Just In
- 11 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 11 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 12 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 13 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- News Lok Sabha Election 2024 Phase 1 Polling LIVE: ಲೋಕಸಭಾ ಚುನಾವಣೆ 2024ರ ಮೊದಲ ಹಂತದ ಮತದಾನ!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜಾಗ್ವಾರ್ ಕಾರಿಗಿಂತಲೂ ದುಬಾರಿ ಬೆಲೆಯಲ್ಲಿ ಹರಾಜುಗೊಂಡ ಜಾವಾ ಚಾರ್ಸಿ ನಂಬರ್ 001 ಬೈಕ್
ಸುಮಾರು 2 ದಶಕಗಳ ನಂತರ ಭಾರತೀಯ ಮಾರುಕಟ್ಟೆಗೆ ಮರಳಿ ಪ್ರವೇಶ ಪಡೆದಿರುವ ಜಾವಾ ಮೋಟಾರ್ಸೈಕಲ್ ಸಂಸ್ಥೆಯು ಕಳೆದ 2018ರ ನವೆಂಬರ್ನಲ್ಲಿ ತನ್ನ ಹೊಸ ಬೈಕ್ಗಳನ್ನು ಬಿಡುಗಡೆ ಮಾಡಿದ್ದು, ಇದೀಗ ಹೊಸ ಬೈಕ್ ವಿತರಣೆಗೆ ಚಾಲನೆ ನೀಡಲಾಗಿದೆ. ಇದಕ್ಕೂ ಮುನ್ನ ಹೊಸ ಬೈಕ್ ಮಾದರಿಗಳ ಹರಾಜು ಪ್ರಕ್ರಿಯೆ ನಡೆಸುವ ಮೂಲಕ ಜಾವಾ ಸಂಸ್ಥೆಯು ಹೊಸ ಬೈಕ್ಗಳಿಂದ ಭಾರೀ ಪ್ರಮಾಣದ ಹಣ ಸಂಗ್ರಹಿಸಿದ್ದು, ಚಾರ್ಸಿ ನಂಬರ್ 001 ಹೊಂದಿರುವ ಬೈಕ್ ಭಾರೀ ಮೊತ್ತಕ್ಕೆ ಹರಾಜುಗೊಂಡಿದೆ.
ಹೌದು, ಜಾವಾ ಸಂಸ್ಥೆಯು ಬಿಡುಗಡೆ ಮಾಡಿರುವ ಜಾವಾ ಮತ್ತು ಜಾವಾ 42 ಎನ್ನುವ ಬೈಕ್ಗಳ ವಿತರಣೆ ಮಾಡುವುದಕ್ಕೂ ಮುನ್ನ ಹರಾಜು ಪ್ರಕ್ರಿಯೆಯನ್ನು ಕೈಗೊಳ್ಳಲಾಗಿತ್ತು. ಈ ವೇಳೆ ಚಾರ್ಸಿ ನಂಬರ್ 001 ಹೊಂದಿರುವ ಜಾವಾ ಬೈಕ್ ಮಾದರಿಯು ಬರೋಬ್ಬರಿ ರೂ. 45 ಲಕ್ಷಕ್ಕೆ ಮಾರಾಟವಾಗಿದ್ದು, ಮುಂಬೈ ಮೂಲದ ಉದ್ಯಮಿಯೊಬ್ಬರು ದುಬಾರಿ ಬೆಲೆ ನೀಡಿ ಈ ಬೈಕ್ ಮಾದರಿಯನ್ನು ಹರಾಜಿನಲ್ಲಿ ಖರೀದಿಸಿದ್ದಾರೆ. ಇದು ಸದ್ಯ ಮಾರುಕಟ್ಟೆಯಲ್ಲಿ ಖರೀದಿ ಲಭ್ಯವಿರುವ ಜಾಗ್ವಾರ್ ಎಕ್ಸ್ಇ ಸೆಡಾನ್ ಕಾರಿಗಿಂತಲೂ ದುಬಾರಿ ಅಂದ್ರೆ ತಪ್ಪಾಗುವುದಿಲ್ಲ.
ಮುಂಬೈನಲ್ಲಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಒಟ್ಟು 13 ಬೈಕ್ಗಳು ಮಾರಾಟಗೊಂಡಿದ್ದು, ಹರಾಜು ಪ್ರಕ್ರಿಯೆ ಭಾಗಿಯಾಗಿದ್ದ ಸಾವಿರಾರು ಜಾವಾ ಪ್ರಿಯರು ದಾಖಲೆಯ ಬೆಲೆಗೆ ತಮ್ಮ ನೆಚ್ಚಿನ ಬೈಕ್ಗಳನ್ನು ಖರೀದಿಸಲು ಮುಗಿಬಿದ್ದರು. ಅಂತಿಮವಾಗಿ 13 ಬೈಕ್ಗಳನ್ನು ಹರಾಜು ಮಾಡುವಲ್ಲಿ ಯಶಸ್ವಿಯಾದ ಜಾವಾ ಸಂಸ್ಥೆಯು ಹೊಸ ದಾಖಲೆಯನ್ನೇ ಸೃಷ್ಠಿಸಿದೆ.
ಇದರಲ್ಲಿ ಚಾರ್ಸಿ ನಂ. 001 ಹೊಂದಿರುವ ಜಾವಾ ಬೈಕ್ ಬರೋಬ್ಬರಿ ರೂ.45 ಲಕ್ಷಕ್ಕೆ ಹರಾಜುಗೊಂಡಿದ್ದು, ಇನ್ನುಳಿದಂತೆ ಚಾರ್ಸಿ ನಂಬರ್ ಆಧಾರಿಸಿ ವಿವಿಧ ಬೆಲೆಗಳಿಗೆ ಬೈಕ್ ಹರಾಜುಗೊಂಡವು. ಈ ಮೂಲಕ 13 ಬೈಕ್ಗಳಿಂದ ಬರೋಬ್ಬರಿ ರೂ.1.43 ಕೋಟಿ ಸಂಗ್ರಹವಾಗಿದ್ದು, ಹರಾಜಿನಲ್ಲಿ ಬೈಕ್ ಖರೀದಿ ಮಾಡಿರುವ ಗ್ರಾಹಕರಿಗೆ ಜಾವಾ ವಿಶೇಷ ಗ್ರಾಹಕ ಸೌಲಭ್ಯಗಳನ್ನು ಘೋಷಣೆ ಮಾಡಿದೆ.
ಇನ್ನು ಸಂಗ್ರವಾದ ಹಣವನ್ನು ಹುತ್ಮಾತ ಯೋಧರ ಮಕ್ಕಳ ಶಿಕ್ಷಣಕ್ಕಾಗಿ ಈ ನಿಧಿಯನ್ನು ಬಳಕೆ ಮಾಡಲಿರುವ ಜಾವಾ ಸಂಸ್ಥೆಯು, ದೇಶವೇ ಮೊದಲು ಎನ್ನುವ ಸಂದೇಶವನ್ನು ತನ್ನ ಗ್ರಾಹಕರಲ್ಲಿ ಅರಿವು ಮೂಡಿಸಿದಲ್ಲದೇ ಹರಾಜು ಪ್ರಕ್ರಿಯೆಯಲ್ಲಿ ಭಾಗಿಯಾಗಿ ದಾಖಲೆ ಬೆಲೆಗೆ ಬೈಕ್ ಖರೀದಿಸಿದ ಗ್ರಾಹಕರಿಗೆ ಧನ್ಯವಾದಗಳನ್ನು ತಿಳಿಸಿದೆ. ಜೊತೆಗೆ ಜಾವಾ ಸಂಸ್ಥೆಯ ಈ ವಿನೂತನ ಪ್ರಯತ್ನಕ್ಕೆ ಸಾರ್ವಜನಿಕ ವಲಯದಲ್ಲಿ ಸಾಕಷ್ಟು ಪ್ರಶಂಸೆ ವ್ಯಕ್ತವಾಗಿದ್ದು, ದೇಶದ ಭದ್ರತೆಗಾಗಿ ತಮ್ಮ ಪ್ರಾಣವನ್ನೇ ಸಮರ್ಪಣೆ ಮಾಡುತ್ತಿರುವ ಯೋಧರ ಮಕ್ಕಳ ಶಿಕ್ಷಣದ ಜವಾಬ್ದಾರಿಯನ್ನು ತೆಗೆದುಕೊಳ್ಳುತ್ತಿರುವುದಕ್ಕೆ ದೇಶಾದ್ಯಂತ ಅಭಿನಂದನೆಗಳ ಮಹಾಪೂರವೇ ಹರಿದುಬಂದಿದೆ.
ಇನ್ನು ಜಾವಾ ಬೈಕ್ಗಳು ದಶಕಗಳ ಹಿಂದೆ ಭಾರತದಲ್ಲಿ ಅಬ್ಬರಿಸಿ ಮರೆಯಾಗಿದ್ದಲ್ಲದೆ ಇದೀಗ ನವ ವಿನ್ಯಾಸ ಹಾಗೂ ನೂತನ ತಂತ್ರಜ್ಞಾನದೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದ್ದು, ಜಾವಾ ಸಂಸ್ಥೆಯನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳುವ ಮೂಲಕ ಗ್ರಾಹಕರ ಅಭಿರುಚಿಗೆ ತಕ್ಕಂತೆ ಹೊಸ ಬೈಕ್ ನಿರ್ಮಿಸುವಲ್ಲಿ ಮಹೀಂದ್ರಾ ಅಂಗಸಂಸ್ಥೆಯಾದ ಕ್ಲಾಸಿಕ್ ಲೆಜೆಂಡ್ ಯಶಸ್ವಿಯಾಗಿದೆ.
ಒಂದು ವೇಳೆ ಹರಾಜು ವೇಳೆ ದುಬಾರಿ ಬೆಲೆ ನೀಡಿ ಜಾವಾ ಬೈಕ್ ಖರೀದಿಸಿದ ಗ್ರಾಹಕರನು ಅದೇ ಬೆಲೆಯಲ್ಲಿಯೇ ಇತರೆ ಐಷಾರಾಮಿ ಬೈಕ್ಗಳನ್ನು ಖರೀದಿ ಮಾಡಿದ್ದರೆ ಯಾವೆಲ್ಲಾ ಬೈಕ್ಗಳನ್ನು ಖರೀದಿ ಮಾಡಬಹುದಿತ್ತು? ಹಾಗಾದ್ರೆ ರೂ.45 ಲಕ್ಷ ಬೆಲೆ ಹೊಂದಿರುವ ಐಷಾರಾಮಿ ಬೈಕ್ ಭಾರತದಲ್ಲಿ ಎಷ್ಟಿವೆ ಎನ್ನುವ ಮಾಹಿತಿ ಇಲ್ಲಿದೆ ನೋಡಿ..
ಹಾರ್ಲೆ ಡೇವಿಡ್ಸನ್ ಸಿವಿಒ ಲಿಮಿಟೆಡ್
1,868ಸಿಸಿ ಟ್ವಿನ್ ಕೂಲ್ಡ್ ಮಿಲ್ವಾಕಿ-ಯೆಟ್ 117 ಎಂಜಿನ್ ಹೊಂದಿರುವ ಹಾರ್ಲೆ ಡೇವಿಡ್ಸನ್ ಸಿವಿಒ ಲಿಮಿಟೆಡ್ ಮಾದರಿಯು ಭಾರತದಲ್ಲಿ ಮಾರಾಟವಾಗುತ್ತಿರುವ ದುಬಾರಿ ಬೈಕ್ಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, ದೆಹಲಿ ಎಕ್ಸ್ಶೋರೂಂ ಪ್ರಕಾರ ಈ ಬೈಕ್ ರೂ.50.53 ಲಕ್ಷ ಬೆಲೆ ಹೊಂದಿದೆ.
ಇಂಡಿಯನ್ ರೋಡ್ಮಾಸ್ಟರ್ ಎಲೈಟ್
ಇಂಡಿಯನ್ ಮೋಟಾರ್ಸೈಕಲ್ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದ ಎರಡನೆಯ ಲಿಮಿಟೆಡ್ ಎಡಿಷನ್ ಮೋಟಾರ್ಸೈಕಲ್ ಇದಾಗಿದ್ದು, 24 ಕ್ಯಾರೆಟ್ ಗೋಲ್ಡ್ ಬ್ಯಾಡ್ಜ್ ಹೊಂದಿರುವ ಈ ಬೈಕ್ ಮಾದರಿಯು 1,811ಸಿಸಿ ಎಂಜಿನ್ನೊಂದಿಗೆ ದೆಹಲಿಯ ಎಕ್ಸ್ ಶೋರಂ ಪ್ರಕಾರ ರೂ. 48 ಲಕ್ಷ ಬೆಲೆ ಹೊಂದಿದೆ.
ಡುಕಾಟಿ ಪ್ಯಾನಿಗಾಲೆ ವಿ4 ಆರ್
ಸೂಪರ್ ಬೈಕ್ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿರುವ ಡುಕಾಟಿ ಸಂಸ್ಥೆಯು ಭಾರತದಲ್ಲಿ ತನ್ನ ಟ್ರ್ಯಾಕ್ ರೇಸರ್ ಮಾದರಿಯಾದ ಪ್ಯಾನಿಗಾಲೆ ವಿ4 ಆರ್ ಆವೃತ್ತಿಯನ್ನು ಭಾರತದಲ್ಲೂ ಬಿಡುಗಡೆ ಮಾಡಿದ್ದು, ವಿನೂತನ ತಂತ್ರಜ್ಞಾನ ಪ್ರೇರಣೆ ಹೊಂದಿರುವ ಹೊಸ ಬೈಕ್ ಮಾದರಿಯು 998 ಸಿಸಿ ಎಂಜಿನ್ನೊಂದಿಗೆ ದೆಹಲಿ ಎಕ್ಸ್ಶೋರೂಂ ಪ್ರಕಾರ 51.87 ಲಕ್ಷ ಬೆಲೆ ಹೊಂದಿದೆ.
ಕವಾಸಕಿ ನಿಂಜಾ ಹೆಚ್2 ಕಾರ್ಬನ್
ನಿಂಜಾ ಹೆಚ್2 ಕಾರ್ಬನ್ ಬೈಕ್ ಮಾದರಿಯು 998 ಸೂಪರ್ ಚಾರ್ಜ್ ಎಂಜಿನ್ ಹೊಂದಿದ್ದು, 337 ಕಿ.ಮಿ ಟಾಪ್ ಸ್ಪೀಡ್ ಹೊಂದಿರುವ ಈ ಬೈಕ್ ಮಾದರಿಯು ದೆಹಲಿ ಎಕ್ಸ್ಶೋರೂಂ ಪ್ರಕಾರ ರೂ.41.79 ಲಕ್ಷ ಬೆಲೆ ಪಡೆದುಕೊಂಡಿದೆ.
ಅಷ್ಟೇ ಅಲ್ಲದೇ ರೂ.45 ಲಕ್ಷ ವೆಚ್ಚದಲ್ಲಿ ಅತ್ಯುತ್ತಮ ಐಷಾರಾಮಿ ಸೌಲಭ್ಯವುಳ್ಳ ಕಾರು ಮಾದರಿಗಳನ್ನೇ ಖರೀದಿ ಮಾಡಬಹುದಾದರೂ ದುಬಾರಿ ಬೆಲೆಯಲ್ಲಿ ಬೈಕ್ ಖರೀದಿಸಿದ ಗ್ರಾಹಕರನ ದೂರದೃಷ್ಠಿ ಬೇರೆಯೇ ಇರಬಹುದು. ಹುತಾತ್ಮ ಸೈನಿಕ ಮಕ್ಕಳಿಗೆ ತನ್ನಿಂದ ಸಹಾಯವಾಗಲಿ ಎನ್ನುವ ಮನಸ್ಸಿನಿಂದಲೂ ಈ ರೀತಿಯಾಗಿ ದೊಡ್ಡ ಮೊತ್ತ ಪಾವತಿಸಿ ಒಂದೊವರಿ ಲಕ್ಷ ಮೌಲ್ಯದ ಬೈಕ್ ಅನ್ನು ರೂ.45 ಲಕ್ಷಕ್ಕೆ ಖರೀದಿ ಮಾಡಿರಬಹುದು ಅಲ್ವಾ?