Just In
- 8 hrs ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 9 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 10 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 10 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇಂಡಿಯಾ ಬೈಕ್ ವೀಕ್ 2021: ಹಾರ್ಲೆ ಡೇವಿಡ್ಸನ್ ಹೊಸ ಸ್ಪೋರ್ಟ್ಸ್ಟರ್ ಎಸ್ ಬಿಡುಗಡೆ
2021ರ ಇಂಡಿಯಾ ಬೈಕ್ ವೀಕ್ನಲ್ಲಿ ಹಾರ್ಲೆ ಡೇವಿಡನ್ಸ್ ಕಂಪನಿಯು ತನ್ನ ಹೊಸ ಸ್ಪೋರ್ಟ್ಸ್ಟರ್ ಎಸ್ ಬೈಕ್ ಮಾದರಿಯನ್ನು ಬಿಡುಗಡೆ ಮಾಡಿದ್ದು, ಹೊಸ ಬೈಕ್ ಮಾದರಿಯು ಎಕ್ಸ್ಶೋರೂಂ ಪ್ರಕಾರ ರೂ. 15.51 ಲಕ್ಷ ಬೆಲೆ ಹೊಂದಿದೆ.
ಹೊಸ ಸ್ಪೋರ್ಟ್ಸ್ಟರ್ ಎಸ್ ಬೈಕ್ ಮಾದರಿಯು ಹಾರ್ಲೆ ಡೇವಿಡ್ಸನ್ ನಿರ್ಮಾಣದ ಅತ್ಯಾಧುನಿಕ ಪ್ರೀಮಿಯಂ ಕ್ರೂಸರ್ ಮಾದರಿಯಾಗಿದ್ದು, ಸ್ಪೋರ್ಟ್ಸ್ಟರ್ ಎಸ್ ಮಾದರಿಯು ಪ್ಯಾನ್ ಅಮೆರಿಕಾ 1250 ಅಡ್ವೆಂಚರ್ ಬೈಕ್ನ ನಂತರ ಹೊಸ ರೆವಲ್ಯೂಷನ್ ಮ್ಯಾಕ್ಸ್ 1250 ಪ್ಲಾಟ್ಫಾರ್ಮ್ ಆಧರಿಸಿ ಮಾರುಕಟ್ಟೆಗೆ ಬಂದ ಎರಡನೇ ಹಾರ್ಲೆ-ಡೇವಿಡ್ಸನ್ ಮಾದರಿಯಾಗಿದೆ.
ಹಾರ್ಲೆ ಡೇವಿಡ್ಸನ್ ಕಂಪನಿಯು ಭಾರತದಲ್ಲಿ ಹೀರೋ ಮೋಟೊಕಾರ್ಪ್ ಕಂಪನಿಯೊಂದಿಗೆ ಸಹಭಾಗಿತ್ವ ಯೋಜನೆ ಆರಂಭಿಸಿದ ನಂತರ ಬಿಡುಗಡೆಯಾದ ಎರಡನೇ ಬೈಕ್ ಮಾದರಿಯಾಗಿರುವ ಸ್ಪೋರ್ಟ್ಸ್ಟರ್ ಎಸ್ ಆವೃತ್ತಿಯು ಹೆಚ್ಚಿನ ಟಾರ್ಕ್ಗಾಗಿ ಟ್ಯೂನಿಂಗ್ ಮಾಡಲಾದ ಎಂಜಿನ್ ಪಡೆದುಕೊಂಡಿದೆ.
ಸ್ಪೋರ್ಟ್ಸ್ಟರ್ ಎಸ್ ಮಾದರಿಯಲ್ಲಿ ಪ್ಯಾನ್ ಅಮೆರಿಕಾ 1250 ಅಡ್ವೆಂಚರ್ ಟೂರರ್ನಲ್ಲಿರುವ ಕೌಂಟರ್ಬ್ಯಾಲೆನ್ಸ್ಡ್ ರೆವಲ್ಯೂಷನ್ ಮ್ಯಾಕ್ಸ್ 1250 ಸಿಸಿ ಲಿಕ್ವಿಡ್-ಕೂಲ್ಡ್ ವಿ-ಟ್ವಿನ್ ಎಂಜಿನ್ ನೀಡಲಾಗಿದ್ದು, ಇದು 60-ಡಿಗ್ರಿ ವಿ-ಟ್ವಿನ್ ಎಂಜಿನ್ ಮಾದರಿಯಾಗಿದೆ.
ಸ್ಪೋರ್ಟ್ಸ್ಟರ್ ಎಸ್ನಲ್ಲಿರುವ ಎಂಜಿನ್ ಅನ್ನು ಹಾರ್ಲೆ ಕಂಪನಿಯು ರೆವಲ್ಯೂಷನ್ ಮ್ಯಾಕ್ಸ್ 1250ಟಿ ಎಂದು ಹೆಸರಿಸಿದ್ದು, ಇದು 7,500 ಆರ್ಪಿಎಂನಲ್ಲಿ 121 ಬಿಹೆಚ್ಪಿ ಮತ್ತು 6,000 ಆರ್ಪಿಎಂನಲ್ಲಿ 125 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸಲಿದ್ದು, ಎಂಜಿನ್ ಅನ್ನು 6-ಸ್ಪೀಡ್ ಮ್ಯಾನ್ಯುವಲ್ ಟ್ರಾನ್ಸ್ಮಿಷನ್ನೊಂದಿಗೆ ಅಸಿಸ್ಟ್ ಮತ್ತು ಸ್ಲಿಪ್ಪರ್ ಕ್ಲಚ್ನೊಂದಿಗೆ ಸಾಫ್ಟ್ ಶಿಫ್ಟ್ಗಳೊಂದಿಗೆ ಜೋಡಿಸಲಾಗಿದೆ.
ಹಾರ್ಲೆ ಡೇವಿಡ್ಸನ್ ಕಂಪನಿಯು ಹೊಸ ಸ್ಪೋರ್ಟ್ಸ್ಟರ್ ಎಸ್ ಮಾದರಿಯಲ್ಲಿ ಮೂರು ಪೂರ್ವ ನಿರ್ಧರಿತ ರೈಡಿಂಗ್ ಮೋಡ್ಗಳನ್ನು ನೀಡಿದ್ದು, ಸ್ಪೋರ್ಟ್, ರೋಡ್ ಮತ್ತು ರೈನ್ ಮೋಡ್ಗಳೊಂದಿಗೆ ಬೈಕ್ ಮಾಲೀಕರು ತಮ್ಮ ಸವಾರಿ ಶೈಲಿಗೆ ಸೂಕ್ತವಾದ ವೈಶಿಷ್ಟ್ಯತೆಗಳನ್ನು ಪಡೆಯಲು ಸಂಪೂರ್ಣ ಗ್ರಾಹಕೀಯಗೊಳಿಸಬಹುದಾದ ಸೌಲಭ್ಯವನ್ನು ಸಹ ನೀಡಲಾಗಿದೆ.
ವಿಭಿನ್ನ ರೈಡಿಂಗ್ ಮೋಡ್ಗಳ ನಡುವೆ ಸೈಕ್ಲಿಂಗ್ ಮಾಡುವುದರಿಂದ ಥ್ರೊಟಲ್ ಪ್ರತಿಕ್ರಿಯೆ, ಟಾರ್ಕ್ ವಿತರಣೆ ಮತ್ತು ಎಂಜಿನ್ ಬ್ರೇಕಿಂಗ್ ಅನ್ನು ಟ್ವೀಕ್ ಮಾಡಬಹುದಾಗಿದ್ದು, ಹೊಸ ಬೈಕಿನ ಎಬಿಎಸ್ ಸೆಟಪ್ಗಳು ಸಾಕಷ್ಟು ಹೊಸತನದೊಂದಿಗೆ ಕೂಡಿದೆ.
ಹೊಸ ಬೈಕಿನಲ್ಲಿ ಹಾರ್ಲೆ ಕಂಪನಿಯು 43 ಎಂಎಂ ಇನ್ವರ್ಟೆಡ್ ಫ್ರಂಟ್ ಫೋರ್ಕ್ ಮತ್ತು ಹಿಂಬದಿಯಲ್ಲಿ ಮೊನೊ ಶಾಕ್ ಸಸ್ಷೆಂಷನ್ ಹೊಂದಿದ್ದು, ಇದರೊಂದಿಗೆ ಶೋವಾ ಸಸ್ಪೆನ್ಷನ್ ಸೆಟಪ್ ಕಂಪ್ರೆಷನ್, ರಿಬೌಂಡ್ ಮತ್ತು ಸ್ಪ್ರಿಂಗ್ ಪ್ರಿಲೋಡ್ಗಾಗಿ ಹೊಂದಾಣಿಕೆ ಪಡೆದುಕೊಂಡಿದೆ.
ಹಾಗೆಯೇ ಹೊಸ ಸ್ಪೋರ್ಟ್ಸ್ಟರ್ ಎಸ್ ಮಾದರಿಯಲ್ಲಿ 4 ಪಿಸ್ಟನ್ ಬ್ರೆಂಬೊ ಬ್ರೇಕ್ ಕ್ಯಾಲಿಪರ್ಗಳೊಂದಿಗೆ 320 ಎಂಎಂ ರೆಡಿಯಲ್ ಮೌಂಟೆಡ್ ಮೊನೊಬ್ಲಾಕ್ ಫ್ರಂಟ್ ಡಿಸ್ಕ್ ಬ್ರೇಕ್ ಜೋಡಿಸಲಾಗಿದ್ದು, ಹಿಂಬದಿಯಲ್ಲಿ ಸಿಂಗಲ್ ಬ್ರೆಂಬೋ ಬ್ರೇಕ್ ಕ್ಯಾಲಿಪರ್ ಸೆಟಪ್ನೊಂದಿಗೆ 260 ಎಂಎಂ ಡಿಸ್ಕ್ ಬ್ರೇಕ್ನೊಂದಿಗೆ 228 ಕೆಜಿ ತೂಕ ಹೊಂದಿದೆ.
ಸ್ಪೋರ್ಟ್ಸ್ಟರ್ ಎಸ್ ಮಾದರಿಯು ಮುಂಭಾಗದಲ್ಲಿ 17-ಇಂಚಿನ ಚಕ್ರವನ್ನು ಮತ್ತು 16 ಇಂಚಿನ ಚಕ್ರವನ್ನು ಹಿಂಬದಿಯಲ್ಲಿ ಜೋಡಿಸಲಾಗಿದ್ದು, ಹಗುರವಾದ ಅಲ್ಯೂಮಿನಿಯಂ ಚಕ್ರಗಳಲ್ಲಿ 160/70 ಟಿಆರ್17 (ಮುಂಭಾಗ) ಮತ್ತು 180/70 ಆರ್16 (ಹಿಂಭಾಗ) ಡನ್ಲಾಪ್ ಟೈರ್ಗಳನ್ನು ನೀಡಲಾಗಿದೆ.
ಹೊಸ ಹಾರ್ಲೆ ಡೇವಿಡ್ಸನ್ ಹೊಸ ಸ್ಪೋರ್ಟ್ಸ್ಟರ್ ಎಸ್ ಮಾದರಿಯು 2,265 ಎಂಎಂ ಉದ್ದ, 843 ಎಂಎಂ ಅಗಲ ಮತ್ತು 1,089 ಎಂಎಂ ಎತ್ತರವಾಗಿದ್ದು, ಬೈಕ್ನ ವ್ಹೀಲ್ಬೇಸ್ 1,519 ಎಂಎಂ ಉದ್ದವಾಗಿದೆ. ಜೊತೆಗೆ ಸ್ಪೋರ್ಟ್ಸ್ಟರ್ ಎಸ್ ನ ಆಸನವು 752 ಎಂಎಂ ಎತ್ತರವಾಗಿದ್ದರೂ ಕೇವಲ 93 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದ್ದು, 11.8 ಲೀಟರ್ ಫ್ಯೂಲ್ ಟ್ಯಾಂಕ್ ಜೊತೆ 3 ಲೀಟರ್ ಎಮರ್ಜೆನ್ಸಿ ಫ್ಯೂಲ್ ಟ್ಯಾಂಕ್ ಹೊಂದಿದೆ.
ಇದರೊಂದಿಗೆ ಹೊಸ ಸ್ಪೋರ್ಟ್ಸ್ಟರ್ ಎಸ್ ಬೈಕ್ ಮಾದರಿಯು ಆಯತಾಕಾರದ ಎಲ್ಇಡಿ ಹೆಡ್ಲ್ಯಾಂಪ್ನೊಂದಿಗೆ ಆಕರ್ಷಕವಾದ ಟೈರ್, ಆಸನ ಬಲಬದಿಗೆ ಸಾಕಷ್ಟು ಹತ್ತಿರದಲ್ಲಿ ಇರುವ ಹೈ-ಮೌಂಟೆಡ್ 2-1-2 ಎಕ್ಸಾಸ್ಟ್ ಸೆಟಪ್ ಮತ್ತು ರೈಡ್ಗೆ ಎಕ್ಸಾಸ್ಟ್ ಶಾಖ ತಗುಲದಂತೆ ಮಾಡಲು 304-ಸರಣಿಯ ಸ್ಟೇನ್ಲೆಸ್ ಸ್ಟೀಲ್ ಎಕ್ಸಾಸ್ಟ್ ಬಳಸಲಾಗಿದೆ.
ಸ್ಪೋರ್ಟ್ಸ್ಟರ್ ಎಸ್ ಮಾದರಿಯ ಕನೆಕ್ಟೆಡ್ ಫೀಚರ್ಸ್ಗಳಿಗಾಗಿ 4-ಇಂಚಿನ ಎಲ್ಸಿಡಿ ಡಿಸ್ಪ್ಲೇ, ಬ್ಲೂಟೂತ್ ಕನೆಕ್ಟಿವಿಟಿ, ಹಾರ್ಲೆ ಡೇವಿಡ್ಸನ್ ಅಪ್ಲಿಕೇಶನ್ ಸಂಪರ್ಕದೊಂದಿಗೆ ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್, ಐಯುಎಂ, ಕಾರ್ನರ್ ಎಬಿಎಸ್, ಕ್ರೂಸ್ ಕಂಟ್ರೊಲ್, ಟ್ರಾಕ್ಷನ್ ಕಂಟ್ರೊಲ್, ಟೈರ್ ಪ್ರೆಷರ್ ಮಾನಿಟರ್ ಸಿಸ್ಟಂ, ಯುಎಸ್ಬಿ ಚಾರ್ಜಿಂಗ್ ಪೋರ್ಟ್ ಸೇರಿದಂತೆ ಹಲವಾರು ಆಧುನಿಕ ತಾಂತ್ರಿಕ ಸೌಲಭ್ಯಗಳನ್ನು ಹೊಂದಿದೆ.