Just In
- 5 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 6 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 7 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 7 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅತ್ಯಾಧುನಿಕ ಫೀಚರ್ಸ್ಗಳೊಂದಿಗೆ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಪರಿಚಯಿಸಿದ ಯಮಹಾ
ಜಾಗತಿಕವಾಗಿ ಎಲೆಕ್ಟ್ರಿಕ್ ವಾಹನಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದೆ. ಇದರಿಂದ ಜಪಾನ್ ಮೂಲದ ದ್ವಿಚಕ್ರ ವಾಹನ ಉತ್ಪಾದನಾ ಕಂಪನಿಯಾಗಿರುವ ಯಮಹಾ ಮೋಟಾರ್ ಜಾಗತಿಕ ಮಾರುಕಟ್ಟೆಗಾಗಿ ತನ್ನ ಬಹುನೀರಿಕ್ಷಿತ ಎಲೆಕ್ಟ್ರಿಕ್ ಸ್ಕೂಟರ್ ಮಾದರಿಗಳನ್ನು ಪರಿಚಯಿಸಲಿದೆ.
2019 ರಲ್ಲಿ ಅನಾವರಣಗೊಂಡ ಇಸಿ-05 ನಂತರ, ಯಮಹಾ ಇಎಂಎಫ್ ಗೊಗೊರೊ ಸಹಯೋಗದೊಂದಿಗೆ ಅಭಿವೃದ್ಧಿಪಡಿಸಲಾದ ಎರಡನೇ ಎಲೆಕ್ಟ್ರಿಕ್ ವಾಹನವಾಗಿದೆ. ಗೊಗೊರೊ ಜೊತೆಗಿನ ಪಾಲುದಾರಿಕೆಯು ರೆಡಿಮೇಡ್ ಬ್ಯಾಟರಿ ಆರ್ಕಿಟೆಕ್ಚರ್ ಮತ್ತು ಬ್ಯಾಟರಿ ಸ್ವಾಪಿಂಗ್ ಸ್ಟೇಷನ್ಗಳ ವ್ಯಾಪಕ ನೆಟ್ವರ್ಕ್ಗೆ ಪ್ರವೇಶ ಸೇರಿದಂತೆ ಬಹು ಪ್ರಯೋಜನಗಳನ್ನು ನೀಡುತ್ತದೆ. ಭಾರತದಲ್ಲಿ ಹೀರೋ ಮೋಟೊಕಾರ್ಪ್ ಎಲೆಕ್ಟ್ರಿಕ್ ವಾಹನಗಳು ಮತ್ತು ಬ್ಯಾಟರಿ ವಿನಿಮಯ ಮೂಲಸೌಕರ್ಯವನ್ನು ಅಭಿವೃದ್ಧಿಪಡಿಸಲು ಗೊಗೊರೊ ಜೊತೆಗೆ ಸಹಭಾಗಿತ್ವವನ್ನು ಹೊಂದಿದೆ.
ಪ್ರಸ್ತುತ ಯಮಹಾ ದ್ವಿಚಕ್ರ ವಾಹನಗಳಿಗೆ ಹೋಲಿಸಿದರೆ, ಇಎಂಎಫ್ ಎಲೆಕ್ಟ್ರಿಕ್ ಸ್ಕೂಟರ್ ಸಂಪೂರ್ಣವಾಗಿ ವಿಭಿನ್ನವಾದ ಡಿಎನ್ಎಯನ್ನು ಹೊಂದಿದೆ. ಅದರ ವಿಕಸನದ ಕಡೆಗೆ ಸುಳಿವು ನೀಡುತ್ತಾ, ಯಮಹಾ ಇಎಂಎಫ್ ಸಂಪೂರ್ಣವಾಗಿ ಹೊಸ ಪರಿವರ್ತನೆಯಂತಿದೆ.
ಸ್ಕೂಟರ್ ಭವಿಷ್ಯದ ನೋಟವನ್ನು ಹೊಂದಿದೆ ಮತ್ತು ಪವರ್ ಫುಲ್, ಅಗ್ರೇಸಿವ್ ಶೈಲಿಯೊಂದಿಗೆ ಸಂಯೋಜಿಸಲ್ಪಟ್ಟಿದೆ ಯಮಹಾ ಇಎಂಎಫ್ ಕೆಲವು ಪ್ರಮುಖ ವೈಶಿಷ್ಟ್ಯಗಳು ಸ್ಟ್ಯಾಕ್ ಮಾಡಿದ ಡ್ಯುಯಲ್ ಎಲ್ಇಡಿ ಹೆಡ್ಲ್ಯಾಂಪ್ಗಳು, ಚಿಸೆಲ್ಡ್ ಪ್ರೊಫೈಲ್ನೊಂದಿಗೆ ಫ್ಲಾಟ್ ಫ್ರಂಟ್ ಏಪ್ರನ್, ಟ್ರೆಂಡಿ ರಿಯರ್ ವ್ಯೂ ಮಿರರ್ಗಳು, ಡಿಜಿಟಲ್ ಇನ್ಸ್ ಟ್ರೂಮೆಂಟ್ ಕನ್ಸೋಲ್, ಸಿಂಗಲ್ ಪೀಸ್ ಸೀಟ್ ಮತ್ತು ಆಫ್ಟರ್ಬರ್ನರ್ ಶೈಲಿಯ ಡ್ಯುಯಲ್ ಎಲ್ಇಡಿ ಟೈಲ್ ಲೈಟ್ಗಳನ್ನು ಒಳಗೊಂಡಿದೆ.
ಹೊಸ ಯಮಹಾ ಇಎಂಎಫ್ ಎಲೆಕ್ಟ್ರಿಕ್ ಸ್ಕೂಟರ್ ಫ್ಲೋರ್ಬೋರ್ಡ್ನ ಮಧ್ಯಭಾಗದಲ್ಲಿರುವ ಸಣ್ಣ ಸ್ಟೋರೇಜ್ ಸ್ಪೇಸ್ ಕೆಲವು ವಿಶಿಷ್ಟ ಲಕ್ಷಣಗಳನ್ನು ಹೊಂದಿದೆ. ಇದನ್ನು ವಿವಿಧ ಬಿಡಿಭಾಗಗಳು, ಕಪ್, ಬಾಟಲ್, ಇತ್ಯಾದಿಗಳಿಗೆ ಬಳಸಬಹುದು.
ಕೀಯ ಬದಲಿಗೆ, NFC ಕಾರ್ಡ್ನೊಂದಿಗೆ ಸ್ಕೂಟರ್ ಅನ್ನು ಆನ್/ಆಫ್ ಮಾಡಬಹುದು. ಇದು ಸಾಗಿಸಲು, ಸಂಗ್ರಹಿಸಲು ಮತ್ತು ಬಳಸಲು ತುಂಬಾ ಸುಲಭವಾಗುತ್ತದೆ. ಕನೆಕ್ಟಿವಿಟಿ ವೈಶಿಷ್ಟ್ಯಗಳ ಶ್ರೇಣಿಯು ಲಭ್ಯವಿದೆ, ಇದನ್ನು ಯಮಹಾ ಅಪ್ಲಿಕೇಶನ್ ಮೂಲಕ ಪ್ರವೇಶಿಸಬಹುದು. ಕೆಲವು ಪ್ರಮುಖ ಕನೆಕ್ಟಿವಿಟಿ ವೈಶಿಷ್ಟ್ಯಗಳು ಕೊನೆಯ ಪಾರ್ಕಿಂಗ್ ಸ್ಥಳ, ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಮತ್ತು ಫ್ಲೀಟ್ ಮ್ಯಾನೇಜ್ಮೆಂಟ್ ಸಿಸ್ಟಮ್ ಅನ್ನು ಒಳಗೊಂಡಿವೆ.
ಈ ಹೊಸ ಯಮಹಾ ಇಎಂಎಫ್ ಎಲೆಕ್ಟ್ರಿಕ್ ಸ್ಕೂಟರ್ ಮಿಡ್-ಮೌಂಟೆಡ್ ಮೋಟರ್ ಅನ್ನು ಬಳಸುತ್ತದೆ, ಅದು 3,000 ಆರ್ಪಿಎಂನಲ್ಲಿ 10.30 ಬಿಹೆಚ್ಪಿ ಪವರ್ ಮತ್ತು 2,500 ಆರ್ಪಿಎಂನಲ್ಲಿ 26 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇನ್ನು ಈ ಸ್ಕೂಟರ್ 3.5 ಸೆಕೆಂಡುಗಳಲ್ಲಿ 0 ದಿಂದ 50 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ.
ಇನ್ನು ಈ ಯಮಹಾ ಸ್ಕೂಟರ್ನ ಟಾಪ್ ಸ್ಪೀಡ್ ಅನ್ನು ನ್ನೂ ಬಹಿರಂಗಪಡಿಸಿಲ್ಲ, ಆದರೆ ಇದು ಸುಮಾರು 100 ಕಿ.ಮೀ ಆಗಿರಬಹುದು. ಯಮಹಾ ಇಎಂಎಫ್ ಎಲೆಕ್ಟ್ರಿಕ್ ಸ್ಕೂಟರ್ ರೇಂಜ್ ಮಾಹಿತಿ ಬಹಿರಂಗವಾಗಿಲ್ಲ. ಸ್ಕೂಟರ್ ಗೊಗೊರೊ ಅವರ ವ್ಯಾಪಕವಾದ ಬ್ಯಾಟರಿ ವಿನಿಮಯ ಜಾಲವನ್ನು ಅವಲಂಬಿಸಿದೆ.
ಅಂದಾಜಿನ ಪ್ರಕಾರ, ತೈವಾನ್ನಲ್ಲಿ ಸುಮಾರು 97% ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳು ಗೊಗೊರೊ ಅವರ ಬ್ಯಾಟರಿ ವಿನಿಮಯವನ್ನು ಬಳಸುತ್ತವೆ. ಬ್ಯಾಟರಿ ಕಡಿಮೆಯಾದಾಗ, ಯಮಹಾ ಇಎಂಎಫ್ ಬಳಕೆದಾರರು ಸಂಪೂರ್ಣ ಚಾರ್ಜ್ ಮಾಡಿದ ಬ್ಯಾಟರಿಯನ್ನು ಪಡೆಯಲು ಹತ್ತಿರದ ಸ್ವಾಪಿಂಗ್ ಸ್ಟೇಷನ್ಗೆ ಭೇಟಿ ನೀಡಬಹುದು.
ಒಟ್ಟಾರೆ ಅನುಭವವು ಇಂಧನ ನಿಲ್ದಾಣದಲ್ಲಿ ಪೆಟ್ರೋಲ್/ಡೀಸೆಲ್ ಪಡೆಯುವ ಅನುಭವವನ್ನು ಹೋಲುತ್ತದೆ. ಈ ಯಮಹಾ ಇಎಂಎಫ್ ಎಲೆಕ್ಟ್ರಿಕ್ ಸ್ಕೂಟರ್ ಲೈಟ್ ವೈಟ್ ಫ್ರೇಮ್ ಅನ್ನು ಹೊಂದಿದೆ. ಸುಧಾರಿತ ನಿಯಂತ್ರಣ ಮತ್ತು ನಿರ್ವಹಣೆಯನ್ನು ಸಾಧಿಸಲು ಇದನ್ನು ವಿನ್ಯಾಸಗೊಳಿಸಲಾಗಿದೆ. ಈ ಸ್ಕೂಟರ್ ಮುಂಭಾಗದಲ್ಲಿ ನೇರ ಫೋರ್ಕ್ಗಳು ಮತ್ತು ಹಿಂಭಾಗದಲ್ಲಿ ಡ್ಯುಯಲ್ ಶಾಕ್ ಅಬ್ಸಾರ್ಬರ್ಗಳನ್ನು ಒಳಗೊಂಡಿದೆ. ಇನ್ನು ಬ್ರೇಕಿಂಗ್ ಸಿಸ್ಟಂಗಳ ಬಗ್ಗೆ ಹೇಳುವುದಾದರೆ, ಮುಂಭಾಗದಲ್ಲಿ 200 ಎಂಎಂ ಡಿಸ್ಕ್ ಮತ್ತು ಹಿಂಭಾಗದಲ್ಲಿ 190 ಎಂಎಂ ಡಿಸ್ಕ್ ಅನ್ನು ನೀಡಲಾಗಿದೆ. ದಕ್ಷ ಬ್ರೇಕಿಂಗ್ಗಾಗಿ ಸ್ಕೂಟರ್ ಸಿಬಿಎಸ್ ಅನ್ನು ಹೊಂದಿದೆ.
ತೈವಾನ್ನಲ್ಲಿ, ಯಮಹಾ ಇಎಂಎಫ್ ಎಲೆಕ್ಟ್ರಿಕ್ ಸ್ಕೂಟರ್ NT$ 102,800 ಆರಂಭಿಕ ಬೆಲೆಯಲ್ಲಿ ಲಭ್ಯವಿದೆ. ಇದು ಭಾರತೀಯರ ಕರೆನ್ಸಿಯಲ್ಲಿ ಸರಿಸುಮಾರು ರೂ,2.77 ಲಕ್ಷವಾಗಿದೆ. ಇನ್ನು ಯಮಹಾ ಇಎಂಎಫ್ ಎಲೆಕ್ಟ್ರಿಕ್ ಸ್ಕೂಟರ್ ಭಾರತದಲ್ಲಿ ಯಾವಾಗ ಬಿಡುಗಡೆಯಾಗುತ್ತದೆ ಎಂಬುದು ಖಚಿತವಾಗಿಲ್ಲ.ಯಮಹಾದಿಂದ ಮೊದಲ ಎಲೆಕ್ಟ್ರಿಕ್ ವಾಹನ E01 ಇ-ಸ್ಕೂಟರ್ ಆಗಿರಬಹುದು. ಇದು ಇತ್ತೀಚೆಗೆ ರಸ್ತೆ ಪರೀಕ್ಷೆಗಳಲ್ಲಿ ಕಂಡುಬಂದಿದೆ.
ಯಮಹಾ ಈಗಾಗಲೇ ಭಾರತೀಯ ಮಾರುಕಟ್ಟೆಗೆ E01 ಮತ್ತು EC-05 ಹೆಸರುಗಳನ್ನು ಟ್ರೇಡ್ಮಾರ್ಕ್ ಮಾಡಿದೆ. ಅಲ್ಲದೇ ಭಾರತೀಯ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳಿಗೆ ಭಾರೀ ಬೇಡಿಕೆಯನ್ನು ಹೊಂದಿದೆ. ಇದರಂದ ಯಮಾಹಾ ಕಂಪನಿಯು ಭಾರತದಲ್ಲಿ ಹೊಸ ಎಲೆಕ್ಟ್ರಿಕ್ ಮಾದರಿಗಳನ್ನು ಬಿಡುಗಡೆಗೊಳಿಸಬಹುದು. ಇದರಲ್ಲಿ ಮೊದಲಿಗೆ ಯಮಹಾ E01 ಇ-ಸ್ಕೂಟರ್ ಬಿಡುಗಡೆಯಾಗಬಹುದು.