Just In
- 7 hrs ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 8 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 9 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 9 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಾರ್ಷಿಕೋತ್ಸವ ಹಿನ್ನೆಲೆಯಲ್ಲಿ ಸ್ಪೆಷಲ್ ಎಡಿಷನ್ ಬಿಡುಗಡೆಗೊಳಿಸಿದ ಜಾವಾ
ಜಾವಾ ಮೋಟಾರ್ಸೈಕಲ್ಸ್ ಜಾವಾದ ಆನಿವರ್ಸರಿ ಎಡಿಷನ್ ಬೈಕುಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ. ಹೊಸ ಜಾವಾ ಬೈಕುಗಳನ್ನು ಜೆಕ್ ಮೂಲದ ಕಂಪನಿಯ 90ನೇ ವಾರ್ಷಿಕೋತ್ಸವದ ಹಿನ್ನೆಲೆಯಲ್ಲಿ ಬಿಡುಗಡೆಗೊಳಿಸಲಾಗಿದೆ. ಹೊಸ ಜಾವಾ ಆನಿವರ್ಸರಿ ಎಡಿಷನ್ ಬೈಕುಗಳ ಬೆಲೆ ದೆಹಲಿಯ ಎಕ್ಸ್ ಶೋರೂಂ ದರದಂತೆ ರೂ.1.73 ಲಕ್ಷಗಳಾಗಿದೆ.
ಆನಿವರ್ಸರಿ ಎಡಿಷನ್ನ ಕೇವಲ 90 ಯುನಿಟ್ಗಳನ್ನು ಬಿಡುಗಡೆಗೊಳಿಸಲಾಗುವುದು. ಈ ಬೈಕ್ ಹಲವಾರು ವಿಶೇಷ ಡೆಕಲ್, ಅಪ್ಡೇಟೆಡ್ ಲಿವರಿ ಹಾಗೂ ಹೊಸ ಬಣ್ಣವನ್ನು ಹೊಂದಿರಲಿದೆ. ವಿಶೇಷ ಡೆಕಲ್ ಹಾಗೂ ಬಣ್ಣವನ್ನು 1929ರಲ್ಲಿ ಬಿಡುಗಡೆಗೊಳಿಸಲಾಗಿದ್ದ ಜಾವಾ 500 ಒಹೆಚ್ವಿ ಬೈಕಿನ ನೆನಪಿಗಾಗಿ ಬಿಡುಗಡೆಗೊಳಿಸಲಾಗಿದೆ.
ಆನಿವರ್ಸರಿ ಎಡಿಷನ್ ಬೈಕಿನಲ್ಲಿ ಜಾವಾ ಕಂಪನಿಯ ಮೊದಲ ಬೈಕಿನಲ್ಲಿದ್ದಂತಹ ಲಿವರಿಯನ್ನು ಅಳವಡಿಸಲಾಗುವುದು. ಈ ಲಿವರಿಯು ಕೆಂಪು ಹಾಗೂ ಐವರಿ ಬಣ್ಣವನ್ನು ಹೊಂದಿರಲಿದೆ. ಇದರ ಜೊತೆಗೆ ಫ್ಯೂಯಲ್ ಟ್ಯಾಂಕ್ ಮೇಲೆ ಪಿನ್ ಸ್ಟ್ರಿಪಿಂಗ್ ಹೊಂದಿರಲಿದೆ.
ಈ ಬೈಕಿನಲ್ಲಿರುವ ಎಕ್ಸಾಸ್ಟ್ ಪೈಪ್ ಹಾಗೂ ಎಂಜಿನ್ ಕಾಂಟ್ರಾಸ್ಟ್ ಕ್ರೋಮ್ ಬಣ್ಣವನ್ನು ಹೊಂದಿರಲಿವೆ. ಆನಿವರ್ಸರಿ ಎಡಿಷನ್ ಬೈಕುಗಳ ಫ್ಯೂಯಲ್ ಟ್ಯಾಂಕಿನ ಮೇಲೆ ಲಾಂಛನದ ಜೊತೆಗೆ ವಿಶಿಷ್ಟವಾದ ಸೀರಿಯಲ್ ನಂಬರ್ ಇರಲಿದೆ.
ಈ ಕಾಸ್ಮೆಟಿಕ್ ಅಪ್ಡೇಟ್ಗಳ ಜೊತೆಗೆ ಆನಿವರ್ಸರಿ ಎಡಿಷನ್ ಬೈಕುಗಳ ಮೆಕಾನಿಕಲ್ ಅಂಶಗಳಲ್ಲಿ ಯಾವುದೇ ಬದಲಾವಣೆಗಳಿರುವುದಿಲ್ಲ. ಈ ಬೈಕಿನಲ್ಲಿ ಜಾವಾ ಕಂಪನಿಯ ಉಳಿದ ಬೈಕುಗಳಲ್ಲಿರುವ 293 ಸಿಸಿ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ಇರಲಿದೆ.
ಈ ಎಂಜಿನ್ 26 ಬಿಹೆಚ್ಪಿ ಪವರ್ ಹಾಗೂ 28 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್ 6 ಸ್ಪೀಡಿನ ಗೇರ್ಬಾಕ್ಸ್ ಹೊಂದಿದೆ. ಸಸ್ಪೆಂಷನ್ಗಳಿಗಾಗಿ ಈ ಬೈಕಿನ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್ ಹಾಗೂ ಹಿಂಭಾಗದಲ್ಲಿ ಡ್ಯೂಯಲ್ ಶಾಕ್ ಅಬ್ಸರ್ವರ್ಗಳಿವೆ.
ಬ್ರೇಕಿಂಗ್ಗಳಿಗಾಗಿ ಬೈಕಿನ ಎರಡೂ ಬದಿಯಲ್ಲಿ ಡಿಸ್ಕ್ ಬ್ರೇಕ್ಗಳಿವೆ. ಡ್ಯುಯಲ್ ಚಾನೆಲ್ ಎಬಿಎಸ್ ಅನ್ನು ಸ್ಟಾಂಡರ್ಡ್ ಆಗಿ ನೀಡಲಾಗುತ್ತದೆ. ಈ ಲಿಮಿಟೆಡ್ ಎಡಿಷನ್ ಬೈಕುಗಳು ಅಕ್ಟೋಬರ್ 15ರಿಂದ ಡೀಲರ್ಗಳ ಬಳಿ ಲಭ್ಯವಿರಲಿವೆ.
MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್
ಜಾವಾ ಬೈಕುಗಳನ್ನು ಬುಕ್ಕಿಂಗ್ ಮಾಡಿರುವ ಗ್ರಾಹಕರು ಈ ಆನಿವರ್ಸರಿ ಎಡಿಷನ್ ಬೈಕುಗಳನ್ನು ಪಡೆಯಲಿದ್ದಾರೆ. ಈ ಸ್ಪೆಷಲ್ ಎಡಿಷನ್ ಬೈಕ್ ಅನ್ನು ಖರೀದಿಸ ಬಯಸುವ ಗ್ರಾಹಕರು ಅಕ್ಟೋಬರ್ 22ರೊಳಗೆ ಈ ಬೈಕ್ ಅನ್ನು ಬುಕ್ಕಿಂಗ್ ಮಾಡಬಹುದಾಗಿದೆ.
MOST READ: ಸದ್ದಿಲ್ಲದೇ ಕಾರುಗಳನ್ನು ರಿಕಾಲ್ ಮಾಡುತ್ತಿದೆ ಮಾರುತಿ
ಜಾವಾ ಕಂಪನಿಯು 90 ಗ್ರಾಹಕರನ್ನು ಲಕ್ಕಿ ಡ್ರಾ ಮೂಲಕ ಆಯ್ಕೆ ಮಾಡಲಿದೆ. ಅವರು ಈ ಆನಿವರ್ಸರಿ ಎಡಿಷನ್ ಬೈಕುಗಳನ್ನು ತಕ್ಷಣವೇ ಪಡೆಯಲಿದ್ದಾರೆ. ಈ ವಿಶೇಷ ಆವೃತ್ತಿಯ ಬೈಕುಗಳ ವಿತರಣೆಯನ್ನು ನವೆಂಬರ್ನಿಂದ ಆರಂಭಿಸಲಾಗುವುದು.
MOST READ: ವಾಹನ ಸವಾರರಿಗೆ ಸಿಹಿ ಸುದ್ದಿ ನೀಡಿದ ಸಚಿವ ನಿತಿನ್ ಗಡ್ಕರಿ ..!
ಜಾವಾ ಕಂಪನಿಯು ಕಳೆದ ವರ್ಷದ ನವೆಂಬರ್ನಲ್ಲಿ ಮತ್ತೆ ದೇಶಿಯ ಮಾರುಕಟ್ಟೆಗೆ ಕಾಲಿಟ್ಟಿತು. ಕಂಪನಿಯು ಸದ್ಯಕ್ಕೆ ಜಾವಾ ಹಾಗೂ ಜಾವಾ 42 ಬೈಕುಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಮಾರಾಟ ಮಾಡುತ್ತಿದೆ. ಈ ಎರಡೂ ಬೈಕುಗಳು ಭಾರತದಲ್ಲಿ ಹೆಚ್ಚು ಜನಪ್ರಿಯವಾಗಿವೆ.
ಈ ಬೈಕುಗಳ ಕಾಯುವ ಅವಧಿಯು 9ರಿಂದ 10 ತಿಂಗಳಾಗಿದೆ. ಜಾವಾ ಕಂಪನಿಯು ಭಾರತದಲ್ಲಿ ಇನ್ನೂ ಮೂರು ಹೊಸ ಬೈಕುಗಳನ್ನು ಬಿಡುಗಡೆಗೊಳಿಸಲಿದೆ. ಇದರಲ್ಲಿ ಕಳೆದ ವರ್ಷದ ನವೆಂಬರ್ನಲ್ಲಿ ಪ್ರದರ್ಶಿಸಲಾದ ಪೆರಕ್ ಬಾಬರ್ ಬೈಕ್ ಸಹ ಸೇರಿದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಜಾವಾ ಕಂಪನಿಯ ಆನಿವರ್ಸರಿ ಎಡಿಷನ್ ಬೈಕುಗಳನ್ನು ಬಿಡುಗಡೆಗೊಳಿಸುವ ಮೂಲಕ ತನ್ನ 90 ವರ್ಷಗಳ ಅಸ್ತಿತ್ವಕ್ಕೆ ಗೌರವ ನೀಡುತ್ತಿದೆ. ಜಾವಾ ಬೈಕುಗಳನ್ನು ಮೊದಲ ಬಾರಿಗೆ 1929ರಲ್ಲಿ ಜೆಕೊಸ್ಲೊವಾಕಿಯಾದಲ್ಲಿ ಫ್ರಾಂಟಿಸೆಕ್ ಜನೆಸೆಕ್ರವರು ಬಿಡುಗಡೆಗೊಳಿಸಿದ್ದರು.
ಮೊಟ್ಟ ಮೊದಲ ಬಾರಿಗೆ ಜಾವಾ 500 ಒಹೆಚ್ವಿ ಬೈಕ್ ಅನ್ನು ಬಿಡುಗಡೆಗೊಳಿಸಲಾಗಿತ್ತು. ಈ ಬೈಕಿನ ಆಧಾರದ ಮೇಲೆ ಹೊಸ ಆನಿವರ್ಸರಿ ಎಡಿಷನ್ ಬೈಕ್ ಅನ್ನು ತಯಾರಿಸಲಾಗಿದೆ. ಜಾವಾ ಬೈಕುಗಳು ದೇಶಿಯ ಮಾರುಕಟ್ಟೆಯಲ್ಲಿ ರಾಯಲ್ ಎನ್ಫೀಲ್ಡ್ 350 ಬೈಕುಗಳಿಗೆ ಪೈಪೋಟಿ ನೀಡುತ್ತವೆ.