Just In
- 4 min ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 1 hr ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 2 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
- 2 hrs ago ಹ್ಯುಂಡೈನ ಈ ಕಾರಿಗೆ ಭಾರತದಲ್ಲಿ ಭರ್ಜರಿ ಡಿಸ್ಕೌಂಟ್: ಇದಕ್ಕಿಂತ ಉತ್ತಮ ಆಫರ್ ಸದ್ಯಕ್ಕಿಲ್ಲ!
Don't Miss!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- News Annamalai: ಒಂದು ಲಕ್ಷ ಮತದಾರರ ಹೆಸರು ಪಟ್ಟಿಯಿಂದ ಕಾಣೆಯಾಗಿದೆ: ಅಣ್ಣಾಮಲೈ ಆರೋಪ
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Lifestyle ಸೌರಮಂಡಲದಲ್ಲಿದೆ 9ನೇ ಗ್ರಹ..! ಯಾವುದದು..? ಎಲ್ಲಿದೆ..?
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೇವಲ 2 ನಿಮಿಷಗಳಲ್ಲಿ ಸೋಲ್ಡ್ ಔಟ್ ಆದ Royal Enfield ಟ್ವಿನ್ ಬೈಕುಗಳು
ರಾಯಲ್ ಎನ್ಫೀಲ್ಡ್ (Royal Enfield) ಕಂಪನಿಯ ವಾಹನಗಳಿಗೆ ಭಾರತದಲ್ಲಿ ಯಾವಾಗಲೂ ವಿಶಿಷ್ಟವಾದ ಸ್ಥಾನವಿದೆ. ಇದನ್ನು ದೃಢಪಡಿಸುವ ಘಟನೆಯೊಂದು ವರದಿಯಾಗಿದೆ. ಕಂಪನಿಯು ಇತ್ತೀಚೆಗೆ ಕಾಂಟಿನೆಂಟಲ್ GT 650 ಹಾಗೂ ಇಂಟರ್ಸೆಪ್ಟರ್ 650 ಟ್ವಿನ್ ಬೈಕ್ ಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ. ಕಂಪನಿಯು ಇತ್ತೀಚೆಗೆ ಈ ಬೈಕುಗಳಿಗೆ ಬುಕ್ಕಿಂಗ್ ಸಹ ಆರಂಭಿಸಿದೆ.
ಬುಕ್ಕಿಂಗ್ ಆರಂಭವಾದ 120 ಸೆಕೆಂಡುಗಳಲ್ಲಿ ಎಲ್ಲಾ ಯುನಿಟ್ಗಳು ಮಾರಾಟವಾಗಿವೆ. ಕಂಪನಿಯು ದೇಶಿಯ ಮಾರುಕಟ್ಟೆಗಾಗಿ ಕೇವಲ 120 ಯುನಿಟ್ಗಳನ್ನು ಮಾತ್ರ ಮೀಸಲಿಟ್ಟಿತ್ತು. ಇವೆಲ್ಲವೂ 120 ಸೆಕೆಂಡುಗಳಲ್ಲಿ ಮಾರಾಟವಾಗಿವೆ. ಅಂದರೆ ಕೇವಲ ಎರಡು ನಿಮಿಷಗಳಲ್ಲಿ ಎಲ್ಲಾ ಯುನಿಟ್ಗಳು ಮಾರಾಟವಾಗಿವೆ. ರಾಯಲ್ ಎನ್ಫೀಲ್ಡ್ ಕಂಪನಿಯು ತನ್ನ 120 ನೇ ವಾರ್ಷಿಕೋತ್ಸವದ ಸಂಭ್ರಮಕ್ಕಾಗಿ ಈ ವಿಶೇಷ ಆವೃತ್ತಿಗಳನ್ನು ಬಿಡುಗಡೆಗೊಳಿಸಿದೆ.
ಈ ಬೈಕುಗಳನ್ನು ವರ್ಲ್ಡ್ ಆಟೋಮೋಟಿವ್ ಸ್ಟೇಡಿಯಂ EICMA 2021ನಲ್ಲಿ ಅನಾವರಣಗೊಳಿಸಲಾಗಿತ್ತು. 120 ಯುನಿಟ್ಗಳಲ್ಲಿ, 60 ಯುನಿಟ್ಗಳು ಕಾಂಟಿನೆಂಟಲ್ GT 650 ಮಾದರಿಯಾಗಿದ್ದರೆ, 60 ಯುನಿಟ್ಗಳು ಇಂಟರ್ಸೆಪ್ಟರ್ 650 ಮಾದರಿಯಾಗಿವೆ. ರಾಯಲ್ ಎನ್ಫೀಲ್ಡ್ ಕಂಪನಿಯು ಡಿಸೆಂಬರ್ 6 ರಂದು ಸಂಜೆ 7 ಗಂಟೆಗೆ ಈ ಬೈಕುಗಳ ಮಾರಾಟವನ್ನು ಆರಂಭಿಸಿತು.
ಬಿಡುಗಡೆಯಾದ 120 ಸೆಕೆಂಡುಗಳಲ್ಲಿ ಎಲ್ಲಾ ಯುನಿಟ್ಗಳು ಮಾರಾಟವಾಗಿವೆ. ಈ ಬೈಕ್ ಗಾಗಿ ಭಾರತೀಯರು ಕಾತುರದಿಂದ ಕಾದು ಬುಕ್ಕಿಂಗ್ ಮಾಡಿರುವುದು ಬೆಳಕಿಗೆ ಬಂದಿದೆ. ಇಷ್ಟೊಂದು ವೇಗದಲ್ಲಿ ವಾಹನ ಮಾರಾಟವಾಗುತ್ತಿರುವುದು ವಿಶ್ವದಲ್ಲೇ ಇದೇ ಮೊದಲು ಎನ್ನಬಹುದು. ವಿಶೇಷ ಟ್ವಿನ್ ಬೈಕ್ ಗಳು ದೇಶದಲ್ಲಿ ಬಿಸಿ ದೋಸೆಯಂತೆ ಮಾರಾಟವಾಗುತ್ತಿವೆ. ಈ ಮೂಲಕ ರಾಯಲ್ ಎನ್ಫೀಲ್ಡ್ ಕಂಪನಿಯು ಮಾರಾಟದಲ್ಲಿ ಹೊಸ ದಾಖಲೆ ನಿರ್ಮಿಸಿದೆ.
ಈ ವಿಶೇಷ ಆವೃತ್ತಿಯ ಬೈಕುಗಳಿಗೆ ಕಂಪನಿಯು ಮೂರು ವರ್ಷಗಳ ವಾರಂಟಿಯನ್ನು ನೀಡುತ್ತದೆ. ಹೆಚ್ಚುವರಿಯಾಗಿ ಕಂಪನಿಯು ನಾಲ್ಕು ವರ್ಷ ಹಾಗೂ ಐದು ವರ್ಷಗಳ ವಿಸ್ತೃತ ವಾರಂಟಿಯನ್ನು ನೀಡುತ್ತದೆ. ಸದ್ಯಕ್ಕೆ ಈ ಬೈಕ್ಗಳು ಏಷ್ಯಾ, ಅಮೆರಿಕಾ, ಯುರೋಪಿಯನ್ ದೇಶಗಳು ಹಾಗೂ ಭಾರತದಲ್ಲಿ ಮಾರಾಟಕ್ಕೆ ಸಿದ್ಧವಾಗಿವೆ. ಈ ಬೈಕ್ ಅನ್ನು ಮಾರಾಟ ಮಾಡಲು ಕಂಪನಿಯು EICMA ವರ್ಲ್ಡ್ ಮೋಟಾರ್ ಶೋ ವೇದಿಕೆಯನ್ನು ಬಳಸಿಕೊಂಡಿದೆ.
ವಿಶೇಷ ಆವೃತ್ತಿಯ 650 ಟ್ವಿನ್ ಬೈಕುಗಳ ಒಟ್ಟು 480 ಯುನಿಟ್ಗಳನ್ನು ಭಾರತದ ರೀತಿಯಲ್ಲಿಯೇ ಪ್ರತಿ ಮಾರುಕಟ್ಟೆಗೆ ಒಟ್ಟು 120 ಯುನಿಟ್ಗಳನ್ನು ರಚಿಸಲಾಗಿದೆ. ಈ ವಿಶೇಷ ಆವೃತ್ತಿಯ ಬೈಕುಗಳು ನವೀನ ಬಾಹ್ಯ ನೋಟವನ್ನು ಹೊಂದಿವೆ. ಈ ಬೈಕುಗಳನ್ನು ವಿಶೇಷ ಬಣ್ಣ, ಸ್ಟಿಕ್ಕರ್, ಲೋಗೊ ಹಾಗೂ ಗ್ರಾಫಿಕ್ಸ್ನಿಂದ ಅಲಂಕರಿಸಲಾಗಿದೆ. ಅದರಲ್ಲೂ 120 ವರ್ಷಗಳನ್ನು ಗುರುತಿಸಲು ಬೈಕ್ ಸುತ್ತ ವಿಶೇಷ ಗ್ರಾಫಿಕ್ಸ್ ನೀಡಲಾಗಿದೆ.
ಈ ರೀತಿಯ ಗಣನೀಯ ವಿಶೇಷತೆಗಳನ್ನು ಹೊಂದಿರುವ ಟ್ವಿನ್ 650 ಬೈಕ್ಗಳು ಮಾರಾಟಕ್ಕೆ ಬಂದಿವೆ. ಈ ಬೈಕುಗಳಲ್ಲಿ ಕಪ್ಪು ಹಾಗೂ ಬಂಗಾರದ ಬಣ್ಣವನ್ನು ವಿಶೇಷ ಬಣ್ಣಗಳಾಗಿ ಬಳಸಲಾಗಿದೆ. ಈ ಹೊಸ ಬಣ್ಣದಿಂದ ಈಗಾಗಲೇ ಆಕರ್ಷಕವಾಗಿದ್ದ ಬೈಕ್ಗಳು ಈಗ ಹಲವು ಪಟ್ಟು ಹೆಚ್ಚು ಆಕರ್ಷಕವಾಗಿ ಕಾಣುತ್ತಿವೆ. ಸೈಲೆನ್ಸರ್, ಪೆಟ್ರೋಲ್ ಟ್ಯಾಂಕ್, ವ್ಹೀಲ್, ಬಾಡಿ ಪ್ಯಾನೆಲ್ ಗಳಂತಹ ಅನೇಕ ಭಾಗಗಳನ್ನು ಕಪ್ಪು ಬಣ್ಣದಲ್ಲಿ ಅಲಂಕರಿಸಲಾಗಿದೆ.
ರಾಯಲ್ ಎನ್ಫೀಲ್ಡ್ 120 ನೇ ವಾರ್ಷಿಕೋತ್ಸವದ ಅಂಗವಾಗಿ 12 ವಿಶೇಷ ಆವೃತ್ತಿಯ ಹೆಲ್ಮೆಟ್ಗಳನ್ನು ಬಿಡುಗಡೆಗೊಳಿಸಲಾಗಿದೆ ಎಂಬುದು ಗಮನಾರ್ಹ. ಈ ಹೆಲ್ಮೆಟ್ ಗಳನ್ನು ಕೈಯಿಂದ ರಚಿಸಲಾಗಿದೆ. ಕಂಪನಿಯು ಈ ಹೆಲ್ಮೆಟ್ ಗಳನ್ನು ಬಿಡುಗಡೆಗೊಳಿಸಿದ ಬೆನ್ನಲ್ಲೇ ವಿಶೇಷ ಆವೃತ್ತಿಯ ಬೈಕ್ಗಳನ್ನು ಸಹ ಬಿಡುಗಡೆಗೊಳಿಸಿದೆ.
ರಾಯಲ್ ಎನ್ಫೀಲ್ಡ್ ಭಾರತದಲ್ಲಿನ ಅತಿದೊಡ್ಡ ಪ್ರೀಮಿಯಂ ಮೋಟಾರ್ಸೈಕಲ್ ಬ್ರಾಂಡ್ ಗಳಲ್ಲಿ ಒಂದಾಗಿದೆ. ಈ ರಾಯಲ್ ಎನ್ಫೀಲ್ಡ್ ಕಂಪನಿಯು 2021ರ ನವೆಂಬರ್ ತಿಂಗಳಿನ ದ್ವಿಚಕ್ರ ವಾಹನಗಳ ಮಾರಾಟದ ವರದಿಯನ್ನು ಬಹಿರಂಗಪಡಿಸಿದೆ. ಕಳೆದ ತಿಂಗಳು ದೇಶಿಯ ಮಾರುಕಟ್ಟೆಯಲ್ಲಿ ರಾಯಲ್ ಎನ್ಫೀಲ್ಡ್ ಕಂಪನಿಯು 44,830 ಯುನಿಟ್ಗಳನ್ನು ಮಾರಾಟ ಮಾಡಿದೆ.
ಕಳೆದ ವರ್ಷದ ನವೆಂಬರ್ ತಿಂಗಳಿನಲ್ಲಿ ರಾಯಲ್ ಎನ್ಫೀಲ್ಡ್ ಕಂಪನಿಯು 59,084 ಯುನಿಟ್ಗಳನ್ನು ಮಾರಾಟ ಮಾಡಲಾಗಿತ್ತು. ಇದನ್ನು ಕಳೆದ ತಿಂಗಳ ಮಾರಾಟಕ್ಕೆ ಹೋಲಿಸಿದರೆ ಶೇ.24 ರಷ್ಟು ಕುಸಿತವನ್ನು ಕಂಡಿದೆ. ಇನ್ನು ಕಳೆದ ತಿಂಗಳಿನಲ್ಲಿ ರಾಯಲ್ ಎನ್ಫೀಲ್ಡ್ ಕಂಪನಿಯು 6,824 ಯುನಿಟ್ಗಳನ್ನು ರಫ್ತು ಮಾಡಿದೆ. ಇನ್ನು ಕಳೆದ ವರ್ಷದ ನವೆಂಬರ್ ತಿಂಗಳಿನಲ್ಲಿ 4,698 ಯುನಿಟ್ಗಳನ್ನು ರಫ್ಟು ಮಾಡಲಾಗಿತ್ತು. ಇದನ್ನು ಕಳೆದ ತಿಂಗಳ ರಫ್ತಿಗೆ ಹೋಲಿಸಿದರೆ ಶೇ.45 ರಷ್ಟು ಹೆಚ್ಚಳವಾಗಿದೆ.
ಒಟ್ಟಾರೆಯಾಗಿ, ರಾಯಲ್ ಎನ್ಫೀಲ್ಡ್ ಕಂಪನಿಯು ಈ ವರ್ಷದ ನವೆಂಬರ್ನಲ್ಲಿ ಒಟ್ಟು 51,654 ಯುನಿಟ್ಗಳನ್ನು ಮಾರಾಟ ಮಾಡುವುದರೊಂದಿಗೆ ಶೇಕಡಾ 19 ರಷ್ಟು ಕುಸಿತವನ್ನು ಕಂಡಿದೆ, ಕಳೆದ ವರ್ಷದ ಇದೇ ತಿಂಗಳಿಗೆ 63,782 ಯುನಿಟ್ಗಳು ಮಾರಾಟವಾಗಿದ್ದವು. ರಾಯಲ್ ಎನ್ಫೀಲ್ಡ್ ಮಾಸಿಕ ಆಧಾರದ ಮೇಲೆ ಮಾರಾಟದಲ್ಲಿ ಕುಸಿತವನ್ನು ಕಂಡಿದೆ.
ಕಂಪನಿಗೆ ಪ್ರತಿ ತಿಂಗಳು ರಫ್ತುಗಳು ಬಲವಾಗಿ ಬೆಳೆಯುತ್ತಿದೆ. ಏಪ್ರಿಲ್ ಮತ್ತು ನವೆಂಬರ್ ನಡುವೆ ರಾಯಲ್ ಎನ್ಫೀಲ್ಡ್ ಮಾರಾಟವು 2,95,711 ಯುನಿಟ್ಗಳಷ್ಟು ಆದರೆ ಕಳೆದ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ 3,18,577 ಯುನಿಟ್ಗಳಾಗಿತ್ತು, ಇದರಲ್ಲಿ ಶೇಕಡಾ 7 ರಷ್ಟು ಕುಸಿತವಾಗಿದೆ.