ಹೊಸ ಕವಾಸಕಿ ವರ್ಸಿಸ್ 650 ಬೈಕ್ ಅಕ್ಸೆಸರೀಸ್ ಮಾಹಿತಿ ಬಹಿರಂಗ

ಈ ಹೊಸ ಕವಾಸಕಿ ವರ್ಸಿಸ್ 650 ಬೈಕಿನ ಎಕ್ಸ್ ಶೋರೂಂ ಪ್ರಕಾರ ರೂ.7.36 ಲಕ್ಷವಾಗಿದೆ. 2022ರ ಕವಾಸಕಿ ವರ್ಸಿಸ್ 650 ಬೈಕಿನ ಬೆಲೆಯನ್ನು ಅದರ ಹಿಂದಿನ ಮಾದರಿಗೆ ಹೋಲಿಸಿದರೆ ರೂ,21,000 ಗಳಷ್ಟು ಹೆಚ್ಚಾಗಿದೆ. ಈ ಅಡ್ವೆಂಚರ್ ಟೂರರ್ ಬೈಕಿನ ವಿನ್ಯಾಸ ಮತ್ತು ರಕ್ಷಣೆಯನ್ನು ಇನ್ನಷ್ಟು ಹೆಚ್ಚಿಸಲು ಅಕ್ಸೆಸರೀಸ್ ಗಳನ್ನು ಘೋಷಿಸಿದೆ, ಇದರಲ್ಲಿ ಲಗೇಜ್ ಪರಿಕರಗಳು, ಒಕ್ಸಲರಿ ಲೈಟ್ಸ್ ಮತ್ತು ಕ್ರ್ಯಾಶ್ ಪ್ರೊಟೆಕ್ಷನ್ ಹಾರ್ಡ್‌ವೇರ್ ಅನ್ನು ಒಳಗೊಂಡಿದೆ. ಸಂಪೂರ್ಣ ಅಕ್ಸೆಸರೀಸ್ ಪಟ್ಟಿಯ ಮಾಹಿತಿ ಇಲ್ಲಿದೆ.

ಅಕ್ಸೆಸರೀಸ್ ಪಟ್ಟಿಯಲ್ಲಿ, ಸ್ಲೈಡರ್, ಟ್ಯಾಂಕ್ ಪ್ಯಾಡ್ ಮತ್ತು ಸ್ಕ್ರೀನ್ ಪ್ರೊಟೆಕ್ಟರ್‌ನಂತಹ ಅಕ್ಸೆಸರೀಸ್ ಗಳನ್ನು ಹೊಂದಿದೆ. ಇಷ್ಟೇ ಅಲ್ಲ, ಹೀಟೆಡ್ ಗ್ರಿಪ್‌ಗಳು, ಹ್ಯಾಂಡ್‌ಗಾರ್ಡ್‌ಗಳು, ಕಂಫರ್ಟ್ ಜೆಲ್ ಸೀಟ್ ಮತ್ತು ಸ್ಪಷ್ಟ ಮತ್ತು ಸ್ಮೋಕ್ ಫಿನಿಶ್‌ನಲ್ಲಿ ಲಭ್ಯವಿರುವ ದೊಡ್ಡ ವಿಂಡ್‌ಸ್ಕ್ರೀನ್‌ನಂತಹ ಆಯ್ಕೆಯನ್ನು ಹೊಂದಿದೆ

ಲಗೇಜ್ ಅಕ್ಸೆಸರೀಸ್ ನಲ್ಲಿ 47-ಲೀಟರ್ ಟಾಪ್ ಕೇಸ್ ಮತ್ತು ಎರಡು 28-ಲೀಟರ್ ಪ್ಯಾನಿಯರ್‌ಗಳು ಸೇರಿವೆ. ಆಯ್ಕೆಯ ಅಕ್ಸೆಸರೀಸ್, USB ಔಟ್ಲೆಟ್, 12ವಿ ಸಾಕೆಟ್ ಮತ್ತು ಎಲ್ಇಡಿ ಅನ್ನು ಸಹ ಒಳಗೊಂಡಿವೆ. ಕವಾಸಕಿ ಇಂಡಿಯಾ ತನ್ನ ವೆಬ್‌ಸೈಟ್‌ನಲ್ಲಿ ತನ್ನ ಅಕ್ಸೆಸರೀಸ್ ಗಳ ಬೆಲೆಗಳನ್ನು ಇನ್ನೂ ಪಟ್ಟಿ ಮಾಡಿಲ್ಲ ಎಂಬುದನ್ನು ಗಮನಿಸಿ.

ಜನಪ್ರಿಯ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾದ ಕವಾಸಕಿ ಇಂಡಿಯಾ ಸರಣಿಯಲ್ಲಿರುವ ವರ್ಸಿಸ್ 650 ಬೈಕ್ ಎಂಟ್ರಿ ಲೆವೆಲ್ ಮಾದರಿಯಾಗಿದೆ. ಈ 2022ರ ಕವಾಸಕಿ ವರ್ಸಿಸ್ 650 ಬೈಕಿನ ಎಂಜಿನ್ ನಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ.

ಈ ಬೈಕಿನಲ್ಲಿ 649 ಸಿಸಿ, ಪ್ಯಾರಲಲ್-ಟ್ವಿನ್ ಎಂಜಿನ್‌ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 65.71 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು 6-ಸ್ಪೀಡ್ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ.

ಇನ್ನು ಈ ಹೊಸ ಕವಾಸಕಿ ವರ್ಸಿಸ್ 650 ಬೈಕಿನ ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಡೈಮಂಡ್ ಫ್ರೇಮ್ ಸೆಟಪ್ ಅನ್ನು ಶೋವಾದಿಂದ ಮುಂಭಾಗದಲ್ಲಿ 41 ಎಂಎಂ ಇನವರ್ಟಡ್ ಟೆಲಿಸ್ಕೋಪಿಕ್ ಫೋರ್ಕ್ ಜೊತೆಗೆ ಮುಂಭಾಗದಲ್ಲಿ ಸರಿಹೊಂದಿಸಬಹುದಾದ ರೀಬೌಂಡ್ ಡ್ಯಾಂಪಿಂಗ್ ಮತ್ತು ಪೂರ್ವ ಲೋಡ್ ಹೊಂದಾಣಿಕೆಯೊಂದಿಗೆ ಹಿಂಭಾಗದಲ್ಲಿ ಶೋವಾ ಮೊನೊಶಾಕ್ ಅನ್ನು ಒಳಗೊಂಡಿದೆ.

ಇನ್ನು ಪ್ರಮುಖವಾಗಿ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಇದರಲ್ಲಿ ಎರಡು-ಪಿಸ್ಟನ್ ಕ್ಯಾಲಿಪರ್‌ಗಳಿಂದ ಕ್ಲ್ಯಾಂಪ್ ಮಾಡಲಾದ ಮುಂಭಾಗದಲ್ಲಿ ಡ್ಯುಯಲ್ 300 ಎಂಎಂ ಡಿಸ್ಕ್‌ಗಳು ಮತ್ತು ಸಿಂಗಲ್-ಪಿಸ್ಟನ್ ಕ್ಯಾಲಿಪರ್‌ನೊಂದಿಗೆ ಹಿಂಭಾಗದಲ್ಲಿ 250 ಎಂಎಂ ಡಿಸ್ಕ್‌ಗಳೊಂದಿಗೆ ಬ್ರೇಕ್‌ಗಳು ಬದಲಾಗಿಲ್ಲ.

ಹೊಸ ಕವಾಸಕಿ ವರ್ಸಿಸ್ 650 ಬೈಕ್ 120/70 - ZR17 (ಮುಂಭಾಗ) ಮತ್ತು 160/60 - ZR17 (ಹಿಂಭಾಗ) ಟೈರ್‌ಗಳೊಂದಿಗೆ 17-ಇಂಚಿನ ಅಲಾಯ್ ವ್ಹೀಲ್ ಗಳನ್ನು ಅಳವಡಿಸಿದ್ದಾರೆ. ಈ 2022ರ ಕವಾಸಕಿ ವರ್ಸಿಸ್ 650 ಬೈಕಿನ ವಿನ್ಯಾಸಕ್ಕೆ ಸಂಬಂಧಿಸಿದಂತೆ ಸೂಕ್ಷ್ಮವಾದ ಬದಲಾವಣೆಯನ್ನು ಪಡೆದುಕೊಂಡಿದೆ,

ಅದು ಈಗ ಅದರ ದೊಡ್ಡದಾದ ವರ್ಸಿಸ್ 1000 ಸಹೋದರರಿಂದ ಸ್ಫೂರ್ತಿ ಪಡೆದಿದೆ. ಮುಂಭಾಗದಲ್ಲಿ ಅರ್ಧ-ಫೇರಿಂಗ್ ಹೊಸ ಡ್ಯುಯಲ್ ಎಲ್ಇಡಿ ಹೆಡ್‌ಲೈಟ್‌ಗಳ ಕೆಳಗೆ ಸಣ್ಣ ಬೀಕ್ ನಂತಹ ಅಂಶವನ್ನು ಹೊಂದಿದೆ ಇನ್ನು ಹೊಸ ಕವಾಸಕಿ ವರ್ಸಿಸ್ 650 ಹೊಸ ನಾಲ್ಕು-ಮಾರ್ಗದ ಹೊಂದಾಣಿಕೆಯ ವಿಂಡ್‌ಸ್ಕ್ರೀನ್ ಅನ್ನು ಸಹ ನೋಡಲಾಗಿದೆ.

ಹೊಸ ಬೈಕ್ ಗ್ರಾಫಿಕ್ಸ್ ಅನ್ನು ಒಳಗೊಂಡಿದೆ. ಈ 2022 ಹೊಸ ಕವಾಸಕಿ ವರ್ಸಿಸ್ 650 ಬೈಕ್ ಲೈಮ್ ಗ್ರೀನ್ ಮತ್ತು ಮೆಟಾಲಿಕ್ ಫ್ಯಾಂಟಮ್ ಸಿಲ್ವರ್ ಎಂಬ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿರಲಿದೆ. ಈ 2022ರ ಕವಾಸಕಿ ವರ್ಸಿಸ್ 650 ಬೈಕ್ ಎರಡು ವಿಭಿನ್ನ ಮೋಡ್‌ಗಳನ್ನು ಒಳಗೊಂಡಿರುವ ಕವಾಸಕಿ ಟ್ರಾಕ್ಷನ್ ಕಂಟ್ರೋಲ್ (ಕೆಟಿಆರ್‌ಸಿ) ಅನ್ನು ಒಳಗೊಂಡಿದೆ. ಈ ಬೈಕಿನಲ್ಲಿ ಟ್ರ್ಯಾಕ್ಷನ್ ಕಂಟ್ರೋಲ್ ಸಿಸ್ಟಂ ಅನ್ನು ಸಹ ಆಫ್ ಮಾಡಬಹುದು.

ಕವಾಸಕಿ ವರ್ಸಿಸ್ 650 ಬೈಕ್ ಸಹ ಹೊಚ್ಚ ಹೊಸ TFT ಡಿಸ್ ಪ್ಲೇಯನ್ನು ಹೊಂದಿದೆ. ಈ TFT ಡಿಸ್ ಬ್ಲೂಟೂತ್ ಕನೆಕ್ಟಿವಿಟಿಯನ್ನು ಸಹ ನೀಡುತ್ತದೆ. ಈ ಬೈಕ್ ಪರಿಷ್ಕೃತ ವಿನ್ಯಾಸ, ಹೊಸ ಟ್ರ್ಯಾಕ್ಷನ್ ಕಂಟ್ರೋಲ್, ಬ್ಲೂಟೂತ್ ಸಂಪರ್ಕದೊಂದಿಗೆ ಟಿಎಫ್‌ಟಿ ಡಿಸ್ ಪ್ಲೇ ಮತ್ತು ಹೊಂದಾಣಿಕೆಯ ವಿಂಡ್‌ಸ್ಕ್ರೀನ್‌ನ ರೂಪದಲ್ಲಿ ಎಲ್ಲಾ ನವೀಕರಣಗಳೊಂದಿಗೆ ಬೆಲೆ ಏರಿಕೆಯನ್ನು ಪಡೆದಿದಿದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

2022ರ ಕವಾಸಕಿ ವರ್ಸಿಸ್ 650 ಬೈಕ್ ಆಕರ್ಷಕ ಬೈಕ್ ಮತ್ತು ಅತ್ಯಾಧುನಿಕ ಫೀಚರ್ಸ್ ಗಳನ್ನು ಹೊಂದಿವೆ. 2022ರ ಕವಾಸಕಿ ವರ್ಸಿಸ್ 650 ಬೈಕ್ ಮಾದರಿಯು ಭಾರತೀಯ ಮಾರುಕಟ್ಟೆಯಲ್ಲಿ ಸುಜುಕಿ ವಿ-ಸ್ಟ್ರೋಮ್ 650XT ಮತ್ತು ಟ್ರಯಂಫ್ ಟೈಗರ್ ಸ್ಪೋರ್ಟ್ 660 ನಂತಹ ಬೈಕ್ ಗಳಿಗೆ ಪೈಪೋಟಿ ನೀಡುತ್ತದೆ. ಈ ಬೈಕ್ ಖರೀದಿಸಿದವರು ಸ್ಟೈಲಿಂಗ್ ಮತ್ತು ಸುರಕ್ಷತೆಯನ್ನು ಹೆಚ್ಚಿಸಲು ಅಕ್ಸೆಸರೀಸ್ ಅನ್ನು ಆಯ್ಕೆ ಮಾಡಿಕೊಳ್ಳಬಹುದು.