125 ಸಿಸಿ ಸ್ಕೂಟರ್ ಬಿಡುಗಡೆ ಮಾಡಲಿರುವ ಟಿವಿಎಸ್

ನಿಮ್ಮ ಮಾಹಿತಿಗಾಗಿ, ಟಿವಿಎಸ್ 110 ಸಿಸಿಗೂ ಹೆಚ್ಚು ಎಂಜಿನ್ ಸಾಮರ್ಥ್ಯದ ಸ್ಕೂಟರ್ ಗಳನ್ನು ದೇಶದಲ್ಲಿ ಮಾರಾಟ ಮಾಡುತ್ತಿಲ್ಲ. ಹಾಗಾಗಿ 125 ಸಿಸಿ ಸ್ಕೂಟರ್ ಟಿವಿಎಸ್ ಪಾಲಿಗೆ ಹೊಸ ಅನುಭವವಾಗಲಿದೆ.

ಬಲ್ಲ ಮೂಲಗಳ ಪ್ರಕಾರ ಟಿವಿಎಸ್ 125 ಸಿಸಿ ಸ್ಕೂಟರ್ 2017 ವರ್ಷಾರಂಭದಲ್ಲೇ ಬಿಡುಗಡೆಯಾಗಲಿದೆ. ತನ್ಮೂಲಕ ಹೊಸ ಬ್ರಾಂಡ್ ರೂಪಿಸಿಕೊಳ್ಳುವುದು ಸಂಸ್ಥೆಯ ಇರಾದೆಯಾಗಿದೆ.

ಜೂಪಿಟರ್ ತರಹನೇ 125 ಸಿಸಿ ವಿಭಾಗದಲ್ಲೂ ಹೊಸ ಬ್ರಾಂಡ್ ಸ್ಥಾಪಿಸುವುದು ಟಿವಿಎಸ್ ಇರಾದೆಯಾಗಿದೆ. ಸದ್ಯಕ್ಕೆ ಜೂಪಿಟರ್ ಟಿವಿಎಸ್ ಪಾಲಿಗೆ ವರದಾನವಾಗಿದೆ.

ಪ್ರಮುಖವಾಗಿಯೂ ಹೋಂಡಾ ಆಕ್ಟಿವಾ 125, ಸುಜುಕಿ ಆಕ್ಸೆಸ್ 125 ಹಾಗೂ ಮಹೀಂದ್ರ ಗಸ್ಟೊ 125 ಮಾದರಿಗಳಿಗೆ ಟಿವಿಎಸ್ ನೂತನ ಸ್ಕೂಟರ್ ಪ್ರತಿಸ್ಪರ್ಧಿಯಾಗಲಿದೆ.

ಹೊಸೂರು ತಳಹದಿಯ ದೇಶದ ಮೂರನೇ ಅತಿ ದೊಡ್ಡ ದ್ವಿಚಕ್ರ ವಾಹನ ಸಂಸ್ಥೆಯಾಗಿರುವ ಟಿವಿಎಸ್, ಆಗಲೇ 125 ಸಿಸಿ ಸ್ಕೂಟರ್ ಅಭಿವೃದ್ಧಿ ಹಾಗೂ ವಿನ್ಯಾಸದಲ್ಲಿ ತೊಡಗಿಸಿಕೊಂಡಿದೆ.

ದೇಶದಲ್ಲಿ ಹೆಚ್ಚಿನ ಇಂಧನ ಸಾಮರ್ಥ್ಯದ ಸ್ಕೂಟರ್ ಗಳಿಗೆ ಬೇಡಿಕೆ ನಿಧಾನವಾಗಿ ವರ್ಧಿಸುತ್ತಿದೆ. ಇದರಂತೆ ಭದ್ರ ಅಡಿಪಾಯ ಹಾಕಿಕೊಳ್ಳುವುದು ಟಿವಿಎಸ್ ಗುರಿಯಾಗಿರಲಿದೆ.

125 ಸಿಸಿ ವಿಭಾಗದಲ್ಲಿ ಸುಜುಕಿ ಆಕ್ಸೆಸ್ ಹೆಚ್ಚಿನ ಜನಪ್ರಿಯತೆ ಕಾಪಾಡಿಕೊಂಡಿದೆ. ಇದಕ್ಕೆ ಪ್ರತಿಸ್ಪರ್ಧಿಯಾಗಿ ಹೋಂಡಾ ಆಕ್ಟಿವಾ ಕಣಕ್ಕಿಳಿದಿತ್ತು.

ಏತನ್ಮಧ್ಯೆ ದೇಶದ ಅತಿ ದೊಡ್ಡ ಹೀರೊ ಮೊಟೊಕಾರ್ಪ್ ಮತ್ತು ಜಪಾನ್ ಮೂಲದ ಯಮಹಾ ಮೋಟಾರು ಸಂಸ್ಥೆಯು ಇನ್ನಷ್ಟೇ 125 ಸಿಸಿ ಸ್ಕೂಟರ್ ವಿಭಾಗಕ್ಕೆ ಕಾಲಿಡಬೇಕಿದೆ.