ರಾಯಲ್‌ ಎನ್‌ಫೀಲ್ಡ್ ಜುಲೈ ತಿಂಗಳ ಮಾರಾಟದಲ್ಲಿ ಕ್ಲಾಸಿಕ್ 350ಗೆ ಅಗ್ರಸ್ಥಾನ

ಕ್ಲಾಸಿಕ್ 350 ಜುಲೈ ತಿಂಗಳಲ್ಲಿ 32,001 ಯುನಿಟ್‌ಗಳನ್ನು ಮಾರಾಟ ಮಾಡಿದೆ, ಇದು ಕಳೆದ ವರ್ಷ ಮಾರಾಟವಾದ 24,947 ಯುನಿಟ್‌ಗಳಿಗೆ ಹೋಲಿಸಿಕೊಂಡರೆ ಭಾರೀ ಹೆಚ್ಚಳವೆಂದೇ ಹೇಳಬಹುದು. ಇದು ದೀರ್ಘಕಾಲದವರೆಗೆ ಕಂಪನಿಯ ಅತ್ಯುತ್ತಮ ಮಾರಾಟದ ಮಾದರಿಯಾಗಿ ಹೊರಹೊಮ್ಮಿದೆ.

ಇದಕ್ಕೆ ಪ್ರಮುಖ ಕಾರಣವೆಂದರೆ ಅದರ ಕೈಗೆಟುಕುವ ಬೆಲೆ ಮತ್ತು ಉಪಯುಕ್ತತೆಯಾಗಿದ್ದು, ಇದೇ ಕಾರಣದಿಂದಾಗಿ ಕಳೆದ ಕೆಲವು ತಿಂಗಳುಗಳಲ್ಲಿ ಅದರ ಮಾರಾಟವು ಹೆಚ್ಚಾಗಿದೆ. ಇದರ ಬೇಡಿಕೆ ಮತ್ತೆ ಹೆಚ್ಚಿದ್ದು, ಮಾರಾಟವೂ ಸುಧಾರಿಸಿದೆ. ಇದರ ನಂತರ, ಕಂಪನಿಯ ಬುಲೆಟ್ 350 ಜುಲೈ ತಿಂಗಳಲ್ಲಿ ಹೆಚ್ಚು ಮಾರಾಟವಾಗಿದೆ.

ಕಂಪನಿಯು 12,200 ಬುಲೆಟ್ ಯುನಿಟ್‌ಗಳನ್ನು ಮಾರಾಟ ಮಾಡಿದೆ, ಕಳೆದ ವರ್ಷಕ್ಕೆ ಹೋಲಿಸಿದರೆ ಮಾರಾಟದಲ್ಲಿ ದೊಡ್ಡ ಇಳಿಕೆ ಕಂಡುಬಂದಿದೆ. ಈ ಪಟ್ಟಿಯಲ್ಲಿ ಮೂರನೇ ಸ್ಥಾನವು Meteor 350 ಆಗಿದೆ, ಇದು ಕಳೆದ ತಿಂಗಳು 12,000 ಯುನಿಟ್‌ಗಳನ್ನು ಮಾರಾಟ ಮಾಡಿದೆ, ಕಳೆದ ವರ್ಷ ಮಾರಾಟವಾದ 11,562 ಯುನಿಟ್‌ಗಳಿಗೆ ಹೋಲಿಸಿದರೆ ಅದರ ಮಾರಾಟದಲ್ಲಿ ಹೆಚ್ಚಳವನ್ನು ದಾಖಲಿಸಿದೆ.

ಕಂಪನಿಯ ಆಫ್-ರೋಡ್ ಬೈಕ್ ಆಗಿ ಮಾರುಕಟ್ಟೆಯಲ್ಲಿ ಉತ್ತಮ ಪ್ರತಿಕ್ರಿಯೆ ಸಾಧಿಸುತ್ತಿರುವ ಹಿಮಾಲಯನ್ ಬೈಕ್ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನವನ್ನು ಪಡೆದುಕೊಂಡಿದೆ. ಆಗಸ್ಟ್ ತಿಂಗಳಿನಲ್ಲಿ ಈ ಬೈಕಿನ 5,555 ಯುನಿಟ್‌ಗಳು ಮಾರಾಟವಾಗಿವೆ. ಕಳೆದ ವರ್ಷ ಆಗಸ್ಟ್‌ನಲ್ಲಿ ಈ ಬೈಕ್‌ನ 3,310 ಯುನಿಟ್‌ಗಳು ಮಾರಾಟವಾಗಿದ್ದು, ಕಳೆದ ವರ್ಷಕ್ಕೆ ಹೋಲಿಸಿದರೆ ಮಾರಾಟದಲ್ಲಿ ಹೆಚ್ಚಳವಾಗಿದೆ.

ಇದರ ನಂತರ ಕಂಪನಿಯ 650 ಟ್ವಿನ್ ಕಳೆದ ತಿಂಗಳು 3,246 ಯುನಿಟ್‌ಗಳನ್ನು ಮಾರಾಟ ಮಾಡಿದ್ದು, ಹಿಂದಿನ ವರ್ಷಕ್ಕಿಂತ ಹೆಚ್ಚಳವನ್ನು ದಾಖಲಿಸಿದೆ. ಕಂಪನಿಯು ಕಳೆದ ಆಗಸ್ಟ್‌ನಲ್ಲಿ 2,977 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು. ಕಂಪನಿಯ ಮಾರಾಟವು ಮತ್ತೆ ಟ್ರ್ಯಾಕ್‌ನಲ್ಲಿತ್ತು. ಆದರೆ ಅದು ಮತ್ತೆ ಕಡಿಮೆಯಾಗಿದೆ, ಈಗ ಮಾರಾಟವು ಯಾವಾಗ ಹೆಚ್ಚಾಗುತ್ತದೆ ಎಂಬುದನ್ನು ನೋಡಬೇಕಾಗಿದೆ.

ಕಂಪನಿಯು ತನ್ನ ಹೊಸ ಮಾದರಿಯನ್ನು ಶೀಘ್ರದಲ್ಲೇ ತರಲು ತಯಾರಿ ನಡೆಸುತ್ತಿದೆ. ಪ್ರಸ್ತುತ ರಾಯಲ್ ಎನ್‌ಫೀಲ್ಡ್ ಹೊಸ ಮಾದರಿಗಳನ್ನು ಪರೀಕ್ಷಿಸುತ್ತಿದೆ, ಕಂಪನಿಯ ದ್ವಿಚಕ್ರ ವಾಹನ ತಯಾರಕರು ವರ್ಷಾಂತ್ಯಕ್ಕೂ ಮುನ್ನ ಇನ್ನೂ ಎರಡು ಮೋಟಾರ್‌ಸೈಕಲ್‌ಗಳನ್ನು ಬಿಡುಗಡೆ ಮಾಡುವ ನಿರೀಕ್ಷೆಯಿದೆ.

ರಾಯಲ್ ಎನ್‌ಫೀಲ್ಡ್ ಹಂಟರ್ 350

ರಾಯಲ್ ಎನ್‌ಫೀಲ್ಡ್ ಹಂಟರ್ 350 ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ, ಇದರ ಬೆಲೆ ರೂ 1.50 ಲಕ್ಷ ಮತ್ತು ಟಾಪ್ ವೇರಿಯಂಟ್‌ಗೆ ರೂ 1.69 ಲಕ್ಷಕ್ಕೆ ಏರುತ್ತದೆ. ರಾಯಲ್ ಎನ್‌ಫೀಲ್ಡ್ ಹಂಟರ್ 350 ಅನ್ನು ರೆಟ್ರೋ ಮತ್ತು ಮೆಟ್ರೋ ಎಂಬ ಎರಡು ರೂಪಾಂತರಗಳಲ್ಲಿ ತರಲಾಗಿದೆ.

ಕಂಪನಿಯು ಅದರಲ್ಲಿ ಸಾಕಷ್ಟು ವೈಶಿಷ್ಟ್ಯಗಳು, ತಂತ್ರಜ್ಞಾನ ಮತ್ತು ಶಕ್ತಿಯುತ ಎಂಜಿನ್ ಅನ್ನು ನೀಡಿದೆ. ಕಂಪನಿಯು ಶೀಘ್ರದಲ್ಲೇ ಅದನ್ನು ಮಾರಾಟ ಮಾಡಲು ಪ್ರಾರಂಭಿಸಬಹುದು. ರಾಯಲ್ ಎನ್‌ಫೀಲ್ಡ್ ಹಂಟರ್ 350 20.2 bhp ಪವರ್ ಮತ್ತು 27 Nm ಟಾರ್ಕ್ ಅನ್ನು ಉತ್ಪಾದಿಸುವ 349 cc ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ.

ಜೊತೆಗೆ 5-ಸ್ಪೀಡ್ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ. ಈ ಬೈಕ್ ಗಂಟೆಗೆ ಗರಿಷ್ಠ 114 ಕಿ.ಮೀ ವೇಗವನ್ನು ತಲುಪುವ ಸಾಮರ್ಥ್ಯವನ್ನು ಹೊಂದಿದೆ. ಹಂಟರ್ 350 181 ಕೆ.ಜಿ ತೂಗುತ್ತದೆ, ಇದು ಮಿಟಿಯೋರ್‌ಗಿಂತ 10 ಕೆ.ಜಿ ಕಡಿಮೆ ಮತ್ತು ಕ್ಲಾಸಿಕ್ 350 ಗಿಂತ 14 ಕೆ.ಜಿ ಕಡಿಮೆಯಿದೆ ಎಂಬುದನ್ನು ಗಮನಿಸಬೇಕಾದ ಅಂಶವಾಗಿದೆ.

ರಾಯಲ್ ಎನ್‌ಫೀಲ್ಡ್ ಹಂಟರ್ 350 ಮೋಟಾರ್‌ಸೈಕಲ್ ಅನ್ನು ಯುವಕರನ್ನು ಗುರಿಯಾಗಿಸಿಕೊಂಡು ಡಿಸೈನ್ ಮಾಡಲಾಗಿದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿನ ರಾಯಲ್‌ ಎನ್‌ಫೀಲ್ಡ್‌ ಮಾದರಿಗಳನ್ನು ಖರೀದಿಸುವುದು ಬಡ, ಮಧ್ಯಮ ವರ್ಗಗಳಿಗೆ ತುಸು ಕಷ್ಟವಾಗಿರುವ ಕಾರಣ, ಇದೀಗ ಹಂಟರ್ 350 ರೂ.1.49 ಲಕ್ಷ ಎಕ್ಸ್‌ ಶೋರೂಂ ಬೆಲೆಗೆ ಲಭ್ಯವಿದ್ದು, ಎಲ್ಲರಿಗೂ ಕೈಗೆಟುಕುವಂತಿದೆ.

ರಾಯಲ್ ಎನ್‌ಫೀಲ್ಡ್ ಹಂಟರ್ 350 ಮೋಟಾರ್‌ಸೈಕಲ್‌ಗೆ ಮಾರುಕಟ್ಟೆಯಲ್ಲಿ ಹೋಂಡಾ CB350RS, Jawa 42 ಮತ್ತು TVS ರೋನಿನ್ ಪ್ರಮುಖ ಪ್ರತಿಸ್ಪರ್ಧಿಗಳಾಗಿವೆ. ಈ ಎಲ್ಲಾ ಮೋಟಾರ್‌ಸೈಕಲ್‌ಗಳು ಬಹುತೇಕ ಒಂದೇ ರೀತಿಯ ಡಿಸೈನ್ ಹೊಂದಿವೆ. ರೌಂಡ್ ಷೇಪ್ ಹೆಡ್‌ಲ್ಯಾಂಪ್, ಟಿಯರ್-ಡ್ರಾಪ್-ಆಕಾರದ ಫ್ಯೂಯಲ್ ಟ್ಯಾಂಕ್ ಮತ್ತು ರೌಂಡ್ ರಿಯರ್‌ವ್ಯೂ ಮಿರರ್‌ಗಳಂತಹ ವೈಶಿಷ್ಟ್ಯಗಳೊಂದಿಗೆ ಬಹುತೇಕ ಒಂದೇ ಆಗಿವೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ರಾಯಲ್ ಎನ್‌ಫೀಲ್ಡ್‌ನ ಮಾರಾಟವು ಮತ್ತೆ ಉತ್ತಮಗೊಳ್ಳುತ್ತಿದೆ ಆದರೆ ಕಂಪನಿಯು ಮುಂಬರಲಿರುವ ಸಾಲು ಹಬ್ಬಗಳ ಸಂದರ್ಭದಲ್ಲಿ ಉತ್ತಮ ಬೆಳವಣಿಗೆ ಕಾಣಲು ಸಜ್ಜಾಗಬೇಕಾಗುತ್ತದೆ. ರಾಯಲ್ ಎನ್‌ಫೀಲ್ಡ್ ನಿರಂತರವಾಗಿ ಹೊಸ ಮಾದರಿಗಳನ್ನು ತರುತ್ತಿರುವುದರಿಂದ ಮಾರಾಟವು ಇನ್ನೂ ಉತ್ತಮವಾಗಿವ ನಿರೀಕ್ಷೆಯಿದೆ.