ಸೀಮನ್ಸ್ ಕಂಪನಿಯ ಜೊತೆಗೂಡಿ ಆಧುನಿಕ ಎಲೆಕ್ಟ್ರಿಕ್ ವಾಹನ ಉತ್ಪಾದನಾ ಘಟಕವನ್ನು ಅಭಿವೃದ್ದಿಪಡಿಸಲಿದೆ ಓಲಾ

ಓಲಾ ಕಂಪನಿಯು ತನ್ನ ಮೊದಲ ಉತ್ಪಾದನಾ ಘಟಕವನ್ನು ಸ್ಥಾಪಿಸಲು ಕಳೆದ ತಿಂಗಳು ತಮಿಳುನಾಡು ಸರ್ಕಾರದೊಂದಿಗೆ ರೂ.2,400 ಕೋಟಿಗಳ ಒಪ್ಪಂದಕ್ಕೆ ಸಹಿ ಹಾಕಿದೆ. ಈ ಉತ್ಪಾದನಾ ಘಟಕವು ರಾಜ್ಯದಲ್ಲಿ 10,000 ಹೊಸ ಉದ್ಯೋಗಗಳನ್ನು ಸೃಷ್ಟಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಕಾರ್ ಅಂಡ್ ಬೈಕ್‌ನ ವರದಿಯ ಪ್ರಕಾರ ಓಲಾದ ತಮಿಳುನಾಡು ಘಟಕವು ವಿಶ್ವದ ಅತಿದೊಡ್ಡ ಎಲೆಕ್ಟ್ರಿಕ್ ಸ್ಕೂಟರ್ ಉತ್ಪಾದನಾ ಘಟಕವಾಗಲಿದ್ದು, ಪ್ರತಿವರ್ಷ ಸುಮಾರು ಎರಡು ಮಿಲಿಯನ್ ಸ್ಕೂಟರ್‌ಗಳನ್ನು ಉತ್ಪಾದಿಸಲಾಗುವುದು.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ಉತ್ಪಾದನಾ ಘಟಕದೊಂದಿಗೆ ಓಲಾ ಜಾಗತಿಕ ಮಾರುಕಟ್ಟೆಗೆ ಪ್ರವೇಶ ಪಡೆಯಲಿದೆ. ಓಲಾ ಕಂಪನಿಯು ಘಟಕದಲ್ಲಿ ಉತ್ಪಾದಿಸುವ ಸ್ಕೂಟರ್‌ಗಳನ್ನು ಭಾರತದಲ್ಲಿ ಮಾರಾಟ ಮಾಡುವುದರ ಜೊತೆಗೆ ಯುರೋಪ್, ಇಂಗ್ಲೆಂಡ್, ಲ್ಯಾಟಿನ್ ಅಮೆರಿಕಾದ ಪ್ರಮುಖ ಮಾರುಕಟ್ಟೆಗಳಿಗೆ ಮಾರಾಟ ಮಾಡಲಿದೆ.

ಈ ಘಟಕವನ್ನು ಇಂಡಸ್ಟ್ರಿ 4.0 ತತ್ವದ ಮೇಲೆ ಈ ನಿರ್ಮಿಸಲಾಗುವುದು. ಈ ಘಟಕವು ದೇಶದ ಅತ್ಯಾಧುನಿಕ ಉತ್ಪಾದನಾ ಘಟಕಗಳಲ್ಲಿ ಒಂದಾಗಲಿದೆ. ವಿವಿಧ ಕಾರ್ಯಗಳಿಗಾಗಿ ಸುಮಾರು 5,000 ರೋಬೋಟ್‌ಗಳನ್ನು ಘಟಕದಲ್ಲಿ ನಿಯೋಜಿಸಲಾಗುವುದು.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ಪಾಲುದಾರಿಕೆಯ ಭಾಗವಾಗಿ ಸೀಮನ್ಸ್ ಕಂಪನಿಯು ಸ್ಕೂಟರ್ ಉತ್ಪಾದನೆಯಲ್ಲಿ ಓಲಾ ಕಂಪನಿಗೆ ತಾಂತ್ರಿಕ ನೆರವು ನೀಡುವುದರ ಜೊತೆಗೆ ಘಟಕದಲ್ಲಿ ರೋಬೋಟ್‌ಗಳು ಹಾಗೂ ಉಪಕರಣಗಳನ್ನು ನೋಡಿಕೊಳ್ಳಲಿದೆ.

ಈ ಘಟಕದಲ್ಲಿ ಮೊದಲು ಸ್ಕೂಟರ್‌ಗಳನ್ನು ಉತ್ಪಾದಿಸಲಾಗುವುದು. ನಂತರ ಇತರ ಉತ್ಪನ್ನಗಳನ್ನು ಉತ್ಪಾದಿಸಲಾಗುವುದು. ಈ ಘಟಕದಲ್ಲಿ ವಿಭಿನ್ನವಾಗಿರುವ ಬಾಳೆ ಹಣ್ಣಿನ ಗಾತ್ರದ ಬ್ಯಾಟರಿಯನ್ನು ಉತ್ಪಾದಿಸಲಾಗುತ್ತದೆ ಎಂದು ಹೇಳಲಾಗಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಬ್ಯಾಟರಿಯನ್ನು ಸುಲಭವಾಗಿ ಚಾರ್ಜ್ ಮಾಡಬಹುದಾಗಿದ್ದು, ಸ್ಕೂಟರ್‌ನಿಂದಲೇ ಚಾರ್ಜ್ ಮಾಡಬಹುದು. ಓಲಾ ಉತ್ಪನ್ನಗಳು ಎಲೆಕ್ಟ್ರಿಕ್ ವಾಹನಗಳನ್ನು ಚಾಲನೆ ಮಾಡುವ ಅನುಭವವನ್ನು ಬದಲಿಸುತ್ತವೆ ಎಂದು ಕಂಪನಿ ಹೇಳಿದೆ.

ಓಲಾ ಸ್ಕೂಟರ್ ಈಗಾಗಲೇ ವಿಶ್ವದಾದ್ಯಂತ ಹಲವಾರು ಪ್ರಶಸ್ತಿಗಳನ್ನು ಗೆದ್ದಿದೆ. ಇವುಗಳಲ್ಲಿ ಮಾರ್ಕೆಟಿಂಗ್ ಇನ್ನೋವೇಶನ್ ಪ್ರಶಸ್ತಿ ಹಾಗೂ ಸಿಇಎಸ್'ನಲ್ಲಿ ಜರ್ಮನ್ ವಿನ್ಯಾಸ ಪ್ರಶಸ್ತಿಗಳು ಸೇರಿವೆ. ಓಲಾ ಉತ್ಪನ್ನಗಳು ಇತರ ದೇಶಗಳ ಮೇಲೆ ಭಾರತದ ಅವಲಂಬನೆಯನ್ನು ಕಡಿಮೆ ಮಾಡಲಿವೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ಪಾಲುದಾರಿಕೆಯ ಬಗ್ಗೆ ಪ್ರತಿಕ್ರಿಯಿಸಿರುವ ಓಲಾ ಅಧ್ಯಕ್ಷ ಹಾಗೂ ಗ್ರೂಪ್ ಸಿಇಒ ಭವೇಶ್ ಅಗರ್'ವಾಲ್, ಈ ಘಟಕವು ನಮ್ಮ ಜಾಗತಿಕ ಕೇಂದ್ರವಾಗಲಿದೆ. ಗುಣಮಟ್ಟ, ಪ್ರಮಾಣ ಹಾಗೂ ದಕ್ಷತೆಯಲ್ಲಿ ತನ್ನದೇ ಆದ ಛಾಪನ್ನು ಮೂಡಿಸಲಿದೆ.

ಈ ಘಟಕವು ವಿಶ್ವದರ್ಜೆಯ ಅತ್ಯಾಧುನಿಕ ಉತ್ಪನ್ನಗಳನ್ನು ತಯಾರಿಸುವ ಭಾರತದ ಸಾಮರ್ಥ್ಯವನ್ನು ತೋರಿಸಲಿದೆ ಎಂದು ಹೇಳಿದರು. ಮುಂದಿನ ತಿಂಗಳುಗಳಲ್ಲಿ ಘಟಕದ ನಿರ್ಮಾಣ ಕಾರ್ಯವು ಆರಂಭವಾಗಲಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಘಟಕದಲ್ಲಿ ಅಳವಡಿಸಲಾಗುವ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್‌ ಓಲಾ ಒಡೆತನದ ಎಐ ಎಂಜಿನ್ ಹಾಗೂ ಟೆಕ್ ಸ್ಟ್ಯಾಕ್‌ನೊಂದಿಗೆ ಉತ್ಪಾದನಾ ಪ್ರಕ್ರಿಯೆಯ ಪ್ರತಿಯೊಂದು ಅಂಶಗಳನ್ನೂ ಆಳವಾಗಿ ಸಂಯೋಜಿಸುತ್ತದೆ.

ಈ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್‌ ಸಂಪೂರ್ಣ ಕಾರ್ಯಾಚರಣೆಗಳಿಗೆ ಉತ್ತಮ ನಿಯಂತ್ರಣ, ಆಟೋಮೆಷನ್ ಹಾಗೂ ಗುಣಮಟ್ಟವನ್ನು ಒದಗಿಸಲಿದೆ. ಹೆಚ್ಚಿನ ದಕ್ಷತೆಗಾಗಿ ಓಲಾ ಘಟಕದಲ್ಲಿರುವ ಎಲ್ಲಾ ವಸ್ತುಗಳನ್ನು ಸಂಪೂರ್ಣವಾಗಿ ಆಟೋಮ್ಯಾಟಿಕ್ ಮಾಡಲಾಗುತ್ತದೆ.

ಗಮನಿಸಿ: ಈ ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.