ಹೋಂಡಾ ಸಿವಿಕ್ ಕಾರಿಗೆ ಹೊಸ ಅವತಾರ

ಗ್ರಾಹಕರ ಬೇಡಿಕೆಯಿಂದಾಗಿ ನೂತನ ಸನ್ ರೂಫ್ ಕಾರನ್ನು ತಂದಿರುವುದಾಗಿ ಹೋಂಡಾ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಹೊಸ ಸನ್ ರೂಫ್ ಸಿವಿಕ್ ಆರಾಮದಾಯಕ ಸವಾರಿಗೆ ಸೂಕ್ತವಾಗಿದ್ದು ಇಂಟಿರಿಯರ್ ಹೊಸ ಅನುಭವ ನೀಡುತ್ತದೆ. ಹೊಸ ಸನ್ ರೂಫ್ ಕಾರನ್ನು ಗ್ರಾಹಕರು ಆಟೋಮ್ಯಾಟಿಕ್ ಅಥವಾ ಮ್ಯಾನುಯಲ್ ಆವೃತ್ತಿಗಳಲ್ಲಿ ಆಯ್ಕೆ ಮಾಡಿಕೊಳ್ಳಬಹುದು.

ಮ್ಯಾನುಯಲ್ ಟ್ರಾನ್ಷ್ ಮಿಷನ್ ನ ಹೊಸ ಸಿವಿಕ್ ದರ(ದೆಹಲಿ ಎಕ್ಸ್ ಷೋರೂಂ) 13.53 ಲಕ್ಷ ರೂಪಾಯಿ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಕಾರ್ ದರ 14.27 ಲಕ್ಷ ರೂಪಾಯಿ ಆಗಿದೆ. ನೂತನ ಸಿವಿಕ್ 1.8 ಲೀಟರ್ ನ ಐ-ವಿಟಿಇಸಿ ಎಂಜಿನ್ ಹೊಂದಿದೆ. ಇದರಲ್ಲಿ ಆಟೋಮ್ಯಾಟಿಕ್ ಬ್ರೇಕಿಂಗ್ ಸಿಸ್ಟಮ್, ಎಲೆಕ್ಟ್ರಾನಿಕ್ ಬ್ರೇಕಿಂಗ್ ಡಿಸ್ಟ್ರಿಬ್ಯೂಷನ್, ಎರಡು ಏರ್ ಬ್ಯಾಗ್ ಮತ್ತು ಜಿ-ಕಾನ್ ಇತ್ಯಾದಿ ಸೇಫ್ಟಿ ಫೀಚರ್ ಗಳಿವೆ. [ಕಾರು]