ಮೋಟೋ ಜಿಪಿ ಬಣ್ಣದ ಆಯ್ಕೆಯಲ್ಲಿ 2020ರ ಜಿಎಸ್ಎಕ್ಸ್-ಆರ್150 ಬೈಕನ್ನು ಬಿಡುಗಡೆಗೊಳಿಸಿದ ಸುಜುಕಿ

ಈ ಮೋಟೊ ಜಿಪಿ ರೇಸಿಂಗ್‌ನಲ್ಲಿ ಸುಜುಕಿ ಎಕ್ಸ್ಟಾರ್ ತಂಡ ಇತ್ತೀಚಗೆ ಉತ್ತಮ ಪ್ರಗತಿಯನ್ನು ಸಾಧಿಸುತಿದೆ. ಜಿಎಸ್ಎಕ್ಸ್-ಆರ್ಆರ್ - ಸುಜುಕಿಯ ಮೋಟೋ ಜಿಪಿ ಮಾದರಿಗಳ ಯಾಂತ್ರಿಕತೆ ಮತ್ತು ಗ್ರಾಫಿಕ್ಸ್ ಜೊತೆಗೆ ಹೊಸ 2020ರ ಜಿಎಸ್ಎಕ್ಸ್-ಆರ್150 ಸ್ಫೊರ್ಟ್ ಬ್ಲ್ಯೂ ಬಣ್ಣವನ್ನು ಒಳಗೊಂಡಿದೆ. 1960ರ ಐಲ್ ಆಫ್ ಮ್ಯಾನ್ಸ್ ಟೂರಿಸ್ಟ್ ಟ್ರೋಫಿಯಲ್ಲಿ ರೇಸಿಂಗ್ ಬೈಕಿನ ಬಣ್ಣಗಳೊಂದಿಗೆ ಸುಜುಕಿ ಶ್ರೀಮಂತ ರೇಸಿಂಗ್ ಪರಂಪರೆಯನ್ನು ಮುಂದುವರೆಸಿದ್ದಾರೆ.

ಇನ್ನು ಗಮನಾರ್ಹವಾಗಿ, ಜಿಎಸ್ಎಕ್ಸ್-ಆರ್ ಸರಣಿಗೆ ಸೇರಿದ ಇತ್ತೀಚಿನ ಎಲ್ಲಾ ಬೈಕ್‌ಗಳಿಗೆ ಒಂದೇ ಬಣ್ಣದ ಆಯ್ಕೆ ಮತ್ತು ಡೆಕಲ್‌ಗಳನ್ನು ನೀಡಲಾಗಿದೆ. 2020ರ ಸುಜುಕಿ ಜಿಎಸ್ಎಕ್ಸ್-ಆರ್150 ಬೈಕ್ ಆಕರ್ಷಕ ಲುಕ್ ಅನ್ನು ಹೊಂದಿದೆ.

MOST READ: ದುಬಾರಿಯಾಯ್ತು ಜನಪ್ರಿಯ ಬಜಾಜ್ ಪಲ್ಸರ್ ಎನ್ಎಸ್ ಬೈಕುಗಳು

ಮೋಟೋ ಜಿಪಿ ಬಣ್ಣಗಳ ಆಯ್ಕೆಗಳನ್ನು ಹೊಂದಿರುವ 2020ರ ಸುಜುಕಿ ಜಿಎಸ್ಎಕ್ಸ್-ಆರ್ 150 ಬೈಕಿನಲ್ಲಿ 150 ಸಿಸಿ, ಫ್ಯೂಯಲ್ -ಇಂಜೆಕ್ಟ್, ಡಿಒಹೆಚ್‌ಸಿ (ಡ್ಯುಯಲ್ ಓವರ್ ಹೆಡ್ ಕ್ಯಾಮ್‌ಶಾಫ್ಟ್) ಎಂಜಿನ್ ಅನ್ನು ಅಳವಡಿಸಲಾಗಿದೆ.

ಈ ಎಂಜಿನ್ 10,500 ಆರ್‌ಪಿಎಂನಲ್ಲಿ 18.6 ಬಿಹೆಚ್‌ಪಿ ಪವರ್ ಮತ್ತು 9,000 ಆರ್‌ಪಿಎಂನಲ್ಲಿ 14 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಬೈಕಿನಲ್ಲಿ ಟ್ವಿನ್ -ಸ್ಪಾರ್ ಡೈಮಂಡ್ ಫ್ರೇಮ್‌ ನೊಂದಿಗೆ 17-ಇಂಚಿನ ಅಲಾಯ್ ವ್ಹೀಲ್ ಅನ್ನು ಹೊಂದಿದೆ.

MOST READ: ದುಬಾರಿಯಾಯ್ತು ಜನಪ್ರಿಯ ಬಿಎಸ್-6 ಯಮಹಾ ಎಂಟಿ-15 ಬೈಕ್

ಇನ್ನು 2020ರ ಸುಜುಕಿ ಜಿಎಸ್ಎಕ್ಸ್-ಆರ್ 150 ಬೈಕಿನ ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್‌ಗಳು ಮತ್ತು ಮೊನೊಶಾಕ್ ಸೆಟಪ್ ಅನ್ನು ನೀಡಲಾಗಿದೆ.

2020ರ ಸುಜುಕಿ ಜಿಎಸ್ಎಕ್ಸ್-ಆರ್150 ಬೈಕಿನಲ್ಲಿ ಹಲವಾರು ಫೀಚರ್ ಗಳನ್ನು ಒಳಗೊಂಡಿದೆ. ಈ ಹೊಸ ಬೈಕಿನಲ್ಲಿ ಪೂರ್ಣ-ಎಲ್ಇಡಿ ಹೆಡ್‌ಲ್ಯಾಂಪ್ ಮತ್ತು ಟೈಲ್ ಲ್ಯಾಂಪ್, ಡಿಜಿಟಲ್ ಕನ್ಸೋಲ್, ಕೀಲೆಸ್ ಇಗ್ನಿಷನ್ ಮತ್ತು ಇತರ ಫೀಚರ್ ಗಳನ್ನು ಒಳಗೊಂಡಿದೆ.

MOST READ: ಬಿಡುಗಡೆಯಾಯ್ತು ಹೊಸ ಕವಾಸಕಿ ವಲ್ಕನ್ ಎಸ್ ಬೈಕ್

ಇನ್ನು ಸುಜುಕಿ ಮೋಟಾರ್‌ಸೈಕಲ್ ಕಂಪನಿಯು 2020ರ ಜೂನ್ ತಿಂಗಳಲ್ಲಿ ಹೊಸ ಜಿಎಸ್‌ಎಕ್ಸ್-ಆರ್ 125 ಬೈಕ್ ಅನ್ನು ಜಪಾನ್‌ನಲ್ಲಿ ಬಿಡುಗಡೆಗೊಳಿಸಿತ್ತು, ಜಿಎಸ್‌ಎಕ್ಸ್-ಆರ್ 125 ಬೈಕನ್ನು ಟ್ರೈಟಾನ್ ಬ್ಲೂ ಮೆಟಾಲಿಕ್, ಬ್ರಿಲಿಯಂಟ್ ವೈಟ್, ಟೈಟಾನ್ ಬ್ಲ್ಯಾಕ್ ಮತ್ತು ಹೊಸ ಮೋಟೋ ಜಿಪಿ ಲಿವರಿ ಬಣ್ಣಗಳ ಆಯ್ಕೆಯನ್ನು ಒಳಗೊಂಡಿತ್ತು.

2020ರ ಜಿಎಸ್ಎಕ್ಸ್-ಆರ್ 150 ಬೈಕನ್ನು ಸುಜುಕಿ ಕಂಪನಿಯು ಇಂಡೋನೇಷ್ಯಾದ ಮಾರುಕಟ್ಟೆಯಲ್ಲಿ 50 ವರ್ಷದ ವಾರ್ಷಿಕೋತ್ಸವದ ಪ್ರಯುಕ್ತ ಪರಿಚಯಿಸಲಾಗಿದೆ. ಮೋಟೋ ಜಿಪಿ ಬಣ್ಣಗಳ ಆಯ್ಕೆಗಳನ್ನು ಹೊಂದಿರುವ 2020ರ ಸುಜುಕಿ ಜಿಎಸ್ಎಕ್ಸ್-ಆರ್ 150 ಆಕರ್ಷಕ ಮತ್ಯು ಅಗ್ರೇಸಿವ್ ಲುಕ್ ಅನ್ನು ಹೊಂದಿದೆ.