India
YouTube

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳಲ್ಲಿ ಸದ್ಯ ಪ್ರಮಾಣಿತ ಉತ್ಪನ್ನವೆಂದು ಗುರುತಿಸಿಕೊಂಡಿರುವ ಕೆಲವೇ ಕಂಪನಿಗಳಲ್ಲಿ ಒಂದಾಗಿರುವ ಬೆಂಗಳೂರು ಮೂಲದ ಎಲೆಕ್ಟ್ರಿಕ್ ಸ್ಕೂಟರ್ ತಯಾರಕ ಎಥರ್ ಎನರ್ಜಿ, ಪ್ರಮಾಣಿತ ಸುಧೀರ್ಘ ಮೈಲೇಜ್‌ನೊಂದಿಗೆ ತನ್ನ ಹೊಸ ಸ್ಕೂಟರ್ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

ಈ ಹಿಂದಿನ ಎಥರ್ ಮಾದರಿಗಳು ಮೈಲೇಜ್ ವಿಷಯದಲ್ಲಿ ತುಸು ಹಿಂದಿವೆ ಎಂಬ ಗ್ರಾಹಕರ ದೂರುಗಳಿಂದಾಗಿ ಇದೀಗ ಹೊಸದಾಗಿ ಬಿಡುಗಡೆ ಮಾಡುತ್ತಿರುವ ಎಥರ್ 450X ಸ್ಕೂಟರ್ ಹೊಸ ಆವೃತ್ತಿಯನ್ನು ಹೆಚ್ಚು ಮೈಲೇಜ್ ಒದಗಿಸುವ ದೊಡ್ಡ ಬ್ಯಾಟರಿ ಪ್ಯಾಕ್‌ನೊಂದಿಗೆ ತರಲಾಗುತ್ತಿದೆ ಎಂದು ಕಂಪನಿ ತಿಳಿಸಿದೆ. ಕಂಪನಿಯು ಜುಲೈ 11 ರಂದು ಎಥರ್ 450X ಇ-ಸ್ಕೂಟರ್‌ನ ಹೊಸ ಆವೃತ್ತಿಯನ್ನು ಬಿಡುಗಡೆ ಮಾಡಲಿದೆ.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

ಹೊಸ Ather 450X ಅನ್ನು ದೊಡ್ಡ ಬ್ಯಾಟರಿ ಪ್ಯಾಕ್‌ನೊಂದಿಗೆ ತರಲಾಗುತ್ತಿದ್ದು, ಸ್ಕೂಟರ್‌ಗಳ ಶ್ರೇಣಿಯು ದೊಡ್ಡ ಕ್ವಿಲ್ ಪ್ಯಾಕ್‌ಗಳೊಂದಿಗೆ ಬೆಳೆಯಲಿದೆ. ಎಥರ್ ಕಂಪನಿಯಿಂದ ಹೊರ ಬರುತ್ತಿರುವ ಮಾದರಿಗಳು ಹೆಚ್ಚು ವಿಶ್ವಾಸಾರ್ಹತೆಯನ್ನು ಪಡೆದುಕೊಳ್ಳುತ್ತಿವೆ. ಹಾಗಾಗಿಯೇ ಮಾರುಕಟ್ಟೆಯಲ್ಲಿ ಎಷ್ಟೇ ಮಾದರಿಗಳು ಬಂದರು ಎಥರ್ ವಾಹನಗಳ ಮಾರಾಟದಲ್ಲಿ ಗಣನೀಯ ಏರಿಕೆಯಿದೆ.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

ಮಾಹಿತಿಯ ಪ್ರಕಾರ Ather 450Xನ ಹೊಸ ಆವೃತ್ತಿಯನ್ನು 3.66 kWh ನ ಲಿಥಿಯಂ-ಐಯಾನ್ ಬ್ಯಾಟರಿಯೊಂದಿಗೆ ತರಬಹುದು. ಈ ದೊಡ್ಡ ಬ್ಯಾಟರಿಯೊಂದಿಗೆ, ಸ್ಕೂಟರ್ 146-150 ಕಿ.ಮೀ ವ್ಯಾಪ್ತಿಯನ್ನು ನೀಡಬಹುದು ಎಂದು ಅಂದಾಜಿಸಲಾಗಿದೆ. ಹಾಗೆಯೇ ಸ್ಕೂಟರ್‌ನ ಪವರ್ ಪ್ರೊಡಕ್ಷನ್ ಕೂಡ ವಿಭಿನ್ನವಾಗಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

ವರದಿಗಳ ಪ್ರಕಾರ ಎಥರ್ ಹೊಸ 450X ಇ-ಸ್ಕೂಟರ್ ಉತ್ಪಾದನೆಯನ್ನು ಪ್ರಾರಂಭಿಸಲು ಆಟೋಮೋಟಿವ್ ರಿಸರ್ಚ್ ಅಸೋಸಿಯೇಷನ್ ​​ಆಫ್ ಇಂಡಿಯಾದಿಂದ (ARAI) ಅನುಮತಿಯನ್ನು ಪಡೆದುಕೊಂಡಿದೆ. ಈಗಿರುವ 450X ಎಲೆಕ್ಟ್ರಿಕ್ ಮೋಟಾರ್ ಅನ್ನು ಹೊಸ ಆವೃತ್ತಿಯಲ್ಲಿ ಬಳಸಲಾಗುವುದು. ಹೊಸ ಆವೃತ್ತಿಯಲ್ಲಿ ಶಾಶ್ವತ ಮ್ಯಾಗ್ನೆಟ್ ಸಿಂಕ್ರೊನಸ್ ಎಲೆಕ್ಟ್ರಿಕ್ ಮೋಟರ್ ಅನ್ನು ಸಹ ಬಳಸಲಾಗುತ್ತದೆ.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

ಹೊಸ ಎಥರ್ 450X ನಲ್ಲಿ ನಾಲ್ಕರಿಂದ ಐದು ವಿಭಿನ್ನ ರೈಡಿಂಗ್ ಮೋಡ್‌ಗಳನ್ನು ನೀಡಲಾಗುವುದು ಎಂದು ಹೇಳಲಾಗುತ್ತಿದೆ. ಸದ್ಯಕ್ಕೆ ಯಾವುದೇ ಅಧಿಕೃತ ಮಾಹಿತಿಯನ್ನು ಎಥರ್ ಇನ್ನೂ ಹಂಚಿಕೊಂಡಿಲ್ಲ. ಪ್ರಸ್ತುತ Ather 450X ಮೂರುವರೆ ಗಂಟೆಗಳಲ್ಲಿ 0 ರಿಂದ ಶೇ 80 ರಷ್ಟು ಚಾರ್ಜ್ ಆಗುತ್ತದೆ. ಕೇವಲ 10 ನಿಮಿಷಗಳ ಚಾರ್ಜ್‌ನಲ್ಲಿ 15 ಕಿ.ಮೀ ಓಡಿಸಬಹುದು.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

Ather 450X ಅನ್ನು 80 kmph ವೇಗದಲ್ಲಿ ಓಡಿಸಬಹುದು. ಈ ಸ್ಕೂಟರ್ 26 ನ್ಯೂಟನ್ ಮೀಟರ್ ಟಾರ್ಕ್ ಅನ್ನು ಒದಗಿಸುತ್ತದೆ, ಇದು 350 ಸಿಸಿ ಬೈಕ್‌ಗೆ ಸಮನಾಗಿರುತ್ತದೆ. ಈ ಸ್ಕೂಟರ್ 6.50 ಸೆಕೆಂಡುಗಳಲ್ಲಿ ಗಂಟೆಗೆ 0-60 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

ಇತ್ತೀಚೆಗೆ, ಕಂಪನಿಯು ಎಥರ್ 450X ಎಲೆಕ್ಟ್ರಿಕ್ ಸ್ಕೂಟರ್‌ಗಾಗಿ ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಅನ್ನು ಪ್ರಾರಂಭಿಸಿದೆ. ಈ ವೈಶಿಷ್ಟ್ಯವು ಸ್ಕೂಟರ್‌ನಲ್ಲಿ ಸಹಾಯಕವಾಗಿ ಲಭ್ಯವಿರುತ್ತದೆ. ಇದಕ್ಕಾಗಿ ಗ್ರಾಹಕರು ಹೆಚ್ಚುವರಿ ಹಣವನ್ನು ಪಾವತಿಸಬೇಕಾಗುತ್ತದೆ. ಎಥರ್ 450X ನಲ್ಲಿ TPMS ಗಾಗಿ ಗ್ರಾಹಕರು 5,000 ರೂಪಾಯಿಗಳ ಹೆಚ್ಚುವರಿ ವೆಚ್ಚವನ್ನು ಪಾವತಿಸಬೇಕಾಗುತ್ತದೆ.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

ಎಥರ್ ತನ್ನ ಚಾರ್ಜಿಂಗ್ ಸ್ಟೇಷನ್‌ಗಳನ್ನು ಭಾರತೀಯ ನಗರಗಳಲ್ಲಿ ಲಭ್ಯವಾಗುವಂತೆ ಮಾಡಲು ಪ್ರಮುಖ EV ಚಾರ್ಜಿಂಗ್ ಪ್ಲೇಯರ್ ಮೆಜೆಂಟಾ ಚಾರ್ಜ್‌ಗ್ರಿಡ್‌ನೊಂದಿಗೆ ಕೈಜೋಡಿಸಿದೆ. ಈ ಪಾಲುದಾರಿಕೆಯು ಭಾರತದಾದ್ಯಂತ ಬಹು ಮೆಜೆಂಟಾ ಚಾರ್ಜ್‌ಗ್ರಿಡ್ ಸ್ಥಳಗಳಿಗೆ ಎಥರ್ ಪ್ರವೇಶವನ್ನು ನೀಡುತ್ತದೆ.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

Magenta ChargeGrid ಪ್ರಸ್ತುತ ತನ್ನ ಚಾರ್ಜಿಂಗ್ ನೆಟ್‌ವರ್ಕ್ ಅನ್ನು ಭಾರತದ 35-40 ನಗರಗಳಿಗೆ ವಿಸ್ತರಿಸುತ್ತಿದೆ, FY2023ರ ಅಂತ್ಯದ ವೇಳೆಗೆ ಸುಮಾರು 11,000 ಚಾರ್ಜರ್‌ಗಳ ನೆಟ್‌ವರ್ಕ್ ಅನ್ನು ಸ್ಥಾಪಿಸುವ ಗುರಿಯನ್ನು ಹೊಂದಿದೆ. ಮಾರುಕಟ್ಟೆಯಲ್ಲಿ Ola S1 Proಗೆ ಪೈಪೋಟಿ ನೀಡಲು ಎಥರ್ ತನ್ನ ಪ್ರೀಮಿಯಂ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ನವೀಕರಿಸುತ್ತಿದೆ. ಎಥರ್ 450X ಬಗ್ಗೆ ಮಾತನಾಡುವುದಾದರೆ, ಇದು ಮಾರುಕಟ್ಟೆಯಲ್ಲಿ 1.38 ಲಕ್ಷ ರೂ (ಎಕ್ಸ್ ಶೋ ರೂಂ, ದೆಹಲಿ) ಬೆಲೆಯಲ್ಲಿ ಲಭ್ಯವಿದೆ.

ಅಧಿಕ ಮೈಲೇಜ್, ಹೊಸ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಗೆ ಸಜ್ಜಾದ ಹೊಸ ಎಥರ್ 450X

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ಓಲಾ ವಾಹನಗಳು ಮಾರುಕಟ್ಟೆಗೆ ಲಗ್ಗೆಯಿಟ್ಟ ಕೆಲವೇ ತಿಂಗಳುಗಳಲ್ಲಿ ದೇಶದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಎಲೆಕ್ಟ್ರಿಕ್ ಸ್ಕೂಟರ್ ಕಂಪನಿಯಾಗಿ ಓಲಾ ಗುರ್ತಿಸಿಕೊಂಡಿದೆ. ಓಲಾ ಇದುವರೆಗೆ 50,000 ಸ್ಕೂಟರ್‌ಗಳನ್ನು ವಿತರಿಸಿದೆ. ಸದ್ಯ ಮಾರುಕಟ್ಟಯಲ್ಲಿ ಎಥರ್ ಕಂಪನಿಯು ಓಲಾ ಎಲೆಕ್ಟ್ರಿಕ್‌ಗೆ ಪ್ರಬಲ ಪೈಪೋಟಿದಾರನಾಗಿದ್ದು, ಮುಂದಿನ ದಿನಗಳಲ್ಲಿ ಈ ಎರಡೂ ಕಂಪನಿಗಳ ನಡುವೆ ಯಾವ ಮಟ್ಟಿಗೆ ಸ್ಪರ್ಧೆ ಇರಲಿದೆ ಕಾದು ನೋಡಬೇಕಿದೆ.

Most Read Articles

Kannada
English summary
New Ether 450X all set to launch with higher mileage new features
Story first published: Tuesday, July 5, 2022, 17:33 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X