ಹೊಸ ಬಣ್ಣದೊಂದಿಗೆ ಬಿಡುಗಡೆಗೊಂಡ 2020ರ ಕವಾಸಕಿ ನಿಂಜಾ ಜೆಡ್ಎಕ್ಸ್-10ಆರ್

2020ರ ನಿಂಜಾ ಜೆಡ್ಎಕ್ಸ್-10ಆರ್ ಬೈಕ್ ಮಾದರಿಯು ಕೆಲವು ತಾಂತ್ರಿಕ ಬದಲಾವಣೆಗಳೊಂದಿಗೆ ಹೊಸ ಬಣ್ಣದ ಆಯ್ಕೆಯನ್ನು ಹೊರತುಪಡಿಸಿ ಈ ಹಿಂದಿನಂತೆಯೇ ತಾಂತ್ರಿಕ ವೈಶಿಷ್ಟ್ಯತೆಯನ್ನು ಪಡೆದುಕೊಂಡಿದ್ದು, ಹೊಸ ಬೈಕಿನ ಬೆಲೆಯನ್ನು ದೆಹಲಿ ಎಕ್ಸ್‌ಶೋರೂಂ ಪ್ರಕಾರ ರೂ.13.99 ಲಕ್ಷಕ್ಕೆ ನಿಗದಿಪಡಿಸಲಾಗಿದೆ. ಸಿಕೆಡಿ ವಿಧಾನ ಮೂಲಕ ಭಾರತದಲ್ಲಿ ಮಾರಾಟವಾಗುವ ನಿಂಜಾ ಜೆಡ್ಎಕ್ಸ್-10ಆರ್ ಬೈಕ್ ಮಾದರಿಯು ಹೊಸದಾಗಿ ನೀಡಲಾಗಿರುವ ಬಣ್ಣದ ಆಯ್ಕೆಯು ಬೈಕಿಗೆ ಹೊಸ ಲುಕ್ ನೀಡಿದೆ.

ಕವಾಸಕಿ ನಿರ್ಮಾಣದ ಬಹುತೇಕ ಬೈಕ್ ಮಾದರಿಗಳು ಗ್ರಿನ್ ಮತ್ತು ಬ್ಲ್ಯಾಕ್ ಬಣ್ಣಗಳನ್ನೇ ಹೊಂದಿದ್ದು, ಇದೀಗ ಬಿಡುಗಡೆಯಾಗಿರುವ ಹೊಸ ನಿಂಜಾ ಜೆಡ್ಎಕ್ಸ್-10 ಬೈಕ್ ಮಾದರಿಯು ಗ್ರಿನ್ ಮತ್ತು ಬ್ಲ್ಯಾಕ್ ಬಣ್ಣದ ಜೊತೆಗೆ ಬೈಕಿನ ಫೂಲ್ಯ ಟ್ಯಾಂಕ್ ಜೊತೆಗೆ ಅಲ್ಲಲ್ಲಿ ಗೋಲ್ಡ್ ಬಣ್ಣದ ಲೈನ್‌ಗಳನ್ನು ಬಳಕೆ ಮಾಡಲಾಗಿದೆ.

ಗೋಲ್ಡ್ ಬಣ್ಣದ ಬ್ರಾಂಡ್ ಬ್ಯಾಡ್ಜ್ ಮತ್ತು ಲೈನ್‌ಗಳು ಬೈಕಿನ ಹೊರ ನೋಟವನ್ನೇ ಬದಲಿಸಿದ್ದು, ತನ್ನ ಸಾಂಪ್ರದಾಯಿಕ ಬಣ್ಣದ ಆಯ್ಕೆಯೊಂದಿಗೆ ಗೋಲ್ಡ್ ಬಣ್ಣವನ್ನು ನೀಡಿರುವುದು ಸೂಪರ್ ಬೈಕ್ ಖರೀದಿದಾರರ ಗಮನಸೆಳೆಯಲಿದೆ.

ಇದರ ಹೊರತಾಗಿ ಈ ಹಿಂದಿನಂತೆಯೇ ತಾಂತ್ರಿಕ ಸೌಲಭ್ಯಗಳು ಮತ್ತು ದರ ಪಟ್ಟಿ ಹೊಂದಿರುವ ನಿಂಜಾ ಜೆಡ್ಎಕ್ಸ್-10ಆರ್ ಬೈಕ್ ಮಾದರಿಯು ಭಾರತದಲ್ಲೇ ಬಿಡಿಭಾಗಳ ಜೋಡಣೆಯಿಂದಾಗಿ ಬೈಕಿನ ಬೆಲೆಯಲ್ಲಿ ಮಹತ್ವದ ಬದಲಾವಣೆ ತರಲು ಸಾಧ್ಯವಾಗಿದೆ. ಈ ಹಿಂದೆ ಸಂಪೂರ್ಣವಾಗಿ ಜಪಾನ್ ಮಾರುಕಟ್ಟೆಯಿಂದಲೇ ಆಮದು ಮಾಡಿಕೊಳ್ಳಲಾಗುತ್ತಿದ್ದ ನಿಂಜಾ ಜೆಡ್ಎಕ್ಸ್-10ಆರ್ ಬೈಕ್ ಅನ್ನು ಇದೀಗ ದೇಶಿಯವಾಗಿಯೇ ಬಿಡಿಭಾಗಗಳನ್ನು ಬಳಕೆ ಮಾಡುತ್ತಿದ್ದು, ಬೈಕಿನ ಬೆಲೆ ಇಳಿಕೆಗೆ ಕಾರಣವಾಗಿದೆ.

ಇನ್ನು ಕವಾಸಕಿ ನಿಂಜಾ ಜೆಡ್ಎಕ್ಸ್-10ಆರ್ ಬೈಕ್ ಮಾದರಿಯು 998ಸಿಸಿ ಇನ್-ಲೈನ್ ಫೋರ್ ಸಿಲಿಂಡರ್ ಎಂಜಿನ್ ಹೊಂದಿದ್ದು, 200-ಬಿಎಚ್‌ಪಿ ಮತ್ತು 115-ಎನ್ಎಂ ಟಾರ್ಕ್ ಉತ್ಪಾದನೆಯ ಮೂಲಕ ಪ್ರತಿ ಗಂಟೆಗೆ 250 ಕಿ.ಮಿ ಟಾಪ್ ಸ್ಪೀಡ್ ಪಡೆದುಕೊಂಡಿದೆ.

MOST READ:ಬಂಪರ್ ಕ್ರ್ಯಾಶ್ ಗಾರ್ಡ್ ವಿರುದ್ದ ವಿಶೇಷ ಕಾರ್ಯಾಚರಣೆ- ನಿಯಮ ಉಲ್ಲಂಘನೆಗೆ ದಂಡ ಎಷ್ಟು ಗೊತ್ತಾ?

ನಿಂಜಾ ಜೆಡ್ಎಕ್ಸ್-10ಆರ್ ಬೈಕಿನಲ್ಲಿ 43-ಎಂಎಂ ಫ್ರಂಟ್ ಇನ್ವರ್ಟೆಡ್ ಫೋರ್ಕ್ಸ್ ಮತ್ತು ಹಿಂಭಾಗದಲ್ಲಿ ಪೂರ್ಣ ಹೊಂದಾಣಿ ಮಾಡಿಕೊಳ್ಳಬಲ್ಲ ಮೊನೊ-ಶಾರ್ಕ್ ಸಸ್ಪೆಷನ್ ಅಳವಡಿಸಲಾಗಿದ್ದು, ಡ್ಯುಯಲ್ ಚಾನೆಲ್ ಎಬಿಎಸ್‌ನೊಂದಿಗೆ ಮುಂಭಾಗದ ಚಕ್ರದಲ್ಲಿ 330-ಎಂಎಂ ಡ್ಯುಯಲ್ ಡಿಸ್ಕ್ ಬ್ರೇಕ್ ಮತ್ತು ಹಿಂಭಾಗದಲ್ಲಿ 220-ಎಂಎಂ ಸಿಂಗಲ್ ಡಿಸ್ಕ್ ಬ್ರೇಕ್ ಹೊಂದಿದೆ.

MOST READ:ಮಕಾಡೆ ಮಲಗಿರುವ ಆಟೋ ಉದ್ಯಮಕ್ಕೆ ಮತ್ತೆ ಚುರುಕು ನೀಡಿದ ಕೇಂದ್ರ ಸರ್ಕಾರ..!

ಇದರೊಂದಿಗೆ ಹೊಸ ಬೈಕಿನಲ್ಲಿ ಟ್ರಾಕ್ಷನ್ ಕಂಟ್ರೋಲ್, ಕಾರ್ನರಿಂಗ್ ಮ್ಯಾನೆಜೆಮೆಂಟ್ ಫಂಕ್ಷನ್, ಎಂಜಿನ್ ಬ್ರೇಕ್ ಕಂಟ್ರೋಲ್, ಎಲೆಕ್ಟ್ರಾನಿಕ್ ಟ್ರೊಟಲ್ ವೆವ್ಸ್, ಒಹಿಲಿನ್ಸ್ ಎಲೆಕ್ಟ್ರಾನಿಕ್ ಸ್ಟಿರಿಂಗ್ ಡ್ಯಾಂಪರ್ ಮತ್ತು ಮಲ್ಟಿಪಲ್ ರೈಡಿಂಗ್ ಮೋಡ್ಸ್ ಸೌಲಭ್ಯಗಳನ್ನು ನೀಡಲಾಗಿದೆ.

MOST READ:ಕಿಯಾ ಸೆಲ್ಟೊಸ್ ಬಿಡುಗಡೆ- ಆಟೋ ಉದ್ಯಮದಲ್ಲಿ ಹೊಸ ಅಧ್ಯಾಯ ಶುರು..!

ಈ ಮೂಲಕ ಹೊಸ ನಿಂಜಾ ಜೆಡ್ಎಕ್ಸ್-ಆರ್10 ಬೈಕ್ ಮಾದರಿಯು ಸ್ಥಳೀಯವಾಗಿ ಅಭಿವೃದ್ಧಿ ಹೊಂದುವ ಮೂಲಕ ಆಕರ್ಷಕ ಬೆಲೆಗಳಲ್ಲಿ ಖರೀದಿಗೆ ಲಭ್ಯವಿದ್ದು, ಯಮಹಾ ಆರ್1, ಬಿಎಂಡಬ್ಲ್ಯು ಎಸ್ 1000 ಆರ್‌ಆರ್, ಹೋಂಡಾ ಸಿಬಿಆರ್ 1000ಆರ್‌ಆರ್, ಡುಕಾಟಿ ಪಾನಿಗಾಲೆ ವಿ4, ಎಪ್ರಿಲಿಯಾ ಆರ್‌ಎಸ್‌ವಿ4-ಆರ್‌ಆರ್ ಮತ್ತು ಸುಜುಕಿ ಜಿಎಸ್ಎಕ್ಸ್-1000 ಬೈಕ್‌ಗಳಿಗೆ ಪೈಪೋಟಿ ನೀಡಲಿದೆ.