Just In
- 5 min ago Jonty Rhodes: ರಾಯಲ್ ಎನ್ಫೀಲ್ಡ್ ಬೈಕ್ಗಳಿಗೆ ಮನಸೋತ ದ.ಆಫ್ರಿಕಾ ಕ್ರಿಕೆಟರ್!
- 13 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 14 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 15 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
Don't Miss!
- Sports Virat Kohli vs Gautam Gambhir: ವಿರಾಟ್, ಗೌತಮ್ ನಡುವೆ ಬಿರುಕು ಹುಟ್ಟಲು ಕಾರವೇನು? ಇಲ್ಲಿದೆ ಮಾಹಿತಿ
- Lifestyle ಗುಡ್ಫ್ರೈಡೆ ಆಚರಣೆ ಹುಟ್ಟಿದ್ದು ಹೇಗೆ? ಇದರ ಮಹತ್ವವೇನು ಗೊತ್ತಾ?
- Movies ಮಂಗಳ ಗ್ರಹದಿಂದ ಬಂದಿದ್ದಾರೆ ಎಂಬಷ್ಟು ವಿಚಿತ್ರ ವ್ಯಕ್ತಿ ರಾಹುಲ್ ಗಾಂಧಿ ; ಕಂಗನಾ ರಣಾವತ್..!
- Finance ಕಳೆದ 5 ವರ್ಷಗಳಲ್ಲಿ ಸಂಸದ ಡಿಕೆ ಸುರೇಶ್ ಅವರ ಆಸ್ತಿ 75% ರಷ್ಟು ಹೆಚ್ಚಳ, ವಿವರ
- Technology ಬಿಎಸ್ಎನ್ಎಲ್ ಗ್ರಾಹಕರಿಗೆ ಸಿಹಿಸುದ್ದಿ!..ಬಜೆಟ್ ದರದಲ್ಲಿ ಹೊಸ ಪ್ಲ್ಯಾನ್ ಲಾಂಚ್!
- News Gold Price: ಇಂದು ಮತ್ತಷ್ಟು ಹೆಚ್ಚಾದ ಬಂಗಾರದ ಬೆಲೆ: ಬೆಳ್ಳಿಯೂ ಬಲು ದುಬಾರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೌಸ್ ಬೋಟ್ನಲ್ಲಿ ತೇಲುವ ಶೋರೂಂ ಆರಂಭಿಸಿದ ಹೋಂಡಾ ಮೋಟಾರ್ಸೈಕಲ್
ದೇಶಿಯ ಮಾರುಕಟ್ಟೆಯಲ್ಲಿ ದ್ವಿಚಕ್ರ ವಾಹನ ಮಾರಾಟದಲ್ಲಿ ವಿವಿಧ ಮಾದರಿಗಳೊಂದಿಗೆ ಅಗ್ರಸ್ಥಾನ ಕಾಯ್ದುಕೊಂಡಿರುವ ಹೋಂಡಾ ಮೋಟಾರ್ಸೈಕಲ್ ಕಂಪನಿಯು ಗ್ರಾಹಕರ ತಲುಪುವಿಕೆಯಲ್ಲಿ ಹಲವಾರು ಅಭಿಯಾನಗಳ ಮೂಲಕ ಯಶಸ್ವಿಯಾಗಿದೆ.
ಗ್ರಾಹರಕನ್ನು ತಲುಪಲು ಹಲವಾರು ಅಭಿಯಾನಗಳ ಮೂಲಕ ಯಶಸ್ವಿಯಾಗಿರುವ ಹೋಂಡಾ ದ್ವಿಚಕ್ರ ವಾಹನ ವಿಭಾಗವು ಇದೀಗ ಮತ್ತೊಂದು ಹೊಸ ಪ್ರಯತ್ನಕ್ಕೆ ಕೈಹಾಕಿದ್ದು, ಹೌಸ್ ಬೋಟ್ನಲ್ಲಿ ತೇಲುವ ಶೋರೂಂ ಆರಂಭಿಸಿ ಗ್ರಾಹಕರನ್ನು ಸೆಳೆಯುತ್ತಿದೆ.
ಹೌದು, ಹೋಂಡಾ ದ್ವಿಚಕ್ರ ವಾಹನ ವಿಭಾಗವು ಕೇರಳದಲ್ಲಿ ಮೊದಲ ಬಾರಿಗೆ ಭೌಗೋಳಿಕ ಅಡೆತಡೆಗಳನ್ನು ನಿವಾರಿಸಿ ಹೌಸ್ ಬೋಟ್ನಲ್ಲಿ ತೇಲುವ ಶೋರೂಂ ಆರಂಭಿಸಿದೆ.
ಹಿನ್ನೀರಿನಿಂದ ಹೆಚ್ಚು ಜಲಾವೃತವಾಗಿ ಪ್ರದೇಶಗಳಲ್ಲಿನ ಗ್ರಾಹಕರನ್ನು ಸೆಳೆಯುವ ಉದ್ದೇಶದಿಂದ ಕಂಪನಿಯು ಹೊರಾಂಗಣ ಜಾಹೀರಾತು ಭಾಗವಾಗಿ ಹೌಸ್ ಬೋಟ್ನಲ್ಲಿ ತೇಲುವ ಶೋರೂಂ ಆರಂಭಿಸಿದ್ದು, ಹೌಸ್ ಬೋಟ್ನಲ್ಲಿ ತೇಲುವ ಶೋರೂಂ ಆರಂಭದ ನಂತರ ಕಂಪನಿಯ ಬೇಡಿಕೆ ಪ್ರಮಾಣವು ನಿರ್ದಿಷ್ಟ ವ್ಯಾಪ್ತಿಯಲ್ಲಿ ಸಾಕಷ್ಟು ಹೆಚ್ಚಳವಾಗಿದೆ.
ಹೊಸ ಉಪಕ್ರಮದೊಂದಿಗೆ ಹೋಂಡಾ ಕಂಪನಿಯು ತನ್ನ ಜನಪ್ರಿಯ ಆಕ್ಟೀವಾ ಸ್ಕೂಟರ್ ಅನ್ನು ಪ್ರದರ್ಶನಗೊಳಿಸುತ್ತಿದ್ದು, ಓಣಂ ಆಚರಣೆಗೆ ಮುನ್ನ ಅಲೆಪ್ಪಿಯ ಅರುಕುಟ್ಟಿಯಿಂದ ಆರಂಭವಾದ ಹೌಸ್ ಬೋಟ್ ಶೋರೂಂ ಅಭಿಯಾನವು ಇದೀಗ ಅಲಪ್ಪುಳಕ್ಕೆ ತಲುಪಿದೆ.
ಕಳೆದ ಒಂದು ವಾರದಿಂದ ಆರಂಭವಾಗಿರುವ ಹೌಸ್ ಬೋಟ್ ಶೋರೂಂ ಅಭಿಯಾನವು ಸಾಕಷ್ಟು ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದ್ದು, ಹೊಸ ಅಭಿಯಾನ ಭಾಗವಾಗಿ ಇದು ಕೆಲವು ತಿಂಗಳು ಕಾಲ ಮುಂದುವರಿಯಲಿದೆ.
ಇನ್ನು ದ್ವಿಚಕ್ರ ವಾಹನ ಉತ್ಪಾದನೆಯಲ್ಲಿ ಸಹಭಾಗಿತ್ವ ಹೊಂದಿದ್ದ ಹೀರೋ ಮತ್ತು ಹೋಂಡಾ ಕಂಪನಿಗಳು ಇದೀಗ ಪ್ರತ್ಯೇಕವಾಗಿದ್ದರೂ ಮಾರಾಟದಲ್ಲಿ ಈ ಎರಡು ಕಂಪನಿಗಳು ಸಾಕಷ್ಟು ಪೈಪೋಟಿ ನಡೆಸುತ್ತಿದ್ದು, ಮೊದಲ ಬಾರಿಗೆ ದೇಶಿಯ ಮಾರುಕಟ್ಟೆಯಲ್ಲಿನ ದ್ವಿಚಕ್ರ ವಾಹನ ಮಾರಾಟದಲ್ಲಿ ಹೋಂಡಾ ದ್ವಿಚಕ್ರ ವಾಹನ ಕಂಪನಿಯು ಹೀರೋ ಮೋಟೊಕಾರ್ಪ್ ಕಂಪನಿಯನ್ನು ಹಿಂದಿಕ್ಕಿದೆ.
ವಿಶ್ವದ ಅತಿದೊಡ್ಡ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ ಹೀರೋ ಮೋಟೊಕಾರ್ಪ್ ಮೊದಲ ಬಾರಿಗೆ ಎರಡನೇ ಸ್ಥಾನಕ್ಕೆ ಕುಸಿದಿದ್ದು, ಮತ್ತೊಂದು ಜನಪ್ರಿಯ ದ್ವಿಚಕ್ರ ವಾಹನ ತಯಾರಕ ಕಂಪನಿ ಹೋಂಡಾ ಮೋಟಾರ್ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ (HMSI) 2022ರ ಆಗಸ್ಟ್ ತಿಂಗಳ ದ್ವಿಚಕ್ರ ವಾಹನ ಮಾರಾಟದಲ್ಲಿ ಅಗ್ರಸ್ಥಾನಕ್ಕೇರಿದೆ.
ಮಾರಾಟ ವರದಿಯ ಪ್ರಕಾರ ಕಳೆದ ತಿಂಗಳು ಹೋಂಡಾ ಮೋಟಾರ್ಸೈಕಲ್ ಕಂಪನಿಯು ಒಟ್ಟು 285,400 ಯುನಿಟ್ಗಳನ್ನು ಮಾರಾಟ ಮಾಡಿದರೆ ಹೀರೋ ಮೋಟೋಕಾರ್ಪ್ ಕಂಪನಿಯು 251,939 ಯುನಿಟ್ ಮಾರಾಟ ಮಾಡಿದೆ.
ಎರಡೂ ಕಂಪನಿಗಳ ನಡುವೆ 33,461 ಯುನಿಟ್ ಗಳಷ್ಟು ವ್ಯತ್ಯಾಸಗಳಿದ್ದು, ಇದೀಗ ದಸರಾ ಮತ್ತು ದೀಪಾವಳಿ ವೇಳೆ ಎರಡು ಕಂಪನಿಗಳ ನಡುವಿನ ಮಾರಾಟ ಪೈಪೋಟಿ ಮತ್ತಷ್ಟು ಹೆಚ್ಚಳವಾಗಲಿದೆ.
ಹೋಂಡಾ ಮೋಟಾರ್ಸೈಕಲ್ ಕಂಪನಿಯು ಗ್ರಾಹಕರ ಬೇಡಿಕೆಯೆಂತೆ ತನ್ನ ಜನಪ್ರಿಯ ಮಾದರಿಗಳಲ್ಲಿ ನಿರಂತವಾಗಿ ಹಲವಾರು ಬದಲಾವಣೆಗಳನ್ನು ಪರಿಚಯಿಸುತ್ತಿದ್ದು, ಇತ್ತೀಚೆಗೆ ಕಮ್ಯೂಟರ್ ಬೈಕ್ ಆವೃತ್ತಿಯಾದ ಶೈನ್ ಮಾದರಿಯಲ್ಲಿ ವಿಶೇಷ ಆವೃತ್ತಿ ಬಿಡುಗಡೆ ಮಾಡಿತು.
ಹೊಸ ಶೈನ್ ಸೆಲೆಬ್ರೇಷನ್ ಎಡಿಷನ್ ಮಾದರಿಯು ಸ್ಟ್ಯಾಂಡರ್ಡ್ ಮಾದರಿಗಿಂತಲೂ ಹಲವಾರು ಹೊಸ ಫೀಚರ್ಸ್ ಮತ್ತು ಹೆಚ್ಚುವರಿ ಬಣ್ಣಗಳ ಆಯ್ಕೆಯಲ್ಲಿ ಖರೀದಿಗೆ ಲಭ್ಯವಾಗಿದೆ. ಶೈನ್ ಬೈಕ್ ಮಾದರಿಯು ತನ್ನ ವಿಭಾಗದ ಅತ್ಯುತ್ತಮ ಬೈಕ್ ಮಾದರಿಯಾಗಿ ಗುರುತಿಸಿಕೊಂಡಿದ್ದು, ಹೋಂಡಾ ಕಂಪನಿಯು ಇದೀಗ ಗ್ರಾಹಕರಿಗೆ ಹೊಸ ಆಯ್ಕೆ ನೀಡವುದಕ್ಕಾಗಿ ಶೈನ್ ಸೆಲೆಬ್ರೆಷನ್ ಎಡಿಷನ್ ಬಿಡುಗಡೆ ಮಾಡಿದೆ.
ಶೈನ್ ಸೆಲೆಬ್ರೇಷನ್ ಮಾದರಿಯು ಎಕ್ಸ್ಶೋರೂಂ ಪ್ರಕಾರ ರೂ. 78,878 ಬೆಲೆ ಹೊಂದಿದ್ದು, ಹೊಸ ಮಾದರಿಯು ಸ್ಟ್ಯಾಂಡರ್ಡ್ ಶೈನ್ ಮಾದರಿಗಿಂತ ರೂ. 1500 ದುಬಾರಿಯಾಗಿದೆ. ವಿಶೇಷ ಮಾದರಿಯಲ್ಲಿ ಯಾವುದೇ ತಾಂತ್ರಿಕ ಬದಲಾವಣೆಗಳಿಲ್ಲದಿದ್ದರೂ ಹೊಸ ಫೀಚರ್ಸ್ ಮತ್ತು ಸ್ಪೋರ್ಟಿ ಗ್ರಾಫಿಕ್ಸ್ ಸೌಲಭ್ಯಗಳು ಗ್ರಾಹಕರನ್ನು ವಿಶೇಷ ಆವೃತ್ತಿಯತ್ತ ಗಮನಸೆಳೆಯಲಿದ್ದು, ಅದರ ಆಕರ್ಷಕ ಗೋಲ್ಡನ್ ಥೀಮ್ನೊಂದಿಗೆ ಹೊಸ ನೋಟವನ್ನು ನೀಡುತ್ತದೆ.
ಜೊತೆಗೆ ಗಮನಸೆಳೆಯುವ ಸ್ಟ್ರೈಪ್ಗಳು, ಗೋಲ್ಡನ್ ವಿಂಗ್ ಮಾರ್ಕ್ ಲಾಂಛನ, ಫ್ಯೂಲ್ ಟ್ಯಾಂಕ್ ಮೇಲೆ ಸೆಲೆಬ್ರೇಶನ್ ಎಡಿಷನ್ ಲೋಗೋ ಹೊಸ ಬೈಕಿಗೆ ಹೆಚ್ಚಿನ ಪ್ರೀಮಿಯಂ ಸ್ಟೈಲಿಂಗ್ ನೀಡಲಿದ್ದು, ಹೊಸ ಸ್ಯಾಡಲ್ ಬ್ರೌನ್ ಸೀಟ್ ಹೊಸ ಬೈಕಿಗೆ ಹೊಸ ಲುಕ್ ನೀಡುತ್ತದೆ.
ಇದರೊಂದಿಗೆ ಮ್ಯಾಟ್ ಆಕ್ಸಿಸ್ ಗ್ರೇ ಮೆಟಾಲಿಕ್ ಮಫ್ಲರ್ ಕವರ್, ಸೈಡ್ ಕವರ್ನಲ್ಲಿ ಗೋಲ್ಡನ್ ಟಚ್ ನೀಡಿರುವುದು ಸೆಲೆಬ್ರೇಷನ್ ಮಾದರಿಗೆ ಉತ್ತಮ ವಿನ್ಯಾಸ ನೀಡಿದ್ದು, ಹೊಸ ಮಾದರಿಯು ಮುಂಬರುವ ಹಬ್ಬದ ದಿನಗಳಲ್ಲಿ ಉತ್ತಮ ಬೇಡಿಕೆ ಪಡೆದುಕೊಳ್ಳುವ ನೀರಿಕ್ಷೆಯಲ್ಲಿದೆ.