Just In
- 7 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 10 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 10 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 12 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ಹೊಂದಿರುವ ದ್ವಿಚಕ್ರ ವಾಹನಗಳಿವು
ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ಅನ್ನು ಇತ್ತೀಚಿಗೆ ದೇಶಿಯ ದ್ವಿಚಕ್ರ ವಾಹನ ಮಾರುಕಟ್ಟೆ ಬಿಡುಗಡೆಯಾಗುತ್ತಿರುವ ಹಲವು ವಾಹನಗಳಲ್ಲಿ ನೀಡಲಾಗುತ್ತಿದೆ. ಈ ಫೀಚರ್ ಅನ್ನು ಕೆಲವು ವರ್ಷಗಳ ಹಿಂದಷ್ಟೇ ಪರಿಚಯಿಸಲಾಗಿತ್ತು.
ಮೊದಲು ಈ ಫೀಚರ್ ಅನ್ನು ಕೆಲವೇ ಕೆಲವು ಬೈಕ್ ಹಾಗೂ ಸ್ಕೂಟರ್ಗಳಲ್ಲಿ ಮಾತ್ರ ನೀಡಲಾಗುತ್ತಿತ್ತು. ಆದರೆ ಈಗ ಈ ಫೀಚರ್ ಅನ್ನು ಹೀರೋ ಮೊಟೊಕಾರ್ಪ್, ಟಿವಿಎಸ್, ಯಮಹಾ, ಸುಜುಕಿಯಂತಹ ಕಂಪನಿಗಳ ಬೈಕ್ ಹಾಗೂ ಸ್ಕೂಟರ್ಗಳಲ್ಲಿ ನೀಡಲಾಗುತ್ತಿದೆ. ದೇಶಿಯ ಮಾರುಕಟ್ಟೆಯಲ್ಲಿರುವ ಯಾವ ಯಾವ ದ್ವಿಚಕ್ರ ವಾಹನಗಳು ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ಹೊಂದಿವೆ ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
ಹೀರೋ ಮೊಟೊಕಾರ್ಪ್
ಗ್ಲಾಮರ್ ಎಕ್ಸ್ಟೆಕ್, ಹೀರೋ ಮೋಟೊಕಾರ್ಪ್ ಕಂಪನಿಯ ಹೊಸ ಬೈಕ್ ಆಗಿದ್ದು, ಈ ಬೈಕಿನಲ್ಲಿ ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ನೀಡಲಾಗಿದೆ. ಈ ಬೈಕ್ ಅನ್ನು ಇತ್ತೀಚೆಗಷ್ಟೇ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗಿದೆ.
ಹೀರೋ ಮೋಟೊಕಾರ್ಪ್ ಕಂಪನಿಯ ಹೀರೋ ಎಕ್ಟ್ರೀಮ್ 200 ಎಸ್, ಎಕ್ಸ್ಪಲ್ಸ್ 200, ಎಕ್ಸ್ಪಲ್ಸ್ 200 ಟಿ ಬೈಕ್ಗಳಲ್ಲಿ ಸಹ ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ನೀಡಲಾಗುತ್ತದೆ. ಇದರ ಜೊತೆಗೆ ಎಲ್ಇಡಿ ಡಿಸ್ ಪ್ಲೇ ಕೂಡ ನೀಡಲಾಗುತ್ತದೆ.
ಬೈಕ್ ಸವಾರರು ತಮ್ಮ ಮೊಬೈಲ್ ಫೋನ್ ಮೂಲಕ ಬೈಕ್ ಅನ್ನು ಬ್ಲೂಟೂತ್ಗೆ ಕನೆಕ್ಟ್ ಮಾಡಬಹುದು. ಈ ಫೀಚರ್ ಮೂಲಕ ಫೋನ್ ಕಾಲ್ ಹಾಗೂ ಎಸ್ಎಂಎಸ್'ಗಳನ್ನು ನಿರ್ವಹಿಸುವುದು ಮಾತ್ರವಲ್ಲದೇ ನ್ಯಾವಿಗೇಷನ್ ಹಾಗೂ ಗೇರ್ ಸಂಖ್ಯೆಯ ಬಗ್ಗೆಯೂ ಮಾಹಿತಿ ಪಡೆಯಬಹುದು.
ಟಿವಿಎಸ್ ಅಪಾಚೆ ಆರ್ಟಿಆರ್ 200 4 ವಿ
ಟಿವಿಎಸ್ ಮೋಟಾರ್ ಕಂಪನಿಯ ಅಪಾಚೆ ಆರ್ಟಿಆರ್ 200 4 ವಿ ಬೈಕಿನಲ್ಲಿಯೂ ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ನೀಡಲಾಗಿದೆ. ಈ ಬೈಕ್ನಲ್ಲಿ ಬ್ಲೂಟೂತ್ ಅನ್ನು ಇನ್ಸ್'ಟ್ರೂಮೆಂಟ್ ಕ್ಲಸ್ಟರ್ನೊಂದಿಗೆ ಜೋಡಿಸಬಹುದು.
ಇದರ ಮೂಲಕ ಫೋನ್ ಕಾಲ್, ಬೈಕ್ ಸ್ಪೀಡ್ ಹಾಗೂ ಲ್ಯಾಪ್ ಸಮಯವನ್ನು ನಿಯಂತ್ರಿಸಬಹುದು. ಟಿವಿಎಸ್ ಕಂಪನಿಯು ಈ ಬೈಕ್ನೊಂದಿಗೆ ಫೋನ್ ಅಪ್ಲಿಕೇಶನ್ ಅನ್ನು ಸಹ ಒದಗಿಸುತ್ತಿದೆ. ಇದರ ಸಹಾಯದಿಂದ ಬೈಕ್ ಸವಾರರು ತಮ್ಮ ಮಾರ್ಗವನ್ನು ಟ್ರ್ಯಾಕ್ ಮಾಡಬಹುದು.
ಟಿವಿಎಸ್ ಎನ್ ಟಾರ್ಕ್ 125
ಟಿವಿಎಸ್ ಎನ್ ಟಾರ್ಕ್ 125 ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ಹೊಂದಿದ ಮೊದಲ ಸ್ಕೂಟರ್ಗಳಲ್ಲಿ ಒಂದಾಗಿದೆ. ಎನ್ ಟಾರ್ಕ್, 125 ಸಿಸಿ ಸ್ಕೂಟರ್ ಸೆಗ್ ಮೆಂಟಿನಲ್ಲಿ ಹಲವಾರು ಫೀಚರ್'ಗಳನ್ನು ಹೊಂದಿದೆ.
ಈ ಸ್ಕೂಟರ್ನಲ್ಲಿ ಬ್ಲೂಟೂತ್ಗೆ ಸಂಪರ್ಕ ಕಲ್ಪಿಸಲು ಸ್ಮಾರ್ಟ್ ಕನೆಕ್ಟ್ ಸ್ಮಾರ್ಟ್ಫೋನ್ ಅಪ್ಲಿಕೇಶನ್ ನೀಡಲಾಗಿದೆ. ಈ ಅಪ್ಲಿಕೇಶನ್ ಸವಾರರಿಗೆ ಫೋನ್ ನೋಟಿಫಿಕೇಶನ್, ನ್ಯಾವಿಗೇಷನ್ ಸೇರಿದಂತೆ ಹಲವಾರು ಮಾಹಿತಿಗಳನ್ನು ಒದಗಿಸುತ್ತದೆ.
ಸುಜುಕಿ
ಸುಜುಕಿ ಕಂಪನಿಯು ತನ್ನ ಆಕ್ಸೆಸ್ 125 ಹಾಗೂ ಬರ್ಗ್ಮನ್ ಸ್ಟ್ರೀಟ್ ಸ್ಕೂಟರ್'ಗಳನ್ನು 2020 ರಲ್ಲಿ ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್'ನೊಂದಿಗೆ ಅಪ್ ಡೇಟ್ ಮಾಡಿದೆ. ಈ ಎರಡೂ ಸ್ಕೂಟರ್ಗಳು ಹಲವಾರು ಫೀಚರ್'ಗಳನ್ನು ಹೊಂದಿವೆ.
ಇವುಗಳಲ್ಲಿ ಹೊಸ ಎಲ್ಸಿಡಿ ಡಿಸ್ಪ್ಲೇ ಸ್ಕ್ರೀನ್ ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್, ವಾಟ್ಸಾಪ್ ಅಲರ್ಟ್, ಮಿಸ್ಡ್ ಕಾಲ್ ಅಲರ್ಟ್, ಕಾಲರ್ ಐಡಿ, ಓವರ್-ಸ್ಪೀಡ್ ವಾರ್ನಿಂಗ್ ಫೋನ್ ಬ್ಯಾಟರಿ ಲೆವೆಲ್ ಫೀಚರ್'ಗಳು ಸೇರಿವೆ. ಕನೆಕ್ಟಿವಿಟಿಗಾಗಿ ಈ ಸ್ಕೂಟರ್ಗಳಲ್ಲಿ ಸುಜುಕಿ ರೈಡ್ ಕನೆಕ್ಟ್ ಸ್ಮಾರ್ಟ್ ಫೋನ್ ಅಪ್ಲಿಕೇಶನ್ ನೀಡಲಾಗಿದೆ.
ಯಮಹಾ
ಇತ್ತೀಚೆಗೆ ಬಿಡುಗಡೆಯಾದ ಯಮಹಾ ಕಂಪನಿಯ ಎಫ್ಝಡ್ ಎಕ್ಸ್ 150 ಸಿಸಿ ಬೈಕಿನಲ್ಲಿ ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ನೀಡಲಾಗಿದೆ. ಇದರ ಹೊರತಾಗಿ ಕಂಪನಿಯ ಜನಪ್ರಿಯ ಎಫ್ಝಡ್ಎಸ್ -ಎಫ್ಐ ಬೈಕಿನಲ್ಲಿಯೂ ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ನೀಡಲಾಗಿದೆ.
ಹೊಸ ಫ್ಯಾಸಿನೊ ಹಾಗೂ ರೇ ಝಡ್ ಆರ್ ಸ್ಕೂಟರ್ಗಳಲ್ಲಿಯೂ ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ನೀಡಲಾಗಿದೆ. ಶೀಘ್ರದಲ್ಲೇ ಎಂಟಿ -15, ಆರ್ 15 ಮತ್ತು 250 ಸಿಸಿ ಸರಣಿಯ ಬೈಕ್ಗಳಲ್ಲಿಯೂ ಬ್ಲೂಟೂತ್ ಕನೆಕ್ಟಿವಿಟಿ ಫೀಚರ್ ನೀಡಲಾಗುವುದು ಎಂದು ಕಂಪನಿ ಹೇಳಿದೆ.
ಯಮಹಾ ಮೋಟಾರ್ ಇಂಡಿಯಾ ಕಂಪನಿಯು ತನ್ನ ವಾಹನಗಳಲ್ಲಿ ಎರಡು ಬ್ಲೂಟೂತ್ ಆಪ್ಗಳನ್ನು ನೀಡುತ್ತದೆ. ಇವುಗಳಲ್ಲಿ ಯಮಹಾ ಮೋಟಾರ್ಸೈಕಲ್ ಕನೆಕ್ಟ್ ಎಕ್ಸ್ ಹಾಗೂ ವೈ-ಕನೆಕ್ಟ್'ಗಳು ಸೇರಿವೆ.
ಯಮಹಾದ ಮೋಟಾರ್ಸೈಕಲ್ ಕನೆಕ್ಟ್-ಎಕ್ಸ್ ಅಪ್ಲಿಕೇಶನ್ ಬ್ಯಾಟರಿ ವೋಲ್ಟೇಜ್, ಪಾರ್ಕಿಂಗ್ ರೆಕಾರ್ಡ್, ಇ-ಲಾಕ್, ಲೊಕೇಶನ್ ಟ್ರ್ಯಾಕಿಂಗ್, ರೈಡಿಂಗ್ ಹಿಸ್ಟರಿ ಮುಂತಾದ ಫೀಚರ್'ಗಳನ್ನು ಹೊಂದಿದ್ದರೆ, ವೈ-ಕನೆಕ್ಟ್ ಫೋನ್ ಕಾಲ್, ಎಸ್ಎಂಎಸ್ ಅಲರ್ಟ್, ಕನೆಕ್ಟೆಡ್ ಮೊಬೈಲ್ ಫೋನ್ ಬ್ಯಾಟರಿ ಲೆವೆಲ್ ಹಾಗೂ ಇನ್ನಿತರ ನೋಟಿಫಿಕೇಶನ್'ಗಳನ್ನು ನೀಡುತ್ತದೆ.