ಭಾರತೀಯ ಸಶಸ್ತ್ರ ಪಡೆಗಳಿಗಾಗಿ ಕೊಡುಗೆ - 'ಕಾರ್ಗಿಲ್ ಎಡಿಷನ್‍'ನಲ್ಲಿ ಬಿಡುಗಡೆಯಾದ ಟಿವಿಎಸ್ ಸ್ಟಾರ್ ಸಿಟಿ+

ಟಿವಿಎಸ್ ಮೋಟಾರ್ ಕಂಪೆನಿಯು ತಮ್ಮ ಸ್ಟಾರ್ ಸಿಟಿ+ ಬೈಕಿನ 'ಕಾರ್ಗಿಲ್ ಎಡಿಷನ್' ಅನ್ನು ಬಿಡುಗಡೆಗೊಳಿಸಿದ್ದು, ಕಾರ್ಗಿಲ್ ಎಡಿಷನ್ ಬೈಕ್ ದೆಹಲಿಯ ಎಕ್ಸ್ ಶೋರುಂ ಪ್ರಕಾರ ರೂ. 54,399 ಬೆಲೆಯನ್ನು ಪಡೆದುಕೊಂಡಿದೆ. ಈ ಸ್ಪೆಷಲ್ ಎದಿಷನ್ ಮಾಡಲ್‍‍ನಲ್ಲಿ ಕೇವಲ ವಿನ್ಯಾಸದಲ್ಲಿ ಮಾತ್ರ ಬದಲಾವೇಣೆಯನ್ನು ಪಡೆದುಕೊಂಡಿದ್ದು, ತಾಂತ್ರಿಕತೆಯಲ್ಲಿ ಯಾವುದೇ ಬದಲಾವಣೆಯನ್ನು ಪಡೆದಿರುವುದಿಲ್ಲ.

ಲುಕ್‍ನಲ್ಲಿ ಕಾರ್ಗಿಲ್ ಎಡಿಷನ್ ಬೈಕಿಗೆ ಈ ಬಾರಿ ಹೊಸ ವೈಟ್ ಮತ್ತು ಹಳದಿ ಬಣ್ಣದಿಂದ ಕೂಡಿದ ಪೆಯಿಂಟ್ ಸ್ಕೀಮ್ ಅನ್ನು ನೀಡಲಾಗಿದ್ದು, ಇದು ಬೈಕಿಗೆ ವಿಶೇಷವಾದ ನೋಟವನ್ನು ಮತ್ತು ಇನ್ನಿತರೆ ಬೈಕ್‍ಗಳಿಗಿಂತಲೂ ವಿಭಿನ್ನ ಎನಿಸುವುದರಲ್ಲಿ ಅನುಮಾನವೇ ಇಲ್ಲ. ಮತ್ತು ಈ ಬೈಕ್ ಅನ್ನು ಖರೀದಿಸಲು ಬಯಸುವವರು ನಿಮ್ಮ ಹತ್ತಿರದ ಟಿವಿಎಸ್ ಡೀಲರ್‍‍ನ ಬಳಿ ಪಡೆಯಬಹುದಾಗಿದೆ.

ಟಿವಿಎಸ್ ಸ್ಟಾರ್ ಸಿಟಿ+ ಕಾರ್ಗಿಲ್ ಎಡಿಷನ್ ದೇಶದ ಗಡಿಯಲ್ಲಿ ಪ್ರತಿಯೊಬ್ಬ ಸೈನಿಕರ ಸಾಹಸ ಮತ್ತು ವರ್ತನೆಗೆ ಗೌರವವನ್ನು ಸಲ್ಲಿಸುತ್ತದೆ. ವಿಶೇಷ ಆವೃತ್ತಿ ಮಾದರಿಯು ಹಿಮ ಶಿಖರಗಳು, ಒರಟಾದ ಭೂಪ್ರದೇಶಗಳು ಮತ್ತು ಸೈನಿಕರ ಶಿಸ್ತಿನ ಜೀವನದಿಂದ ಪ್ರೇರೇಪಿಸಲ್ಪಟ್ಟಿದೆ.

ಕಾರ್ಗಿಲ್ ಎಡಿಷನ್ ಟಿವಿಎಸ್ ಸ್ಟಾರ್ ಸಿಟಿ+ ಬೈಕ್ ನವಲ್ ವೈಟ್, ಸೋಲ್ಡ್ಜರ್ ಗ್ರೀನ್ ಮತ್ತು ಪ್ಲೈಯಿಂಗ್ ಬ್ಲೂ ಎಂಬ ಮೂರು ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಿದ್ದು, ಪ್ರತಿಯೊಂದು ಬಣ್ಣವು ಸೈನ್ಯ, ನೌಕಾ ಮತ್ತು ವಾಯುಪಡೆ ಎಂಬ ರಕ್ಷಣಾ ಪಡೆಗಳನ್ನು ಸಂಕೇತಿಸುತ್ತದೆ.

ಹೊಸ ಪೆಯಿಂಟ್ ಸ್ಕೀಮ್ ಅನ್ನು ಹೊರತುಪಡಿಸಿ, ಇದರಲ್ಲಿ ವಿಶೇಷವಾದ ಗ್ರಾಫಿಕ್ಸ್, ಟಿವಿಎಸ್ ಸ್ಟ್ರಾರ್ ಸಿಟಿ+ ಲೊಗೊ ಮತ್ತು ಕಾರ್ಗಿಲ್ ಚಿಹ್ನೆಯನ್ನು ನೀಡಲಾಗಿದೆ. ಭಾರತೀಯ ರಕ್ಷಣಾ ಪಡೆಗಳ ಕೊಡುಗೆಗಳನ್ನು ಆಚರಿಸಲು ಟಿವಿಎಸ್ ಕಳೆದ ವರ್ಷ ಕಾರ್ಗಿಲ್ ಕಾಲಿಂಗ್: ರೈಡ್ ಫಾರ್ ದಿ ರಿಯಲ್ ಸ್ಟಾರ್ಸ್ ಅನ್ನು ಪ್ರಾರಂಭಿಸಿತು.

ಸಶಸ್ತ್ರ ಪಡೆಗಳ ಕೊಡುಗೆಗಳನ್ನು ಆಚರಿಸಲು ಕಾರ್ಗಿಲ್ ವಿಜಯ್ ದಿವಸ್ (ಜುಲೈ 2018) ರಂದು ಉಪಕ್ರಮವು ನಡೆಯಿತು. ಉಪಕ್ರಮದ ಭಾಗವಾಗಿ, ಟಿವಿಎಸ್ ಸ್ಟಾರ್ ಸಿಟಿ + 3,500 ಟಚ್ ಪಾಯಿಂಟ್ಗಳ ಮೂಲಕ ಹಾದುಹೋಯಿತು, ವಿಶೇಷ ಕಾರ್ಗಿಲ್ ಸ್ಟಾರ್ ಸಿಟಿ + 5 ಪ್ರಮುಖ ಮಾರುಕಟ್ಟೆಗಳಲ್ಲಿ ರ್‍ಯಾಲಿಯನ್ನು ಮುನ್ನಡೆಸಿತು.

ಮೇಲೆ ಹೇಳಿರುವ ಹಾಗೆ ಟಿವಿಎಸ್ ಸ್ಟಾರ್ ಸಿಟಿ+ ಕಾರ್ಗಿಲ್ ಎಡಿಷನ್ ಬೈಕ್ ಕೇವಲ ವಿನ್ಯಾಸದಲ್ಲಿ ಮಾತ್ರ ಬದಲಾವಣೆಯನ್ನು ಪಡೆದುಕೊಂಡಿದ್ದು, ತಾಂತ್ರಿಕತೆಯಲ್ಲಿ ಯಾವುದೇ ಬಲವಾಣೆಯನ್ನು ಪಡೆದಿರುವುದಿಲ್ಲ. ಈ ನಿಟ್ಟಿನಲ್ಲಿ ಈ ಬೈಕ್ 109.7ಸಿಸಿ, ಸಿಂಗಲ್ ಸಿಲೆಂಡರ್, ಏರ್ ಕೂಲ್ಡ್ ಎಂಜಿನ್ ಸಹಾಯದಿಂದ 8.4 ಬಿಹೆಚ್‍ಪಿ ಮತ್ತು 8.7ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿಯನ್ನು ಹೊಂದಿದ್ದು, ಎಂಜಿನ್ ಅನ್ನು 4 ಸ್ಪೀಡ್ ಗೇರ್‍‍ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ.