Just In
- 23 min ago ಹಲವು ಆಯ್ಕೆಗಳಲ್ಲಿ ಸಿಗಲಿದೆ 5 ಡೋರ್ ಥಾರ್: ಸುದ್ದಿ ತಿಳಿದು ನಿಟ್ಟುಸಿರು ಬಿಟ್ಟ ಮಹೀಂದ್ರಾ ಫ್ಯಾನ್ಸ್!
- 32 min ago ನಿಮ್ಮ ಬಳಿ 7 ಲಕ್ಷ ರೂಪಾಯಿ ಇದ್ದರೆ ಸಾಕು.. ಕನಸಿನ ಕಾರನ್ನು ಮನೆ ತರಬಹುದು!
- 15 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 16 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
Don't Miss!
- News Heavy Rain: ಭಾರೀ ಗಾಳಿ, ಮಳೆಗೆ ಧರೆಗುರುಳಿದ ಮರಗಳು, ವಿದ್ಯುತ್ ಕಂಬಗಳು: ಸಿಡಿಲು ಬಡಿದು 25 ಮೇಕೆಗಳ ಸಾವು
- Lifestyle ಹೊಟ್ಟೆಯೇ ಇಲ್ಲದೆ ಬದುಕಿದ್ದ ನತಾಶಾ ದಿಡ್ಡಿ ನಿಧನ...! ಈಕೆ ಯಾರು ಗೊತ್ತಾ?
- Finance ಸುಗಮ, ಸುರಕ್ಷಿತ ಸಂಚಾರಕ್ಕಾಗಿ ವಿಶೇಷ ಅಭಿಯಾನ ಆರಂಭಿಸಿದ ಬೆಂಗಳೂರು ಸಂಚಾರಿ ಪೊಲೀಸ್
- Movies ಆತ್ಮಗಳ ಜೊತೆ ಮಾತಾಡುತ್ತಾರಾ ನೀತು? ಕನಸುಗಳನ್ನು ಬೆನ್ನತ್ತಿ ಹೊರಟಿದ್ದೇಕೆ?
- Sports ಟಿ20 ವಿಶ್ವಕಪ್ 2024: ಟೀಮ್ ಇಂಡಿಯಾಗೆ ದೊಡ್ಡ ಚಿಂತೆಯಾದ ಈ ಆರಂಭಿಕನ ಫಾರ್ಮ್
- Technology iPhone: ಐಫೋನ್ 16 ಸರಣಿಯ ಕ್ಯಾಮೆರಾ ಫೀಚರ್ಸ್ ಲೀಕ್! ಏನೆಲ್ಲಾ ವಿಶೇಷತೆ ಇವೆ?..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರೇಸಿಂಗ್ ಸಿಕ್ಸ್ಟಿ ಪ್ರೀಮಿಯಂ ಸ್ಕೂಟರ್ ಬಿಡುಗಡೆ ಮಾಡಿದ ವೆಸ್ಪಾ
ಪಿಯಾಜಿಯೊ ಕಂಪನಿಯು ವೆಸ್ಪಾ ಬ್ರಾಂಡ್ನ ರೇಸಿಂಗ್ ಸಿಕ್ಸ್ಟಿ ಸ್ಪೆಷಲ್ ಎಡಿಷನ್ ಬಿಡುಗಡೆ ಮಾಡಿದ್ದು, ಎರಡು ಪ್ರಮುಖ ವೆರಿಯೆಂಟ್ಗಳಲ್ಲಿ ಅಭಿವೃದ್ದಿಗೊಂಡಿರುವ ಹೊಸ ಸ್ಕೂಟರ್ ಮಾದರಿಯು ಸೀಮಿತ ಅವಧಿಗೆ ಮಾತ್ರ ಖರೀದಿಗೆ ಲಭ್ಯವಿರಲಿದೆ.
ರೇಸಿಂಗ್ ಸಿಕ್ಸ್ಟಿ ಸ್ಪೆಷಲ್ ಎಡಿಷನ್ ಅನ್ನು ಪ್ರಮುಖ ಎರಡು ಮಾದರಿಗಳಲ್ಲಿ ಖರೀದಿಗೆ ಲಭ್ಯವಿದ್ದು, ಗ್ರಾಹಕರು ತಮ್ಮ ಬೇಡಿಕೆಗೆ ಅನುಗುಣವಾಗಿ 125ಸಿಸಿ ಮತ್ತು 150 ಸಿಸಿ ಮಾದರಿಗಳಲ್ಲಿ ಖರೀದಿ ಮಾಡಬಹುದಾಗಿದೆ. ಹೊಸ ಸ್ಕೂಟರ್ ಬೆಲೆಯನ್ನು ಎಂಜಿನ್ ಆಯ್ಕೆಗೆ ಅನುಗುಣವಾಗಿ ದೆಹಲಿ ಎಕ್ಸ್ಶೋರೂಂ ಪ್ರಕಾರ ಆರಂಭಿಕವಾಗಿ ರೂ. 1.20 ಲಕ್ಷ ಮತ್ತು ಟಾಪ್ ಎಂಡ್ ಮಾದರಿಯು ಎಕ್ಸ್ಶೋರೂಂ ಪ್ರಕಾರ ರೂ. 1.32 ಲಕ್ಷ ಬೆಲೆ ಹೊಂದಿದೆ.
ಸ್ಪೆಷಲ್ ಎಡಿಷನ್ ರೇಸಿಂಗ್ ಸಿಕ್ಸ್ಟಿ ಸ್ಕೂಟರ್ ಮಾದರಿಯು ವೆಸ್ಪಾ ಎಸ್ಎಲ್ಎಕ್ಸ್ 125 ಮತ್ತು ಎಸ್ಎಲ್ಎಕ್ಸ್ 150 ಸ್ಕೂಟರ್ ಮಾದರಿಯ ವಿನ್ಯಾಸವನ್ನು ಆಧರಿಸಿದ್ದು, ಹೊಸ ಸ್ಕೂಟರ್ಗಳನ್ನು 2020ರ ದೆಹಲಿ ಆಟೋ ಎಕ್ಸ್ಪೋದಲ್ಲಿ ಅನಾವರಣಗೊಳಿಸಲಾಗಿತ್ತು.
ಆಟೋ ಎಕ್ಸ್ಪೋದಲ್ಲಿ ಅನಾವರಣಗೊಳಿಸಿದ ಬಳಿಕ ಕಳೆದ ಮಾರ್ಚ್ ಅವಧಿಯಲ್ಲೇ ಬಿಡುಗಡೆಯ ಯೋಜನೆಯಲ್ಲಿದ್ದ ಪಿಯಾಜಿಯೊ ಕಂಪನಿಗೆ ಕರೋನಾ ವೈರಸ್ ಹಿನ್ನಡೆ ಉಂಟು ಮಾಡಿದ್ದು, ಇದೀಗ ಮಾರುಕಟ್ಟೆ ಸಹಜ ಸ್ಥಿತಿ ಮರಳುತ್ತಿರುವುದರಿಂದ ಹೊಸ ಸ್ಕೂಟರ್ ಬಿಡುಗಡೆ ಮಾಡಿದೆ.
ಹೊಸ ರೇಸಿಂಗ್ ಸಿಕ್ಸ್ಟಿ ಸ್ಕೂಟರ್ ಮಾದರಿಯು 1960ರ ಅವಧಿಯಲ್ಲಿನ ಮೊನಾಕೊ ಮತ್ತು ಮೊಂಜಾ ಕ್ಲಾಸಿಕ್ ಸ್ಕೂಟರ್ ಮಾದರಿಗಳ ವಿನ್ಯಾಸಗಳ ಪ್ರೇರಣೆ ಹೊಂದಿದ್ದು, ಪ್ರೀಮಿಯಂ ಫೀಚರ್ಸ್ನೊಂದಿಗೆ ಸ್ಪೋಟಿ ವಿನ್ಯಾಸವು ಗ್ರಾಹಕರ ಪ್ರಮುಖ ಆಕರ್ಷಣೆಯಾಗಲಿದೆ.
ಬಿಳಿ ಬಣ್ಣಗಳ ಆಯ್ಕೆ ಹೊಂದಿರುವ ರೇಸಿಂಗ್ ಸಿಕ್ಸ್ಟಿ ಸ್ಕೂಟರ್ ಮಾದರಿಯು ಫ್ರಂಟ್ ಆಪ್ರಾನ್ ಮೇಲೆ ಡ್ಯುಯಲ್ ರೇಸಿಂಗ್ ಸ್ಟ್ಪೀಪ್ ಪಡೆದಿದ್ದು, ಸೈಡ್ ಲುಕ್ ಹೆಚ್ಚಿಸಲು ಫೆಂಡರ್ ಮತ್ತು ಹಿಂಭಾಗದಲ್ಲೂ ಕೂಡಾ ರೇಸಿಂಗ್ ಸ್ಟ್ಪೀಪ್ ನೀಡಲಾಗಿದೆ.
ಸ್ಕೂಟರ್ ಬಣ್ಣದ ಆಯ್ಕೆಗೆ ತಕ್ಕಂತೆ ಮತ್ತು ಲುಕ್ ಹೆಚ್ಚಿಸಲು ಗೋಲ್ಡ್ ಪೇಂಟ್ ಸ್ಕೀಮ್ನಲ್ಲಿರುವ 5-ಸ್ಪೀಕ್ ಪೆಟಲ್ ಅಲಾಯ್ ವೀಲ್ಹ್ ನೀಡಲಾಗಿದ್ದು, ಹೊಸ ಸ್ಕೂಟರ್ಗೆ ಇದು ಇನ್ನಷ್ಟು ಪ್ರೀಮಿಯಂ ಲುಕ್ ನೀಡುತ್ತದೆ.
ಹಾಗೆಯೇ ಹೊಸ ಸ್ಕೂಟರ್ನಲ್ಲಿ ಕ್ರಿಸ್ಟಲ್ ಎಲ್ಇಡಿ ಹೆಡ್ಲ್ಯಾಂಪ್, ಸೆಂಟ್ರಲ್ ಎಲ್ಇಡಿ ಡಿಆರ್ಎಲ್ಎಸ್, ಯುಎಸ್ಬಿ ಚಾರ್ಜಿಂಗ್ ಪೋರ್ಟ್, ಬೂಟ್ ಲೈಟ್ ನೀಡಲಾಗಿದ್ದು, ಸ್ಟೀಲ್ ಬಾಡಿಯೊಂದಿಗೆ ಟ್ವಿನ್-ಪಾಟ್ ಕ್ಯಾಲಿಪರ್, ಡಿಸ್ಕ್ ಬ್ರೇಕ್ ಸೌಲಭ್ಯಗಳಿವೆ.
ಎಂಜಿನ್ ವೈಶಿಷ್ಟ್ಯತೆ
ರೇಸಿಂಗ್ ಸಿಕ್ಸ್ಟಿ 125 ಸ್ಕೂಟರ್ ಮಾದರಿಯು ಬಿಎಸ್-6 ವೈಶಿಷ್ಟ್ಯತೆಯ 124 ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದ್ದು, 9.8-ಬಿಎಚ್ಪಿ ಮತ್ತು 9.6-ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ರೇಸಿಂಗ್ ಸಿಕ್ಸ್ಟಿ 150 ಮಾದರಿಯು 149 ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದ್ದು, 10.4-ಬಿಎಚ್ಪಿ ಮತ್ತು 10.3-ಎನ್ಎಂ ಟಾರ್ಕ್ ಉತ್ಪಾದನೆ ಮಾಡುತ್ತದೆ.
ಸದ್ಯ ಬಿಡುಗಡೆಗೊಂಡಿರುವ ಹೊಸ ಸ್ಕೂಟರ್ಗಳು ಮುಂದಿನ ಕೆಲವೇ ದಿನಗಳಲ್ಲಿ ಗ್ರಾಹಕರ ಕೈಸೇರಲಿದ್ದು, ರೂ. 1 ಸಾವಿರ ಮುಂಗಡದೊಂದಿಗೆ ಬುಕ್ಕಿಂಗ್ ಆರಂಭಿಸಲಾಗಿದೆ. ಆನ್ಲೈನ್ ಮೂಲಕ ಸ್ಕೂಟರ್ ಖರೀದಿಸುವ ಗ್ರಾಹಕರಿಗೆ ರೂ.2 ಸಾವಿರದವರೆಗೆ ಆಫರ್ ಘೋಷಣೆ ಮಾಡಲಾಗಿದ್ದು, ವಾಹನ ಖರೀದಿಯನ್ನು ಸುರಕ್ಷಿತಗೊಳಿಸಲು ಆಫರ್ ನೀಡಲಾಗುತ್ತಿದೆ.