಬೆಲೆಗಳು ಭಾರತದ ಎಕ್ಸ್ ಶೋರೂಂ ದರಗಳಾಗಿವೆ. ಎಂಫ್ಲಕ್ಸ್ ಟೂ ಹಾಗೂ ಟೂ ಪ್ಲಸ್ ಮಾದರಿಯ ಬೈಕುಗಳನ್ನು 2020ರ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶಿಸುವ ಸಾಧ್ಯತೆಗಳಿವೆ. ಎಲ್ಲವೂ ಅಂದು ಕೊಂಡಂತೆ ನಡೆದರೆ ಎಂಫ್ಲಕ್ಸ್, ಟೂ ಹಾಗೂ ಟೂ ಪ್ಲಸ್ ಬೈಕುಗಳನ್ನು 2020ರ ಕೊನೆಯ ವೇಳೆಗೆ ಬಿಡುಗಡೆಗೊಳಿಸಲಿದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಎಂಫ್ಲಕ್ಸ್ ಟೀಸರ್ ಬಿಡುಗಡೆಗೊಳಿಸುವ ಮೂಲಕ ಗ್ರಾಹಕರ ಗಮನವನ್ನು ತನ್ನತ್ತ ಸೆಳೆಯಲು ಯಶಸ್ವಿಯಾಗಿದೆ. ಈ ಎಲೆಕ್ಟ್ರಿಕ್ ಬೈಕುಗಳ ಪರ್ಫಾಮೆನ್ಸ್ ಹಾಗೂ ವ್ಯಾಪ್ತಿ ಭರವಸೆ ಮೂಡಿಸಿದೆ. ಎಂಫ್ಲಕ್ಸ್ ಈ ಹಿಂದೆ ಅಭಿವೃದ್ಧಿಪಡಿಸಿದ್ದ ಬೈಕುಗಳ ಬಿಡುಗಡೆಯಲ್ಲಿ ವಿಳಂಬವಾಗಿದ್ದರೂ, ಹೊಸ ಬೈಕುಗಳು ಆದಷ್ಟು ಬೇಗ ಮಾರುಕಟ್ಟೆಗೆ ಕಾಲಿಡುವ ಸಾಧ್ಯತೆಗಳಿವೆ.