ಹೊಸ ವರ್ಷದಲ್ಲಿ ನಿಸ್ಸಾನ್ ಎಕ್ಸ್-ಟ್ರೈಲ್ ಹೈಬ್ರಿಡ್ ಕಾರು ಭಾರತಕ್ಕೆ

ಬಲ್ಲ ಮೂಲಗಳ ಪ್ರಕಾರ ನಿಸ್ಸಾನ್ ಎಕ್ಸ್ ಟ್ರೈಲ್ ಹೈಬ್ರಿಡ್ ಕಾರು ಹೊಸ ವರ್ಷದಲ್ಲಿ ಬಿಡುಗಡೆಯಾಗಲಿದೆ.

ವರ್ಷಾರಂಭದಲ್ಲಿ ನಡೆದ 2016 ಆಟೋ ಎಕ್ಸ್ ಪೋದಲ್ಲಿ ನಿಸ್ಸಾನ್ ಜಿಟಿಆರ್ ಕ್ರೀಡಾ ಕಾರು ಜೊತೆಗೆ ಎಕ್ಸ್ ಟ್ರೈಲ್ ಹೈಬ್ರಿಡ್ ಕಾರನ್ನು ನಿಸ್ಸಾನ್ ಅನಾವರಣಗೊಳಿಸಿತ್ತು.

ಕಂಪ್ಲೀಟ್ ಬಿಲ್ಟ್ ಯುನಿಟ್ ಸಿದ್ಧಾಂತದ ಮುಖಾಂತರ ನಿಸ್ಸಾನ್ ಎಕ್ಸ್ ಟ್ರೈಲ್ ಭಾರತವನ್ನು ತಲುಪಲಿದ್ದು, 30 ರಿಂದ 35 ಲಕ್ಷ ರುಪಾಯಿಗಳಷ್ಟು ದುಬಾರಿಯೆನಿಸಲಿದೆ.

ಕಾರಿನಡಿಯಲ್ಲಿ 2.0 ಲೀಟರ್ ಪೆಟ್ರೋಲ್ ಎಂಜಿನ್ ಜೊತೆಗೆ 32 ಕೆಡಬ್ಲ್ಯು ಎಲೆಕ್ಟ್ರಿಕ್ ಮೋಟಾರು ಜೋಡಣೆಯಾಗಲಿದೆ. ಭಾರತವು ನಿಸ್ಸಾನ್ ಎಕ್ಸ್ ಟ್ರೈಲ್ ಗಿಟ್ಟಿಸಿಕೊಳ್ಳುತ್ತಿರುವ ನಾಲ್ಕನೇ ಮಾರುಕಟ್ಟೆಯಾಗಿದೆ,.

ನೂತನ ಎಕ್ಸ್ ಟ್ರೈಲ್ ಕ್ರೀಡಾ ಬಳಕೆಯ ಕಾರಿನಲ್ಲಿ ಎಕ್ಸ್ ಟ್ರಾನಿಕ್ ಸಿವಿಟಿ ಗೇರ್ ಬಾಕ್ಸ್ ಜೊತೆಗೆ ಆಲ್ ವೀಲ್ ಚಾಲನಾ ವ್ಯವಸ್ಥೆಯು ಪ್ರಮುಖ ಆಕರ್ಷಣೆಯಾಗಲಿದೆ.

ಸಿಎಂಎಫ್-ಸಿ ತಳಹದಿಯಲ್ಲಿ ನಿರ್ಮಾಣವಾಗಲಿರುವ ಎಕ್ಸ್ ಟ್ರೈಲ್ ಸ್ಲಿಮ್ ಹೆಡ್ ಲ್ಯಾಂಪ್, ವಿ ಮೊಷನ್ ಗ್ರಿಲ್, ಸಿ ಆಕಾರದ ಟೈಲ್ ಲ್ಯಾಂಪ್ ಇತ್ಯಾದಿ ವೈಶಿಷ್ಟ್ಯಗಳನ್ನು ಪಡೆಯಲಿದೆ.

ಐದು ಸೀಟುಗಳ ಆಸನ ವ್ಯವಸ್ಥೆಯ ನಿಸ್ಸಾನ್ ಎಕ್ಸ್ ಟ್ರೈಲ್ 4640 ಎಂಎಂ ಉದ್ದ, 1820 ಎಂಎಂ ಅಗಲ ಮತ್ತು 1715 ಎಂಎಂ ಎತ್ತರವನ್ನು ಪಡೆಯಲಿದೆ. ಹಾಗೆಯೇ 2705 ಎಂಎಂ ಚಕ್ರಾಂತರವನ್ನು ಒಳಗೊಂಡಿರುತ್ತದೆ.