Just In
- 11 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 12 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 13 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 14 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- Finance ಜಗತ್ತಿಗೆ ಭಾರತವೇ ಬಾಸ್, ಅಂತಾರಾಷ್ಟ್ರೀಯ ಹಣಕಾಸು ನಿಧಿ ಹೇಳಿದ್ದು ಏನು?
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- News Realme: ಅಗ್ಗದ 5G ಸ್ಮಾರ್ಟ್ಫೋನ್ ಬಿಡುಗಡೆ ರೆಡಿ; ಇದರ ಬೆಲೆ ಎಷ್ಟು ಗೊತ್ತಾ?
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೈಗೆಟಕುವ ಬೆಲೆಗಳಲ್ಲಿ ಎವೊಲೆಟ್ ಎಲೆಕ್ಟ್ರಿಕ್ ಸ್ಕೂಟರ್ಗಳ ಬಿಡುಗಡೆ
ಎಲೆಕ್ಟ್ರಿಕ್ ವಾಹನಗಳ ಸ್ಟಾರ್ಟ್ ಅಪ್ ಕಂಪನಿಯಾದ ರಿಸಾಲಾ ಎಲೆಕ್ಟ್ರಿಕ್ ಮೋಟಾರ್ಸ್ ಪ್ರೈ ಲಿ. ತನ್ನ ಮೊದಲ ಇ-ಸ್ಕೂಟರ್ಗಳನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ. ಕಂಪನಿಯು ಪೊಲೊ, ಡರ್ಬಿ ಹಾಗೂ ಪೊಲೊ ಪೊನಿ ಎಂಬ ಮೂರು ಎಲೆಕ್ಟ್ರಿಕ್ ಸ್ಕೂಟರ್ಗಳನ್ನು ಬಿಡುಗಡೆ ಮಾಡಿದೆ. ಪೊಲೊ ಹಾಗೂ ಪೊಲೊ ಪೋನಿಗಳನ್ನು ತಲಾ ಎರಡು ಮಾದರಿಗಳಲ್ಲಿ ಮಾರಾಟ ಮಾಡಲಾಗುತ್ತದೆ.
ಪೊಲೊ ಸ್ಕೂಟರ್ ಅನ್ನು ಪೊಲೊ ಇಝಡ್ ಹಾಗೂ ಪೊಲೊ ಕ್ಲಾಸಿಕ್ ಎಂಬ ಎರಡು ಮಾದರಿಗಳಲ್ಲಿ ಮಾರಾಟ ಮಾಡಲಾಗುವುದು. ಪೊಲೊ ಇಝಡ್ ಇ-ಸ್ಕೂಟರಿನ ಬೆಲೆಯು ರೂ.34,499ಗಳಾಗಿದ್ದು, 48 ವಿ 24 ಎಹೆಚ್ ವಿಆರ್ಎಲ್ಎ ಬ್ಯಾಟರಿ ಪ್ಯಾಕ್ ಹೊಂದಿದೆ. 48 ವಿ 24 ಎಹೆಚ್ ಲಿಥಿಯಂ-ಐಯಾನ್ ಬ್ಯಾಟರಿ ಹೊಂದಿರುವ ಪೊಲೊ ಕ್ಲಾಸಿಕ್ ಇ-ಸ್ಕೂಟರಿನ ಬೆಲೆ ರೂ.54,499ಗಳಾಗಿದೆ. ಎವೊಲೆಟ್ ಡರ್ಬಿ ಹಾಗೂ ಪೊಲೊ ಪೋನಿ ಸ್ಕೂಟರ್ಗಳು ಡರ್ಬಿ ಇಝಡ್, ಪೊಲೊ ಪೋನಿ ಇಝಡ್, ಡರ್ಬಿ ಕ್ಲಾಸಿಕ್ ಹಾಗೂ ಪೊಲೊ ಪೋನಿ ಕ್ಲಾಸಿಕ್ ಎಂಬ ಮಾದರಿಗಳನ್ನು ಹೊಂದಿವೆ.
ಪೊಲೊ ಪೋನಿ, ಎವೊಲೆಟ್ ಪೋಲೊನಲ್ಲಿರುವಂತಹ ಬ್ಯಾಟರಿಯನ್ನು ಹೊಂದಿದೆ. ಇದರಲ್ಲಿ ಪೋಲೊ ಪೋನಿ ಇಝಡ್ನಲ್ಲಿ 48 ವಿ 24 ಎಹೆಚ್ ವಿಆರ್ಎಲ್ಎ ಬ್ಯಾಟರಿ ಹಾಗೂ ಪೊಲೊ ಪೋನಿ ಕ್ಲಾಸಿಕ್ನಲ್ಲಿರುವ 48 ವಿ 24 ಎಹೆಚ್ ಲಿಥಿಯಂ ಐಯಾನ್ ಬ್ಯಾಟರಿಗಳಿರಲಿವೆ. ಪೊಲೊ ಪೋನಿ ಇಝಡ್ ಇ-ಸ್ಕೂಟರಿನ ಬೆಲೆ ರೂ.39,499ಗಳಾದರೆ, ಪೊಲೊ ಪೋನಿ ಕ್ಲಾಸಿಕ್ ಇ-ಸ್ಕೂಟರಿನ ಬೆಲೆ ರೂ.49,499ಗಳಾಗಿದೆ. ಎವೊಲೆಟ್ ಡರ್ಬಿ ಸ್ವಲ್ಪ ಹೆಚ್ಚು ಬಲಶಾಲಿಯಾದ ಬ್ಯಾಟರಿಯನ್ನು ಹೊಂದಿದೆ. ಇದರಲ್ಲಿ ಡರ್ಬಿ ಇಝಡ್ನಲ್ಲಿರುವಂತಹ 60 ವಿ 30 ಎಹೆಚ್ ವಿಆರ್ಎಲ್ಎ ಬ್ಯಾಟರಿ ಇರಲಿದೆ.
ಡರ್ಬಿ ಕ್ಲಾಸಿಕ್ ಲಿಥಿಯಂ-ಐಯಾನ್ ಬ್ಯಾಟರಿಯನ್ನು ಹೊಂದಿದೆ. ಡರ್ಬಿ ಇಝಡ್ ಬೆಲೆಯು ರೂ.46,499ಗಳಾದರೆ, ಡರ್ಬಿ ಕ್ಲಾಸಿಕ್ ಬೆಲೆ ರೂ.59,999ಗಳಾಗುತ್ತದೆ. ಈ ಮೂರು ಎಲೆಕ್ಟ್ರಿಕ್ ಸ್ಕೂಟರ್ಗಳ ಎಲ್ಲಾ ಮಾದರಿಗಳು ಒಂದೇ ರೇಂಜ್ ಹಾಗೂ ಟಾಪ್ ಸ್ಪೀಡ್ ಹೊಂದಿರಲಿವೆ. ಎಲ್ಲಾ ಮೂರು ಎಲೆಕ್ಟ್ರಿಕ್ ಸ್ಕೂಟರ್ಗಳನ್ನು ಒಂದು ಬಾರಿ ಚಾರ್ಜ್ ಮಾಡಿದರೆ 25 ಕಿ.ಮೀ ವೇಗದಲ್ಲಿ, 60 ಕಿ.ಮೀ ದೂರದವರೆಗೂ ಚಲಿಸುತ್ತವೆ. ಮೂರು ಎಲೆಕ್ಟ್ರಿಕ್ ಸ್ಕೂಟರ್ಗಳ ಜೊತೆಗೆ, ಎವೊಲೆಟ್ ತನ್ನ ಮೊದಲ ಎಲೆಕ್ಟ್ರಿಕ್ ಕ್ವಾಡ್ ಬೈಕ್ ಅನ್ನು ಸಹ ಬಿಡುಗಡೆಗೊಳಿಸಿದೆ.
ಎವೊಲೆಟ್ ವಾರಿಯರ್ ಕ್ವಾಡ್ ಬೈಕಿನ ಬೆಲೆ ರೂ.1.40 ಲಕ್ಷಗಳಾಗಿದೆ. ಈ ಬೈಕ್ 72 ವಿ 40 ಎಹೆಚ್ ಲಿಥಿಯಂ ಐಯಾನ್ ಬ್ಯಾಟರಿ ಹಾಗೂ 3 ಕಿ.ವ್ಯಾಟಿನ ಎಲೆಕ್ಟ್ರಿಕ್ ಮೋಟರ್ ಹೊಂದಿದೆ. ಇವುಗಳನ್ನು ಹೊಂದಿರುವ ವಾರಿಯರ್ ಕ್ವಾಡ್ ಬೈಕ್ ಪ್ರತಿ ಗಂಟೆಗೆ 60 ಕಿ.ಮೀ ವೇಗದಲ್ಲಿ ಚಲಿಸುತ್ತದೆ. ಒಂದು ಬಾರಿ ಚಾರ್ಜ್ ಮಾಡಿದರೆ ಗರಿಷ್ಠ 50 ಕಿ.ಮೀ ಚಲಿಸುತ್ತದೆ. ಎಲೆಕ್ಟ್ರಿಕ್ ಕ್ವಾಡ್ ಬೈಕ್ ರಿವರ್ಸ್ ಗೇರ್ ಅನ್ನು ಸಹ ಹೊಂದಿದ್ದು, ಪ್ರತಿ ಗಂಟೆಗೆ 20 ಕಿ.ಮೀ ವೇಗದಲ್ಲಿ ಚಲಿಸುತ್ತದೆ.
ಈ ಎಲೆಕ್ಟ್ರಿಕ್ ವಾಹನಗಳ ಬಿಡುಗಡೆ ಸಮಾರಂಭದಲ್ಲಿ ಹಾಜರಿದ್ದ ಕೇಂದ್ರ ಸಚಿವ ನಿತಿನ್ ಗಡ್ಕರಿರವರು ಮಾತನಾಡಿ, ವಾಯು ಮಾಲಿನ್ಯವನ್ನು ನಿಯಂತ್ರಿಸಲು ಕೇಂದ್ರ ಸರ್ಕಾರವು ನವೀಕರಿಸಬಹುದಾದ ಸಂಪನ್ಮೂಲ ಹಾಗೂ ಎಲೆಕ್ಟ್ರಿಕ್ ವಾಹನಗಳ ಬಳಕೆಯನ್ನು ಉತ್ತೇಜಿಸುತ್ತಿದೆ. ಇಂಧನ ಆಧಾರಿತ ವಾಹನಗಳಿಂದ ಎಲೆಕ್ಟ್ರಿಕ್ ವಾಹನಗಳಿಗೆ ಬದಲಾಗಲು ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದ್ದೇವೆ.
ಪರಿಸರ ಹಾಗೂ ಮಾನವರ ಮೇಲೆ ಇಂಧನಗಳಿಂದ ಹಾನಿಯಾಗುತ್ತಿದೆ. ಎಲೆಕ್ಟ್ರಿಕ್ ವಾಹನಗಳಿಂದಾಗುವ ಪ್ರಯೋಜನಗಳ ಬಗ್ಗೆ ಜನರು ತಿಳಿದಿರುವುದರಿಂದ ಇವುಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದೆ.
ಶೀಘ್ರದಲ್ಲೇ ಭಾರತದಲ್ಲಿನ ವಾಯು ಮಾಲಿನ್ಯವು ನಿಯಂತ್ರಣಕ್ಕೆ ಬರಲಿದೆ ಎಂದು ತಿಳಿಸಿದರು. ರಿಸಾಲಾ ಎಲೆಕ್ಟ್ರಿಕ್ ಮೋಟಾರ್ಸ್ ಪ್ರೈ. ಲಿ ವಕ್ತಾರರಾದ ಪ್ರೇರಣಾ ಚತುರ್ವೇದಿರವರು ಮಾತನಾಡಿ, ನಾವು ಯಾವುದೇ ಅಧಿಕ ವೆಚ್ಚವಿಲ್ಲದ ಹಾಗೂ ಮಾರಾಟದ ನಂತರದ ಸೌಲಭ್ಯದೊಂದಿಗೆ ಕೈಗೆಟುಕುವ ಬೆಲೆಯಲ್ಲಿ ವಾಹನಗಳನ್ನು ಮಾರಾಟ ಮಾಡುತ್ತೇವೆ. ಜನ ಸಾಮಾನ್ಯರಿಗೆ ಎಲೆಕ್ಟ್ರಿಕ್ ವಾಹನಗಳ ಬಗ್ಗೆ ಅರಿವು ಮೂಡಿಸಿ ಈ ವಾಹನಗಳ ಅಗತ್ಯವನ್ನು ತಿಳಿಸುತ್ತೇವೆ ಎಂದು ಹೇಳಿದರು.
ಈ ಎಲೆಕ್ಟ್ರಿಕ್ ಸ್ಕೂಟರ್ಗಳ ಫೀಚರ್ಗಳ ಬಗ್ಗೆ ಹೇಳುವುದಾದರೆ, ಈ ಎಲೆಕ್ಟ್ರಿಕ್ ಸ್ಕೂಟರ್ಗಳ ಟಾಪ್ ಮಾದರಿಗಳು ಐಒಟಿ ಆಧಾರಿತವಾಗಿವೆ. ಇವು ಎವೊಲೆಟ್ ಅಪ್ಲಿಕೇಶನ್ ಮೂಲಕ ಸವಾರರಿಗೆ ಹೆಚ್ಚಿನ ಮಾಹಿತಿಯನ್ನು ಒದಗಿಸುತ್ತವೆ. ಈ ಫೀಚರ್ಗಳಲ್ಲಿ ವಾಹನ, ಬ್ಯಾಟರಿಯ ಸ್ಥಿತಿ, ಜಿಪಿಎಸ್ ಹಾಗೂ ಸೆಕ್ಯೂರಿಟಿ ಟ್ರ್ಯಾಕಿಂಗ್ಗಳು ಸೇರಿವೆ. ಸ್ಕೂಟರ್ಗಳಿಗೆ ಸರ್ವಿಸ್ ಯಾವಾಗ ಮಾಡಿಸಬೇಕು ಎಂಬುದನ್ನು ಪರಿಶೀಲಿಸಲು ಅಪ್ಲಿಕೇಶನ್ ಬಳಸಬಹುದು. ಅದಕ್ಕಾಗಿ ಅಪಾಯಿಂಟ್ಮೆಂಟ್ ತೆಗೆದುಕೊಳ್ಳಬಹುದಾಗಿದೆ.
ಕಂಪನಿಯು 3 ಗಂಟೆಗಳ ಒಳಗೆ ಬ್ಯಾಟರಿಗಳನ್ನು ಚಾರ್ಜ್ ಮಾಡುವ ಫಾಸ್ಟ್ ಚಾರ್ಜರ್ಗಳನ್ನು ಈ ಎಲೆಕ್ಟ್ರಿಕ್ ಸ್ಕೂಟರ್ಗಳೊಂದಿಗೆ ನೀಡಲಿದೆ. ಕಂಪನಿಯು ಸದ್ಯಕ್ಕೆ ಈ ಎಲೆಕ್ಟ್ರಿಕ್ ಸ್ಕೂಟರ್ಗಳನ್ನು ದೆಹಲಿ-ಎನ್ಸಿಆರ್, ರಾಜಸ್ಥಾನ, ಪಂಜಾಬ್, ಮಹಾರಾಷ್ಟ್ರ, ಉತ್ತರ ಪ್ರದೇಶ ಹಾಗೂ ಹರಿಯಾಣಗಳಲ್ಲಿ ಮಾತ್ರ ಮಾರಾಟ ಮಾಡಲಿದೆ. ಮುಂದಿನ ಎರಡು ತಿಂಗಳಲ್ಲಿ ದೇಶಾದ್ಯಂತ ಈ ಎಲೆಕ್ಟ್ರಿಕ್ ಸ್ಕೂಟರ್ಗಳನ್ನು ಬಿಡುಗಡೆಗೊಳಿಸಲಿದೆ. ಈ ಎಲೆಕ್ಟ್ರಿಕ್ ಸ್ಕೂಟರ್ಗಳ ಬೆಲೆಯು ರೂ.39,000ಗಳಿಂದ ಆರಂಭವಾಗುತ್ತದೆ. ಟಾಪ್ ಎಂಡ್ ಸ್ಕೂಟರಿನ ಬೆಲೆಯು ರೂ.59,999ಗಳಾಗುತ್ತದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಎವೊಲೆಟ್ ಎಲೆಕ್ಟ್ರಿಕ್ ಸ್ಕೂಟರ್ಗಳು ದೇಶಿಯ ಮಾರುಕಟ್ಟೆಯಲ್ಲಿ ಹೊಸ ಇವಿ ಕಂಪನಿಯು ಬಿಡುಗಡೆಗೊಳಿಸುತ್ತಿರುವ ಕಡಿಮೆ ವೇಗದ ಸ್ಕೂಟರ್ಗಳಾಗಿವೆ. ಭಾರತೀಯ ಮಾರುಕಟ್ಟೆಯಲ್ಲಿ ಕಡಿಮೆ ರೇಂಜಿನ, ಕಡಿಮೆ ವೇಗದ ಎಲೆಕ್ಟ್ರಿಕ್ ಸ್ಕೂಟರ್ಗಳು ನಗರ ಪ್ರದೇಶಗಳಿಗೆ ಹೇಳಿ ಮಾಡಿಸಿದಂತಿವೆ.