Just In
- 1 hr ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 1 hr ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 2 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
- 4 hrs ago ಯುವಕರಿಗೆ ಸಿಹಿಸುದ್ದಿ: ಕೈಗೆಟುಕುವ ಬೆಲೆ, ಮಾಸ್ ಲುಕ್ನಲ್ಲಿ ಬರುತ್ತಿದೆ ಹೊಸ ಬಜಾಜ್ ಪಲ್ಸರ್ 400 ಬೈಕ್
Don't Miss!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Lifestyle ಮೊಬೈಲ್ ಬೇಡ..ಗ್ಯಾಜೆಟ್ ಬೇಡ..ಹಸ್ತದಿಂದ ಪೇಮೆಂಟ್ ಮಾಡಿ..! ಇದು ಟಿಜಿಟಲ್ ಕ್ರಾಂತಿ..!
- News ಹಳೆ ಮೈಸೂರು ಭಾಗದಲ್ಲಿ ಜೆಡಿಎಸ್ ಉಳುವಿಗಾಗಿ ಸೆಣಸಾಟ: ಕಾಂಗ್ರೆಸ್ ಅವಕಾಶಕ್ಕಾಗಿ ಹೋರಾಟ
- Movies ಇವತ್ತು ಐಪಿಎಲ್.. ನಾಳೆ ಚುನಾವಣೆ .. ನಾಡಿದ್ದು ವರ್ಲ್ಡ್ ಕಪ್ ; ಇನ್ಯಾವಾಗ ರಿಲೀಸ್ ಮಾಡ್ತೀರಾ..?
- Sports IPL 2024: ಮುಂಬೈ ಇಂಡಿಯನ್ಸ್ ವಿರುದ್ಧ ಶತಕ; ರೋಹಿತ್, ಕೊಹ್ಲಿಗೆ ಕ್ರೆಡಿಟ್ ನೀಡಿದ ಯಶಸ್ವಿ ಜೈಸ್ವಾಲ್!
- Finance ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಅಕ್ರಮವಾಗಿ ಸಾಗಿಸುತ್ತಿದ್ದ 10 ಹಳದಿ ಅನಕೊಂಡ ಸಹಿತ ವ್ಯಕ್ತಿ ಬಂಧನ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಡುಗಡೆಯಾಯ್ತು ಕವಾಸಕಿ ಡಬ್ಲ್ಯು800 ಸ್ಟ್ರೀಟ್
ಕವಾಸಕಿ ಕಂಪನಿಯು, ಡಬ್ಲ್ಯು 800 ಸ್ಟ್ರೀಟ್ ಬೈಕ್ ಅನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ. ಹೊಸ ಕವಾಸಕಿ ಡಬ್ಲ್ಯು 800 ಸ್ಟ್ರೀಟ್ ಬೈಕಿನ ಆರಂಭಿಕ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.7.99 ಲಕ್ಷಗಳಾಗಲಿದೆ. ಹೊಸ ಎಂವೈ20 ಡಬ್ಲ್ಯು800 ಸ್ಟ್ರೀಟ್ ಬೈಕ್, ದೇಶಿಯ ಮಾರುಕಟ್ಟೆಯಲ್ಲಿ ಕಂಪನಿಯ ರೆಟ್ರೊ ಸರಣಿಗೆ ಹೊಸ ಸೇರ್ಪಡೆಯಾಗಿದೆ.
ಕವಾಸಕಿ ಡಬ್ಲ್ಯು 800 ಸ್ಟ್ರೀಟ್ ಬೈಕ್, ಕ್ಲಾಸಿಕ್ ರೆಟ್ರೊ ಸ್ಟೈಲಿಂಗ್ ಅನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಲಿದೆ, ಇದು ಸಾಂಪ್ರದಾಯಿಕ ಡಬ್ಲ್ಯು1 ಬೈಕುಗಳಿಂದ ಸ್ಫೂರ್ತಿ ಪಡೆದಿದೆ. ಡಬ್ಲ್ಯು800 ಸ್ಟ್ರೀಟ್ ಬೈಕ್ ಉತ್ತಮ ಗುಣಮಟ್ಟದ ಸಾಲಿಡ್ ಮೆಟಲ್ ಭಾಗಗಳೊಂದಿಗೆ ಹಳೆಯ ಡಿಸೈನ್ ಲ್ಯಾಂಗ್ವೇಜ್ ಅನ್ನು ನೀಡುತ್ತದೆ.
ಇದು ಸೊಗಸಾದ ವಿನ್ಯಾಸವನ್ನು ಹೊಂದಿರುವ ನಯವಾದ ಬಾಹ್ಯರೇಖೆಗಳೊಂದಿಗೆ ಬರುತ್ತದೆ. ರೌಂಡ್ ಎಲ್ಇಡಿ ಹೆಡ್ಲ್ಯಾಂಪ್ಗಳು, ಫ್ಯೂಯಲ್ ಟ್ಯಾಂಕ್ಗಳು ಹಾಗೂ ಜೋಡಿ ಕ್ರೋಮ್ ಎಕ್ಸಾಸ್ಟ್ ಪೈಪ್ಗಳೊಂದಿಗೆ ಮತ್ತಷ್ಟು ಆಕರ್ಷಕವಾಗಿ ಕಾಣುತ್ತದೆ. ಕವಾಸಕಿ ಡಬ್ಲ್ಯು 800 ಸ್ಟ್ರೀಟ್ ಬೈಕಿನಲ್ಲಿ 773 ಸಿಸಿ ಏರ್ ಕೂಲ್ಡ್ ಪ್ಯಾರೆಲಲ್ ಟ್ವಿನ್ ಎಂಜಿನ್ ಅಳವಡಿಸಲಾಗಿದೆ.
ಈ ಎಂಜಿನ್ನಲ್ಲಿ 5 ಸ್ಪೀಡ್ ಗೇರ್ಬಾಕ್ಸ್ಗೆ ಅಳವಡಿಸಲಾಗಿದೆ. ಕವಾಸಕಿ ಕಂಪನಿಯು, ಡಬ್ಲ್ಯು 800 ಬೈಕ್ ಉತ್ಪಾದಿಸುವ ಪವರ್ ಬಗ್ಗೆ ಅಧಿಕೃತ ಮಾಹಿತಿ ನೀಡಿಲ್ಲ. ಆದರೆ ಈ ಬೈಕ್ 4,800 ಆರ್ಪಿಎಂನಲ್ಲಿ 62.9 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ ಎಂದು ಹೇಳಲಾಗಿದೆ.
ಈ ಬೈಕಿನ ಸುತ್ತಲೂ ಡಬಲ್ ಕ್ರೆಡಲ್ ಚಾಸೀಸ್ ಅಳವಡಿಸಲಾಗಿದ್ದು, ಆಧುನಿಕವಾದ ಸಸ್ಪೆಂಷನ್ ಸಿಸ್ಟಂಗಳನ್ನು ಒಳಗೊಂಡಿದೆ. ಮುಂಭಾಗದಲ್ಲಿ 41 ಎಂಎಂ ಟೆಲಿಸ್ಕೋಪಿಕ್ ಫ್ರಂಟ್ ಫೋರ್ಕ್ ಹಾಗೂ ಡ್ಯೂಯಲ್ ರೇರ್ ಶಾಕ್ ಅಬ್ಸರ್ವರ್ಗಳನ್ನು ಅಳವಡಿಸಲಾಗಿದೆ.
ಡಬ್ಲ್ಯು 800 ಸ್ಟ್ರೀಟ್ ಬ್ರೇಕಿಂಗ್ ಕಾರ್ಯಗಳನ್ನು ಮುಂಭಾಗದಲ್ಲಿ ಸಿಂಗಲ್ 320 ಎಂಎಂ ಡಿಸ್ಕ್ ಹಾಗೂ ಹಿಂಭಾಗದಲ್ಲಿ 270 ಎಂಎಂ ಡಿಸ್ಕ್ ನಿರ್ವಹಿಸುತ್ತವೆ. ಇವುಗಳಿಗೆ ನೆರವಾಗಲು ಡ್ಯೂಯಲ್ ಚಾನೆಲ್ ಎಬಿಎಸ್ ಅಳವಡಿಸಲಾಗಿದೆ.
ಕವಾಸಕಿ ಡಬ್ಲ್ಯು 800 ಸ್ಟ್ರೀಟ್ ಬೈಕಿನಲ್ಲಿರುವ ಇತರ ಟೆಕ್ನಿಕಲ್ ಎಕ್ವಿಪ್ಮೆಂಟ್ಗಳೆಂದರೆ, 18 ಇಂಚಿನ ಅಲ್ಯೂಮಿನಿಯಂ ಸ್ಪೋಕ್ ವೀಲ್ಸ್, ಸ್ಲಿಪ್ಪರ್ ಕ್ಲಚ್ ಹಾಗೂ ಅಸಿಸ್ಟ್, 5 ವೇ ಅಡ್ಜಸ್ಟಬಲ್ ಕ್ಲಚ್ ಲಿವರ್, 4 ವೇ ಅಡ್ಜಸ್ಟಬಲ್ ಬ್ರೇಕ್ ಲಿವರ್, ಟ್ವಿನ್-ಎಕ್ಸಾಸ್ಟ್ ಹಾಗೂ ಕಾಂಪ್ಯಾಕ್ಟ್ ಸ್ವಿಚ್ ಗೇರ್ಗಳು.
ಕವಾಸಕಿ ಡಬ್ಲ್ಯು 800 ಸ್ಟ್ರೀಟ್ ಬೈಕಿನಲ್ಲಿ ಸ್ಪೀಡೋಮೀಟರ್ ಹಾಗೂ ಟ್ಯಾಕೋಮೀಟರ್ಗಾಗಿ ಡ್ಯುಯಲ್ ಪಾಡ್ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್, ಮಲ್ಟಿ ಫಂಕ್ಷನಲ್ ಎಲ್ಸಿಡಿ ಸ್ಕ್ರೀನ್, ಆರಾಮದಾಯಕ ವಿಂಟೇಜ್ ರೈಡಿಂಗ್ ಪೊಸಿಷನ್, ಹಗುರವಾದ ಸ್ಪೋರ್ಟಿ ಹ್ಯಾಂಡ್ಲಿಂಗ್ ಹಾಗೂ ಮಫ್ಲರ್ ಡಿಸೈನ್ಗಳಿವೆ.
ಎಂವೈ20 ಕವಾಸಕಿ ಡಬ್ಲ್ಯು800 ಸ್ಟ್ರೀಟ್ ಬೈಕ್ ಅನ್ನು, ಮೆಟಾಲಿಕ್ ಫ್ಲಾಟ್ ಸ್ಪಾರ್ಕ್ ಬ್ಲಾಕ್ / ಮೆಟಾಲಿಕ್ ಮ್ಯಾಟ್ ಗ್ರ್ಯಾಫೈಟ್ ಗ್ರೇ, ಬಣ್ಣದಲ್ಲಿ ಮಾತ್ರ ಮಾರಾಟ ಮಾಡಲಾಗುವುದು. ಡಬ್ಲ್ಯು 800 ಸ್ಟ್ರೀಟ್ ಬೈಕಿನ ಬುಕ್ಕಿಂಗ್ಗಳನ್ನು ಮೊದಲ ಹಂತದಲ್ಲಿ ನಿರ್ದಿಷ್ಟ ಸಂಖ್ಯೆಗೆ ಸೀಮಿತಗೊಳಿಸಲಾಗಿದೆ.
ಈ ಬುಕ್ಕಿಂಗ್ಗಳನ್ನು ಆನ್ಲೈನ್ ಮೂಲಕ ಅಥವಾ ಭಾರತದಾದ್ಯಂತದ ಯಾವುದೇ ಡೀಲರ್ಗಳ ಮೂಲಕ ಮಾಡಬಹುದು. ಕವಾಸಕಿ ಡಬ್ಲ್ಯು 800 ಸ್ಟ್ರೀಟ್ ಬೈಕಿನ ಡೆಲಿವರಿಯನ್ನು ಆಗಸ್ಟ್ ಮಧ್ಯಭಾಗದಿಂದ ನೀಡಲಾಗುವುದು ಎಂದು ಹೇಳಲಾಗುತ್ತಿದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಭಾರತದಲ್ಲಿ, ಕವಾಸಕಿ ಕಂಪನಿಯ ಕ್ಲಾಸಿಕ್ ರೆಟ್ರೊ ಬೈಕುಗಳ ಸಾಲಿನಲ್ಲಿ ಕವಾಸಕಿ ಡಬ್ಲ್ಯು800 ಸ್ಟ್ರೀಟ್ ಇತ್ತೀಚಿನ ಸೇರ್ಪಡೆಯಾಗಿದೆ. ದೇಶಿಯ ಮಾರುಕಟ್ಟೆಯಲ್ಲಿ ಈ ಬೈಕ್ ಟ್ರಯಂಫ್ ಸ್ಟ್ರೀಟ್ ಟ್ವಿನ್ ಬೈಕಿಗೆ ಪೈಪೋಟಿ ನೀಡಲಿದೆ. ಬೇರೆ ಬೈಕುಗಳಿಗೆ ಹೋಲಿಸಿದರೆ, ಕಡಿಮೆ ಬೆಲೆಯನ್ನು ಹೊಂದಿದೆ.