ಬಹಿರಂಗವಾಯ್ತು ಹಾರ್ಲೆ ಡೇವಿಡ್ಸನ್ ಹೊಸ ಬೈಕುಗಳ ಬೆಲೆ

ಹೊಸ ಹಾರ್ಲೆ ಡೇವಿಡ್ಸನ್ ಲೋ ರೈಡರ್‌ ಬೈಕಿನ ಬೆಲೆ ರೂ. 13.75 ಲಕ್ಷಗಳಾದರೆ, ಲೋ ರೈಡರ್ ಎಸ್ ಬೈಕಿನ ಬೆಲೆ ರೂ.14.69 ಲಕ್ಷಗಳಾಗಿದೆ. ಈ ಬೆಲೆಗಳು ಭಾರತದ ಎಕ್ಸ್ ಶೋರೂಂ ದರಗಳಾಗಿವೆ. ಹೊಸ 2020 ಹಾರ್ಲೆ ಡೇವಿಡ್ಸನ್ ಲೋ ರೈಡರ್ ಬೈಕಿನ ವಿನ್ಯಾಸ ಹಾಗೂ ಶೈಲಿಯನ್ನು ಈ ಬೈಕಿನ ಹಳೆಯ 1970ರ ಮಾದರಿಯಿಂದ ತೆಗೆದುಕೊಳ್ಳಲಾಗಿದೆ. ಇವುಗಳಲ್ಲಿ ಕ್ರೂಸ್ ವಿನ್ಯಾಸ, ಡ್ಯುಯಲ್ ಇನ್ಸ್ ಟ್ರೂಮೆಂಟ್ ಗೂಸ್, ಹೆಡ್ಲೈಟ್ ವೈಸರ್, ಕ್ರೋಮ್ ಎಕ್ಸಾಸ್ಟ್ ವಿನ್ಯಾಸಗಳು ಸೇರಿವೆ.

ಹಾರ್ಲೆ ಡೇವಿಡ್ಸನ್ ಲೋ ರೈಡರ್ ಬೈಕಿನಲ್ಲಿ 1,745 ಸಿಸಿ ವಿ-ಟ್ವಿನ್ ಮಿಲ್ವಾಕೀ 107 ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 3,000 ಆರ್‌ಪಿಎಂನಲ್ಲಿ 144 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.

ಈ ಎಂಜಿನ್‌ನೊಂದಿಗೆ 6-ಸ್ಪೀಡಿನ ಗೇರ್‌ಬಾಕ್ಸ್ ಜೋಡಿಸಲಾಗಿದೆ. ಕ್ಲಾಸಿಕ್ ಸಾಫ್ಟೈಲ್ ಲೈನ್ ಅನ್ನು ಬೈಕಿನ ಫ್ರೇಮ್ ನಲ್ಲಿ ಬಳಸಲಾಗಿದೆ. ಈ ಬೈಕ್ ಮೊದಲಿಗಿಂತ ಕಡಿಮೆ ತೂಕವನ್ನು ಹೊಂದಿರುವುದರಿಂದ ಹೆಚ್ಚಿನ ರೆಸ್ಪಾನ್ಸ್ ಪಡೆಯಲಿದೆ.

ಈ ಬೈಕ್ ಮೊನೊ ಶಾಕ್ ರೇರ್ ಸಸ್ಪೆಂಷನ್ ಹೊಂದಿದೆ. ಬ್ರೇಕಿಂಗ್ ಗಾಗಿ ಮುಂಭಾಗದಲ್ಲಿ 4-ಪಿಸ್ಟನ್ ಫಿಕ್ಸ್ಡ್ ಕ್ಯಾಪಿಲ್ಲರ್ ಡಿಸ್ಕ್ ಬ್ರೇಕ್ ಹಾಗೂ ಹಿಂಭಾಗದಲ್ಲಿ 2-ಪಿಸ್ಟನ್ ಫ್ಲೋಟಿಂಗ್ ಕ್ಯಾಪಿಲ್ಲರ್ ಡಿಸ್ಕ್ ಬ್ರೇಕ್ ನೀಡಲಾಗಿದೆ.

ಹಾರ್ಲೆ ಡೇವಿಡ್ಸನ್ ಲೋ ರೈಡರ್ ಎಸ್ ಲೋ ರೈಡರ್ ಬೈಕ್ ಕಪ್ಪು ಬಣ್ಣವನ್ನು ಹೊಂದಿದೆ. ಹಾರ್ಲೆ ಡೇವಿಡ್ಸನ್ ಕಂಪನಿಯು ಈ ಬೈಕ್ ಅನ್ನು ಪರ್ಫಾರ್ಮೆನ್ಸ್ ಕ್ರೂಸರ್ ಎಂದು ಕರೆಯುತ್ತದೆ. ಈ ಬೈಕಿನ ಮುಂಭಾಗದಲ್ಲಿ ಇನ್ವರ್ಟೆಡ್ ಸಸ್ಪೆಂಷನ್ ನೀಡಲಾಗಿದೆ.

ಈ ಬೈಕ್‌ ಎತ್ತರಿಸಲಾದ ಹ್ಯಾಂಡಲ್‌ಬಾರ್ ಹಾಗೂ ಕಾಸ್ಟ್ ಅಲ್ಯೂಮಿನಿಯಂ ಅನ್ನು ಹೊಂದಿದೆ. ಲೋ ರೈಡ್ ಎಸ್ ಬೈಕಿನಲ್ಲಿ ಮಿಲ್ವಾಕೀ-ಎಟಿ 114ಯ 1,745 ಸಿಸಿ ವಿ-ಟ್ವಿನ್ ಎಂಜಿನ್ ಅಳವಡಿಸಲಾಗಿದೆ.

ಈ ಎಂಜಿನ್ 3,000 ಆರ್‌ಪಿಎಂನಲ್ಲಿ 145 ಎನ್ಎಂ ಟಾರ್ಕ್ ಹಾಗೂ 5,020 ಆರ್‌ಪಿಎಂನಲ್ಲಿ 87 ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತದೆ. ಹಾರ್ಲೆ ಡೇವಿಡ್ಸನ್ ಲೋ ರೈಡರ್ ಎಸ್ ನ ಬೈಕ್ 287 ಕೆಜಿ ತೂಕವನ್ನು ಹೊಂದಿದೆ.