Just In
- 6 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 7 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 9 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 9 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರೀಮಿಯಂ ಬೈಕ್ ಬಿಡುಗಡೆಗೊಳಿಸಲಿದೆ ಟಿವಿಎಸ್
ಟಿವಿಎಸ್ ಕಂಪನಿಯು ಜರ್ಮನಿ ಮೂಲದ ಬಿಎಂಡಬ್ಲ್ಯು ಮೋಟೊರಾಡ್ ಕಂಪನಿಯ ಜೊತೆಗಿನ ಸಹಭಾಗಿತ್ವದಲ್ಲಿ ಮೊದಲ ಬೈಕ್ ಆಗಿ ಅಪಾಚೆ ಆರ್ಆರ್ 310 ಬೈಕ್ ಅನ್ನು ಬಿಡುಗಡೆಗೊಳಿಸಿತ್ತು. ಮೂರು ವರ್ಷಗಳ ನಂತರ ಈ ಎರಡೂ ಕಂಪನಿಗಳು ಜೊತೆಗೂಡಿ ತಮ್ಮ ನಾಲ್ಕನೇ ಬೈಕ್ ಅನ್ನು ಪ್ರೀಮಿಯಂ ಬೈಕ್ ಸೆಗ್ಮೆಂಟಿನಲ್ಲಿ ಬಿಡುಗಡೆಗೊಳಿಸಲು ಮುಂದಾಗಿವೆ.
ಈ ಸಹಭಾಗಿತ್ವದಲ್ಲಿ ಬಿಎಂಡಬ್ಲ್ಯು ಮೋಟೊರಾಡ್ಗಾಗಿ ಜಿ310ಜಿಎಸ್ ಹಾಗೂ ಜಿ310 ಆರ್ ಎಂಬ ಎರಡು ಬೈಕ್ಗಳನ್ನು ತಯಾರಿಸಲಾಗಿದೆ. ಈ ಬೈಕ್ಗಳನ್ನು ಪ್ರಪಂಚದ 90ಕ್ಕೂ ಅಧಿಕ ದೇಶಗಳಲ್ಲಿ ಮಾರಾಟ ಮಾಡಲಾಗುತ್ತಿದೆ.
ಈ ಇಂಡೋ ಜರ್ಮನ್ ಸಹಭಾಗಿತ್ವವು ಮಧ್ಯಮ ಸಾಮರ್ಥ್ಯದ ಬೈಕ್ ಸೆಗ್ಮೆಂಟ್ ಅನ್ನು ಗುರಿಯಾಗಿರಿಸಿಕೊಂಡು 2013ರಲ್ಲಿ ಅಸ್ತಿತ್ವಕ್ಕೆ ಬಂತು. ಭಾರತದಲ್ಲಿ ಮಧ್ಯಮ ಸಾಮರ್ಥ್ಯದ ಸೆಗ್ಮೆಂಟ್ಗಳಿಗೆ ಇರುವ ಬೇಡಿಕೆಯನ್ನು ಮನಗೊಂಡು ಬಿಎಂಡಬ್ಲ್ಯು ಈ ಸೆಗ್ಮೆಂಟ್ ಅನ್ನು ಪ್ರವೇಶಿಸಿತು.
ಜಿ 310 ಆರ್ ಹಾಗೂ ಜಿ 310 ಜಿಎಸ್ ಬೈಕ್ಗಳ ವಿನ್ಯಾಸವನ್ನು ಬಿಎಂಡಬ್ಲ್ಯು ಅಭಿವೃದ್ಧಿಪಡಿಸಿದರೆ, ಇವುಗಳನ್ನು ತಮಿಳುನಾಡಿನಲ್ಲಿರುವ ಟಿವಿಎಸ್ ಕಂಪನಿಯ ಉತ್ಪಾದನಾ ಘಟಕದಲ್ಲಿ ಉತ್ಪಾದಿಸಲಾಗುತ್ತಿದೆ. ಬಿಎಂಡಬ್ಲ್ಯು ಉಳಿದ ಸೆಗ್ಮೆಂಟ್ಗಳನ್ನು ಪ್ರವೇಶಿಸಲು ನಿರ್ಧರಿಸಿದ್ದರೂ ಇನ್ನೂ ಅಂತಿಮವಾಗಿಲ್ಲ.
ಕಳೆದ ವರ್ಷದ ಡಿಸೆಂಬರ್ ತಿಂಗಳಿನಲ್ಲಿ ಹೊಸೂರಿನಲ್ಲಿರುವ ಟಿವಿಎಸ್ ಕಂಪನಿಯ ಉತ್ಪಾದನಾ ಘಟಕದಲ್ಲಿ ಬಿಎಂಡಬ್ಲ್ಯು ಜಿ 310 ಆರ್ ಹಾಗೂ ಜಿ310 ಜಿಎಸ್ ಬೈಕ್ಗಳ 50,000 ಕ್ಕೂ ಹೆಚ್ಚು ಯುನಿಟ್ಗಳನ್ನು ಉತ್ಪಾದಿಸಲಾಗಿದೆ.
ಟಿವಿಎಸ್ ಮೋಟಾರ್ ಕಂಪನಿಯ ಅಧ್ಯಕ್ಷ, ಸಿಇಒ ಹಾಗೂ ಹೆಚ್ಚುವರಿ ನಿರ್ದೇಶಕರಾದ ಕೆ ಎನ್ ರಾಧಾಕೃಷ್ಣರವರು ಮಾತನಾಡಿ, ಬಿಎಂಡಬ್ಲ್ಯು ಬಗ್ಗೆ ಹೇಳುವುದಾದರೆ, ಬಿಎಂಡಬ್ಲ್ಯು ಕಂಪನಿಯು ನಮ್ಮ ಸಹಭಾಗಿತ್ವದ ಖುಷಿಯಾಗಿದೆ. ಈ ಎರಡೂ ಬೈಕ್ಗಳು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗುತ್ತಿವೆ.
ಇದೇ ಪ್ಲಾಟ್ಫಾರಂನಲ್ಲಿ ನಮ್ಮ ಆರ್ಆರ್ 310 ಬೈಕ್ ಅನ್ನು ಬಿಎಸ್ 6 ಎಂಜಿನ್ನಲ್ಲಿ ಬಿಡುಗಡೆಗೊಳಿಸಲಾಗಿದೆ. ಮುಂದಿನ ವರ್ಷದ ವೇಳೆಗೆ ಮತ್ತೊಂದು ಹೊಸ ಬೈಕ್ ಅನ್ನು ಟಿವಿಎಸ್ ಮೋಟಾರ್ ಕಂಪನಿ ಬಿಡುಗಡೆಗೊಳಿಸಲಿದೆ ಎಂದು ಹೇಳಿದರು.
ಟಿವಿಎಸ್ ಕಂಪನಿಯ ಹೊಸ ಬೈಕಿನ ವಿನ್ಯಾಸ ಹಾಗೂ ಪವರ್ ಪರ್ಫಾಮೆನ್ಸ್ ಬಗ್ಗೆ ಯಾವುದೇ ಮಾಹಿತಿಗಳು ಲಭ್ಯವಾಗದೇ ಇದ್ದರೂ, ಹೊಸ ಬೈಕ್ ಅಡ್ವೆಂಚರ್ ಸ್ಟೈಲ್ ಹೊಂದಿರಲಿದ್ದು, ಟೂರಿಂಗ್ ಹಾಗೂ ಆಫ್ ರೋಡ್ಗಳಿಗೆ ಹೊಂದಿಕೊಳ್ಳುವಂತಿರುವ ಸಾಧ್ಯತೆಗಳಿವೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಟಿವಿಎಸ್ ಕಂಪನಿಯು ಒಳ್ಳೆಯ ಹೆಜ್ಜೆಯನ್ನಿಟ್ಟಿದೆ. ಟಿವಿಎಸ್ ಕಂಪನಿಯು ಅಪಾಚೆ ಆರ್ಆರ್ 310 ಬೈಕ್ ಅನ್ನು ಬಿಡುಗಡೆಗೊಳಿಸಿದಾಗಲೇ ಈ ಹೆಜ್ಜೆಯನ್ನಿಡ ಬೇಕಿತ್ತು. ರಾಯಲ್ ಎನ್ಫೀಲ್ಡ್, ಕೆಟಿಎಂ ಹಾಗೂ ಹೀರೊ ಮೋಟೊಕಾರ್ಪ್ಗಳು ಅಡ್ವೆಂಚರ್ ಬೈಕ್ ಬಿಡುಗಡೆಗೊಳಿಸಿದ್ದರೂ, ಟಿವಿಎಸ್ ಕಂಪನಿಯು ಬಿಡುಗಡೆಗೊಳಿಸಿರಲಿಲ್ಲ. ಈಗ ಇದರತ್ತ ಗಮನಹರಿಸಿದೆ.