Just In
- 1 hr ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 4 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 4 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 6 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- News ಕಾಂಗ್ರೆಸ್ ಜನರಿಗೆ ಹೋಲ್ಸೆಲ್ ಮೋಸ ಮಾಡುತ್ತಿದೆ: ಮಾಜಿ ಸಿಎಂ
- Sports ಲಾರೆಸ್ ವರ್ಲ್ಡ್ ಸ್ಪೋರ್ಟ್ಸ್ ಅವಾರ್ಡ್ಸ್ನಲ್ಲಿ ವಿರಾಟ್ ಕೊಹ್ಲಿಯ 50ನೇ ಏಕದಿನ ಶತಕ!
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Movies ನಿರಂತರ ಪ್ಲಾಫ್ ಸಿನಿಮಾಳನ್ನ ನೀಡಿದ ಈ ವಿಶ್ವಸುಂದರಿ ಯಾರು ಗೊತ್ತಾ...?
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಎಲೆಕ್ಟ್ರಿಕ್ ಸ್ಕೂಟರ್ ಬಿಡುಗಡೆಗೊಳಿಸಿದ ಜೆಮೊಪಾಯ್
ಜೆಮೊಪಾಯ್ ಎಲೆಕ್ಟ್ರಿಕ್, ಗೊರೀನ್ ಇ ಮೊಬಿಲಿಟಿ ಹಾಗೂ ಒಪಾಯ್ ಎಲೆಕ್ಟ್ರಿಕ್ ನಡುವಿನ ಜಂಟಿ ಸಹಭಾಗಿತ್ವವಾಗಿದೆ. ಈ ಕಂಪನಿಯನ್ನು 2016ರಲ್ಲಿ ಅಮಿತ್ ರಾಜ್ ಸಿಂಗ್ ಹಾಗೂ ಭಾನು ಕುಮಾರ್ ಎಂಬುವವರು ಸ್ಥಾಪಿಸಿದರು.
ಈ ಜಂಟಿ ಸಹಭಾಗಿತ್ವದಲ್ಲಿ ಜೆಮೊಪಾಯ್ ಕಂಪನಿಯು ಭಾರತದ ಪರಿಸ್ಥಿತಿಗಳಿಗೆ ಸರಿ ಹೊಂದುವ ಹೊಸ ಮಾದರಿಗಳನ್ನು ಅಭಿವೃದ್ಧಿಪಡಿಸಿ ಮಾರಾಟ ಮಾಡಲಿದೆ. ಒಪಾಯ್ ಎಲೆಕ್ಟ್ರಿಕ್ ಪ್ರಪಂಚದಲ್ಲಿಯೇ ಅತಿ ಹೆಚ್ಚಿನ ಪ್ರಮಾಣದಲ್ಲಿ ಎಲೆಕ್ಟ್ರಿಕ್ ವಾಹನಗಳನ್ನು ತಯಾರಿಸುವ ಕಂಪನಿಗಳಲ್ಲಿ ಒಂದಾಗಿದೆ.
ಈ ಕಂಪನಿಯು ಎಲೆಕ್ಟ್ರಿಕ್ ದ್ವಿ ಚಕ್ರ ವಾಹನಗಳನ್ನು ತಯಾರಿಸುವುದರಲ್ಲಿ 15 ವರ್ಷಗಳ ಅನುಭವವನ್ನು ಹೊಂದಿದೆ. ಇದುವರೆಗೂ ಒಪಾಯ್ ಎಲೆಕ್ಟ್ರಿಕ್ ಕಂಪನಿಯು ಏಷ್ಯಾ, ಯುರೋಪ್ ಹಾಗೂ ಅಮೇರಿಕಾದಲ್ಲಿ 1.5 ಕೋಟಿಗೂ ಹೆಚ್ಚು ಎಲೆಕ್ಟ್ರಿಕ್ ಸ್ಕೂಟರ್ಗಳನ್ನು ಮಾರಾಟ ಮಾಡಿದೆ.
ಒಪಾಯ್ ಕಂಪನಿಯು ಸದ್ಯಕ್ಕೆ ಯುರೋಪ್ ಹಾಗೂ ಲ್ಯಾಟಿನ್ ಅಮೇರಿಕಾದಲ್ಲಿ ಯುರೋ 4 ಪ್ರಮಾಣಿಕೃತ ವಾಹನಗಳನ್ನು ಮಾರಾಟ ಮಾಡುತ್ತಿದೆ. ಒಪಾಯ್ ಕಂಪನಿಯು ಪ್ರಪಂಚಾದ್ಯಂತ ಎಲೆಕ್ಟ್ರಿಕ್ ವಾಹನಗಳಿಗಾಗಿ 25 ಪೇಟೆಂಟ್ಗಳನ್ನು ಹೊಂದಿದೆ.
ಕಂಪನಿಯು ವಿಶ್ವ ಮಾರುಕಟ್ಟೆಯ ತನ್ನ ಸರಣಿಯಲ್ಲಿ 70 ಸರ್ಟಿಫೈಡ್ ಎಲೆಕ್ಟ್ರಿಕ್ ಸ್ಕೂಟರ್, ಬೈಕ್ ಹಾಗೂ 3 ಮಾದರಿಯ ಎಲೆಕ್ಟ್ರಿಕ್ ಕಾರುಗಳನ್ನು ಹೊಂದಿದೆ. ಈಗ ಭಾರತದ ಯುವಜನತೆಗೆ ಹಾಗೂ ನಗರದ ಬಹು ಸಂಖ್ಯೆಯ ಜನರಿಗೆ ಮೊಬಿಲಿಟಿ ಸೇವೆಯನ್ನು ನೀಡುವ ಉದ್ದೇಶದಿಂದ ತನ್ನ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಪುಣೆಯಲ್ಲಿ ಬಿಡುಗಡೆಗೊಳಿಸಿದೆ.
ಇದರ ಜೊತೆಗೆ ಪುಣೆಯಲ್ಲಿ ತನ್ನ ಮೊದಲ ಶೋರೂಂ ಅನ್ನು ಸಹ ಆರಂಭಿಸಿದೆ. ಮೆ. ಎಲೆಕ್ಟ್ರಿಕ್ ಬೈಕ್ ಎಂಬ ಹೆಸರಿನ ಈ ಶೋರೂಂ ಪುಣೆಯ ಮಾರ್ಕೆಟ್ ಯಾರ್ಡ್ ರಸ್ತೆಯಲ್ಲಿದೆ. ಈ ಶೋರೂಂನಲ್ಲಿ ಜೆಮೊಪಾಯ್ ಎಲೆಕ್ಟ್ರಿಕ್ ಸ್ಕೂಟರಿನ ಪೂರ್ತಿ ಸರಣಿಯನ್ನು ಮಾರಾಟ ಮಾಡಲಾಗುವುದು.
ಸ್ಕೂಟರ್ ಮಾರಾಟದ ಜೊತೆಗೆ ಮಾರಾಟದ ನಂತರದ ಸೇವೆಗಳಾದ ರೆಗ್ಯುಲರ್ ಸರ್ವಿಸಿಂಗ್, ಮೆಂಟೆನೆನ್ಸ್, ಸಣ್ಣ ಪುಟ್ಟ ರಿಪೇರಿ ಹಾಗೂ ಬಿಡಿಭಾಗಗಳನ್ನು ಮಾರಾಟ ಮಾಡಲಾಗುವುದು. ಜೆಮೊಪಾಯ್ ಎಲೆಕ್ಟ್ರಿಕ್ ದೆಹಲಿ ಮೂಲದ ಕಂಪನಿಯಾಗಿದೆ.
ಜೆಮೊಪಾಯ್ ಕಂಪನಿಯು ಸದ್ಯಕ್ಕೆ ರೈಡರ್ ಹಾಗೂ ಆಸ್ಟಿಡ್ ಲೈಟ್ ಎಂಬ ಎರಡು ಎಲೆಕ್ಟ್ರಿಕ್ ಸ್ಕೂಟರ್ಗಳನ್ನು ಮಾರಾಟ ಮಾಡಲಿದೆ. ರೈಡರ್ ಸ್ಕೂಟರಿನಲ್ಲಿ ಅಳವಡಿಸಲಾಗಿರುವ 250 ವ್ಯಾಟ್ನ ಮೋಟಾರ್, 48ವ್ಯಾ/28 ಎಹೆಚ್ ಲಿಥಿಯಂ ಐಯಾನ್ ಬ್ಯಾಟರಿಯಿಂದ ಪವರ್ ಪಡೆಯುತ್ತದೆ.
ಒಂದು ಬಾರಿ ಪೂರ್ತಿಯಾಗಿ ಚಾರ್ಜ್ ಮಾಡಿದರೆ ಈ ಸ್ಕೂಟರ್ 70 ಕಿ.ಮೀವರೆಗೂ ಚಲಿಸುತ್ತದೆ. ಗ್ರಾಹಕರು ಈ ಸ್ಕೂಟರ್ ಅನ್ನು ಐದು ಬಣ್ಣ ಹಾಗೂ ಹಲವು ವಿಧದ ಆಕ್ಸೆಸರಿಸ್ಗಳೊಂದಿಗೆ ಖರೀದಿಸಬಹುದು.
ಆಸ್ಟಿಡ್ ಲೈಟ್ ಸ್ಕೂಟರಿನಲ್ಲಿ 1.7 ಕಿ.ವ್ಯಾಟ್ನ ಲಿಥಿಯಂ ಐಯಾನ್ ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಈ ಸ್ಕೂಟರ್ ಸ್ಪೋರ್ಟ್ಸ್, ಸಿಟಿ ಹಾಗೂ ಎಕಾನಾಮಿ ಎಂಬ ಮೂರು ರೈಡಿಂಗ್ ಮೋಡ್ಗಳನ್ನು ಹೊಂದಿದೆ.
ಬ್ಯಾಟರಿಯನ್ನು ಪೂರ್ತಿಯಾಗಿ ಚಾರ್ಜ್ ಮಾಡಿದರೆ ಈ ಸ್ಕೂಟರ್ 75 ಕಿ.ಮೀನಿಂದ 90 ಕಿ.ಮೀವರೆಗೂ ಚಲಿಸುತ್ತದೆ. ಡ್ಯುಯಲ್ ಬ್ಯಾಟರಿ ಹೊಂದಿದರೆ ಈ ಸ್ಕೂಟರ್ 150 ಕಿ.ಮೀನಿಂದ 180 ಕಿ.ಮೀವರೆಗೂ ಚಲಿಸುತ್ತದೆ.
ಈ ಸ್ಕೂಟರ್ ಅನ್ನು ಐದು ಬಣ್ಣಗಳಲ್ಲಿ ಮಾರಾಟ ಮಾಡಲಾಗುವುದು. ಈ ಎರಡೂ ಸ್ಕೂಟರ್ಗಳೂ ಡಿಆರ್ಎಲ್ ಹೊಂದಿರುವ ಎಲ್ಇಡಿ ಹೆಡ್ಲೈಟ್, ಡಿಜಿಟಲ್ ಸ್ಪೀಡೊಮೀಟರ್, ಫ್ರಂಟ್ ಡಿಸ್ಕ್, ರೇರ್ ಡ್ರಂ ಬ್ರೇಕ್ ಹಾಗೂ ಎರಡೂ ತುದಿಯಲ್ಲಿ ಹೈಡ್ರಾಲಿಕ್ ಸಸ್ಪೆಂಷನ್ಗಳಿವೆ.
ಈ ಸ್ಕೂಟರ್ಗಳು ಎಆರ್ಎಐ ಹಾಗೂ ಯುರೋ ಪ್ರಮಾಣಪತ್ರವನ್ನು ಹೊಂದಿದ್ದು, ಬ್ಯಾಟರಿ ಪ್ಯಾಕ್ ಮೇಲೆ 2 ವರ್ಷದ ವಾರಂಟಿ ನೀಡಲಾಗುವುದು. ಜೆಮೊಪಾಯ್ ಕಂಪನಿಯು ಈಗಾಗಲೇ ಭಾರತ ಹಾಗೂ ನೇಪಾಳದಲ್ಲಿ 50 ಡೀಲರ್ಶಿಪ್ಗಳನ್ನು ಹೊಂದಿದೆ.
ಕಂಪನಿಯು ದೇಶಿಯ ಮಾರುಕಟ್ಟೆಯ ಎಲೆಕ್ಟ್ರಿಕ್ ದ್ವಿ ಚಕ್ರ ವಾಹನಗಳ ಸೆಗ್ಮೆಂಟ್ನಲ್ಲಿ ಗುಣಮಟ್ಟದ ವಾಹನಗಳನ್ನು ಮಾರಾಟ ಮಾಡುವುದರ ಜೊತೆಗೆ ಗ್ರಾಹಕರಿಗೆ, ಮಾರಾಟದ ನಂತರವೂ ಗುಣಮಟ್ಟದ ಸೇವೆಯನ್ನು ನೀಡುವ ಉದ್ದೇಶವನ್ನು ಹೊಂದಿದೆ.
ಮುಂಬರುವ ದಿನಗಳಲ್ಲಿ ಜೆಮೊಪಾಯ್ ಕಂಪನಿಯು ಮಹಾರಾಷ್ಟ್ರದಲ್ಲಿ 50ಕ್ಕೂ ಹೆಚ್ಚು ಡೀಲರ್ಶಿಪ್ಗಳನ್ನು ತೆರೆಯಲು ಬಯಸಿದೆ.