Just In
- 21 min ago ಬೈಕಿನಂತೆ ಮೈಲೇಜ್, ಹಿಂದೆಗಿಂತಲೂ ಬಲಿಷ್ಠವಾಗಿ ಸ್ವಿಫ್ಟ್ ಅಖಾಡಕ್ಕೆ: ಖರೀದಿಸಲು ಕ್ಯೂ ನಿಲ್ಲಲು ರೆಡಿಯಾಗಿರಿ!
- 1 hr ago Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
- 2 hrs ago ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- 3 hrs ago ಭರ್ಜರಿ ಸಿಹಿಸುದ್ದಿ: ಸ್ಕೋಡಾ ಕೊಡಿಯಾಕ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
Don't Miss!
- News Bengaluru Rain: ಮುದ್ದಿನ ನಾಯಿಮರಿಗೆ ಮೊದಲ ಮಳೆ ತೋರಿಸಿ ಖುಷಿ ಪಟ್ಟ ವ್ಯಕ್ತಿ; ವಿಡಿಯೋ ವೈರಲ್
- Lifestyle ಮಕ್ಕಳಲ್ಲಿ ಮಲೇರಿಯಾ: ಹೇಗೆ ಬರುತ್ತದೆ, ಇದರ ಲಕ್ಷಣಗಳೇನು? ತಡೆಗಟ್ಟುವುದು ಹೇಗೆ?
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Movies Lok Sabha Election 2024: ಕನ್ನಡ ತಾರೆಯರು ನಾಳೆಏಪ್ರಿಲ್ 26 ಎಲ್ಲೆಲ್ಲಿ ತಮ್ಮ ಹಕ್ಕು ಚಲಾಯಿಸುತ್ತಾರೆ?
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೀರೋ ಸ್ಪ್ಲೆಂಡರ್ಗೆ GOGO A1ನ ಎಲೆಕ್ಟ್ರಿಕ್ ಕನ್ವರ್ಷನ್ ಕಿಟ್ ಅಳವಡಿಸಲು ARAI ಅನುಮೋದನೆ
ಸತತವಾಗಿ ಏರಿಕೆಯಾಗುತ್ತಿರುವ ತೈಲ ಬೆಲೆಯಿಂದಾಗಿ ದೇಶದಾದ್ಯಂತ ಮಧ್ಯಮ ಹಾಗೂ ಬಡ ವರ್ಗದ ಜನರು ನಿತ್ಯ ತಮ್ಮ ವಾಹನಗಳಿಗೆ ಪೆಟ್ರೋಲ್ ಖರೀದಿಸುವುದೇ ದೊಡ್ಡ ಸವಾಲಾಗಿ ಪರಿಣಮಿಸಿದೆ. ಹಾಗಾಗಿ ಜನರು ಎಲೆಕ್ಟ್ರಿಕ್ ವಾಹನಗಳತ್ತ ಆಸಕ್ತಿ ತೋರುತ್ತಿದ್ದು, ಭಾರತದಲ್ಲಿ ಸದ್ಯ ಎಲೆಕ್ಟ್ರಿಕ್ ವಾಹನಗಳ ಮಾರಟ ಹೆಚ್ಚಾಗಿದೆ.
ಇನ್ನು ಆರ್ಥಿಕವಾಗಿ ಹಿಂದುಳಿದವರು ಇವಿ ವಾಹನಗಳನ್ನು ಖರೀದಿಸುವ ಬದಲು ಈಗಾಗಲೇ ಇರುವ ವಾಹನವನ್ನು ಎಲೆಕ್ಟ್ರಿಕ್ ವಾಹನವನ್ನಾಗಿ ಬದಲಿಸಿಕೊಳ್ಳುತ್ತಿದ್ದಾರೆ. ಎಲೆಕ್ಟ್ರಿಕ್ ಮೊಬಿಲಿಟಿ ಅಳವಡಿಕೆಗೆ ಸರ್ಕಾರ ಕೂಡ ಉತ್ತೇಜಿಸುತ್ತಿದ್ದು, ಮುಂದಿನ ದಿನಗಳಲ್ಲಿ ಐಸಿಇ (Internal Combustion Engine) ವಾಹನಗಳಿಗೆ ಎಲೆಕ್ಟ್ರಿಕ್ ಪರಿವರ್ತನೆ ಕಿಟ್ಗಳ ಅಳವಡಿಕೆಗೆ ಬೇಡಿಕೆ ಹೆಚ್ಚಾಗುವ ನಿರೀಕ್ಷಿಯಿದೆ.
ಕಳೆದ ವರ್ಷ ಸೆಪ್ಟೆಂಬರ್ನಲ್ಲಿ ಮುಂಬೈ-ಆಧಾರಿತ ಗೋಗೊ ಎ 1 ಎಂಬ ಸಂಸ್ಥೆ ಹೀರೋ ಬೈಕ್ಗಾಗಿ ವಿದ್ಯುತ್ ಪರಿವರ್ತನಾ ಕಿಟ್ ಅನ್ನು ನಿರ್ಮಿಸಿತ್ತು. ಈ ಕಿಟ್ ಬ್ಯಾಟರಿ ಇಲ್ಲದೆ 35,000 ರೂ. ಇದ್ದು, ಬ್ಯಾಟರಿ ಪ್ಯಾಕ್ನೊಂದಿಗೆಯಾದರೆ 95,000 (151 ಕಿ.ಮೀ. ಮೈಲೇಜ್)ರೂ.ಗಳನ್ನು ನಿಗಧಿಪಡಿಸಲಾಗಿದೆ.
ಈ ಕಿಟ್ ಈಗಾಗಲೇ ಆರ್ಟಿಒ ಹಾಗೂ ಅರಾಯ್ (Automotive Research Association of India)ಅನುಮೋದನೆಯನ್ನು ಸಹ ಪಡೆದುಕೊಂಡಿದೆ. ಇದೀಗ ಆಸಕ್ತ ಗ್ರಾಹಕರು ತಮ್ಮ ವಾಹನಗಳನ್ನು GOGO A1ನ ಎಲೆಕ್ಟ್ರಿಕ್ ಪರಿವರ್ತನೆ ಕಿಟ್ ಅನ್ನು ಅಳವಡಿಸಿಕೊಳ್ಳಬಹುದು.
ಇದಕ್ಕಾಗಿ ಬಳಕೆದಾರರು ತಮ್ಮ ಮೋಟಾರ್ಸೈಕಲ್ ಅನ್ನು ಕಂಪನಿಯ ಕಾರ್ಯಾಗಾರಕ್ಕೆ ತರಬೇಕಾಗುತ್ತದೆ. ಈಗ ದೇಶದಾದ್ಯಂತ 36 ಆರ್ಟಿಒ ಸ್ಥಳಗಳಲ್ಲಿ ಈ ಪ್ರಕ್ರಿಯೆ ಹರಡಿದ್ದು, ಇದು ಸಂಪೂರ್ಣವಾಗಿ ಕಾನೂನಿನಿಂದ ಅನುಮೋದನೆ ಪಡೆದ ಕಿಟ್ ಆಗಿದೆ. ಅಂದರೆ ಖರೀದಿದಾರರು ಪರಿವರ್ತಿತ ಮೋಟಾರ್ಸೈಕಲ್ಗಾಗಿ ವಿಮೆಯನ್ನು ಸಹ ಪಡೆಯಬಹುದು.
ಇವಿ ಪರಿವರ್ತನೆಗೆ ಸ್ಥಳೀಯ ಆರ್ಟಿಒನಿಂದ ಮರು-ನೋಂದಣಿಯ ಅಗತ್ಯವಿರುತ್ತದೆ. ಈ ಪ್ರಕ್ರಿಯೆಯಲ್ಲಿ ನೋಂದಣಿ ಸಂಖ್ಯೆ ಒಂದೇ ಆಗಿದ್ದರೂ ಹೊಸ ಹಸಿರು ಗ್ರೀನ್ ನಂಬರ್ ಪ್ಲೇಟ್ ಅನ್ನು ನೀಡಲಾಗುತ್ತದೆ. ಇಂತಹ ಪರಿವರ್ತನೆ ಕಿಟ್ಗಳು ಇನ್ನು ಮುಂದೆ ಸಾಮಾನ್ಯವಾಗಿರಲಿದ್ದು, ಭಾರತವು ನಿಧಾನವಾಗಿ ಐಸಿಈ ವಾಹನಗಳನ್ನು ಹಂತ ಹಂತವಾಗಿ ತಗ್ಗಿಸಲು ಪ್ರಯತ್ನಿಸುತ್ತಿದೆ.
ಇದರ ಮುಖ್ಯ ಉದ್ದೇಶ ರಸ್ತೆಗಳಲ್ಲಿ ಟೈಲ್ಪೈಪ್ ಹೊರಸೂಸುವಿಕೆಯನ್ನು ಕಡಿಮೆ ಮಾಡುವುದಾಗಿದೆ. ನಾರ್ತ್ವೇ ಮೋಟಾರ್ಸ್ಪೋರ್ಟ್ಸ್ ಸಹ ಕೆಲವು ಇವಿ ಪರಿವರ್ತನೆ ಕಿಟ್ಗಳನ್ನು ಮಾರಾಟ ಮಾಡಿದ್ದಾರೆ. ಆದರೆ ಇವು ಕಾರುಗಳು ಮತ್ತು ಸಣ್ಣ ವಾಣಿಜ್ಯ ವಾಹನಗಳಿಗೆ ಮಾತ್ರ ಹೊಂದಿಕೆಯಾಗಲಿದೆ.
ಇನ್ನು GOGO A1ನ ಇವಿ ಕಿಟ್ 2 ಕೆ.ಡಬ್ಲ್ಯು ಎಲೆಕ್ಟ್ರಿಕ್ ಮೋಟಾರ್ ಅನ್ನು ಹೊಂದಿದ್ದು, ಇದು ಹಿಂಭಾಗದ ಚಕ್ರದ ಹಬ್ನಲ್ಲಿ ಜೋಡಿಸಲಾಗಿದೆ. ಈ ಮೂಲಕ ಇದನ್ನು 3.94 kW ನ ಗರಿಷ್ಠ ಶಕ್ತಿಯಲ್ಲಿ ರೇಟ್ ಮಾಡಲಾಗಿದೆ. ಇದು 2.8 kWh ಬ್ಯಾಟರಿ ಪ್ಯಾಕ್ನಿಂದ ಫೆಡ್ ಆಗುತ್ತದೆ, ರೀಜನರೇಟಿವ್ ಬ್ರೇಕಿಂಗ್ ವ್ಯವಸ್ಥೆಯನ್ನು ಪಡೆದುಕೊಂಡಿದೆ.
ಕಿಟ್ ಸಹ DC-DC ಪರಿವರ್ತಕ, ಹೊಸ ವೇಗವರ್ಧಕ ವೈರಿಂಗ್, ನಿಯಂತ್ರಕ ಪೆಟ್ಟಿಗೆಯೊಂದಿಗೆ ಪ್ರಮುಖ ಸ್ವಿಚ್, ಹೊಸ ಸ್ವಿಂಗರ್ಮ್, ಇತ್ಯಾದಿಗಳಂತಹ ಇತರ ಘಟಕಗಳನ್ನು ಒಳಗೊಂಡಿದೆ. ಈ ಕಿಟ್ ಅನ್ನು ಹೀರೋ ಸ್ಪ್ಲೆಂಡರ್ (1997 ಮಾದರಿ ವರ್ಷದಲ್ಲಿ)ಗೆ ಮಾತ್ರ ಅನುಮೋದಿಸಲಾಗಿದೆ ಎಂಬುದನ್ನು ಇಲ್ಲಿ ಗಮನಿಸಬೇಕಾದ ಸಂಗತಿ.
ಭಾರತೀಯ ಮಾರುಕಟ್ಟೆಯಲ್ಲಿ ಸ್ಪ್ಲೆಂಡರ್ ಬೈಕ್ ಅತ್ಯಂತ ಜನಪ್ರಿಯ ಮಾದರಿಯಾಗಿದ್ದು ಇದನ್ನು ತಂತ್ರಜ್ಞಾನಕ್ಕೆ ಬಳಕೆ ಮಾಡುವುದು ಪರಿಪೂರ್ಣವಾದ ಆಯ್ಕೆಯಾಗಿದೆ. ಇವಿ ಪರಿವರ್ತನೆ ಕಿಟ್ಗಳು ದ್ರವ್ಯರಾಶಿಗಳಿಗೆ ಎಲೆಕ್ಟ್ರಿಕ್ ಮೊಬಿಲಿಟಿಯನ್ನು ಒದಗಿಸುವ ಪ್ರಾಯೋಗಿಕ ಪರಿಹಾರವಾಗಿದೆ.
ಇಂತಹ ಕಿಟ್ಗಳು ಶೀಘ್ರದಲ್ಲೇ ಹಳೆಯ ಇತರ ವಾಹನಗಳಿಗೂ ಲಭ್ಯವಾಗುವ ನಿರೀಕ್ಷೆಯಿದೆ. ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಮಾರುಕಟ್ಟೆ ಭಾರತದಲ್ಲಿ ಸ್ಥಿರವಾಗಿ ಬೆಳೆಯುತ್ತಿದೆ, ಬಹಳಷ್ಟು ಹೊಸ ಮಾದರಿಗಳು ಮಾರುಕಟ್ಟೆಗೆ ಲಗ್ಗೆಯಿಡಲು ಕಾತುರದಿಂದ ಕಾಯುತ್ತಿವೆ.
ಆದರೆ ಮಾರುಕಟ್ಟೆಯಲ್ಲಿ ಈಗಾಗಲೇ ಇರುವ ಉತ್ತಮ ಇವಿಗಳಿಗೆ ಪೈಟೋಟಿ ನೀಡುವ ಸಾಮರ್ಥ್ಯವನ್ನು ಹೊಂದಿರದ ಕಾರಣದಿಂದ ಹಲವು ಕಂಪನಿಗಳು ಬಿಡುಗಡೆ ಮಾಡಲು ಹಿಂದಕ್ಕೆ ಸರಿಯುತ್ತಿವೆ. ಈ ನಿಟ್ಟಿನಲ್ಲಿ ಬೆಲೆ, ಮೈಲೆಜ್, ವಿನ್ಯಾಸ ಸೇರಿದಂತೆ ಹಲವು ವೈಶಿಷ್ಟಗಳಲ್ಲಿ ಸುಧಾರಣೆ ತರಲು ತಮ್ಮ ಮಾದರಿಗಳ ಅಭಿವೃದ್ದಿಗೆ ಕೆಲಸ ಮಾಡುತ್ತಿವೆ.
ಮತ್ತೊಂದೆಡೆ ದೇಶವನ್ನು ಎಲೆಕ್ಟ್ರಿಕ್ ಆಗಿಸಲು ಸರ್ಕಾರ ಕೂಡ ಇವಿ ಚಾರ್ಜಿಂಗ್ ಮೂಲಸೌಕರ್ಯಗಳನ್ನು ಭಾರತದಾದ್ಯಂತ ಅಭಿವೃದ್ಧಿಗೊಳಿಸುತ್ತಿದ್ದು, ವಿದ್ಯುತ್ ವಾಹನಗಳು ಶೀಘ್ರದಲ್ಲೇ ಇಂಧನ ಚಾಲಿತ ವಾಹನಗಳನ್ನು ಹಿಂದಿಕ್ಕುವ ಸಾಧ್ಯತೆಯಿದೆ.