ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಆಸ್ಟ್ರಿಯಾ ಮೂಲದ ಬೈಕ್ ತಯಾರಕ ಕಂಪನಿ ಕೆ‍‍ಟಿ‍ಎಂ ಎಜಿ ಕಂಪನಿಯು ಹಾಗೂ ಬಜಾಜ್ ಆಟೋ ಲಿಮಿಟೆಡ್ ಜೊತೆ ಸಹಭಾಗಿತ್ವವನ್ನು ಹೊಂದಿದೆ. ಕೆ‍‍ಟಿಎಂ ಈಗ ಹೆಚ್ಚು ಮಾರಾಟವಾಗುವ ಫುಲ್ ಸೈಜ್ ಟಾಪ್ ಬೈಕ್‍‍ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ.

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಕೆಟಿ‍ಎಂ ಕಂಪನಿಯು ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಕಂಪನಿಯ ಬೈಕುಗಳನ್ನು ಹಿಂದಿಕ್ಕಿದ್ದು, ಈಗ ಕವಾಸಕಿ ಕಂಪನಿಯ ಬೈಕುಗಳನ್ನು ಹಿಂದಿಕ್ಕುವ ಯೋಜನೆಯನ್ನಿಟ್ಟುಕೊಂಡಿದೆ. ಸ್ಟೀಫನ್ ಪಿಯರರ್ ಕೆಟಿ‍ಎಂ ಮೋಟಾರ್ಸ್‍‍ನ ಹಿಂದಿರುವ ದೊಡ್ಡ ಶಕ್ತಿಯಾಗಿದ್ದಾರೆ. ಇವರು 1991ರಲ್ಲಿ ಕೆಟಿ‍ಎಂ ಮೋಟಾರ್ಸ್ ಮುಖ್ಯಸ್ಥರಾಗಿ ಅಧಿಕಾರ ಸ್ವೀಕರಿಸಿದ ನಂತರ ಕಳೆದ 28 ವರ್ಷಗಳಿಂದ ಕೆಟಿ‍ಎಂ ಕಂಪನಿಯನ್ನು ಯಶಸ್ಸಿನತ್ತ ಮುನ್ನಡೆಸುತ್ತಿದ್ದಾರೆ. ಇದರಿಂದಾಗಿ ಹಾರ್ಲೆ ಡೇವಿಡ್‍‍ಸನ್ ಕಂಪನಿಯನ್ನು ಮಾರಾಟದಲ್ಲಿ ಹಿಂದಿಕ್ಕಲು ಸಾಧ್ಯವಾಗಿದೆ.

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

2018ರಲ್ಲಿ ಕೆಟಿ‍ಎಂ ಕಂಪನಿಯ 2,61,000 ಬೈಕುಗಳನ್ನು ಮಾರಾಟ ಮಾಡಲಾಗಿದ್ದು, ಹಾರ್ಲೆ ಡೇವಿಡ್‍‍ಸನ್ ಕಂಪನಿಗಿಂತ 35,000ಕ್ಕೂ ಹೆಚ್ಚು ಬೈಕುಗಳನ್ನು ಮಾರಾಟ ಮಾಡಲಾಗಿದೆ. ಕುಸಿಯುತ್ತಿರುವ ದ್ವಿಚಕ್ರ ವಾಹನಗಳ ಮಾರುಕಟ್ಟೆಯಲ್ಲಿ ಕೆಟಿ‍ಎಂ ಬೈಕುಗಳ ಮಾರಾಟ ಪ್ರಮಾಣವು ನಾಲ್ಕು ಪಟ್ಟು ಏರಿಕೆಯಾಗಿದೆ.

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಕಂಪನಿಯು ಏಷ್ಯಾ ವಲಯಕ್ಕಾಗಿ ಹೆಚ್ಚಿನ ಗಮನವನ್ನು ಹರಿಸಿ ಹೊಸ ಹೊಸ ವಿನ್ಯಾಸದ ಬೈಕುಗಳನ್ನು ಬಿಡುಗಡೆಗೊಳಿಸುತ್ತಿದೆ. 2022ರ ವೇಳೆಗೆ 4,00,000 ಬೈಕುಗಳ ಮಾರಾಟದ ಗುರಿಯನ್ನಿಟ್ಟುಕೊಂಡಿದೆ. ಇದರಿಂದಾಗಿ ಮಾರಾಟದಲ್ಲಿ ಕವಾಸಕಿ ಬೈಕುಗಳನ್ನು ಹಿಂದಿಕ್ಕಿ ಟಾಪ್ 3 ಬೈಕುಗಳ ಪಟ್ಟಿಯಲ್ಲಿ ಸ್ಥಾನ ಪಡೆಯಲಿದೆ.

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಕೆಟಿ‍ಎಂ ಕಂಪನಿಯು ಯೂರೋಪಿನಲ್ಲಿ ಈಗಲೂ ಮಾರಾಟದಲ್ಲಿ ಪಿಯಾಜಿಯೊ ಕಂಪನಿಯ ನಂತರದ ಸ್ಥಾನದಲ್ಲಿದೆ. ಕಳೆದ ವರ್ಷ ಬೈಕ್ ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿರುವ ಹೋಂಡಾ ಮೋಟಾರ್ಸ್ 20 ಮಿಲಿಯನ್ ಬೈಕುಗಳನ್ನು ಮಾರಾಟ ಮಾಡಿ ಮೊದಲನೇ ಸ್ಥಾನದಲ್ಲಿದ್ದರೆ, ಯಮಹಾ ಮೋಟಾರ್ಸ್ 5.4 ಮಿಲಿಯನ್ ವಾಹನಗಳನ್ನು ಮಾರಾಟ ಮಾಡಿ ಎರಡನೇಯ ಸ್ಥಾನದಲ್ಲಿತ್ತು. ಕೆ‍‍ಟಿ‍ಎಂ ಟಾಪ್ ಸ್ಥಾನಕ್ಕೆ ಏರಬೇಕಿದ್ದರೆ ಇನ್ನೂ ತುಂಬಾ ದೂರ ಕ್ರಮಿಸಬೇಕಿದೆ.

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಮಾಲಿನ್ಯ ನಿಯಂತ್ರಣದ ಕಠಿಣ ನಿಯಮಗಳಿಂದಾಗಿ, ಹೆಚ್ಚಿನ ಸಂಖ್ಯೆಯಲ್ಲಿ ಎಲೆಕ್ಟ್ರಿಕ್ ವಾಹನಗಳು ಬಿಡುಗಡೆಯಾಗುತ್ತಿರುವುದರಿಂದಾಗಿ ದ್ವಿಚಕ್ರ ವಾಹನದ ಮಾರುಕಟ್ಟೆಯು ಬದಲಾಗುತ್ತಿದೆ. ಪಿಯರರ್‍‍ರವರು ಕಂಪನಿಯು ಎಲೆಕ್ಟ್ರಿಕ್ ಬೈಕುಗಳ ಮೇಲೆ ಹೆಚ್ಚಿನ ಗಮನ ಹರಿಸುತ್ತಿದೆ. ಇದರಿಂದಾಗಿ ಕಂಪನಿಯು ವಿಶ್ವ ಮಾರುಕಟ್ಟೆಯಲ್ಲಿ ಪೈಪೋಟಿ ನೀಡಲು ಸಾಧ್ಯವಾಗಲಿದೆ ಎಂದು ಹೇಳಿದ್ದಾರೆ.

MOST READ: ಐ‍ಎಂ‍ಎ ಹಗರಣದ ಆರೋಪಿಯ ಕಾರು ವಶಪಡಿಸಿಕೊಂಡ ಪೊಲೀಸರು

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳ ತಯಾರಿಕೆಯ ಕಡೆಗೆ ಹೆಚ್ಚಿನ ಗಮನ ಹರಿಸುತ್ತಿರುವ ಕೆ‍‍ಟಿ‍ಎಂ ಹಾಗೂ ಬಜಾಜ್ ಆಟೋ ಕಂಪನಿಗಳು ಪವರ್ಡ್ ಟೂ ವ್ಹೀಲರ್ಸ್ (ಪಿ‍‍ಟಿ‍‍ಡಬ್ಲ್ಯು) ಯೋಜನೆಯನ್ನು ಆರಂಭಿಸಿವೆ. ಈ ಯೋಜನೆಯಡಿಯಲ್ಲಿ ಈ ಎರಡೂ ದ್ವಿಚಕ್ರ ವಾಹನ ಕಂಪನಿಗಳು ಪುಣೆಯಲ್ಲಿರುವ ಬಜಾಜ್ ತಯಾರಕಾ ಘಟಕದಲ್ಲಿ 2022ರಿಂದ ಜಂಟಿಯಾಗಿ ಎಲೆಕ್ಟ್ರಿಕ್ ವಾಹನಗಳ ಉತ್ಪಾದನೆಯನ್ನು ಆರಂಭಿಸಲಿವೆ.

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಈ ಯೋಜನೆಯಲ್ಲಿ 48 ವೋಲ್ಟಿನ ಎಲೆಕ್ಟ್ರಿಕ್ ಪ್ಲಾಟ್‍‍ಫಾರಂ ಇರಲಿದ್ದು, 3 ಕೆ‍‍ಡಬ್ಲ್ಯು(3 ಬಿಹೆಚ್‍‍ಪಿ)ಯಿಂದ 10 ಕೆ‍‍ಡಬ್ಲ್ಯು(12 ಬಿ‍‍ಹೆಚ್‍‍ಪಿ)ಯವರೆಗಿನ ಪವರ್ ಔ‍‍ಟ್‍‍ಪುಟ್ ಉತ್ಪಾದಿಸಲಾಗುವುದು. ಈ ಯೋಜನೆಗಾಗಿ ಈಗಾಗಲೇ ಹೂಡಿಕೆ ಮಾಡಲಾಗಿದೆ. ಈ ಪ್ಲಾಟ್‍‍ಫಾರಂನಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್, ಮೊಪೆಡ್, ಚಿಕ್ಕ ಮೊಪೆಡ್‍‍ಗಳನ್ನು ಉತ್ಪಾದಿಸಲಾಗುವುದು. ಬಜಾಜ್ ಹಾಗೂ ಕೆ‍‍ಟಿ‍ಎಂ ಕಂಪನಿಗಳು ತಮ್ಮ ಸರಣಿಯಲ್ಲಿನ ಎಲೆಕ್ಟ್ರಿಕ್ ವಾಹನಗಳ ತಯಾರಿಕೆಗಾಗಿ ಈ ಪ್ಲಾಟ್‍‍ಫಾರಂ ಅನ್ನು ಬಳಸಲಿವೆ.

MOST READ: ಲೇ ಮನ್ಸ್ ಸೀರಿಸ್‍‍‍ಗೆ ಲಗ್ಗೆಯಿಟ್ಟ ರೇಸರ್ ಅರ್ಜುನ್ ಮೈನಿ

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಈ ಜಂಟಿ ಯೋಜನೆಯಿಂದಾಗಿ ಎರಡೂ ಕಂಪನಿಗಳೂ ಪ್ರಯೋಜನ ಪಡೆಯಲಿವೆ. ಕೆ‍‍ಟಿ‍ಎಂ ಕಂಪನಿಯು ಬಜಾಜ್ ಆಟೋ ಕಂಪನಿಯಿಂದ ಕಡಿಮೆ ವೆಚ್ಚದಲ್ಲಿ ಬೈಕುಗಳನ್ನು ತಯಾರಿಸುವ ಬಗ್ಗೆ ತಿಳಿಯಲಿದ್ದರೆ, ಬಜಾಜ್ ಕಂಪನಿಯು, ಕೆ‍‍ಟಿ‍ಎಂ ಕಂಪನಿ ಮೊದಲು ತಯಾರಿಸಿದ್ದ ಎಲೆಕ್ಟ್ರಿಕ್ ದ್ವಿ ಚಕ್ರ ವಾಹನಗಳ ಸೆಗ್‍‍‍ಮೆಂಟ್ ಬಗ್ಗೆ ತಿಳಿಯಲಿದೆ.

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಬಜಾಜ್ ಕಂಪನಿಯ ಮೊದಲ ಎಲೆಕ್ಟ್ರಿಕ್ ಸ್ಕೂಟರ್ ಅರ್ಬನೈಟ್ ಈ ವರ್ಷದ ಕೊನೆಯಲ್ಲಿ ಮಾರುಕಟ್ಟೆಗೆ ಬರಲಿದೆ. ಈ ಸ್ಕೂಟರ್ ಅನ್ನು ಈಗಾಗಲೇ ಸ್ಪಾಟ್ ಟೆಸ್ಟ್ ಮಾಡಲಾಗಿದೆ.

MOST READ: ಎಲೆಕ್ಟ್ರಿಕರಣದ ವಿರುದ್ಧ ಧ್ವನಿಯೆತ್ತಿದ ದ್ವಿಚಕ್ರ ವಾಹನ ಉದ್ಯಮ

ಮಾರಾಟದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಹಿಂದಿಕ್ಕಿದ ಕೆ‍‍ಟಿ‍ಎಂ

ಕೆಟಿ‍ಎಂ ಕಂಪನಿಯು ಈಗಾಗಲೇ ವಿಶ್ವ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳನ್ನು ಕೆಟಿ‍ಎಂ ಇ-ರೈಡ್ ಹೆಸರಿನಲ್ಲಿ ಮಾರಾಟ ಮಾಡುತ್ತಿದೆ. ಈ ಬೈಕ್ 18 ಕೆ‍‍ಡಬ್ಲ್ಯು ಪವರ್ ಉತ್ಪಾದಿಸುತ್ತದೆ. ಇದು ಭಾರತದಲ್ಲಿರುವ ಯಾವುದೇ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಉತ್ಪಾದಿಸುವುದಕ್ಕಿಂತ ಹೆಚ್ಚಿನ ಪವರ್ ಆಗಿದೆ.

Most Read Articles

Kannada
Read more on ಕೆಟಿಎಂ ktm
English summary
KTM beats Harley Davidson in sales - Read in kannada
Story first published: Saturday, June 15, 2019, 17:03 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more