ಫಾರ್ಚ್ಯುನರ್ ಭೀತಿ; ಫೋರ್ಡ್ ಎಂಡೀವರ್ ಗೆ 2.82 ಲಕ್ಷ ರು. ಬೆಲೆ ಕಡಿತ

By Nagaraja

Published: Wednesday, October 5, 2016, 16:29 [IST]

ಭಾರತದಲ್ಲಿ ಹೊಸ ಮಾರಾಟ ನೀತಿಗೆ ಮುಂದಾಗಿರುವ ಅಮೆರಿಕ ಮೂಲದ ಪ್ರಖ್ಯಾತ ಫೋರ್ಡ್ ಸಂಸ್ಥೆ, ತನ್ನ ಜನಪ್ರಿಯ 2016 ಫೋರ್ಡ್ ಎಂಡೀವರ್ ಕಾರಿಗೆ ಭರ್ಜರಿ 2.82 ಲಕ್ಷ ರುಪಾಯಿಗಳ ರಿಯಾಯಿತಿ ಘೋಷಿಸಿದೆ. ಇದೇ ವೇಳೆಯಲ್ಲಿ ಎಂಟ್ರಿ ಲೆವೆಲ್ ವೆರಿಯಂಟ್ ವೊಂದಕ್ಕೆ ಕತ್ತರಿ ಪ್ರಯೋಗ ಮಾಡಿದೆ.

ಬೆಲೆ, ವೆರಿಯಂಟ್ ಮಾಹಿತಿ ಇಂತಿದೆ

ಟ್ರೆಂಡ್ 2.2 4X2 ಮ್ಯಾನುವಲ್: ಮಾರಾಟ ಸ್ಥಗಿತ

ಟ್ರೆಂಡ್ 2.2 4X4 ಮ್ಯಾನುವಲ್: 26.6 ಲಕ್ಷ ರು.

ಟ್ರೆಂಡ್ 2.2 4X2 ಆಟೋಮ್ಯಾಟಿಕ್: 25.5 ಲಕ್ಷ ರು.

ಟೈಟಾನಿಯಂ 2.2 4X3 ಆಟೋಮ್ಯಾಟಿಕ್: 27.5 ಲಕ್ಷ ರು.

ಟ್ರೆಂಡ್ 3.2 4X4 ಆಟೋಮ್ಯಾಟಿಕ್: 27.65 ಲಕ್ಷ ರು.

ಟೈಟಾನಿಯಂ 3.2 4X4 ಆಟೋಮ್ಯಾಟಿಕ್: 29.76 ಲಕ್ಷ ರು.

ಫಾರ್ಚ್ಯುನರ್ ಭೀತಿ; ಫೋರ್ಡ್ ಎಂಡೀವರ್ ಗೆ 2.82 ಲಕ್ಷ ರು. ಬೆಲೆ ಕಡಿತ

2016 ಫೋರ್ಡ್ ಎಂಡೀವರ್ ಟ್ರೆಂಡ್ 2.2 4X2 ಮ್ಯಾನುವಲ್ ಎಂಟ್ರಿ ಲೆವೆಲ್ ಕಾರನ್ನು ಮಾರಾಟದಿಂದ ಹಿಂಪಡೆಯಲಾಗಿದೆ. ಇದರೊಂದಿಗೆ ಎಲ್ಲ ಫೋರ್ಡ್ ಎಂಡೀವರ್ ವೆರಿಯಂಟ್ ಗಳು ಇನ್ನು ಮುಂದೆ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಗಳನ್ನು ಪಡೆಯಲಿದೆ.

ನಿಮ್ಮ ಮಾಹಿತಿಗಾಗಿ, 2016 ಫೋರ್ಡ್ ಎಂಡೀವರ್ ಎರಡು ಎಂಜಿನ್ ವೆರಿಯಂಟ್ ಗಳಲ್ಲಿ ಲಭ್ಯವಿರುತ್ತದೆ. ಇದರ 2.2 ಲೀಟರ್ ಫೋರ್ ಸಿಲಿಂಡರ್ ಟಿಡಿಸಿಐ ಎಂಜಿನ್ 385 ಎನ್ ಎಂ ತಿರುಗುಬಲದಲ್ಲಿ 160 ಅಶ್ವಶಕ್ತಿಯನ್ನು ಮತ್ತು 3.2 ಲೀಟರ್ ಫೈವ್ ಸಿಲಿಂಡರ್ ಟಿಡಿಸಿಐ ಎಂಜಿನ್ 470 ಎನ್ ಎಂ ತಿರುಗುಬಲದಲ್ಲಿ 200 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಆಯಾಮ (ಎಂಎಂ)

ಉದ್ದ: 4892

ಅಗಲ: 1860

ಎತ್ತರ: 1837

ಚಕ್ರಾಂತರ: 2850

ಗ್ರೌಂಡ್ ಕ್ಲಿಯರನ್ಸ್: 225

ನೂತನ ಟೊಯೊಟಾ ಫಾರ್ಚ್ಯುನರ್ ಭಾರತ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಲಿರುವಂತೆಯೇ ಮಾರಾಟ ಕುಸಿಯದಿರಲು ಎಚ್ಚರಿಕೆಯ ಭಾಗವಾಗಿ ಫೋರ್ಡ್ ಎಂಡೀವರ್ ಬೆಲೆಗಳಲ್ಲಿ ಭಾರಿ ಕಡಿತ ಮಾಡಲಾಗಿದೆ.

ಅಂದ ಹಾಗೆ ಮಾರುಕಟ್ಟೆಯಲ್ಲಿ ನೂತನ ಎಂಡೀವರ್ ಕಾರು ಟೊಯೊಟಾ ಫಾರ್ಚ್ಯುನರ್ ಜೊತೆಗೆ ಮಿಟ್ಸುಬಿಸಿ ಪಜೆರೊ ಸ್ಪೋರ್ಟ್ ಆವೃತ್ತಿಗಳಿಗೆ ಪ್ರತಿಸ್ಪರ್ಧೆಯನ್ನು ಒಡ್ಡುತ್ತಿದೆ. ನೂತನ ಟೊಯೊಟಾ ಫಾರ್ಚ್ಯುನರ್ 2016 ನವೆಂಬರ್ 07ರಂದು ಬಿಡುಗಡೆಯಾಗಲಿದೆ.