Just In
- 8 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 8 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 9 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 9 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Movies Shobha Shetty ; ನಿಶ್ಚಿತಾರ್ಥದ ಬಗ್ಗೆ ಮಾಹಿತಿ ನೀಡಿದ ನಟಿ ಶೋಭಾ ಶೆಟ್ಟಿ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸ್ಥಗಿತಗೊಳ್ಳಲಿವೆ ರಾಯಲ್ ಎನ್ಫೀಲ್ಡ್ 500 ಸಿಸಿ ಬೈಕುಗಳು
ರಾಯಲ್ ಎನ್ಫೀಲ್ಡ್ ಕಂಪನಿಯು ಭಾರತದಲ್ಲಿರುವ ಬಹುದೊಡ್ಡ ಬೈಕ್ ತಯಾರಕ ಕಂಪನಿಗಳ ಪೈಕಿ ಒಂದಾಗಿದೆ. ಈ ಕಂಪನಿಯು 350 - 500 ಸಿಸಿ ಸೆಗ್ಮೆಂಟಿನಲ್ಲಿ ಬೈಕುಗಳನ್ನು ಉತ್ಪಾದಿಸುತ್ತದೆ. ರಾಯಲ್ ಎನ್ಫೀಲ್ಡ್ ಕಂಪನಿಯು 350 ಸಿಸಿ ಸೆಗ್ಮೆಂಟಿನಲ್ಲಿ ಕ್ಲಾಸಿಕ್, ಬುಲೆಟ್, ಥಂಡರ್ಬರ್ಡ್ ಹಾಗೂ ಎಲೆಕ್ಟ್ರಾ ಎಂಬ ನಾಲ್ಕು ಮಾದರಿಯ ಬೈಕುಗಳನ್ನು ಮಾರಾಟ ಮಾಡುತ್ತದೆ.
500 ಸಿಸಿ ಸೆಗ್ಮೆಂಟಿನಲ್ಲಿ ಕ್ಲಾಸಿಕ್, ಥಂಡರ್ಬರ್ಡ್ ಹಾಗೂ ಬುಲೆಟ್ ಮಾದರಿಗಳನ್ನು ಮಾರಾಟ ಮಾಡುತ್ತದೆ. 350 ಸಿಸಿ ಸೆಗ್ಮೆಂಟಿನಲ್ಲಿರುವ ಎಲ್ಲಾ 4 ಮಾದರಿಯ ಬೈಕುಗಳು ಹೆಚ್ಚು ಮಾರಾಟವಾಗುವ ಬೈಕುಗಳಲ್ಲಿ ಒಂದಾಗಿವೆ.
ಆದರೆ 500 ಸಿಸಿ ಸೆಗ್ಮೆಂಟಿನಲ್ಲಿರುವ ಬೈಕುಗಳು ಹೆಚ್ಚು ಮಾರಾಟವಾಗುತ್ತಿಲ್ಲ. ಅಕ್ಟೋಬರ್ ತಿಂಗಳಿನಲ್ಲಿ ರಾಯಲ್ ಎನ್ಫೀಲ್ಡ್ ಕಂಪನಿಯ 67,538 ಯುನಿಟ್ ಬೈಕುಗಳು ಮಾರಾಟವಾಗಿವೆ. ಈ ಪೈಕಿ ಕ್ಲಾಸಿಕ್ 350, ಬುಲೆಟ್ 350, ಥಂಡರ್ಬರ್ಡ್ 350 ಹಾಗೂ ಎಲೆಕ್ಟ್ರಾ 350 ಬೈಕುಗಳ 64,000ಕ್ಕೂ ಹೆಚ್ಚು ಯುನಿಟ್ಗಳು ಮಾರಾಟವಾಗಿವೆ.
500 ಸಿಸಿ ಸೆಗ್ಮೆಂಟಿನಲ್ಲಿರುವ ಕ್ಲಾಸಿಕ್, ಬುಲೆಟ್ ಹಾಗೂ ಥಂಡರ್ ಬರ್ಡ್ನ ಕೇವಲ 500 ಯುನಿಟ್ಗಳು ಮಾರಾಟವಾಗಿವೆ. ಇದು ಕೇವಲ ಕಳೆದ ತಿಂಗಳ ಕಥೆಯಲ್ಲ, ಪ್ರತಿ ತಿಂಗಳು ಮಾರಾಟದಲ್ಲಿ ಕುಸಿತವಾಗುತ್ತಲೇ ಇದೆ. 650 ಟ್ವಿನ್ ಬೈಕುಗಳ ಬಿಡುಗಡೆಯ ನಂತರ ರಾಯಲ್ ಎನ್ಫೀಲ್ಡ್ 500 ಸಿಸಿ ಬೈಕುಗಳ ಬೇಡಿಕೆಯು ತೀವ್ರವಾಗಿ ಕುಸಿದಿದೆ.
650 ಟ್ವಿನ್ ಬೈಕುಗಳ ಬೆಲೆ ಕೈಗೆಟಕುವಂತಿದೆ. 500 ಸಿಸಿ ಬೈಕುಗಳಿಗೆ ಹೋಲಿಸಿದರೆ, ಹೆಚ್ಚಿನ ಜನರು 650 ಟ್ವಿನ್ ಬೈಕುಗಳನ್ನು ಖರೀದಿಸಲು ಬಯಸುತ್ತಾರೆ. ಮುಂದಿನ ತಿಂಗಳುಗಳಲ್ಲಿ ರಾಯಲ್ ಎನ್ಫೀಲ್ಡ್ ತನ್ನ ಕ್ಲಾಸಿಕ್ 500, ಥಂಡರ್ಬರ್ಡ್ 500 ಹಾಗೂ ಬುಲೆಟ್ 500 ಬೈಕುಗಳನ್ನು ಸ್ಥಗಿತಗೊಳಿಸುವುದಾಗಿ ವರದಿಯಾಗಿದೆ.
ಭಾರತದಲ್ಲಿ 2020ರ ಏಪ್ರಿಲ್ 1ರಿಂದ ಬಿಎಸ್ 6 ಮಾಲಿನ್ಯ ನಿಯಮಗಳು ಜಾರಿಗೆ ಬರಲಿವೆ. ಅದರ ನಂತರ ಮಾರಾಟವಾಗುವ ಎಲ್ಲಾ ವಾಹನಗಳು ಬಿಎಸ್ 6 ಎಂಜಿನ್ ಅನ್ನು ಕಡ್ಡಾಯವಾಗಿ ಹೊಂದಿರಬೇಕಾಗುತ್ತದೆ.
ಈ ಕಾರಣಕ್ಕಾಗಿ ಪ್ರತಿಯೊಂದು ಕಾರು ಹಾಗೂ ಬೈಕ್ ತಯಾರಕ ಕಂಪನಿಗಳು ತಮ್ಮ ವಾಹನಗಳನ್ನು ಬಿಎಸ್ 6ಗೆ ನವೀಕರಿಸುವಲ್ಲಿ ನಿರತವಾಗಿವೆ. ರಾಯಲ್ ಎನ್ಫೀಲ್ಡ್ ಸಹ ಬಿಎಸ್ 6 ಎಂಜಿನ್ ಹೊಂದಿರುವ ತನ್ನ ಹೊಸ ಬೈಕುಗಳನ್ನು ಪರೀಕ್ಷಿಸುತ್ತಿದೆ.
MOST READ: ಹುಡುಗಿಯರಿಗೆ ಗೇರ್ ಬದಲಿಸಲು ಬಿಟ್ಟು ಡಿಎಲ್ ಕಳೆದುಕೊಂಡ ಡ್ರೈವರ್..!
ಹೊಸ ತಲೆಮಾರಿನ ಕ್ಲಾಸಿಕ್, ಥಂಡರ್ಬರ್ಡ್ ಹಾಗೂ ಬಿಎಸ್ 6 ಎಂಜಿನ್ ಹೊಂದಿರುವ 650 ಟ್ವಿನ್ ಬೈಕುಗಳನ್ನೂ ಸಹ ಭಾರತದ ರಸ್ತೆಗಳಲ್ಲಿ ಸ್ಪಾಟ್ ಟೆಸ್ಟ್ ಮಾಡಲಾಗಿದೆ. 500 ಸಿಸಿ ಎಂಜಿನ್ ಬೈಕುಗಳನ್ನು ಬಿಎಸ್ 6ಗಳಿಗೆ ನವೀಕರಿಸುವುದು ವೆಚ್ಚದಾಯಕವಾಗಿದೆ.
MOST READ: ಬಡ ದೇಶದ ರಾಜನಿಗೆ 15 ಮಡದಿಯರು, 19 ದುಬಾರಿ ಕಾರುಗಳು..!
ಏಕೆಂದರೆ ಬೈಕ್ ಮಾರಾಟ ಪ್ರಮಾಣವು ದೇಶೀಯ ಹಾಗೂ ರಫ್ತು ಮಾರುಕಟ್ಟೆಯಲ್ಲಿ ಕಡಿಮೆಯಾಗಿದೆ. 350 ಸಿಸಿ ಬೈಕಿನ ಮಾರಾಟ ಪ್ರಮಾಣವು ಹೆಚ್ಚಾಗಿದ್ದು, ಈ ಬೈಕುಗಳನ್ನು ಬಿಎಸ್ 6 ಎಂಜಿನ್ಗೆ ನವೀಕರಿಸಲಾಗುವುದು.
MOST READ: ಬೈಕುಗಳಲ್ಲಿ ಡೀಸೆಲ್ ಎಂಜಿನ್ ಏಕೆ ಬಳಸಲ್ಲ ಗೊತ್ತಾ?
ಭಾರತದಲ್ಲಿ ಹಾಗೂ ರಫ್ತು ಮಾರುಕಟ್ಟೆಯಲ್ಲಿ ಭಾರಿ ಬೇಡಿಕೆಯನ್ನು ಕಾಣುತ್ತಿರುವ 650 ಟ್ವಿನ್ ಬೈಕುಗಳನ್ನು ಸಹ ಅಪ್ಡೇಟ್ಗೊಳಿಸಲಾಗುವುದು. ರಾಯಲ್ ಎನ್ಫೀಲ್ಡ್ ಪ್ರತಿ ತಿಂಗಳು ಸುಮಾರು 4,500 ಯುನಿಟ್ಗಳಷ್ಟು 650 ಟ್ವಿನ್ ಬೈಕುಗಳನ್ನು ಉತ್ಪಾದಿಸುತ್ತಿದೆ.
ಅವುಗಳಲ್ಲಿ ಅರ್ಧದಷ್ಟು ಭಾರತದಲ್ಲಿ ಮಾರಾಟವಾದರೆ, ಉಳಿದ ಭಾಗವನ್ನು ಭಾರತದ ಹೊರಗಿನ ದೇಶಗಳಿಗೆ ರಫ್ತು ಮಾಡಲಾಗುತ್ತದೆ. ಲೈವ್ ಮಿಂಟ್ ತನ್ನ ವರದಿಯಲ್ಲಿ, ಮಾರುಕಟ್ಟೆಯಲ್ಲಿರುವ 350 ಸಿಸಿ ಹಾಗೂ 500 ಸಿಸಿ ಎಂಜಿನ್ ಬೈಕುಗಳು ಬಿಎಸ್ 6 ಮಾನದಂಡಗಳನ್ನು ಪೂರೈಸುವುದಿಲ್ಲ.
ಇದರ ಪರಿಣಾಮವಾಗಿ, ಮಾರುಕಟ್ಟೆಯಲ್ಲಿರುವ 500 ಸಿಸಿ ಬೈಕುಗಳನ್ನು ಹಂತಹಂತವಾಗಿ ನಿಲ್ಲಿಸಲಾಗುವುದು. 350 ಸಿಸಿ ಎಂಜಿನ್ಗಳು ಬಿಎಸ್ 6 ಆಗಿರುವುದಲ್ಲದೆ, ಅವುಗಳು ಸಂಪೂರ್ಣವಾಗಿ ಹೊಸ ಆರ್ಕಿಟೆಕ್ಚರ್ ಸಹ ಹೊಂದಿರುತ್ತವೆ. ಇವುಗಳು ಉತ್ತಮವಾದ ರೈಡಿಂಗ್ ಡೈನಾಮಿಕ್ಸ್, ಆಕ್ಸೆಲೆರೇಷನ್, ಲೋವರ್ ವೈಬ್ರೆಷನ್ಗಳನ್ನು ಹೊಂದಿರುತ್ತವೆ.
ರಾಯಲ್ ಎನ್ಫೀಲ್ಡ್ 350 ಸಿಸಿ ಸೆಗ್ಮೆಂಟಿನಲ್ಲಿ ಹೊಸ ಬಿಎಸ್ 6 ಎಂಜಿನ್ಗಳನ್ನು ಅಳವಡಿಸಲು ಬಯಸಿದೆ. ಇದರ ಜೊತೆಗೆ 500 ಸಿಸಿ ಎಂಜಿನ್ ಬೈಕುಗಳನ್ನು ಸ್ಥಗಿತಗೊಳಿಸಲಾಗುವುದು ಎಂದು ವರದಿಯಲ್ಲಿ ಹೇಳಲಾಗಿದೆ.