Just In
- 15 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 15 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 16 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 17 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- News Tamarind Fruit Juice: ಬಾಯಾರಿಕೆ ನೀಗಿಸಲು ಹುಣಸೆ ಹಣ್ಣಿನ ಪಾನಕ ಪರಿಚಯಿಸಿದ ಆಯುಷ್ ಇಲಾಖೆ, ಮಾಡುವುದು ಹೇಗೆ?
- Technology ಇಂದು ಮತ್ತೆ ಮೊಟೊರೊಲಾ ಎಡ್ಜ್ 50 ಪ್ರೊ ಫೋನಿನ ಸ್ಪೆಷಲ್ ಸೇಲ್!..ಡಿಸ್ಕೌಂಟ್ ಎಷ್ಟು?
- Sports PBKS vs MI IPL 2024: ಮತ್ತೊಮ್ಮೆ ಕೊನೆಯ ಓವರ್ನಲ್ಲಿ ಮುಗ್ಗರಿಸಿದ ಪಂಜಾಬ್ ಕಿಂಗ್ಸ್ ಪ್ಲೇಆಫ್ ಸನ್ನಿವೇಶ ಹೇಗಿದೆ?
- Finance ಕಚ್ಚಾ ತೈಲ ಆಮದು ಗಣನೀಯ ಇಳಿಕೆ, ಪೆಟ್ರೋಲ್ ಡಿಸೇಲ್ ಬೆಲೆ ಹೆಚ್ಚಾಗುತ್ತಾ?
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದ ಅತಿ ವೇಗದ ರಾಯಲ್ ಎನ್ಫೀಲ್ಡ್ ಬೈಕಿದು
ರಾಯಲ್ ಎನ್ಫೀಲ್ಡ್ ಬೈಕ್ಗಳು ಭಾರತದಲ್ಲಿರುವ ಜನಪ್ರಿಯ ಬೈಕ್ಗಳಲ್ಲಿ ಒಂದಾಗಿವೆ. ರೆಟ್ರೋ ಶೈಲಿಯ ವಿನ್ಯಾಸದಿಂದಾಗಿ ಈ ಬೈಕ್ಗಳು ಹೆಚ್ಚು ಜನಪ್ರಿಯವಾಗಿವೆ. ರೆಟ್ರೋ ಶೈಲಿಯನ್ನು ಹೊಂದಿದ್ದರೂ ಈ ಬೈಕ್ಗಳು ಆಧುನಿಕವಾಗಿವೆ.
ರಾಯಲ್ ಎನ್ಫೀಲ್ಡ್ ಕಂಪನಿಯು ಕೆಲ ವರ್ಷಗಳ ಹಿಂದೆ ಇಂಟರ್ಸೆಪ್ಟರ್ 650 ಹಾಗೂ ಕಾಂಟಿನೆಂಟಲ್ ಜಿಟಿ 650 ಎಂಬ ಟ್ವಿನ್ ಸಿಲಿಂಡರ್ ಬೈಕ್ಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿತ್ತು. ಈ ಟ್ವಿನ್ ಬೈಕ್ಗಳು ಅತಿ ಕಡಿಮೆ ಅವಧಿಯಲ್ಲಿಯೇ ಸಾಕಷ್ಟು ಜನಪ್ರಿಯತೆಯನ್ನು ಪಡೆದಿವೆ.
ಈ ಬೈಕ್ಗಳು ರಾಯಲ್ ಎನ್ಫೀಲ್ಡ್ ಕಂಪನಿಯು ಇದುವರೆಗೂ ಉತ್ಪಾದಿಸಿರುವ ಪವರ್ಫುಲ್ ಬೈಕ್ಗಳೆಂಬ ಹೆಗ್ಗಳಿಕೆಯನ್ನು ಪಡೆದಿವೆ. ಭಾರತದಲ್ಲಿ ಈ ಟ್ವಿನ್ ಬೈಕ್ಗಳನ್ನು ಹಲವೆಡೆ ಮಾಡಿಫೈಗೊಳಿಸಲಾಗಿದೆ.
ಇದೇ ರೀತಿಯಾಗಿ ಮಾಡಿಫೈಗೊಂಡಿರುವ ಭಾರತದ ವೇಗದ ಇಂಟರ್ಸೆಪ್ಟರ್ 650 ಬೈಕ್ ಎಂದು ಹೇಳಲಾಗಿರುವ ಬೈಕಿನ ವಿವರವನ್ನು ಈ ಲೇಖನದಲ್ಲಿ ನೋಡೋಣ. ಮಾಡಿಫೈಗೊಂಡಿರುವ ಈ ಬೈಕಿನ ವೀಡಿಯೊವನ್ನು ಅಭಿನವ್ ಭಟ್ರವರು ತಮ್ಮ ಯುಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಮಾಡಿದ್ದಾರೆ.
ಬೈಕಿಗೆ ಮಾಡಲಾಗಿರುವ ಮಾಡಿಫಿಕೇಶನ್ ವಿವರಣೆಯೊಂದಿಗೆ ಈ ವೀಡಿಯೊ ಆರಂಭವಾಗುತ್ತದೆ. ಮೊದಲಿಗೆ ಈ ಬೈಕಿನ ಫ್ರಂಟ್ ಫೋರ್ಕ್ನಲ್ಲಿ ಮಾಡಿಫೈ ಮಾಡಲಾಗಿದೆ. ಈ ಬೈಕಿನಲ್ಲಿ ಹೆಚ್ಚು ವೇಗದಲ್ಲಿ ಚಲಿಸಲು ಅನುಕೂಲವಾಗಲೆಂದು ಬಜಾಜ್ ಡೊಮಿನಾರ್ ಬೈಕಿನಲ್ಲಿರುವ ಅಪ್ಸೈಡ್ ಡೌನ್ ಫೋರ್ಕ್ ಅಳವಡಿಸಲಾಗಿದೆ.
ಇದರ ಜೊತೆಗೆ ಕಸ್ಟಮ್ ಮ್ಯಾಪ್ ಹೊಂದಿರುವ ಪವರ್ಟ್ರಾನಿಕ್ ಪಿಗ್ಗಿಬ್ಯಾಕ್ ಇಸಿಯು, ಎಸ್ಎಸ್ ಮೊಟೊ ಸ್ಟೈನ್ಲೆಸ್ ಸ್ಟೀಲ್ ಎಕ್ಸಾಸ್ಟ್, ಸ್ಟೇಜ್ 2 ಪ್ಲೇಟ್ ಹೊಂದಿರುವ ಡಿಎನ್ಎ ಏರ್ಲಿಫ್ಟರ್ಗಳನ್ನು ಬದಲಿಸಲಾಗಿದೆ.
ಈ ಬೈಕಿನಲ್ಲಿರುವ ವ್ಹೀಲ್ಗಳನ್ನು ಸಹ ಬದಲಿಸಲಾಗಿದೆ. ಇದರ ಜೊತೆಗೆ ತೈವಾನ್ನಿಂದ ಆಮದು ಮಾಡಿಕೊಂಡಿರುವ ಅಲ್ಯುಮಿನಿಯಂ ರಿಮ್ಗಳನ್ನು ಅಳವಡಿಸಲಾಗಿದೆ. ಗೇರ್ ಬದಲಾವಣೆಗೆ ಅನುಕೂಲವಾಗುವಂತೆ ಸ್ಪ್ರಾಕೆಟ್ಗಳನ್ನು ಬದಲಿಸಲಾಗಿದೆ.
ಈ ಬೈಕ್ ಅನ್ನು ಆಕರ್ಷಕವಾಗಿಸಲು ಗ್ರೇ ಹಾಗೂ ಬ್ಲಾಕ್ ಬಣ್ಣವನ್ನು ನೀಡಲಾಗಿದೆ. ಮಾಡಿಫೈ ಮಾಡಲಾಗಿರುವ ಈ ಬೈಕ್ ಮಾರುಕಟ್ಟೆಯಲ್ಲಿರುವ ಬೈಕಿಗಿಂತ 20 ಕೆ.ಜಿ ಕಡಿಮೆ ತೂಕವನ್ನು ಹೊಂದಿದೆ. ಮಾಡಿಫೈಗೊಂಡಿರುವ ಕಾರಣಕ್ಕೆ ಹೆಚ್ಚು ಪವರ್ ಉತ್ಪಾದಿಸುತ್ತದೆ.
ಮಾರುಕಟ್ಟೆಯಲ್ಲಿರುವ ಬೈಕ್ 36 ಬಿಹೆಚ್ಪಿ ಪವರ್ ಉತ್ಪಾದಿಸಿದರೆ, ಮಾಡಿಫೈಗೊಂಡಿರುವ ಈ ಬೈಕ್ 42.7 ಬಿಹೆಚ್ಪಿ ಪವರ್ ಉತ್ಪಾದಿಸುತ್ತದೆ. ಈ ಬೈಕ್ 0 -100 ಕಿ.ಮೀ ವೇಗವನ್ನು ಕೇವಲ 5 ಸೆಕೆಂಡುಗಳಲ್ಲಿ ಕ್ರಮಿಸುತ್ತದೆ.
ವೀಡಿಯೊದಲ್ಲಿ ಕೇವಲ 6.8 ಸೆಕೆಂಡುಗಳಲ್ಲಿ ಈ ಬೈಕ್ 120 ಕಿ.ಮೀ ವೇಗವನ್ನು ಕ್ರಮಿಸಿದೆ. ಇದರ ಜೊತೆಗೆ 10.4 ಸೆಕೆಂಡುಗಳಲ್ಲಿ 140 ಕಿ.ಮೀ ವೇಗವನ್ನು ಹಾಗೂ 7,500 ಆರ್ಪಿಎಂನಲ್ಲಿ 29.3 ಸೆಕೆಂಡುಗಳಲ್ಲಿ 180 ಕಿ.ಮೀ ವೇಗವನ್ನು ಕ್ರಮಿಸಿದೆ.
ಇದರಿಂದಾಗಿ ಈ ಬೈಕ್ ಭಾರತದಲ್ಲಿರುವ ಅತಿ ವೇಗದ ರಾಯಲ್ ಎನ್ಫೀಲ್ಡ್ ಇಂಟರ್ಸೆಪ್ಟರ್ ಬೈಕ್ ಆಗಿ ಹೊರಹೊಮ್ಮಿದೆ. ಇದರ ಜೊತೆಗೆ ಇತ್ತೀಚಿಗಷ್ಟೇ ರಾಯಲ್ ಎನ್ಫೀಲ್ಡ್ ಕಂಪನಿಯು ಇಂಟರ್ಸೆಪ್ಟರ್ ಬೈಕ್ ಅನ್ನು ಬಿಎಸ್ 6 ಎಂಜಿನ್ನಲ್ಲಿ ಬಿಡುಗಡೆಗೊಳಿಸಿದೆ.