ಬಿಡುಗಡೆಗೆ ಸಿದ್ಧಗೊಂಡಿದೆ ಪರಿಷ್ಕೃತ ಮಾರುತಿ ಸುಜುಕಿ ಸಿಯಾಜ್..!

ನೂತನ ತಂತ್ರಜ್ಞಾನದೊಂದಿಗೆ ನವಿಕೃತಗೊಂಡಿರುವ ಸಿಯಾಜ್ ಸೆಡಾನ್ ಕಾರು ಈ ಹಿಂದಿನ ಆವೃತ್ತಿಯಲ್ಲಿ ಹೆಚ್ಚು ಬದಲಾವಣೆ ತರಲಾಗಿದೆ. ಯುರೋಪಿಯನ್ ಶೈಲಿಯ ಸಿಯಾಜ್ ಕಾರು ಪೆಟ್ರೋಲ್ ಮತ್ತು ಡೀಸೆಲ್ ವೇರಿಯೆಂಟ್‌ನಲ್ಲಿ ಲಭ್ಯವಿದ್ದು, ಆಕರ್ಷಕ ಬಾಹ್ಯ ವಿನ್ಯಾಸ ಹೊಂದಿದೆ.

ನೂತನ ಕಾರಿನಲ್ಲಿ ಗ್ರಾಹಕರ ಪ್ರಸ್ತುತ ಆದ್ಯತೆಗಳಿಗೆ ಹೆಚ್ಚಿನ ಗಮನಹರಿಸಲಾಗಿದ್ದು, ಫಾಗ್ ಲ್ಯಾಂಪ್, ಬಂಪರ್, ಡೇ ಲೈಟ್ ರನ್ನಿಂಗ್ ಲೈಟ್ ವಿನ್ಯಾಸದಲ್ಲಿ ಬದಲಾವಣೆ ಪಡೆದುಕೊಂಡಿದೆ.

ಬಿಡುಗಡೆಗೊಳ್ಳಲು ಸಿದ್ದಗೊಂಡಿರುವ ಸಿಯಾಜ್ ನೂತನ ಆವೃತ್ತಿ ಮಾರುತಿ ಸುಜುಕಿ ಗ್ರಾಹಕರಲ್ಲಿ ಭಾರೀ ನಿರೀಕ್ಷೆ ಹುಟ್ಟಿಸಿದ್ದು, ಹತ್ತು ಹಲವು ಬದಲಾವಣೆಗೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ನೂತನ ಕಾರಿನಲ್ಲಿ ಸನ್ ಪ್ರೂಫ್ ಅಳವಡಿಸಲಾಗಿದ್ದು, ಅಲಾಯ್ ವೀಲ್ಹ್‌ಗಳು ನೋಡಲು ಆಕರ್ಷಕವಾಗಿವೆ.

ಸಿಯಾಜ್ ಸೆಡಾನ್ ಕಾರಿನಲ್ಲಿ ಇಂಟಿರಿಯರ್‌ಗೆ ಹೆಚ್ಚಿನ ಒತ್ತು ಕೊಡಲಾಗಿದ್ದು, ಈ ಹಿಂದಿನ ಹಲವು ಸೌಲಭ್ಯಗಳನ್ನು ಮುಂದುವರೆಸಲಾಗಿದೆ. ಕಾರಿನಲ್ಲೇ ಎಲ್ಲ ಮಾಹಿತಿ ನೀಡಬಲ್ಲ ಟಚ್ ಸ್ಕ್ರಿನ್ ಬ್ಲ್ಯಾಕ್ ಥೀಮ್ ಡ್ಯಾಶ್‌ಬೋರ್ಡ್ ಹೊಂದಿದ್ದು, ಆಪ್ಯಲ್ ಕಾರ್ ಪ್ಲೇಯ್ ನಿಮ್ಮ ಸುಖಕರ ಪ್ರಯಾಣಕ್ಕೆ ಸಹಾಯವಾಗಲಿದೆ.

ಸ್ಮಾರ್ಟ್ ಎಂಜಿನ್ ಹೊಂದಿರುವ ಸಿಯಾಜ್ ಹೈಬ್ರಿಡ್ ಕಾರ್, 1.4 ಲೀಟರ್ ಪೆಟ್ರೋಲ್ ಹಾಗೂ 1.3 ಲೀಟರ್ ಡೀಸೆಲ್ ಎಂಜಿನ್ ಹೊಂದಿದೆ. ಇದರಿಂದ ಆದ್ಯತೆ ಮೇರೆಗೆ ಕಾರು ಖರೀದಿಗೆ ಸುಲಭವಾಗಲಿದ್ದು, ಏಪ್ರಿಲ್ ಅಂತ್ಯಕ್ಕೆ ಬಿಡುಗಡೆಗೊಳ್ಳಲಿದೆ.

ಇನ್ನೂ ನೂತನ ಕಾರಿನ ಬೆಲೆ 8 ರಿಂದ 10 ಲಕ್ಷ ಎಂದು ಅಂದಾಜಿಸಲಾಗಿದ್ದು, ಬಿಡುಗಡೆ ನಂತರವಷ್ಟೇ ನಿಖರವಾಗಲಿದೆ. ಒಟ್ಟಿನಲ್ಲಿ ಬಿಡುಗಡೆಗೆ ಕಾಯ್ದಿರುವ ಸಿಯಾಜ್ ಕಾರು ಪ್ರತಿ ಸ್ಪರ್ಧಿಗಳಾದ ಹೋಂಡಾ ಸಿಟಿ, ಹುಂಡೈ ವೆರ್ನಾ, ಫೋಕ್ಸ್‌ವ್ಯಾಗನ್ ವೆಂಟೋ ಮತ್ತು ಸ್ಕೋಡಾ ರ‍್ಯಾಪಿಡ್‌ಗೆ ತೀವ್ರ ಪೈಪೋಟಿ ನೀಡಲಿದೆ.