ಷೋರೂಂನಿಂದ ನ್ಯಾನೋ ನೇರ ನಿಮ್ಮ ಮನೆಗೆ

ಪಣಜಿ, ಜೂ.10: ಗುಜರಾತ್ ನ ಸನಂದ್ ನಲ್ಲಿ ಟಾಟಾ ನ್ಯಾನೋ ಕಾರು ಉತ್ಪದನಾ ಘಟಕ ಆರಂಭಿಸಿದ ಬೆನ್ನಲ್ಲೇ, ಗ್ರಾಹಕರಿಗೆ ಸಂತಸದ ಸುದ್ದಿಯನ್ನು ಟಾಟಾ ಮೋಟರ್ಸ್ ಹೊರಹಾಕಿದೆ.

ಮುಗಂಡ ಬುಕ್ಕಿಂಗ್ ಮಾಡಿ, ಕಾದು ಕಾದು ಸುಸ್ತಾಗಿ ಮುಖ ಬಾಡಿಸಿಕೊಂಡ ಗ್ರಾಹಕರ ಮುಖದಲ್ಲಿ ನಗು ಮೂಡಿಸಲು ನಿರ್ಧರಿಸಿರುವ ಟಾಟಾ, ಷೋರೂಮ್ ನಿಂದ ನೇರವಾಗಿ ನ್ಯಾನೋ ಕಾರು ಖರೀದಿಸುವ ಅವಕಾಶ ಕಲ್ಪಿಸಿದೆ.

ಈ ಸೌಲಭ್ಯ ಆಗಸ್ಟ್ ಅಥವಾ ಸೆಪ್ಟೆಂಬರ್ ವೇಳೆಗೆ ಜಾರಿಗೆ ಬರಲಿದ್ದು, ಗ್ರಾಹಕರು ಷೋರೂಂನಿಂದ ನೇರ ಮನೆಗೆ ಕಾರು ಒಯ್ಯಬಹುದು ಎಂದು ಟಾಟಾ ಮೋಟರ್ಸ್ ನ ಹಿರಿಯ ವ್ಯವಸ್ಥಾಪಕ ಮನೋಜ್ ಅರೋರಾ ಬುಧವಾರ ಹೇಳಿದರು.

ಸನಂದ್ ನ 1100 ಎಕರೆ ವಿಸ್ತೀರ್ಣದಲ್ಲಿ ನಿರ್ಮಾಣವಾಗಿರುವ ನ್ಯಾನೋ ಉತ್ಪಾದನಾ ಘಟಕಕ್ಕೆ ಟಾಟಾ ಸುಮಾರು 2000 ಕೋಟಿ ರೂಪಾಯಿಗಳ ಹೂಡಿಕೆ ಮಾಡಿದ್ದೇವೆ. ವಾರ್ಷಿಕವಾಗಿ 2.5 ಲಕ್ಷ ನ್ಯಾನೋ ಕಾರುಗಳನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಈ ಘಟಕ ಹೊಂದಿದೆ.

2009 ರಿಂದ ಸುಮಾರು 35 ಸಾವಿರ ನ್ಯಾನೋ ಕಾರುಗಳನ್ನು ಭಾರತದ ರಸ್ತೆಗಿಳಿಸಿದ್ದೇವೆ. ಅಡ್ವಾಸ್ ಬುಕ್ಕಿಂಗ್ ನಲ್ಲಿ ಇದ್ದ ಗೊಂದಲಗಳು ನಿವಾರಣೆಯಾಗಿದೆ ಎಂದು ಮನೋಜ್ ತಿಳಿಸಿದರು.