Just In
- 1 hr ago Triber: 7 ಜನ ಹೋಗಬಹುದಾದ ರೆನಾಲ್ಟ್ ಟ್ರೈಬರ್ ಖರೀದಿಸಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- 14 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 16 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 17 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
Don't Miss!
- News Lok Sabha Election 2024: ಚಾಮರಾಜನಗರ ಕ್ಷೇತ್ರದಲ್ಲಿರುವ ಮತದಾರರ ವಿವರ-ಅಂಕಿಅಂಶಗಳ ಮಾಹಿತಿ
- Finance ನೂಡಲ್ಸ್ ಪ್ಯಾಕೆಟ್ ಒಳಗಿತ್ತು ವಜ್ರಗಳ ರಾಶಿ, ಬರೋಬ್ಬರಿ 6.46 ಕೋಟಿ ರೂ. ಮೌಲ್ಯದ ಚಿನ್ನ, ಡೈಮಂಡ್ ವಶ!
- Technology ಇಂದು ವಿವೋ T3x 5G ಸ್ಮಾರ್ಟ್ಫೋನ್ ಫಸ್ಟ್ ಸೇಲ್; ಬೆಲೆ 13,499ರೂ.!
- Lifestyle ಹೋಟೆಲ್ ರುಚಿಯ ಪನೀರ್ ಪೆಪ್ಪರ್ ಫ್ರೈ ಮನೆಯಲ್ಲೇ ಮಾಡಿ..! 10 ನಿಮಿಷದಲ್ಲಿ ರೆಡಿ..!
- Sports CSK vs LSG IPL 2024: ಐಪಿಎಲ್ನಲ್ಲಿ ಈ ದಾಖಲೆ ಮಾಡಿದ ಮೊದಲ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇಂಡೋನೇಷ್ಯಾದಲ್ಲಿ ಬಿಡುಗಡೆಗೊಂಡ ಕೆಟಿಎಂ 790 ಬೈಕ್
ಕೆಟಿಎಂ 790 ಅಡ್ವೆಂಚರ್ ಬೈಕ್ ಅನ್ನು ಇಂಡೋನೇಷ್ಯಾ ಮಾರುಕಟ್ಟೆಯಲ್ಲಿ ಐಡಿಆರ್ 35,00,00,000 ಅಥವಾ 35 ಕೋಟಿ ಇಂಡೋನೇಷ್ಯಾ ರುಪಯ್ಯ, ಭಾರತೀಯ ಮೌಲ್ಯದ ಪ್ರಕಾರ ರೂ.17.15 ಲಕ್ಷಗಳಂತೆ ಬಿಡುಗಡೆಗೊಳಿಸಲಾಗಿದೆ. ಇತ್ತೀಚೆಗೆ ಮುಕ್ತಾಯಗೊಂಡ ಗೈಕಿಂಡೋ ಇಂಡೋನೇಷ್ಯಾ ಅಂತರ್ರಾಷ್ಟ್ರೀಯ ಆಟೋ ಪ್ರದರ್ಶನದಲ್ಲಿ ಈ ಬೈಕ್ ಅನ್ನು ಬಿಡುಗಡೆಗೊಳಿಸಲಾಯಿತು.
ಕೆಟಿಎಂ, ಇಂಡೋನೇಷ್ಯಾ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿರುವ ಬೈಕಿನಲ್ಲಿ ಯುರೋಪಿಯನ್ ಬೈಕಿನಲ್ಲಿರುವ ಸ್ಪೆಸಿಫಿಕೇಷನ್ಗಳನ್ನು ಹಾಗೆಯೇ ಉಳಿಸಿಕೊಂಡಿದೆ. ಕೆಟಿಎಂ 790 ಅಡ್ವೆಂಚರ್ ಬೈಕ್ ಇತ್ತೀಚಿನ ವರ್ಷಗಳಲ್ಲಿ ಬಿಡುಗಡೆಯಾದ ಬಹುನಿರೀಕ್ಷಿತ ಬೈಕ್ಗಳಲ್ಲಿ ಒಂದಾಗಿದೆ. ಕೆಟಿಎಂ ಕಂಪನಿಯು ವಿವಿಧ ಸೆಗ್ಮೆಂಟ್ಗಳಲ್ಲಿ ಅದ್ಭುತವೆನಿಸುವಂತಹ ಬೈಕುಗಳನ್ನು ತಯಾರಿಸುತ್ತಾ ಬಂದಿದೆ.
ಸೂಪರ್ಸ್ಪೋರ್ಟ್ ಸೆಗ್ಮೆಂಟಿನಲ್ಲಿ ಆರ್ಸಿ 8, ಆರ್ಸಿ 390, ಆರ್ಸಿ 200 ಹಾಗೂ ಆರ್ಸಿ 125 ಬೈಕುಗಳನ್ನು ಬಿಡುಗಡೆಗೊಳಿಸಿದೆ. ನೇಕೆಡ್ ಬೈಕ್ ಅಥವಾ ಸ್ಟ್ರೀಟ್ಫೈಟರ್ ಸೆಗ್ಮೆಂಟಿನಲ್ಲಿ ಕೆಟಿಎಂ ಡ್ಯೂಕ್ ಸರಣಿಯ ಬೈಕುಗಳನ್ನು ಹೊಂದಿದೆ. ಸಾಹಸವನ್ನು ಬಯಸುವವರಿಗೆ ಅಡ್ವೆಂಚರ್ ಸರಣಿಯ ಬೈಕುಗಳನ್ನು ಬಿಡುಗಡೆಗೊಳಿಸಿದೆ.
ಕೆಟಿಎಂನ ರಸ್ತೆ ಆಧಾರಿತ ಬೈಕುಗಳು ಮೋಟಾರ್ ಸ್ಪೋರ್ಟ್ನ ತಮ್ಮ ಪ್ರತಿಸ್ಪರ್ಧಿಗಳಿಂದ ಸ್ಫೂರ್ತಿ ಪಡೆದು ತಯಾರಾಗಿವೆ. ಕೆಟಿಎಂ ಅಭಿವೃದ್ಧಿ ಪಡಿಸಿರುವ ಬಹುಪಾಲು ಬೈಕುಗಳು ಮೋಟಾರ್ ಸ್ಪೋರ್ಟ್ಗಳಿಂದ ಬಂದಿದ್ದು, ಕೆಟಿಎಂ ಇದರಲ್ಲಿ ಯಶಸ್ಸನ್ನು ಸಾಧಿಸಿದೆ.
ಕೆಟಿಎಂ ಇದುವರೆಗೆ ಮೋಟಾರ್ ಸ್ಪೋರ್ಟ್ ಸೆಗ್ಮೆಂಟಿನಲ್ಲಿ ಹಲವಾರು ಪ್ರಶಸ್ತಿಗಳನ್ನು ಗೆದ್ದಿದೆ. ಡಕಾರ್ ರ್ಯಾಲಿ, ಮೆರ್ಜೌಗಾ ರ್ಯಾಲಿ, ಬಾಜಾ ಅರಾಗೊನ್ ಮುಂತಾದ ರ್ಯಾಲಿಗಳನ್ನು ಗೆದ್ದಿರುವ ಕೆಟಿಎಂನ ಸೂಪರ್ಕ್ರಾಸ್ ಹಾಗೂ ರ್ಯಾಲಿ ಬೈಕ್ಗಳಿಂದ, ಅಡ್ವೆಂಚರ್ ಸರಣಿಯ ಬೈಕುಗಳು ಸ್ಫೂರ್ತಿ ಪಡೆದಿವೆ.
ಈ ರಸ್ತೆ ಆಧಾರಿತ ಬೈಕುಗಳು ಯಾವುದೇ ರೀತಿಯ ರಸ್ತೆಗಳಲ್ಲೂ ಸಂಚರಿಸುತ್ತವೆ. ಕೆಟಿಎಂ 790 ಅಡ್ವೆಂಚರ್ ಬೈಕ್ ತನ್ನ ಮೋಟಾರ್ ಸ್ಪೋರ್ಟ್ ಗುಣಗಳಿಂದಾಗಿ ಪ್ರಪಂಚದಾದ್ಯಂತ ಹೆಚ್ಚಿನ ಬೇಡಿಕೆ ಹೊಂದಿದೆ. ಆದ ಕಾರಣ ಈ ಬೈಕ್ ಅನ್ನು ಇಂಡೋನೇಷ್ಯಾ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗಿದೆ.
ಭಾರತದಲ್ಲಿ, ಈ ಬೈಕ್ ಅನ್ನು ಹಲವು ಬಾರಿ ಸ್ಪಾಟ್ ಟೆಸ್ಟ್ ಮಾಡಲಾಗಿದೆ. ಆದರೆ ಇದುವರೆಗೆ ಬಿಡುಗಡೆಯ ಬಗ್ಗೆ ಅಧಿಕೃತವಾಗಿ ತಿಳಿಸಿಲ್ಲ. ಇತ್ತೀಚಿನ ವರದಿಗಳ ಪ್ರಕಾರ, ಕೆಟಿಎಂ 790 ಅಡ್ವೆಂಚರ್ ಬೈಕ್ ಅನ್ನು ಈ ವರ್ಷದ ಕೊನೆಯಲ್ಲಿ ಭಾರತದಲ್ಲಿ ಬಿಡುಗಡೆಗೊಳಿಸಲಾಗುವುದು. ಬಹುಶಃ ಹಬ್ಬದ ವೇಳೆಗೆ ಬಿಡುಗಡೆಗೊಳಿಸುವ ಸಾಧ್ಯತೆಗಳಿವೆ.
ಭಾರತದಲ್ಲಿ ಬಿಡುಗಡೆಯಾಗಲಿರುವ ಮಾದರಿಯು ಇಂಡೋನೇಷ್ಯಾದಲ್ಲಿ ಬಿಡುಗಡೆಯಾದ ಮಾದರಿಯನ್ನು ಹೋಲುತ್ತದೆ. ಈ ಬೈಕ್ ಲಿಕ್ವಿಡ್ ಕೂಲ್ಡ್, 799 ಸಿಸಿ, ಪ್ಯಾರಾಲೆಲ್ ಟ್ವಿನ್ ಎಂಜಿನ್ ಹೊಂದಿದ್ದು, ಗರಿಷ್ಠ 95 ಬಿಹೆಚ್ಪಿ ಪವರ್ ಹಾಗೂ 88 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.
6-ಸ್ಪೀಡ್ ಗೇರ್ ಬಾಕ್ಸ್ ಹಿಂದಿನ ವ್ಹೀಲ್ ಚಲಿಸುವಂತೆ ಮಾಡುತ್ತದೆ. ಕೆಟಿಎಂ 790 ಅಡ್ವೆಂಚರ್ ಸ್ಪೋರ್ಟ್ಸ್ ವಿಶಿಷ್ಟವಾದ ಎಡಿವಿ ಸ್ಟೈಲಿಂಗ್ ಹೊಂದಿದೆ. ಈ ಬೈಕಿನಲ್ಲಿ ದೀರ್ಘ ಪ್ರಯಾಣದ ಸಸ್ಪೆಂಷನ್, ಸ್ಪೋಕ್ಡ್ ವ್ಹೀಲ್ಗಳು, ಡ್ಯುಯಲ್ ಪರ್ಪಸ್ ಟಯರ್ಗಳು, ಎಂಜಿನ್ ಬ್ಯಾಷ್ ಪ್ಲೇಟ್ಗಳಿವೆ.
ಇನ್ಸ್ ಟ್ರೂಮೆಂಟೇಶನ್ ಕೆಲಸಗಳನ್ನು ಟಿಎಫ್ಟಿ ಡಿಸ್ಪ್ಲೇ ನಿರ್ವಹಿಸುತ್ತದೆ. ಈ ಬೈಕಿನ ಸುತ್ತಲೂ ಎಲ್ಇಡಿ ಲೈಟಿಂಗ್ ಅಳವಡಿಸಲಾಗಿದೆ. ಈ ಬೈಕ್ ರೈಡಿಂಗ್ ಮೋಡ್ ಹಾಗೂ ಸ್ವಿಚಬಲ್ ಎಬಿಎಸ್ ಹೊಂದಿದೆ. ಕೆಟಿಎಂ ಸೀಮಿತ ಆವೃತ್ತಿಯ 790 ಅಡ್ವೆಂಚರ್ ಆರ್ ರ್ಯಾಲಿ ಬೈಕುಗಳನ್ನೂ ಸಹ ತಯಾರಿಸುತ್ತಿದೆ.
ಇವುಗಳಲ್ಲಿ 500 ಘಟಕಗಳನ್ನು ಮಾತ್ರ ಮಾರಾಟ ಮಾಡಲಾಗುವುದು. ಇಂಡೋನೇಷ್ಯಾ ಮಾರುಕಟ್ಟೆಯಲ್ಲಿ ಈ ಮಾದರಿಯ ಬೈಕುಗಳನ್ನು ಬಿಡುಗಡೆಗೊಳಿಸಿಲ್ಲ. ಭಾರತದಲ್ಲಿ ಈ ಮಾದರಿಯ ಬೈಕುಗಳನ್ನು ಬಿಡುಗಡೆಗೊಳಿಸಲಾಗುತ್ತದೆಯೇ ಇಲ್ಲವೇ ಎಂಬುದು ಖಚಿತವಾಗಿಲ್ಲ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಇಂಡೋನೇಷ್ಯಾದಲ್ಲಿ ಕೆಟಿಎಂ 790 ಅಡ್ವೆಂಚರ್ ಬೈಕಿನ ಬೆಲೆ ದುಬಾರಿಯಾಗಿದೆ. ಈ ಬೈಕ್ ಅನ್ನು ಸ್ಥಳಿಯವಾಗಿ ತಯಾರಿಸುತ್ತಿರುವ ಕಾರಣ ಭಾರತದಲ್ಲಿ ಈ ಬೈಕಿನ ಬೆಲೆ ಅಷ್ಟೇನೂ ದುಬಾರಿಯಾಗಿಲ್ಲ. ಭಾರತದಲ್ಲಿ ಈ ಬೈಕಿನ ಬೆಲೆ ಎಕ್ಸ್ ಶೋರೂಂ ದರದಂತೆ ಸುಮಾರು ರೂ.8 ಲಕ್ಷಗಳಾಗಿರಲಿದೆ. ಕೆಟಿಎಂ 790 ಅಡ್ವೆಂಚರ್ ಈ ಸೆಗ್ಮೆಂಟಿನಲ್ಲಿಯೇ ಅತ್ಯುತ್ತಮವಾದ ಫೀಚರ್ಗಳನ್ನು ಹೊಂದಿರಲಿದೆ. ಈ ಸೆಗ್ಮೆಂಟಿನಲ್ಲಿ ಕಡಿಮೆ ವೆಚ್ಚವನ್ನು ನಿರೀಕ್ಷಿಸುತ್ತದೆ. ಇದರಿಂದಾಗಿ ಬೈಕ್ ಯಶಸ್ವಿಯಾಗುವ ಸಾಧ್ಯತೆಗಳಿವೆ. ಭಾರತದಲ್ಲಿ ಈ ಬೈಕಿನ ಬಿಡುಗಡೆಯನ್ನು ಕಾತರದಿಂದ ನಿರೀಕ್ಷಿಸಲಾಗುತ್ತಿದೆ.