ಕೆಟಿಎಂ ಎಲೆಕ್ಟ್ರಿಕ್ ಸೈಕಲ್ ಬಿಡುಗಡೆಗೊಳಿಸಿದ ಸ್ಟಾಸೈಕ್

ಕಂಪನಿಯು ಶೀಘ್ರದಲ್ಲೇ ಎಲೆಕ್ಟ್ರಿಕ್ ಬೈಕ್ ಗಳನ್ನು ಬಿಡುಗಡೆಗೊಳಿಸಲಿದೆ. ಸ್ಟಾಸೈಕ್ ಕಂಪನಿಯನ್ನು ಇತ್ತೀಚೆಗಷ್ಟೇ ಹಾರ್ಲೆ ಡೇವಿಡ್ಸನ್ ಕಂಪನಿಯು ಖರೀದಿಸಿದೆ. ಸ್ಟಾಸೈಕ್ ಕೆಟಿಎಂನ ಎರಡು ರೆಪ್ಲಿಕಾ ಮಾದರಿಗಳನ್ನು ಬಿಡುಗಡೆಗೊಳಿಸಿದೆ. ಇವುಗಳಲ್ಲಿ 12 ಇ ಡ್ರೈವ್ ಹಾಗೂ 16 ಇ ಡ್ರೈವ್ ಬ್ಯಾಲೆನ್ಸ್ ಎಲೆಕ್ಟ್ರಿಕ್ ಸೈಕಲ್‌ಗಳು ಸೇರಿವೆ. 12 ಇ ಡ್ರೈವ್‌ ಸೈಕಲ್ ಗಳು, 12 ಇಂಚಿನ ವ್ಹೀಲ್ ಗಳನ್ನು ಹೊಂದಿದ್ದರೆ, 16 ಇ ಡ್ರೈವ್‌ ಸೈಕಲ್ ಗಳು 16 ಇಂಚಿನ ವ್ಹೀಲ್ ಗಳನ್ನು ಹೊಂದಿವೆ.

ಈ ಎರಡೂ ಬ್ಯಾಲೆನ್ಸ್ ಸೈಕಲ್ ಗಳು ಕಂಫರ್ಟಬಲ್ ರೈಡಿಂಗ್ ಹಾಗೂ ಸೆಲ್ಫ್ ಬ್ಯಾಲೆನ್ಸಿಂಗ್‌ನಂತಹ ಫೀಚರ್ ಗಳನ್ನು ಹೊಂದಿವೆ. ಈ ಸೈಕಲ್‌ಗಳಲ್ಲಿ ಎರಡು ರೈಡಿಂಗ್ ಮೋಡ್‌ಗಳಿದ್ದು, ವೇಗಕ್ಕೆ ತಕ್ಕಂತೆ ಬದಲಿಸಬಹುದು.

MOST READ:ಮನೆ ತಲುಪಲು 1800 ಕಿ.ಮೀ ಸೈಕಲ್ ತುಳಿದ ಯುವಕ..!

ಈ ಸೈಕಲ್‌ಗಳಲ್ಲಿ, 13 ಇಂಚುಗಳಿಂದ 17 ಇಂಚುಗಳವರೆಗಿನ ಅಡ್ಜಸ್ಟಬಲ್ ಸೀಟುಗಳನ್ನು ನೀಡಲಾಗಿದೆ. ಇದರಿಂದ ಎಲ್ಲಾ ವಯಸ್ಸಿನವರು ಈ ಸೈಕಲ್ ಗಳನ್ನು ಬಳಸಬಹುದು. ಈ ಎರಡೂ ಸೈಕಲ್‌ಗಳು 40-60 ನಿಮಿಷಗಳಲ್ಲಿ ಪೂರ್ತಿಯಾಗಿ ಚಾರ್ಜ್ ಆಗುತ್ತವೆ.

ಈ ಸೈಕಲ್‌ಗಳಲ್ಲಿ ತೆಗೆಯಬಹುದಾದ ಬ್ಯಾಟರಿಯನ್ನು ಅಳವಡಿಸಲಾಗಿದ್ದು, ಅವುಗಳನ್ನು ಸುಲಭವಾಗಿ ಹೊರತೆಗೆದು, ಚಾರ್ಜ್ ಮಾಡಬಹುದು. ಪೂರ್ತಿಯಾಗಿ ಚಾರ್ಜ್ ಆದ ನಂತರ, ಈ ಸೈಕಲ್ ಗಳನ್ನು 30-60 ನಿಮಿಷಗಳವರೆಗೆ ಚಲಾಯಿಸಬಹುದು.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಈ ಎರಡೂ ಸೈಕಲ್‌ಗಳ ಬಿಡಿಭಾಗಗಳ ಬೆಲೆ 160 ಡಾಲರ್ ಅಂದರೆ ರೂ.12,400ಗಳಿಂದ ಆರಂಭವಾಗುತ್ತದೆ. ಸ್ಟಾಸೈಕ್ ಕೆಟಿಎಂ 12 ಇ ಡ್ರೈವ್ ಸೈಕಲಿನ ಬೆಲೆ ರೂ.49,000ಗಳಾದರೆ,16 ಇ ಡ್ರೈವ್ ಸೈಕಲಿನ ಬೆಲೆ ರೂ.64,100ಗಳಾಗಿದೆ.

ಸ್ಟಾಸೈಕ್ ಕಂಪನಿಯು ಈ ಎರಡೂ ಸೈಕಲ್‌ಗಳನ್ನು ಯುವ ಜನತೆಯನ್ನು ಗಮನದಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸಿದೆ. ಆದರೂ ಎಲ್ಲಾ ವಯಸ್ಸಿನವರು ಇವುಗಳನ್ನು ಬಳಸಬಹುದು. ಭಾರತದಲ್ಲಿ ಮಕ್ಕಳಿಗೆ ದುಬಾರಿ ಬೆಲೆ ಎನಿಸಲಿದೆ.