Just In
Don't Miss!
- News
ಜನವರಿಯಲ್ಲಿ ಹುಬ್ಬಳ್ಳಿಯಲ್ಲಿ ಇನ್ವೆಸ್ಟ್ ಕರ್ನಾಟಕ ಸಮಾವೇಶ
- Lifestyle
ಪಾರ್ಕಿನ್ಸನ್ಸ್ ಅಪಾಯವನ್ನು ಕಣ್ಣು ನೋಡಿ ಮೊದಲೇ ಅರಿಯಬಹುದು
- Technology
2020ಕ್ಕೆ ಆಪಲ್ನಿಂದ 5G ಐಫೋನ್ ಪಕ್ಕಾ ಅಂತೆ..!
- Movies
KPL ಫಿಕ್ಸಿಂಗ್ ಪ್ರಕರಣ: ನಟಿಯರಿಗೆ ಶಾಕ್ ನೀಡಿದ ಕಮಿಷನರ್ ಭಾಸ್ಕರ್ ರಾವ್
- Sports
ವೆಸ್ಟ್ ಇಂಡೀಸ್ ವಿರುದ್ಧ ಭಾರತ ಎಡವಿದ್ದೆಲ್ಲಿ?: ಸೋಲಿಗೆ ಪ್ರಮುಖ ಕಾರಣಗಳು!
- Finance
50 ಪೈಸೆ ಬಾಕಿ ಉಳಿದಿದೆ ಎಂದು ಬ್ಯಾಂಕ್ ನೋಟಿಸ್; ಕಟ್ಟಲು ಹೋದರೆ ಕಿರಿಕ್
- Education
ವಿಶ್ವೇಶ್ವರಯ್ಯ ಕೈಗಾರಿಕಾ ಮತ್ತು ತಾಂತ್ರಿಕ ವಸ್ತು ಸಂಗ್ರಹಾಲಯ ನೇಮಕಾತಿ: ಡಿ.31ರೊಳಗೆ ಅರ್ಜಿ ಹಾಕಿ
- Travel
ಹಳ್ಳಿಗಾಡಿನ ಸೊಗಡನ್ನು ಅನುಭವಿಸಲು ಬೆಂಗಳೂರಿನ ಸುತ್ತಮುತ್ತ ಇರುವ ಈ ಸುಂದರ ಗ್ರಾಮಗಳಿಗೆ ಹೋಗಿ ಬನ್ನಿ
13,348 ಯುನಿಟ್ಗಳನ್ನು ರಿಕಾಲ್ ಮಾಡಿದ ಯಮಹಾ
ಮುನ್ನೆಚ್ಚರಿಕಾ ಕ್ರಮವಾಗಿ, ಜಪಾನ್ ಮೂಲದ ಬೈಕ್ ತಯಾರಕ ಕಂಪನಿಯಾದ ಯಮಹಾ ಭಾರತದ ಮಾರುಕಟ್ಟೆಯಲ್ಲಿರುವ ಎಫ್ಝಡ್ 25 ಹಾಗೂ ಫೇಜರ್ 25 ಬೈಕುಗಳನ್ನು ರಿಕಾಲ್ ಮಾಡಿದೆ. ಎಂಜಿನ್ ಹೆಡ್ ಕವರ್ ಬೋಲ್ಟ್ ಸಡಿಲವಾಗಿ ಉಂಟಾಗುವ ಸಮಸ್ಯೆಗಳನ್ನು ಸರಿಪಡಿಸಲು ಯಮಹಾ ಕಂಪನಿಯು ತಾನೇ ಸ್ವತಃ ಈ ರಿಕಾಲ್ಗೆ ಮುಂದಾಗಿದೆ.

ಯಮಹಾ ಕಂಪನಿಯ ಪ್ರಕಾರ, ಎಫ್ಝಡ್ 25 ಬೈಕಿನ 12,620 ಯುನಿಟ್ ಹಾಗೂ ಫೇಜರ್ 25 ಬೈಕಿನ 728 ಯುನಿಟ್ ಸೇರಿದಂತೆ ಒಟ್ಟು 13,348 ಯುನಿಟ್ಗಳಲ್ಲಿ ದೋಷ ಕಂಡುಬಂದಿದೆ. ಯಮಹಾ ಕಂಪನಿಯು ಈ ಬೈಕುಗಳ ಮಾಲೀಕರನ್ನು ಪ್ರತ್ಯೇಕವಾಗಿ ಸಂಪರ್ಕಿಸಲಿದೆ.

ಈ ಬೈಕುಗಳಲ್ಲಿ ಕಂಡು ಬಂದಿರುವ ದೋಷವನ್ನು ಯಮಹಾ ಕಂಪನಿಯ ಅಧಿಕೃತ ಡೀಲರ್ಗಳ ಬಳಿ ಉಚಿತವಾಗಿ ಸರಿಪಡಿಸಲಾಗುವುದು. ಈ ಸಮಸ್ಯೆಯ ಬಗ್ಗೆ ಹೇಳುವುದಾದರೆ, ಈ ಸಮಸ್ಯೆಯು ಎಂಜಿನ್ ಹೆಡ್ನ ಕ್ಯಾಮ್ ಕವರ್ನಲ್ಲಿ ಉಂಟಾಗಿದೆ.

ದೋಷ ಉಂಟಾಗಿರುವ ಜಾಗದಲ್ಲಿ ಗ್ಯಾಸ್ಕೆಟ್ ಹಾಗೂ ಒ-ರಿಂಗ್ ಅನ್ನು ಹೊಸ ಬೋಲ್ಟ್ ನಿಂದ ಬದಲಿಸಿ, ಲೋಕ್ಟೈಟ್ ಎಂಬ ಅಡೆಸಿವ್ನಿಂದ ಮುಚ್ಚಬೇಕು. ಈ ಬೋಲ್ಟ್ಗಳು ಸಡಿಲವಾಗಿ ಬೈಕುಗಳು ಚಾಲನೆಯಲ್ಲಿರುವಾಗ ಎಂಜಿನ್ಗೆ ಬಿದ್ದರೆ, ಎಂಜಿನ್ ಸೀಜ್ ಆಗುತ್ತದೆ.

ಆದ ಕಾರಣ, ಆದಷ್ಟು ಬೇಗ ನಿಮ್ಮ ಬಳಿಯಿರುವ ಯಮಹಾ ಬೈಕ್ ಅನ್ನು ಹತ್ತಿರದಲ್ಲಿರುವ ಅಧಿಕೃತ ಯಮಹಾ ಅಧಿಕೃತ ಸೇವಾ ಕೇಂದ್ರಕ್ಕೆ ಕೊಂಡೊಯ್ಯಿರಿ. ಈ ಸಮಸ್ಯೆಯನ್ನು 10ರಿಂದ 20 ನಿಮಿಷಗಳಲ್ಲಿ ಸರಿಪಡಿಸಲಾಗುವುದು.

ಯಮಹಾ ಕಂಪನಿಯು ಮುಂದಿನ ತಿಂಗಳು ಬಿಎಸ್ 6 ಎಂಜಿನ್ ಹೊಂದಿರುವ ಆರ್ 15 ವಿ 3.0 ಹಾಗೂ ಫ್ಯಾಸಿನೊಗಳನ್ನು ಬಿಡುಗಡೆಗೊಳಿಸಲಿದೆ. ಯಮಹಾ ಕಂಪನಿಯು ಯಾವಾಗಲೂ ತನ್ನ ವಾಹನಗಳ ಗುಣಮಟ್ಟಕ್ಕೆ ಹಾಗೂ ಸುರಕ್ಷತೆಗೆ ಬದ್ಧವಾಗಿದೆ.

ಈ ಬದ್ಧತೆಗೆ ಅನುಗುಣವಾಗಿ, ಯಮಹಾ ತಕ್ಷಣವೇ ಜಾರಿಗೆ ಬರುವಂತೆ ಭಾರತದಲ್ಲಿರುವ ಯಮಹಾ ಎಫ್ಝಡ್ 25 ಹಾಗೂ ಯಮಹಾ ಫೇಜರ್ 25 ಬೈಕುಗಳನ್ನು ರಿಕಾಲ್ ಮಾಡಿದೆ. ಅದಕ್ಕಾಗಿ ಯಾವುದೇ ಶುಲ್ಕವನ್ನು ವಿಧಿಸುತ್ತಿಲ್ಲ.
MOST READ: ಬೈಕುಗಳಲ್ಲಿ ಡೀಸೆಲ್ ಎಂಜಿನ್ ಏಕೆ ಬಳಸಲ್ಲ ಗೊತ್ತಾ?

2018ರ ಜೂನ್ ನಂತರ ತಯಾರಾದ ಎಫ್ಝಡ್ 25 ಹಾಗೂ ಫೇಜರ್ 25 ಬೈಕುಗಳಲ್ಲಿರುವ ಹೆಡ್ ಕವರ್ ಬೋಲ್ಟ್ ಸಡಿಲಗೊಳಿಸುವಿಕೆ ಸಮಸ್ಯೆಯನ್ನು ಸರಿಪಡಿಸಲು ಈ ಸ್ವಯಂಪ್ರೇರಿತ ರಿಕಾಲ್ ಯೋಜನೆಯನ್ನು ಹಮ್ಮಿಕೊಳ್ಳಲಾಗಿದೆ.
MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್

ಈ ವಾಹನಗಳಲ್ಲಿ ಉಂಟಾಗಿರುವ ಸಮಸ್ಯೆಯನ್ನು ಸರಿಪಡಿಸುವುದು ಅನುಕೂಲಕರವಾಗಿದೆ ಹಾಗೂ ಪರಿಣಾಮಕಾರಿಯಾಗಿದೆ ಎಂದು ಖಚಿತಪಡಿಸಿಕೊಳ್ಳಲು ಯಮಹಾ ಕಂಪನಿಯು ಡೀಲರ್ ಪಾಲುದಾರರೊಂದಿಗೆ ನಿಕಟ ಸಂಪರ್ಕವನ್ನು ಹೊಂದಿದೆ.
MOST READ: ವಿಮಾನಗಳಲ್ಲಿ ಬಿಳಿ ಬಣ್ಣವನ್ನೇ ಬಳಕೆ ಮಾಡುವುದರ ಹಿಂದಿನ ಕಾರಣವೇನು?

ವಾಹನಗಳಲ್ಲಿ ಈ ರೀತಿಯ ಸಮಸ್ಯೆಗಳು ಕಂಡು ಬರುವುದು ಸಾಮಾನ್ಯ. ಈ ರೀತಿಯ ಸಮಸ್ಯೆಗಳು ಎದುರಾದಾಗ ಕಂಪನಿಗಳೇ ಸ್ವತಃ ಮುಂದೆ ಬಂದು ವಾಹನಗಳನ್ನು ರಿಕಾಲ್ ಮಾಡುತ್ತವೆ. ಕೆಲ ತಿಂಗಳ ಹಿಂದಷ್ಟೇ ಮಾರುತಿ ಸುಜುಕಿ ಕಂಪನಿಯು ಸಹ ತನ್ನ ವಾಹನಗಳನ್ನು ರಿಕಾಲ್ ಮಾಡಿತ್ತು.